កម្ពុជានឹងទទួលវ៉ាក់សាំងការពារ ជំងឺកូវីដ -១៩ ប្រភេទស៊ីណូហ្វាម ចំនួន ៥០០,០០០ ដូស ទៀត នៅថ្ងៃទី២៣ ខែសីហា ឆ្នាំ២០២១។ វ៉ាក់សាំងមកដល់ថ្ទៀតមីនេះ ជាជំនួយរបស់កងទ័ពរំដោះ ប្រជាជនចិន ជូនក្រសួងការពារជាតិ កម្ពុជា ។ សូមបញ្ជាក់ថា ចាប់តាំងពី ថ្ងៃទី៧ ខែកុម្ភៈ ឆ្នាំ ២០២១ នេះ ចិនបានផ្តល់ វ៉ាក់សាំងកូវីដ ប្រភេទស៊ីណូហ្វាម និង ស៊ីណូវ៉ាក់ ដល់កម្ពុជា សរុប ២១ លាន ៧ សែន ដូស ។ ក្នុងនោះ ៣ លាន ២ សែន ដូស ជាជំនួយឥតសំណង និង ១៨ លាន ៥ សែន ដូស ជាការបញ្ជាទិញរបស់កម្ពុជា៕

ខេត្តសៀមរាប រកឃើញអ្នកវិជ្ជមានជំងឺ កូវីដ -១៩ ថ្មីចំនួន ៩២នាក់ និងមានអ្នកជាសះស្បើយចំនួន ១៦៦ នាក់ នៅថ្ងៃទី២០ ខែសីហា។

រដ្ឋបាលខេត្តបន្ទាយមានជ័យ នៅថ្ងៃទី២១ ខែសីហា ឆ្នាំ២០២១ បានប្រកាសរកឃើញអ្នកវិជ្ជមានជំងឺកូវីដ-១៩ ថ្មីចំនួន ២១៥ នាក់ និងអ្នក ជាសះស្បើយ ចំនួន ២០០នាក់។

ខេត្តកំពត រកឃើញអ្នកឆ្លងជំងឺកូវីដ ១៩ ថ្មីបន្ថែមទៀត ចំនួន៤០នាក់ និងស្លាប់ 0១នាក់ នៅថ្ងៃទី២១ ខែសីហា ឆ្នាំ២០២១។

រដ្ឋបាលខេត្ត កំពង់ឆ្នាំង បន្ត រកឃើញ អ្នក វិជ្ជមាន កូ វីដ ១៩ ចំនួន ៤៩ នាក់ និង ស្លាប់ ២ នាក់ ។

ខេត្តត្បូងឃ្មុំ រកឃើញអ្នកវិជ្ជមានជំងឺកូវីដ១៩ ចំនួន ៤០នាក់ ជាសះស្បើយចំនួន ១៩នាក់ ក្នុងថ្ងៃទី២០ ខែសីហា ឆ្នាំ២០២១។

ខេត្តរតនគិរី ៖ បន្ទាប់ពីមានការផ្ទុះរីករាលដាលក្នុងសហគមន៍ ក្នុងភូមិសាស្ត្រខេត្តរតនគិរី កាលពីថ្ងៃទី១៨ ខែមិថុនា ឆ្នាំ២០២១ ពាក់ព័ន្ធព្រឹត្តិការណ៍ ២០កម្ភៈ កន្លងមក ខេត្តរតនគិរី នៅតែបន្តរកឃើញ អ្នកវិជ្ជមានជំងឺកូវីដ.១៩។ជាក់ស្ដែងនៅល្ងាចថ្ងៃទី២០ ខែសីហា ឆ្នាំ២០២១នេះ រដ្ឋបាលខេត្តរតនគិរី បានប្រកាសពីការរកឃើញមនុស្សចំនួន ៣៨នាក់ បន្ទាប់ពីក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្ត បានបើកការធ្វើតេស្តរហ័ស បន្តរកឃើញអ្នកវិជ្ជមានកូវីដ.១៩ ក្នុងចំណោមមនុស្ស ៧៧៧នាក់។ គួរបញ្ជាក់ថា គិតត្រឹមថ្ងៃទី២០ ខែសីហា ឆ្នាំ២០២១ នៅក្នុងខេត្តរតនគិរី រកឃើញអ្នកវិជ្ជមានកូវីដ.១៩ សរុបចំនួន ៩៦៦នាក់ ករណីដែលតា(Delta ចំនួន ១០នាក) អ្នកជាសះស្បើយចំនួន ៦៩០នាក់ និងស្លាប់ ៧នាក់ផងដែរ ៕ ដោយ គតិ យុត្ត

យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី២០សីហាឆ្នាំ២០២១ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួន៩លាន៥សែន២ពាន់៨១៩នាក់ហើយ។ ក្នុងនោះបានចាក់វ៉ាក់សាំងទី២ដូសរួចមានចំនួន៧លាន៧សែន៣ម៉ឺន៧ពាន់៩០៩នាក់។ ចំណែកការចាក់វ៉ាក់សាំងសម្រាប់កុមារ និងយុវវ័យចន្លោះពី១២ទៅ១៨ឆ្នាំ ក្នុងរយៈពេល២០ថ្ងៃចាក់បាន៨៤ម៉ឺន៤ពាន់៧៤០នាក់ ស្មើនឹង៤២,៩៥%នