កំពត ៖ តាមរបាយការណ៍របស់មន្ទីរសុខាភិបាល នៅក្នុងកិច្ចប្រជុំបូកសរុបលទ្ធផលនៃយុទ្ធនាការចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋក្នុងទូទាំងខេត្ត ក្រោមអធិបតីភាព ឯកឧត្តម ជាវ តាយ អភិបាលខេត្តកំពត បានឲ្យដឹងថា លទ្ធផលនៃការចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋ ក្នុងខេត្តកំពត មានអាយុ១៨ ឆ្នាំឡើង គិតចាប់ពីថ្ងៃទី០២ ខែ មីនា ដល់ ថ្ងៃទី ២២ ខែ សីហា ឆ្នាំ២០២១ សម្រេចលទ្ធផលចំនួនសរុប ២៣០.៨៧៩នាក់ នៃប្រជាពលរដ្ឋគោលដៅសរុបចំនួន ៤៩០.៥៩៥នាក់ គិតជាអត្រាគ្រប់ដណ្ដប់នៃចំនួនប្រជាពលរដ្ឋក្នុងក្រុង ស្រុកទាំង៩ ស្មើនឹង ៤៧ភាគរយ។ ទន្ទឹមនឹងនោះ ពលរដ្ឋដែលបានចាក់ដូសទី៣ ឬដូសជំរុញមានចំនួន ៥.២៤៤នាក់ ចំណែកចំនួនប្រជាពលរដ្ឋមិនទាន់បានចាក់ចំនួន ២៦១.៤៦៣នាក់ ។ ហើយកិច្ចប្រជុំពេលនេះ ដើម្បីជំរុញតាមដាន និងធ្វើស្ថិតិបូកសរុបនូវចំនួនប្រជាពលរដ្ឋដែលបានទទួលវ៉ាក់សាំងរួច និងចំនួនអ្នកដែលមិនទាន់បានទួលវ៉ាក់សាំង គឺរកឲ្យឃើញនូវចំនួនទិន្នន័យពិតប្រាកដជាក់លាក់ ដើម្បីរាយការណ៍ទៅថ្នាក់ជាតិ ពិសេសតាមអនុសាសន៍ណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រី ដើម្បីបន្តជំរុញការចាក់វ៉ាក់សាំងការពារជម្ងឺកូវីដ១៩ ដោយស្ម័គ្រចិត្តជូនប្រជាពលរដ្ឋឲ្យបានគ្រប់ៗគ្នា ក្នុងការឆ្លើយតប ទៅតាមផែនការ គ្រោងទុករបស់រាជរដ្ឋាភិបាល…

ភ្នំពេញ៖ កម្លាំងគណៈបញ្ចាការឯកភាពខណ្ឌពោធិ៍សែនជ័យ បានបើកប្រតិបត្តិការ ចុះឃាត់បុគ្គលិកនិងភ្ញៀវចំនួន១០១នាក់ យកសំណាក់ធ្វើតេស្តរកជំងឺកូវីដ ១៩ ខណ:ល្មើសវិធានការរដ្ឋបាលរាជធានីភ្នំពេញ និងវិធានក្រសួងសុខាភិបាល ដើម្បីទប់ស្កាត់ការឆ្លងជំងឺកូវីដ ១៩ ។ ក្នុងប្រតិបត្តិការនេះបានធ្វើឡើងកាលពីរសៀលថ្ងៃទី ២៣ ខែសីហា ឆ្នាំ២០២១ ស្ថិតនៅដីឡូត៍លេខ៨៩២ ភូមិទួលពង្រ សង្កាត់ចោមចៅទី១ ខណ្ឌពោធិសែនជ័យ ។បច្ចុប្បន្ននេះ អាជ្ញាធរនិងសមត្ថកិច្ចបានទាក់ទងខាងមន្ត្រីសុខាភិបាលចុះយកសំណាករកមេរោគ covid-19 ទៅលេីមនុស្សជាង១០១នាក់ខាងលេីផងដែរ ទេីបអនុវត្តន៍តាមនីតិវិធីបន្តទៀត ។ សូមជម្រាបថា នៅក្នុង សេចក្ដីជូនដំណឹងរបស់ក្រសួងសុខាភិបាល នៅថ្ងៃទី ២២ ខែសីហា ឆ្នាំ ២០២១ រកឃើញ អ្នកឆ្លងថ្មី ៤១០នាក់ទៀត ជាសះស្បើយ ៥៣៧នាក់ និងស្លាប់ ១៦នាក់៖– ករណីឆ្លងសហគមន៍ ២៧៨នាក់– អ្នកដំណើរពីបរទេស ១៣២នាក់ គិតត្រឹមព្រឹក ថ្ងៃទី២៣ ខែសីហា ឆ្នាំ២០២១– អ្នកឆ្លងសរុប= 89,641 នាក់– អ្នកជាសះស្បើយ= 85,618 នាក់– អ្នកស្លាប់=…

