វ៉ាក់សាំងចិនចំនួនមួយលានដូសបន្ថែមទៀត នឹងគ្រោងដឹកមកដល់កម្ពុជានៅថ្ងៃអាទិត្យខាងមុខនេះ ដែលនឹង នាំឲ្យវ៉ាក់សាំងដែលកម្ពុជាអាចមានប្រើប្រាស់ក្នុងដៃចំនួន៦លាន២ម៉ឺន៤ពាន់ដូស។ ការមកដល់វ៉ាក់សាំងជាបន្ត បន្ទាប់នេះ គឺនៅទន្ទឹមនឹងកម្ពុជាកំពុងសម្រុកការចាក់វ៉ាក់សាំងក្នុងយុទ្ធនាការ ផ្ការីក ចាប់ផ្តើមចេញពីរាជ ធានី ដែលជាតំបន់ប្រឈមនឹងហានិភ័យខ្ពស់។

ប្រជាពលរដ្ឋជាង៧៥ម៉ឺននាក់ ក្នុងអតីតតំបន់ក្រហមរាជធានីភ្នំពេញ បានទទួលវ៉ាក់សាំងកូវីដ-១៩ ក្នុងរយៈពេល ២០ ថ្ងៃ។ រាជធានីភ្នំពេញបានលុបចោលតំបន់ក្រហមក្នុងរាជធានីដែលធ្លាប់កើតមានតាមតំបន់ក្នុងខណ្ឌទាំង៦ ចាប់តាំងពីថ្ងៃទី១៩ឧសភា។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន២ពាន់​៥៤៧ ករណី និងការស្លាប់ថ្មីមានចំនួន៤១១នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសរុប ចំនួន៤៦០ករណី ក្នុងនោះ៤៤៥ករណីជាការដែលឆ្លងក្នុងសហគមន៍ និង១៥ករណីទៀតជាការនាំចូលពីក្រៅ ប្រទេស។

ការឆ្លងជម្ងឺកូវីដ១៩ចូលក្នុងសហគមន៍ នៅថ្ងៃសុក្រនេះ បានកើនឡើងចំនួន៣៤ករណី បើប្រៀបធៀបនឹងការឆ្លង កាលពីម្សិលមិញ។ កាលពីថ្ងៃព្រហស្បតិ៍ការឆ្លងចូលក្នុងសហគមន៍មាន៤១១ករណី, ចំណែកការឆ្លងនៅថ្ងៃ សុក្រនេះ មានចំនួន៤៤៥ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈ បានកើន ឡើងដល់២ម៉ឺន៣ពាន់៥០២នាក់ហើយ។

ការឆ្លងកូវីដ១៩ថ្មី ចូលក្នុងរាជធានីភ្នំពេញបានកើនឡើង២០ករណី។ ការឆ្លងចូលក្នុងរាជធានីភ្នំពេញកាលពីម្សិល មិញមានចំនួន១៧២ករណី, ចំណែកការឆ្លងចូលថ្មីនៅថ្ងៃនេះមានចំនួន១៩២ករណី។

ព្រះករុណា ព្រះមហាក្សត្រខ្មែរ បានផ្ញើព្រះរាជសាររួមរំលែកមរណទុក្ខដល់ប្រជាជនឥណ្ឌា ដែលបាននិងកំពុង រងគ្រោះដោយសារជំងឺរាតត្បាតកូវីដ១៩។ ព្រះរាជសារថ្ងៃទី១៨ឧសភាតាមរយៈឯកអគ្គរដ្ឋទូតឥណ្ឌាលោកស្រី ដេវីយ៉ាណា ឃោប្រាហ្គាដ បានបញ្ជាក់ថាព្រះអង្គមានព្រះហឫទ័យក្រៀមក្រំនូវដំណឹងចុងក្រោយបំផុតអំពីស្ថាន ភាពកូវីដ១៩ក្នុងប្រទេសឥណ្ឌាដែលបានធ្វើឲ្យបានបង់ជីវិតមនុស្សយ៉ាងធំធេង។ ព្រះរាជសារបានបន្តថាព្រះអង្គ សូមចូលរួមរំលែកទុក្ខជាមួយលោកស្រីឯកអគ្គរដ្ឋទូតចំពោះការបាត់បង់ជីវិតពលរដ្ឋក្នុងប្រទេសឥណ្ឌានោះ។

កម្ពុជាកំពុងធ្វើការទប់ស្កាត់ការនាំជ្រូកចូលពីប្រទេសវៀតណាម ដោយសារតែក្នុងប្រទេសវៀតណាម និងប្រទេសមួយចំនួនក្នុងអាស៊ីអាគ្នេយ៍នោះ ជំងឺប៉េស្តជ្រូកអាហ្វ្រិកបានផ្ទុះឡើងសាជាថ្មី។

មន្រ្តីរដ្ឋបាលព្រៃឈើខេត្តឧត្តរមានជ័យ បានស្វែងតាមរកចាប់ក្រុមជនខិលខូច ដែលបានចូលលួចបោះបង្គោល លើផ្ទៃដីស្ថានីយផ្សព្វផ្សាយ និងស្ថានីយស្តារព្រៃឈើ ដែលជាកម្មសិទ្ធិរបស់រដ្ឋ។ ការព្រមានបានធ្វើឡើងនៅថ្ងៃ ២០ឧសភានេះ បន្ទាប់ពីការរកឃើញមានករណីជនខិលខូចចូលបោះរបង១១១បង្គោល លើផ្ទៃដីរដ្ឋ ជាច្រើន ហិចតា៕

រាជធានីភ្នំពេញដែលមិនទាន់បានដកឃ្លារួចពីកិច្ចការបង្កាកូវីដ១៩ បានប្រឈមនឹងកិច្ចការត្រូវស្តារប្រឡាយទៀតហើយ ដោយសារតែភ្លៀងបានធ្លាក់បង្កជាជំនន់ទឹកភ្លៀងតាមកន្លែងខ្លះ។

ករណីក្តីក្តាំរបស់លោកឧកញ៉ា ហេង សៀ និងកញ្ញា មាន ពេជ្ររីតា កាន់់តែមានពន្លឺថែមទៀតហើយ ក្រោយការបំភ្លឺអស់សេចក្តីតាំងពីដើមទល់ចប់របស់កញ្ញា មាន ពេជ្ររីតា ចំពោះមុខមន្ត្រីតុលាការនៅថ្ងៃទី២០ឧសភានេះ។ តើការបំភ្លឺនោះ មានអ្វីខ្លះ?