ក្រុងតាខ្មៅខេត្តកណ្តាល នៅតែបន្តបិទផ្សាររដ្ឋជាដដែលសិនរហូតដល់ថ្ងៃទី២៦ឧសភា។ ការបន្តបិទផ្សាររដ្ឋនេះ បានបញ្ជាក់តាមលិខិតរដ្ឋបាលខេត្តកណ្តាលថ្ងៃទី១៩ឧសភា ដែលការបិទនឹងមានរយៈ៧ថ្ងៃ។ គួរបញ្ជាក់ថាផ្សារ រដ្ឋទាំងអស់ក្នុងក្រុងតាខ្មៅខេត្តកណ្ដាល ត្រូវបានបិទតាំងពីពាក់កណ្ដាលខែមេសាឆ្នាំ២០២១មក ដោយសារការ ឆ្លងរាលដាលនៃជំងឺកូវីដ-១៩។

ផ្សាររដ្ឋទំាងអស់ទូទាំងរាជធានីភ្នំពេញ នឹងត្រូវបើកសាឡើងវិញ ចាប់ពីថ្ងៃទី២៤ឧសភាឆ្នាំ២០២១ ខាងមុខនេះ។ យោងតាមសេចក្តីប្រកាសរបស់រដ្ឋបាលរាជធានី នៅថ្ងៃនេះ បានបញ្ជាក់ថា ការសម្រេចអោយដំណើរការផ្សាររដ្ឋ ទំាងអស់ក្នុងមូលដ្ឋានរាជធានី លើកលែងតែផ្សារមិនរៀបរយ​ ដូចជាផ្សារក្រមួន, ផ្សារចាត់តំាង, ផ្សាររោងចក្រ, ផ្សារសហគមន៍, ផ្សារក្នុងដីឡូតិ៍ឯកជន, ផ្សារជុំវិញមន្ទីរពេទ្យ និងផ្សារតាមចិញ្ចើមផ្លូវ ជាដើម ដែលមិនត្រូវបាន បើកអោយដំណើរការឡើងវិញនៅឡើយ ដើម្បីបង្ការនិងទប់ស្កាត់ការឆ្លងរាលដាលធ្ងន់ធ្ងរនៃជម្ងឺកូវិដ១៩ ចូលក្នុងសហគមន៍។

អតីតអ្នកធ្វើនយោបាយនៃគណបក្សប្រឆាំងលោក ប៉ុល ហំម និងអតីតសហការីមួយរូបទៀត ត្រូវបានព្រះរាជ ក្រឹត្យព្រះមហាក្សត្របានផ្តល់នីតិសម្បទានធ្វើនយោបាយសាឡើងវិញក្រោយការស្នើសុំរបស់នាយករដ្ឋមន្ត្រី។

សំណួរមួយចំនួនត្រូវបានដាក់ចេញមកប្រមុខរាជរដ្ឋាភិបាលកម្ពុជាដែលកំពុងតែត្រួសត្រាយដឹកនាំនាំប្រទេស ក្នុងរបត់ឆ្លងកាត់ឧបសគ្គកូវីដ១៩ផង និងកត្តាភូមិសាស្ត្ររលកនយោបាយក្នុងតំបន់និងពិភពលោកដែលកំពុង មានការប្រជែងគ្នារវាងប្រទេសមហាអំណាចចិន និងសហរដ្ឋអាមេរិក។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន១ពាន់ ៨៥៣ករណី និងការស្លាប់ថ្មីមានចំនួន៤៥៦នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មី សរុបចំនួន៤១៥ករណី ក្នុងនោះ៤១១ករណីជាការដែលឆ្លងក្នុងសហគមន៍, និង៤ករណីទៀតជាការនាំចូលពី ក្រៅប្រទេស។

