ខេត្តសៀមរាបរកឃើញអ្នកវិជ្ជមានជំងឺកូវី១៩ ថ្មីចំនួន៥នាក់ ក្នុងរយៈពេល២៤ម៉ោងចុងក្រោយនេះ។ យោងតាម រដ្ឋបាលខេត្ត ក្នុងចំណោមអ្នកឆ្លងទាំង៥នាក់ មាន៤នាក់ជាអ្នកដំណើរមកពីរាជធានីភ្នំពេញ និង ម្នាក់ ទៀតគឺជា អ្នកបើកបររថយន្តដឹកអ្នកដំណើរ។

ខេត្តបន្ទាយមានជ័យ បានរកឃើញអ្នកឆ្លងកូវីដ-១៩ថ្មី ចំនួន៤៤នាក់ បន្ថែមទៀតក្នុងរយៈពេល ២៤ម៉ោង ចុង ក្រោយនេះ ។ តួលេខឆ្លងនេះ ត្រូវគេឃើញថាបានធ្លាក់ចុះចំនួន១៦នាក់ បើប្រៀបធៀបនឹងការឆ្លងម្សិលមិញ ដែលមានចំនួនច្រើនដល់៦០នាក់។

ខេត្តកំពង់ចាមបានរកឃើញអ្នកមានវិជ្ជមានកូវីដ-១៩ ចំនួន៣៥នាក់បន្ថែមទៀត ក្នុងរយៈពេល២៤ម៉ោងចុង ក្រោយនេះ។ ខេត្តកំពង់ចាមកាលពីម្សិលម្ងៃ មានករណីឆ្លងថ្មីចំនួន៧៧នាក់, ចំណែកការឆ្លងពីម្សិលមិញបាន ធ្លាក់មកនៅ៥៣នាក់ និងនៅថ្ងៃនេះ បានធ្លាក់ចុះមកនៅត្រឹម៣៥នាក់។ គិតសរុបទាំង៣ថ្ងៃកន្លងមកនេះ ការឆ្លង មានចំនួន១៦៦នាក់ហើយ។

កម្ពុជានិងវៀតណាម គ្រោងដាក់ឲ្យដំណើរការច្រកទ្វារអន្តរជាតិម៉ឺនជ័យ-តឺនណាម នៅថ្ងៃទី៣១ ខែឧសភា ខាងមុខនេះជាមួយនឹងក្តីរំពឹងរកភាពធូរស្រាលនៃការឆ្លងចូលក្នុងសហគមន៍របស់ប្រទេសទាំង២។ ពិធីប្រកាស ដាក់ឲ្យដំណើរការច្រកអន្តរជាតិថ្មីនេះ ត្រូវគេបញ្ជាក់ថា នឹងត្រូវរៀបចំឡើងដោយរដ្ឋបាលខេត្តព្រៃវែង របស់កម្ពុ ជា សហការជាមួយរដ្ឋបាលខេត្តតៃនីង របស់វៀតណាម ដោយអនុវត្តវិធានការ និងគោលការណ៍ណែនាំនានា របស់រាជរដ្ឋាភិបាល និងក្រសួងសុខាភិបាល ក្នុងការទប់ស្កាត់ការរីករាលដាលជំងឺកូវីដ១៩ ឲ្យមានប្រសិទ្ធភាព។

យុទ្ធនាការផ្ការីកចាក់វ៉ាក់សាំងទូទាំងប្រទេស បានចាក់លើមនុស្សចំនួន២លាន៣សែន៦ម៉ឺន២ពាន់១០១នាក់ ហើយដែលស្មើនឹងជាង២៣ ភាគរយនៃចំនួនប្រជាជននៃគំរោងចាក់យ៉ាងហោច១០លាននាក់ដើម្បីភាពស៊ាំ នៅក្នុងប្រទេសកម្ពុជា។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៤ពាន់ ៨៩៥ករណី និងការស្លាប់ថ្មីមានចំនួន៤៥៦នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មី សរុបចំនួន៦៤៩ករណី ក្នុងនោះ៦៣៣ករណីជា ការដែលឆ្លងក្នុងសហគមន៍, និង១៦ករណីទៀតជាការនាំចូលពី ក្រៅប្រទេស។

រាជធានីភ្នំពេញ បានរកឃើញអ្នកឆ្លងកូវីដ១៩ថ្មីចំនួន២៩៩នាក់ ដែលជាចំនួនធ្លាក់ចុះតិចតួចបើប្រៀបធៀបនឹង ម្សិលមិញ។ កាលពីថ្ងៃទី២៦ឧសភា ការឆ្លងចូលក្នុងរាជធានីមានចំនួន៣១០នាក់ ចំណែកការឆ្លងក្នុងរយៈពេល ២៤ម៉ោងចុងក្រោយនេះ មានតួលេខថយចុះ១១នាក់។ គិតចាប់តាំងពីដើមសប្តាហ៍ថ្ងៃច័ន្ទនោះមក ការឆ្លងក្នុង រាជធានីភ្នំពេញ មានសរុប១ពាន់១១៤នាក់ហើយ ដែលជាតួលេខបង្ហាញការមិនទាន់ធូរស្បើយនៅឡើយទេក្នុង ការឆ្លងចូលនៅរាជធានីភ្នំពេញនេះ។

ការឆ្លងចូលក្នុងសហគមន៍នៅថ្ងៃព្រហស្បតិ៍នេះ មិនមានការស្រកចុះនោះទេ។ ការឆ្លងកូវីដ១៩ថ្មីក្នុងរយៈ ពេល២៤ម៉ោងចុងក្រោយនេះ បានកើនឡើងចំនួន៧ករណី បើប្រៀបធៀបកាលឆ្លងកាលពីម្សិល។ កាលពីថ្ងៃពុធ ការឆ្លងចូលក្នុងសហគមន៍មាន៦២៦ករណី, ចំណែកនៅថ្ងៃព្រហស្បតិ៍នេះ ការឆ្លងចូលក្នុងសហគមន៍មាន៦៣៣ ករណី។

ប្រមុខរាជរដ្ឋាភិបាលកម្ពុជា បានកំណត់យកកាលបរិច្ឆេទថ្ងៃទី២៥និងថ្ងៃទី២៦វិច្ឆិកា ឆ្នាំ២០២១ ដើម្បីធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ី-អឺរ៉ុបលើកទី១៣។ កិច្ចប្រជុំកំពុលអាស៊ី-អឺរ៉ុប លើកទី១៣ដែលកម្ពុជាគ្រោង នឹងធ្វើជាម្ចាស់ផ្ទះ ត្រូវបានលើកពេលជាបន្តបន្ទាប់ដោយសារតែជម្ងឺឆ្លងរាតត្បាតកូវីដ១៩។ ការពន្យាពេលពីឆ្នាំ ២០២០ គ្រោងមកពាក់កណ្តាលឆ្នាំ២០២១ និងពន្យាពីពាក់កណ្តាលឆ្នាំនោះ មកចុងឆ្នាំវិញដោយសារតែវិបត្តិនៃ ជម្ងឺកូវីដ១៩មិនទាន់បានស្រាកស្រាន។