ប្រជាពលរដ្ឋដែលធ្លាប់ទៅចាក់វ៉ាក់សាំងនៅសាលា ACE ចាក់អង្រែក្រោម ត្រូវប្រញាប់ធ្វើចត្តាឡីស័ក និងតាម ដានសុខភាព។ មជ្ឍមណ្ឌលអូស្ត្រាលី សម្រាប់ការបណ្ដុះបណ្ដាល ACE មានទីតាំងស្ថិតនៅសង្កាត់ចាក់អង្រែក្រោម នៃខណ្ឌមានជ័យ រាជធានីភ្នំពេញ។

ប្រជាពលរដ្ឋក្នុងតំបន់បិទខ្ទប់ដោយសារជម្ងឺកូវីដ-១៩ ចំនួនជាង៣៥ម៉ឺនគ្រួសារហើយ ដែលបានទទួលស្បៀង អាហារដែលជាអំនោយរបស់សម្តេចតេជោនាយករដ្ឋមន្ត្រី។ ប្រតិបត្តិការដឹកជញ្ជូននិងចែកស្បៀងដល់ប្រជាពលរដ្ឋដោយការមានការចួលរួមពីកម្លាំងកងទ័ពជើងគោក បានបន្តធ្វើក្នុងតំបន់បិទខ្ទប់នៃបណ្តាខណ្ឌទំាង១៤ ជារៀងរាល់ថ្ងៃដោយមិនមានការឈប់សម្រាកឡើយ។

រដ្ឋបាលខេត្តកំពត បានប្រកាសនៅថ្ងៃនេះ ជុំវិញការរកឃើញមនុស្សឆ្លងកូវីដ១៩ថ្មីចំនួន៤នាក់ថែមទៀតដែល នាំឲ្យចំនួនឆ្លងបានកើន១០ករណីហើយ។ យោងតាមរដ្ឋបាលខេត្ត អ្នកឆ្លងថ្មីទាំង៤ក្នុងរយៈពេល២៤ម៉ោងចុង ក្រោយនេះ គឺរួមមានស្ត្រីអាយុ៦២ឆ្នាំម្នាក់ និងកុមារអាយុ២ឆ្នាំម្នាក់, អាយុ៥ខែម្នាក់និងកុមារីអាយុ៤ឆ្នាំ ដែលអ្នក ឆ្លងទាំងនេះ គឺជាអ្នកភូមិភ្នំសាឡី,​ ឃុំគំពង់ត្រាចលិច នៃស្រុកកំពង់ត្រាច។ យោងតាមរដ្ឋបាលខេត្ត នេះជាករណី ឆ្លងពីឳពុក, ពីម្តាយ និងពីយាយ។

អំណោយជាគ្រឿងឧបភោគបរិភោគ, សម្ភារៈការពារជំងឺកូវីដនិងថវិកា ដោយក្រុមសប្បុរសជន ត្រូវបានប្រគល់ ជួនរដ្ឋបាលខេត្តកំពត តាមរយៈឯកឧត្តម ស៊ាង ប៊ុនលាង និងលោកជំទាវ ហ៊ុន ប៊ុនធឿន។ ខេត្តកំពតគឺជាខេត្តដែល មានការឆ្លងតិចតួច និងជាខេត្តដែលមានចំណាត់ការល្អក្នុងវិធានការបង្កាប្រឆាំងជម្ងឺកូវីដ១៩។

ខេត្តកំពង់ធំ ក្នុងរយៈពេល២៤ម៉ោងចុងក្រោយនេះ បានរកឃើញអ្នកវិជ្ជមានជំងឺកូវីដ-១៩ចំនួន៩នាក់។ យោងតាមរដ្ឋបាលខេត្ត អ្នកវិជ្ជមានជំងឺកូវីដ-១៩ទាំងចំនួន៩នាក់ រួមមាន៨នាក់ពាក់ព័ន្ធនឹងព្រឹត្តិការណ៍សហគមន៍២០ កុម្ភៈ និងម្នាក់ទៀត ជាពលករមកពីប្រទេសថៃ។