ការឆ្លងចូលក្នុងសហគមន៍នៅថ្ងៃព្រហស្បតិ៍នេះ បានកើនឡើងចំនួន៤៩ករណីបើប្រៀបធៀបកាលឆ្លងកាលពីម្សិលមិញ។ កាលពីថ្ងៃពុធការឆ្លងចូលក្នុងសហគមន៍មាន៣៩២ករណី, ចំណែកការឆ្លងនៅថ្ងៃព្រហស្បតិ៍នេះ មាន៤១១ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈ បានកើនឡើងដល់២ម៉ឺន ៣ពាន់៥៧នាក់ហើយ។

សមត្ថកិច្ចនគរបាលរាជធានី បានបន្តសកម្មភាពដាក់ពង្រាយការយាមល្បាតក្នុងតំបន់លឿងទុំ បើទោះបីជាមាន សេចក្តីរាយការណ៍ការឆ្លងបានធ្លាក់ចុះក្នុងរយៈពេល២៤ម៉ោងនេះក៏ដោយ។ តំបន់លឿងទុំ ដែលកំណត់ក្នុង សប្តាហ៍នេះ បានស្ថិតក្នុងកន្លែងខ្លះនៃខណ្ឌ ច្បារអំពៅ, ខណ្ឌទួលគោក, ខណ្ឌពោធិ៍ សែនជ័យ, ខណ្ឌឫស្សីកែវ និងខណ្ឌមានជ័យ។

រាជធានីភ្នំពេញដែលលុបចោលតំបន់ក្រហមហើយនោះ ការឆ្លងថ្មីរយៈពេល២៤ម៉ោងចុងក្រោយនេះ មានចំនួន ១៧២ករណី។ តួលេខឆ្លងចូលក្នុងរាជធានីនេះ បានធ្លាក់ចុះប្រមាណ១៩ករណី បើប្រៀបធៀបនឹងម្សិលមិញដែលមានចំនួនឆ្លង១៩១ករណី។

ប្រជាពលរដ្ឋប្រមាណ២២ភាគរយក្នុងចំណោមរង្វង់១០លាននាក់ បានទទួលការចាក់វ៉ាក់សាំងបង្កាកូវីដ១៩ ក្នុងនោះក៏រួមមានមនុស្សជាង៧៤ម៉ឺននាក់ក្នុងតំបន់ក្រហមរាជធានីភ្នំពេញ ក៏បា​នទទួលការចាក់វ៉ាក់សាំងបង្កាកូវីដ-១៩ ក្នុងរយៈពេល១៩ថ្ងៃកន្លងមកនេះផងដែរ។ ការបន្តចាក់ជាបន្តបន្ទាប់ទៅមុខទៀតនេះ បានសម្រុកធ្វើបន្ថែម ទៀតក្នុងយុទ្ធសាស្ត្រ «ផ្ការីក» ដើម្បីបង្កើតភាពស៊ាំក្នុងប្រទេសកម្ពុជា។ យុទ្ធនាការចាក់វ៉ាក់សាំងក្នុងតំបន់ក្រហម ទើបបានធ្វើលើកដំបូងតាំងថ្ងៃទី១ឧសភា ដោយបានចាក់ជូនប្រជាពលរដ្ឋបានចំនួន៧៤ម៉ឺន ១ពាន់៧៩៨នាក់ គិតត្រឹមថ្ងៃទី១៩ឧសភា ខណៈការចាក់លើកទី២ បានចំនួន១៤ម៉ឺន៣ពាន់១១០នាក់។

សម្តេចនាយករដ្ឋមន្ត្រី ហ៊ុន សែន បានអញ្ជើញចូលរួមក្នុងសន្និសីទអន្តរជាតិលើកទី២៦ ស្តីពីអនាគតរបស់អាស៊ី ក្រោមប្រធានបទ «ការរៀបចំសម័យកាលថ្មីក្រោយវិបត្តិកូវីដ៖ តួនាទីអាស៊ីក្នុងការស្តារពិភពលោកឡើងវិញ»។