ការផ្ទុះឆ្លងក្នុងតំបន់មួយចំនួនដែលធ្វើឲ្យរាជធានីមិនទាន់អាចស្រាកស្រានបាននូវជម្ងឺកូវីដ១៩ បានជម្រុញឲ្យ​អភិបាលរាជធានីភ្នំពេញលោក ឃួង ស្រេង បានដាស់តឿនមន្ត្រីអាជ្ញាធរខណ្ឌ ដែលមានតំបន់បិទខ្ទប់ជាតំបន់លឿងទុំ ត្រូវយកចិត្តទុកដាក់អោយបានម៉ត់ចត់បំផុតនូវវិធានការបង្កានិងទប់ស្កាត់ការឆ្លងកូវីដ១៩។

អ្នកទោសជាង១០០នាក់ក្នុងពន្ធនាគារខេត្តកណ្តាល ត្រូវបានគេរកឃើញឆ្លងកូវីដ១៩ ក្នុងចំណោមអ្នកឆ្លងថ្មីចំនួន២៤៩ នាក់នៅក្នុងខេត្តកណ្តាល។ យោងតាមរដ្ឋបាលខេត្តអ្នកឆ្លងថ្មីទាំង២៤៩នាក់នេះ ត្រូវបានរកឃើញឆ្លង កាលពីយប់ថ្ងៃទី២៥ឧសភា។

រដ្ឋាភិបាលចិនបានថ្វាយម៉ាសវេជ្ជសាស្តចំនួន២០ម៉ឺនបន្ទះ ដល់ព្រះមហាក្សត្រ និងសម្តេចម៉ែជាទីគោរពសក្ការៈ ក្នុងការជួយប្រទេសកម្ពុជាប្រឆាំងនឹងជម្ងឺកូវីដ១៩។ កម្ពុជានិងប្រទេសចិនគឺជាប្រទេសមិត្តភាពដែកថែប និងថ្មីៗ នេះទៀត តបនឹងប្រសាសន៍ចំពោះសម្តេចតេជោហ៊ុនសែន ដែលបានបង្ហាញការពិតចំពោះពិភពលោកជុំវិញ ជំនួយ របស់ប្រទេសចិនក្នុងការជួយអភិវឌ្ឍន៍ប្រទេសនិងជំនួយវ៉ាក់សាំង ដើម្បីការចាក់បង្កាជួយពលរដ្ឋកម្ពុជា ផុតពីជម្ងឺឆ្លងកូវីដ១៩នោះ មន្ត្រីនាំពាក្យការបរទេសចិនលោក ហ្សាវ លី ជាន បានថ្លែងបញ្ជាក់ថាប្រទេសចិន នឹងបន្ត ផ្តល់ជំនួយតាមលទ្ធភាពមកកាន់ប្រទេសកម្ពុជាបន្ថែមទៀតសម្រាប់ការអភិវឌ្ឍន៍សេដ្ឋកិច្ចនិងការកែលំ អជីវភាពរស់នៅរបស់​ប្រជាជនកម្ពុជា។

សហព័ន្ធកីឡាបាល់ទាត់កម្ពុជា (FFC) បានបញ្ចេញបញ្ជីឈ្មោះជាផ្លូវការ នៃក្រុមបាល់ទាត់ ជម្រើសជាតិកម្ពុជា នៅថ្ងៃនេះ ដើម្បីត្រៀមការប្រកួតជម្រុះជុំទី២ ពូលC នៃព្រឹត្តិការណ៍បាល់ទាត់ពិភពលោក FIFA World Cup Qatar 2022។ ការប្រកួតជម្រុះជុំទី២ នៃពូល C នឹងមានចំនួន៣ប្រកួត ចុងក្រោយ ចាប់ពីថ្ងៃទី៣ខែមិថុនា ឆ្នាំ ២០២១តទៅ។

អាងស្តុកទឹកកំពីងពួយ ខេត្តបាត់ដំបង ដែលមានសមត្ថភាពស្រោចស្រពដំណាំប្រជាពលរដ្ឋច្រើនម៉ឺនហិចតា ត្រូវបានរាជរដ្ឋាភិបាលសម្រេចកសាងជួសជុលស្តាកែលម្អ បន្ទាប់ពីរងការខូចខាតដោយសារទឹកជំនន់កន្លងមកនេះ។ មន្ត្រីជំនាញធនធានទឹក កាលពីចុងសប្តាហ៍មកនេះ បានចុះពិនិត្យ និងគ្រោងពង្រីកឱ្យកាន់រឹងមាំ ដើម្បីស្តុកទឹកសម្រាប់ផ្គត់ផ្គង់ដំណាំស្រូវប្រាំងប្រជាពលរដ្ឋ យ៉ាងហោចអោយបានប្រមាណ១២ម៉ឺនហិកតា។

យ៉ាងហោចមនុស្ស៥នាក់បានស្លាប់ក្រោយការទទួលទានស្រាស នៅក្នុងខេត្តកំពត។ ស្នងការនគរបាលខេត្ត លោក ម៉ៅ ចន្ទមធុរិទ្ធ បានបញ្ជាក់នៅថ្ងៃនេះថាក្នុងចំណោមអ្នកស្លាប់ទាំង៥នាក់ រួមមានស្ត្រីម្នាក់។ អ្នករងគ្រោះ ប្រមាណជាង២០នាក់ទៀត កំពុងស្ថិតក្នុងការជួយសង្គ្រោះនៅមន្ទីរពេទ្យ។