កំពត ៖ នៅថ្ងៃទី២៣ ខែ សីហា ឆ្នាំ២០២១នេះ ឯកឧត្តមជាវ តាយ ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពតអញ្ជើញទៅសំណេះសំណាលសួរសុខទុក្ខ និងនាំយកអំណោយមនុស្សធម៌ កាកបាទក្រហមកម្ពុជាទៅផ្តល់ជូនប្រជាពលរដ្ឋងាយរងគ្រោះ និងរងផលប៉ះពាល់ដោយសារជំងឺកូវីដ-១៩ ចំនួន ១៥៣គ្រួសារ មកពីឃុំចំនួន ១៣ ក្នុងស្រុកកំពង់ត្រាច នៅវត្តអង្គជុំព្រៃទប់ ភូមិព្រៃទប់ ឃុំបឹងសាលាខាងជើង ស្រុកកំពង់ត្រាច ខេត្តកំពត ។ ប្រសាសន៍សំណេះសំណាលឯកឧត្តម ជាវ តាយ បាននាំនូវការសួរសុខទុក្ខពីសំណាក់សម្ដេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិតិ្ដព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះពលរដ្ឋទាំងនោះ និងថាជានិច្ចកាលសម្ដេចទាំងទ្វេ តែងតែណែនាំដល់អាជ្ញាធរខេត្ត និងសាខាកាកបាទក្រហម រាជធានី-ខេត្ត យកចិត្តទុកដាក់ ជួយសង្គ្រោះ និងដោះស្រាយ ជូនប្រជាពលរដ្ឋជួបការលំបាកខ្វះខាត និងរងគ្រោះឱ្យបានទាន់ពេលវេលា និងគ្មានការរើសអើងជាតិសាសន៍ សាសនា ឬនិន្នាការនយោបាយអ្វីឡើយ ពោលគឺទីណាពលរដ្ឋជួបទុក្ខលំបាកខ្វះខាត ទីនោះមានកាកបាទក្រហមកម្ពុជា ជួយដោះស្រាយជាប់ជាប្រចាំ។ ឯកឧត្តម ជាវ តាយ ក៏បានក្រើនរំលឹកដល់ប្រជាពលរដ្ឋ ឲ្យយកចិត្តទុកដាក់ថែរក្សាអនាម័យសុខភាពឲ្យបានល្អ…

ភ្នំពេញ៖ ក្នុងជំនួបពិភាក្សាការងារជាមួយ ឯ,ឧ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តាមរយៈប្រព័ន្ធ Video Conference លោកស្រី Maryam Salim ប្រធានគ្រប់គ្រងថ្មី របស់ការិយាល័យធនាគារ ពិភពលោក(World Bank) ប្រចាំកម្ពុជា បានអបអរសាទរចំពោះ ភាពជោគជ័យរបស់រាជរដ្ឋាភិបាល ក្នុង ការចាក់វ៉ាក់សាំងជូន ប្រជាជនស្ថិតក្នុល្បឿនលឿន និងអាចធ្វើឲ្យកម្ពុជា ចាប់ផ្ដើមបើកសកម្មភាពសេដ្ឋកិច្ចឡើងវិញក្នុងពេលដ៏ឆាប់ៗខាងមុខនេះ។ លោកស្រី Maryam Salim បានកោតសរសើរចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ដែលសម្រេចបាននូវសមិទ្ធផលផ្លែផ្កាជាច្រើន ពិសេសការដាក់ចេញនូគោលនយោបាយដ៏មុតស្រួចសំដៅប្រយុទ្ធការពារសុខភាពអាយុជីវិតរបស់ប្រជាជន រក្សាលំនឹងសេដ្ឋកិច្ច និងជីវភាពរស់នៅរបស់ប្រជាជន ។ លោកស្រីបានសាទរចំពោះភាពជោគជ័យ របស់រាជរដ្ឋាភិបាលក្នុងការ ចាក់វ៉ាក់សាំង ជូនប្រជាជនតាមគោលដៅ ក្នុងល្បឿនលឿន និង អាចធ្វើឲ្យកម្ពុជាចាប់ផ្ដើម បើកសកម្មភាពសេដ្ឋកិច្ចឡើងវិញ ក្នុងពេលដ៏ឆាប់ខាងមុខ ។ ចំពោះចំណាត់ការដ៏រហ័ស និងទាន់ពេលវេលារបសរាជរដ្ឋាភិបាល ក្នុងការដាក់ចេញនូវ យុទ្ធនាការ ចាក់វ៉ាក់សាំង សម្រាប់កុមារពីអាយុ ១២ឆ្នាំ ដល់ក្រោម ១៨ឆ្នាំ…

