ខេត្តឧត្តរមានជ័យបានរកឃើញការឆ្លងកូវីដថ្មីចំនួន៣នាក់នៅថ្ងៃនេះ។ យោងតាមរដ្ឋបាលខេត្ត អ្នកឆ្លងថ្មីទាំង៣ នាក់នោះ គឺជាករណីពលករនាំចូលមកពីប្រទេសថៃ។ ខេត្តឧត្តរមានជ័យមានការឆ្លងសារុបចំនួន៣៣ករណី ក្នុង នោះ៣១ករណីជាការនាំចូលមកពីប្រទេសថៃ និងមាន២ករណីដែលជាការឆ្លងចូលក្នុងសហគមន៍។ ខេត្តឧត្តរមានជ័យបានព្យាបាលជាសះស្បើយសរុប៧នាក់ក្នុងនោះរួមមានម្នាក់ដែលទើបព្យាបាលជាសះស្បើយក្នុងរយៈ ២៤ម៉ោងចុងក្រោយនេះ។

ខេត្តកំពង់ឆ្នាំងបានរកឃើញអ្នកឆ្លងកូវីដ១៩ថ្មីចំនួន១៤នាក់បន្ថែមទៀតក្នុងរយៈពេល២៤ម៉ោងចុងក្រោយនេះ។ កាលពីម្សិលមិញ ខេត្តបានរកឃើញអ្នកឆ្លងថ្មីចំនួន១៥នាក់ផងដែរ ដែលនាំឲ្យការរកឃើញឆ្លងជាប់គ្នា២ថ្ងៃមកនេះ បានកើនដល់២៩នាក់ហើយ។

ខេត្តពោធិ៍សាត់ បានរកឃើញអ្នកឆ្លងថ្មីចំនួន២នាក់នៅថ្ងៃនេះដែលនាំឲ្យចំនួនអ្នកឆ្លងសរុបបានកើនដល់៩២ នាក់ហើយ។ យោងតាមរដ្ឋបាលខេត្ត អ្នកឆ្លងថ្មីទាំង២នាក់នេះ រួមមានអ្នកមកពីខេត្តព្រះសីហនុម្នាក់និងម្នាក់ ទៀតជាមនុស្សដែលប៉ះពាល់អ្នកមានវិជ្ជមានកូវីដ១៩។ ខេត្តពោធិ៍សាត់មានអ្នកឆ្លងសរុប៩២នាក់ក្នុងនោះរួម មានស្ត្រី៤៦នាក់, ជាសះស្បើយ១៧នាក់និងមានមនុស្សស្លាប់ម្នាក់ផងដែរដោយសារកូវីដ១៩។

ខេត្តបាត់ដំបង រកឃើញអ្នកវិជ្ជមានកូវីដ១៩ចំនួន១៣នាក់បន្ថែមទៀតក្នុងរយៈពេល២៤ម៉ោងចុងក្រោយនេះ។ កាលពីម្សិលមិញ ខេត្តបាត់ដំបងបានរកឃើញអ្នកឆ្លងថ្មី១៦នាក់។

ខេត្តបន្ទាយមានជ័យក្នុងរយៈពេល២៤ម៉ោងចុងក្រោយនេះផងដែរ បានរកឃើញអ្នកឆ្លងថ្មីចំនួន៦០នាក់។ កាលពីម្សិលមិញខេត្តបន្ទាយមានជ័យ បានរកឃើញការឆ្លងថ្មីចំនួន៩០នាក់ដែលនាំឲ្យការឆ្លងក្នុងរយៈពេល២ថ្ងៃជាប់គ្នានេះ មានចំនួន១៥០នាក់ហើយ។

ខេត្តសៀមរាប បានរកឃើញអ្នកមានវិជ្ជមានជំងឺកូវី-១៩ ថ្មីចំនួន៣នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្ត អ្នកមានវិជ្ជមានទាំង៣នាក់នោះ គឺជាពលរដ្ឋធ្វើដំណើរមកពីរាជធានីភ្នំពេញ។ អ្នកឆ្លងទាំង៣ត្រូវបានគេរកឃើញក្នុងចំណោមអ្នកធ្វើតេស្តសរុបចំនួន៣២នាក់ ដែលសុទ្ធតែជាអ្នកធ្វើដំណើររួមជាមួយ គ្នាតាមរថយន្ត។

ខេត្តកំពង់ចាម បានរកឃើញអ្នកឆ្លងកូវីដថ្មីចំនួន៥៣នាក់ថែមទៀតក្នុងរយៈពេល២៤ម៉ោងចុងក្រោយនេះ។ កាលពីម្សិលមិញខេត្តកំពង់ចាមបានរកឃើញការឆ្លងថ្មីចំនួន៧៧នាក់ ដែលនាំឲ្យការឆ្លងក្នុងរយៈពេល២ថ្ងៃជាប់ គ្នានេះ មានចំនួន១៣០នាក់ហើយ។

ខេត្តតាកែវរកឃើញអ្នកឆ្លងកូវី១៩ថ្មីចំនួន៣៧នាក់បន្ថែមទៀតក្នុងរយៈពេល២៤ម៉ោងចុងក្រោយ។ កាលពីម្សិលមិញ ខេត្តបានរកឃើញការឆ្លងថ្មី៤៩ករណី។ យោងតាមរដ្ឋបាលខេត្ត អ្នកវិជ្ជមានទាំង៣៧នាក់ថ្មីនោះរួម មាន ២២នាក់រស់នៅស្រុកបាទី, ៤នាក់រស់នៅស្រុកសំរោង, ៤នាក់រស់នៅស្រុកកោះអណ្ដែត, ៤នាក់នៅស្រុកទ្រាំង និង៣នាក់ទៀតរស់នៅស្រុកគិរីវង់, ស្រុកព្រៃកប្បាស , និងក្រុងដូនកែវ។

ខេត្តព្រៃវែងមានអ្នកឆ្លងជំងឺកូវីដ១៩ថ្មីចំនួន២២នាក់ ក្នុងរយៈពេល២៤ម៉ោងចុងក្រោយ។ យោងតាមរដ្ឋបាល ខេត្តព្រៃវែង អ្នកឆ្លងថ្មីទាំង២២នាក់នោះ រួមមាន នៅក្នុងស្រុកព្រះស្តេច ចំនួន៧នាក់, ស្រុកពារាំងចំនួន៨នាក់, ស្រុកពាមជរ ចំនួន២នាក់, ស្រុកស៊ីធរកណ្តាលចំនួន៣នាក់, ស្រុកបាភ្នំម្នាក់ និងស្រុកស្វាយអន្ទរម្នាក់។

អ្នកនាំពាក្យក្រសួងយុត្តិធម៌បានថ្លែងព្រមានចំពោះអ្នកណាដែលមិនសហការជាមួយនឹងក្រសួងសុខាភិបាល ក្នុងការយក វត្ថុ សំណាកវិភាគរកមេរោគកូវីដ១៩។ មន្ត្រីក្រសួងយុត្តិធម៌ បានថ្លែងបញ្ជាក់ថាអ្នកមិនសហការនោះ អាចត្រូវពិន័យអន្តរការណ៍ពី១លានរៀល ទៅ ៥លានរៀល និងអាចជាប់ពន្ធនាគាររហូតដល់៥ឆ្នាំ។