ប្រជាពលរដ្ឋដែលធ្លាប់មានទំនាក់ទំនងជាមួយកម្លាំងក្រុមសន្តិសុខការពារផ្ទះឯកអគ្គរាជទូតចក្រភពអង់គ្លេស ក្នុងរាជធានីភ្នំពេញ ត្រូវប្រញាប់ធ្វើចត្តាឡីស័ក និងតាមដានសុខភាព។ និវេសនដ្ឋាន របស់ឯកអគ្គរាជទូតចក្រ ភពអង់គ្លេស មានទីតាំងផ្ទះលេខ២០, ផ្លូវលេខ២៤០, សង្កាត់ចតុមុខ ក្នុងខណ្ឌដូនពេញ។

វិបត្តិនៃជម្ងឺកូវីដ១៩ បានបង្ខំឲ្យកម្ពុជាប្រែក្លាយកន្លែងមួយចំនួនក្នុងនោះរួមមានសណ្ឋាគារ, មជ្ឈមណ្ឌលពាណិជ្ជកម្ម និងសាលារៀនផងដែរ ប្រែក្លាយជាមណ្ឌលព្យាបាលដើម្បីការជួយសង្គ្រោះជីវិតប្រជាពលរដ្ឋ។ កងកម្លាំង បញ្ជាដ្ឋានកងទ័ពជើងគោក បានចូលរួមយ៉ាងសកម្មជាមួយនឹងក្រុមយុទ្ធជនអាវ សនៃសមាគមក្រុមគ្រូពេទ្យស្ម័គ្រ ចិត្តយុវជនសម្តេចតេជោTYDA រួមសហការជាមួយនឹងក្រុមវេជ្ជបណ្ឌិតនានាទូទាំងប្រទេស ក្នុងជួយរៀបចំអតីត សណ្ឋាគារ, មជ្ឈមណ្ឌលពាណិជ្ជកម្មនិងទីបរិវេណសាលារៀន ទាំងនោះ ដើម្បីការជួយសង្គ្រោះប្រជាពលរដ្ឋ ដែលរងគ្រោះ។

ខេត្តព្រះសីហនុ មានអ្នកឆ្លងកូវីដថ្មីចំនួន៨នាក់នៅថ្ងៃនេះនិងអ្នកឆ្លងទាំង៨នាក់នោះ ត្រូវបានគេបញ្ចេញអត្តសញ្ញាណដើម្បីស្វែងរកការកំចាត់ប្រភពឫសគល់ជាប់ពាក់ព័ន្ធ។ យោងតាមរដ្ឋបាលខេត្តព្រះសីហនុ អ្នកឆ្លងទាំង ៨នាក់នោះ គឺជាកម្មកររោងចក្រ, អាជីវករ និងក្រុមគ្រួសាររបស់ពួកគេ។

ខេត្តកំពង់ធំ បានរកឃើញករណីវិជ្ជមានកូវីដចំនួន៧នាក់ ក្នុងរយៈពេល២៤ម៉ោងចុងក្រោយ។ យោងតាមរដ្ឋ បាលខេត្តអ្នកឆ្លងថ្មីទាំងនោះ គឺជាអ្នកចំណូលថ្មី ដែលធ្វើដំណើរមកពីខេត្តព្រះសីហនុចំនួន៣នាក់, មកពីខេត្ត កំពង់ចាម២នាក់ និងមកពីប្រទេសថៃចំនួន២នាក់ ។

ខេត្តតាកែវបានរកឃើញអ្នកឆ្លងថ្មីចំនួន៤០នាក់ថ្មីបន្ថែមទៀតក្នុងរយៈពេល២៤ម៉ោងចុងក្រោយ។ យោងតាម រដ្ឋបាលខេត្ត អ្នកវិជ្ជមានថ្មីទាំង៤០នាក់នោះរួមមាន២២នាក់ក្នុងស្រុកបាទីដែលជាអាជីវករផ្សារសំរោងយ៉ោង និងកម្មករ នៅរោងចក្រសាន់បូ និង កុមារ សិស្ស មនុស្សចំណូលថ្មីដែលមកពីខេត្តព្រះសីហនុ, មកពីប្រទេសថៃ និងរាជធានីភ្នំពេញនោះផងដែរ។