យោងតាមរដ្ឋបាលខេត្ត ការឆ្លងថ្មីទាំង៧នាក់នោះ រួមមានកម្មកររោងចក្រម្នាក់, អ្នកមានអការៈសង្ស័យ២នាក់, អ្នកប៉ះពាល់នឹងអ្នកជំងឺកូវីដ-១៩ម្នាក់, អ្នកដំណើរចូលខេត្តស្វាយរៀង២នាក់ និងពលករត្រឡប់មកពីប្រទេសថៃម្នាក់។ ខេត្តស្វាយរៀង មានអ្នកឆ្លងជំងឺកូវីដ-១៩សរុបចំនួន៥ពាន់៤៦៣នាក់ក្នុងនោះមានវីរុសប្រភេទថ្មីដែលតា ចំនួន២៩នាក់, ព្យាបាលជាសះស្បើយចំនួន៥ពាន់១៣១នាក់ និងមានអ្នកស្លាប់សរុបចំនួ១២៨នាក់។

តាកែវ៖ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ រួមដំណេីរដោយ លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្ត លោកវរសេនីយ៍ឯក ឈឹម សវ៉ាត់ឌី មេបញ្ជាការរងកងរាជអាវុធហត្ថខេត្ត លោកមេបញ្ជាការរងតំបន់ប្រតិបត្តិការសឹករងខេត្ត លោក ញ៉ែម ស្រស់ អភិបាលស្រុកព្រៃកប្បាស បានអញ្ជេីញចុះសួរសុខទុក្ខ និងនាំយកអំណោយប្រគល់បងប្អូនប្រជាពលរដ្ឋ ១០០គ្រួសារ ស្ថិតនៅក្នុងតំបន់បិទខ្ទប់ ភូមិគោកអង្គង់ ឃុំពោធ៍រំចាក ស្រុកព្រៃកប្បាសនៅព្រឹកថ្ងៃ ទី២៣ ខែសីហា ឆ្នាំ២០២១ ។ ឯកឧត្តម អ៊ូច ភា អភិបាលខេត្ត ក៏បានអំពាវនាវដល់ប្រជាពលរដ្ឋថាបើទោះបីជា បងប្អូនបានចាក់វ៉ាក់សាំងបង្ការជំងឺកូវីដ១៩ រួចហើយ សូមបងប្អូនទាំងអស់ ត្រូវតែបន្តអនុវត្តនូវវិធានសុខាភិបាល «៣ការពារ និង៣កុំ» ដើម្បីចូលរួមចំណែកកាត់ផ្តាច់ខ្សែចម្លង និងជៀសឲ្យផុតពីការឆ្លងរាលដាល នៃជម្ងឺដ៏កាចសាហាវនេះ ៕ដោយ-រ៉ាវុធ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី២៣ ខែសីហា ឆ្នាំ២០២១ បានសម្រេចឧបត្ថម្ភអង្ករ ២០តោន ជាលើកទី២ ដល់រដ្ឋបាលខេត្តប៉ៃលិន សម្រាប់ផ្គត់ផ្គង់ដល់អ្នកធ្វើចត្តាឡីស័ក និងអ្នកកំពុងព្យាបាលជំងឺកូវីដ-១៩។ ការឧបត្ថម្ភខាងលើនេះ បានធ្វើឡើងដោយមេីលឃេីញថា ខេត្តប៉ៃលិន ដែលជាខេត្តនៅជាប់ព្រំដែនប្រទេសថៃ មានពលករខ្មែរជាច្រើននាក់ ត្រឡប់ពីប្រទេសថៃក្នុងមួយថ្ងៃៗ ហើយតម្រូវឱ្យធ្វើចត្តាឡីស័ក។ សូមបញ្ជាក់ថា កាលពីថ្ងៃទី២២ ខែសីហា ឆ្នាំ២០២១ម្សិលម៉ិញនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចឧបត្ថម្ភអង្ករ ២០តោន ផងដែរដល់រដ្ឋបាលខេត្តប៉ៃលិន សម្រាប់ផ្គត់ផ្គង់ដល់អ្នកធ្វើចត្តាឡីស័ក និងអ្នកកំពុងព្យាបាលជំងឺកូវីដ-១៩នេះ៕ ដោយ / គ្រី សម្បត្តិ