សម្ដេចពិជ័យសេនា ទៀ បាញ់ បានឯកភាពកំណត់ប្រភេទកីឡាចំនួន៤០ប្រភេទ និងទីតាំង៥ធំៗ សម្រាប់ការរៀបចំការប្រកួតកីឡាស៊ីហ្គេមឆ្នាំ២០២៣ ក្នុងពេលដែលកម្ពុជាធ្វើជាម្ចាស់ផ្ទះ។

មនុស្សទាំងក្នុងនិងក្រៅប្រទេស បានទាមទារឲ្យទណ្ឌិតសមរង្ស៊ីត្រូវប្រគល់លុយមូលនិធិទូរទស្សន៍ព្រះអាទិត្យ Sun TV ដែលប្រមូលបានយ៉ាងហោច៧០ម៉ឺ​​នដុល្លារ, ក្រោយមកលុយនៃផែនការមាតុភូមិនិវត្តន៍៩ វិច្ឆិកា ២០១៩ ដែលប្រមូលបាន៣០ម៉ឺនដុល្លារ ដើម្បីជួយប្រជាពលរដ្ឋដែលរងនឹងវិបត្តិកូវីដ១៩។

ជនសង្ស័យវាយសម្លាប់យោធិនដែលយាមមណ្ឌលព្យាបាលកូវីដ១៩នៅក្នុងខេត្តត្បូងឃ្មុំ ត្រូវគេរាយការណ៍ ថាបានបាត់បង់ជីវិតដោយការគាំងបេះដូងក្នុងពេលរងឥទ្ធិពលធ្វើទុក្ខថ្នាំញៀននៅថ្ងៃនេះ។ មន្ត្រីសុខាភិបាលមន្ទីរពេទ្យបង្អែកពញាក្រែក ក្នុងខេត្តត្បូងឃ្មុំ បានអោយដឹងថា ជនសង្ស័យនោះ បានគាំងបេះ ដូងស្លា​ប់នៅព្រឹកថ្ងៃទី២៨ ខែឧសភានេះ។

អ្នកដែលបានចេញចូលនៅហាង ពន្លក ៩៩ ក្នុងសង្កាត់ស្រះចក ត្រូវប្រញាប់ធ្វើចត្តាឡីស័ក និងតាមដានសុខភាព។ ទីតាំងហាងពន្លក៩៩លក់គ្រឿងតុបតែងឡាន មានទីតាំងស្ថិតនៅផ្លូវព្រះមុនីវង្ស, សង្កាត់ស្រះចក នៃ ខណ្ឌដូនពេញ។

ពលរដ្ឋដែលធ្លាប់ចេញចូលហាងតូតាសូមប្រញាប់ធ្វើចត្តាឡីស័ក និងតាមដានសុខភាព។ ហាង តូតា មាន ទីតាំងស្ថិតនៅផ្ទះលេខ ៥៦៤-៥៦៦ ផ្លូវលេខ១២៨ នៃវិថីកម្ពុជាក្រោម, សង្កាត់ផ្សារដេប៉ូទី២ ខណ្ឌទួលគោក។

ប្រជាពលរដ្ឋណាដែលធ្លាប់បានធ្វើទំនាក់ទំនងជាមួយបុគ្គលិកក្រុមហ៊ុនម៉ែនញូឡាយ (Manulife) សាខាទួលគោក ត្រូវប្រញាប់ធ្វើចត្តាឡីស័ក និងតាមដានសុខភាព។ ក្រុមហ៊ុន ម៉ែនញូឡាយ (Manulife) សាខាទួលគោក មានទីតាំងស្ថិតនៅសង្កាត់បឹងកក់១ ក្នុងខណ្ឌទួលគោក ។

ពលរដ្ឋច្រើនគ្រួសារក្នុងតំបន់ពណ៌លឿងក្នុងសង្កាត់បឹងទំពុនទី១ នៃខណ្ឌមានជ័យ បានទទួលអំណោយជាស្បៀងអាហារពីប្រធានក្រុមការងារចុះជួយសង្កាត់បឹងទំពុនទី១។ ប្រធានក្រុមការងារចុះជួយសង្កាត់បឹងទំពុនទី១ គឺលោកឧត្តមសេនីយ៍ ស ថេត អគ្គស្នងការរងនគរបាលជាតិ និងជាស្នងការនគរបាលរាជធានី។