ខេត្តរតនគីរី បានប្រកាសរកឃើញការឆ្លងកូវីដ១៩ ជាលើកដំបូងចូលមកក្នុងខេត្តភាគឥសាននេះ ដែលនាំឲ្យ ខេត្តនៅទូទាំងកម្ពុជាទាំងអស់មិនមានសេសសល់ខេត្តណាមួយដែល មិនមានការឆ្លងក្នុងព្រឹត្តិការណ៍សហគមន៍ ២០កុម្ភៈនោះឡើយ។ ខេត្តរតនគីរីដែលជាខេត្តទី២៤ចុងក្រោយរបស់កម្ពុជាបានប្រកាសនៅថ្ងៃនេះជុំវិញការរក ឃើញការឆ្លង២ករណីលើកដំបូងដែលជាបុគ្គលិកដឹកជញ្ជូន។

អាជ្ញាធរខេត្តតាកែវបានរកឃើញករណីវិជ្ជមានកូវីដ-១៩ថ្មីចំនួន២៣នាក់ទៀត រយៈពេល២៤ម៉ោងចុងក្រោយនេះ ។ យោងតាមរដ្ឋបាលខេត្ត អ្នកឆ្លងថ្មីទាំង២៣នាក់នោះ គឺជាអាជីវករ, កម្មករ និងក្រុមគ្រួសារ ព្រមទាំងប្រជាពល រដ្ឋផងដែរ នៅក្នុងស្រុកបាទី, នៅស្រុកសំរោង និងនៅក្នុងក្រុងដូនកែវ ខេត្តតាកែវ។

ខេត្តក្រចេះ ដែលមានការឆ្លងតិចជាងគេ បានអំពាវនាវប្រជាពលរដ្ឋនៅក្នុងខេត្តត្រូវប្រុងប្រយ័ត្នសុវត្ថិភាពខណៈ ការឆ្លងរាលដាល បានរកឃើញកើតឡើងស្ត្រីចំណាស់ម្នាក់ទៀតអាយុ៧៣ឆ្នាំ។ យោងតាមក្រសួងសុខាភិបាល ការឆ្លងកូវីដ១៩ ដែលទើបរាលដាលចូលទៅក្នុងខេត្តភាគឥសានកម្ពុជានោះ មានចំនួន៣ករណីហើយ។

រដ្ឋបាលខេត្តកំពង់ចាម បានប្រកាសរកឃើញអ្នកមានវិជ្ជមានកូវីដ-១៩ ចំនួន ១៦នាក់ និងការព្យាបាល ជាសះ ស្បើយ៩នាក់ នៅថ្ងៃទី១០ឧសភានេះ។ យោងតាមរដ្ឋបាលខេត្តនៅថ្ងៃច័ន្ទនេះ អ្នកមានវិជ្ជមានកូវីដ១៩ ទាំង ចំនួន១១នាក់នោះ គឺមាននៅស្រុកស្រីសន្ធរចំនួន២នាក់, ស្រុកកងមាស២នាក់, ស្រុកបាធាយ៧នាក់, ស្រុកចំ ការលើ៤នាក់និងស្រុកកំពង់សៀមម្នាក់។

ស្ត្រីមានផ្ទៃពោះ៧ខែម្នាក់ បានស្លាប់ដោយសារជំងឺកូវីដ១៩ នៅខេត្តកំពង់ចាម។ យោងតាមសេចក្តីប្រកាសព័ត៌មានរបស់រដ្ឋបាលខេត្តកំពង់ចាម ថ្ងៃទី១០ ខែឧសភា បានបញ្ជាក់ថាស្ត្រីមានផ្ទៃពោះអាយុ២៧ឆ្នាំដែលបានបាត់ បង់ជីវិតនោះ ឈ្មោះសាន គឹមឡាង ដេលជាអ្នកស្រុកនៅភូមិក្បាលកោះ ឃុំកោះអណ្តែត នៃស្រុកស្រីសន្ធរ។