ខេត្តកំពង់ធំ បានរកឃើញករណីវិជ្ជមានកូវីដ១៩ថ្មីចំនួន១៧នាក់ ថែមទៀតនៅក្នុងរយៈពេល២៤ម៉ោងចុង ក្រោយនេះ។ យោងតាមរដ្ឋបាលខេត្ត ក្នុងចំណោមអ្នកឆ្លងថ្មីទាំង ១៧នាក់ នៅថ្ងៃនេះ គឺជាការឆ្លងនៅក្នុង សហគមន៍ចំនួន១៦នាក់ និងម្នាក់ទៀតបានឆ្លងលើពលករទើបត្រលប់មកពីប្រទេសថៃ។ ការរកឃើញ ឆ្លងថ្មី នៅថ្ងៃនេះ ត្រូវគេមើលឃើញថា ជាចំនួនដែលស្រកចុះជាងកាលពីម្សិលម៉ិញចំនួន ៥នាក់ ដែលម្សិលម៉ិញ ត្រូវបានគេរកឃើញចំនួន ២២នាក់ ។

ខេត្តសៀមរាបបានរកឃើញអ្នកវិជ្ជមានកូវី១៩ថ្មី ចំនួន៤នាក់ ក្នុងរយៈពេល២៤ម៉ោងចុងក្រោយនេះ។ តួលេខឆ្លង៤នាក់នៅថ្ងៃនេះ គឺបានថយចុះម្នាក់ បើប្រៀបធៀបនឹងការឆ្លងម្សិលមិញមានចំនួន៥នាក់។ យោងតាមរដ្ឋ បាលខេត្ត អ្នកវិជ្ជមានជំងឺកូវីដ១៩ ថ្មី ទាំងចំនួន៤នាក់នោះ រួមមានអ្នកឆ្លង៣នាក់ ជាការឆ្លងចូលក្នុងសហគមន៍, ចំណែកម្នាក់ទៀតជាអ្នកមកពីប្រទេសថៃ។

ខេត្តកំពង់ចាមរកឃើញអ្នកមានវិជ្ជមានកូវីដថ្មីចំនួន២៣នាក់បន្ថែមទៀត ក្នុងរយៈពេល២៤ម៉ោងចុងក្រោយ។ ការរកឃើញថ្ងៃនេះ ជាតួលេខថយចុះបើប្រៀបធៀបនឹងម្សិលមិញការឆ្លងកូវីដថ្មីមានចំនួន៣៥នាក់។ យោងតាមរដ្ឋបាលខេត្ត អ្នកឆ្លងថ្មីដែលរកឃើញនៅថ្ងៃនេះ គឺក្នុងចំណោមមនុស្សធ្វើតេស្តសារុបរួម៤៥២នាក់។

ខេត្តព្រៃវែងបានរកអ្នកឆ្លងជំងឺកូវីដ១៩ថ្មីចំនួន១០នាក់នៅក្នុងរយៈពេល២៤ម៉ោងចុងក្រោយនេះ។ កាលពីម្សិលមិញខេត្តព្រៃវែងបានរកឃើញអ្នកឆ្លង២៥នាក់ដែលនាំឲ្យការឆ្លងក្នុងរយៈពេល២ថ្ងៃជាប់គ្នានេះមានចំនួន ៣៥ នាក់ហើយ។

ខេត្តបាត់ដំបង បានរកឃើញអ្នកវិជ្ជមានកូវីដថ្មីចំនួន១០នាក់បន្ថែមទៀតក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្ត ក្នុងចំណោមអ្នកឆ្លងថ្មីទាំងនោះ រួមមាន៧នាក់ជាពលករមកពីប្រទេសថៃ និង៣នាក់ជា អ្នកធ្វើដំណើរមកពីរាជធានីភ្នំពេញ។

ខេត្តស្វាយរៀងបាន រកឃើញអ្នកជំងឺកូវីដថ្មី ចំនួន៥០នាក់ នៅថ្ងៃនេះ។ សេចក្តីរាយការណ៍២៤ម៉ោងមុននេះ បានឲ្យដឹងដែរថា ខេត្តស្វាយរៀងបានរកឃើញការឆ្លង៧៤នាក់ផងដែរ ដែលនាំឲ្យការឆ្លងសារុបថ្ងៃនេះ មាន ចំនួន១២៤នាក់។