ខេត្តបាត់ដំបង បានបន្តរកឃើញអ្នកមានវិជ្ជមានកូវីដ១៩ថ្មីចំនួន ៥នាក់បន្ថែមទៀត ក្នុងរយៈពេល ២៤ ម៉ោងចុងក្រោយនេះ ។ យោងតាមរដ្ឋបាលខេត្ត ក្នុងចំណោមអ្នកឆ្លងថ្មីទាំង ៥នាក់ដែលមានអាយុរវាងពី២២ទៅ៥២ឆ្នាំ គឺ រួមមានម្នាក់នៅក្នុងក្រុងបាត់ដំបង, ម្នាក់មកពីខេត្តបន្ទាយមានជ័យ និង៣នាក់ទៀតគឺជាពលករទើបវិលត្រលប់ មកពីប្រទេសថៃ។ បច្ចុប្បន្នអ្នកជំងឺទាំង ៥នាក់ នោះត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែក ខេត្ត បាត់ដំបង, នៅមន្ទីពេទ្យបង្អែកស្រុកថ្មគោល និងមន្ទីរពេទ្យបង្អែកស្រុកសំពៅលូន ។

ខេត្តស្វាយរៀងរកឃើញអ្នកឆ្លងកូវីដ-១៩ចំនួន៧នាក់នៅថ្ងៃនេះ។ យោងតាមរដ្ឋបាលខេត្ត អ្នកឆ្លងថ្មីទាំង៧នាក់ នោះរួមមាននៅស្រុករមាសហែកចំនួន២នាក់, ស្រុកស្វាយជ្រុំចំនួន៣នាក់ និង២នាក់ទៀត គឺជាអ្នកដំណើរ ទៅ ពីខេត្តព្រៃវែង។

ខេត្តកំពង់ចាមបានរកឃើញអ្នកមានវិជ្ជមានកូវីដចំនួន៩៣នាក់បន្ថែមទៀតនៅថ្ងៃនេះ។ យោងតាមរដ្ឋបាលខេត្ត ការរកឃើញអ្នកឆ្លងទាំង៩៣នាក់នោះ គឺក្នុងចំណោមការធ្វើតេស្តលើមនុស្សសង្ស័យ៨០១នាក់។

ខេត្តព្រៃវែងបានរកឃើញអ្នកឆ្លងជំងឺកូវីដថ្មីចំនួន១០នាក់ និងមានអ្នកស្លាប់បន្ថែមម្នាក់ទៀតក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្ត អ្នកឆ្លងថ្មីទាំង១០នាក់នោះ រួមមានពលករមកពីប្រទេសថៃចំនួន ៤នាក់, អ្នកធ្វើដំណើរពីរាជធានីភ្នំពេញចំនួនចំនួន៤នាក់ និងពលរដ្ឋក្នុងមូលដ្ឋានចំនួន២នាក់។ រដ្ឋបាលខេត្តបានប្រកាសទៀតថា ក្នុងរយៈពេល២៤ម៉ោងចុងក្រោយនេះ ក៏មានមនុស្សម្នាក់បានស្លាប់ដោយសារកូវីដផងដែរ ។

ក្រសួងមហាផ្ទៃ បានហៅអ្នកវិភាគឈ្មោះ គឹម សុខ រស់នៅក្រៅប្រទេសជាអ្នកវិភាគមានជំងឺសសៃប្រសាទ ក្រោយសម្តីចោទប្រកាន់មួយនិយាយថាក្រសួងមហាផ្ទៃបានលក់ទីស្តីការរបស់ខ្លួន។ គឹម សុខ គឺជាអ្នកវិភាគ របស់ក្រុមប្រឆាំងនៅក្រៅប្រទេសម្នាក់ ដែលបណ្តាញសារព័ត៌មានគាំទ្រក្រុមប្រឆាំងតែងធ្វើកិច្ច សម្ភាសន៍ ជារឿយៗដើម្បី ការបង្កើតរឿងមួលបង្កាច់ដាក់មកលើការដឹកនាំរបស់រាជរដ្ឋាភិបាល។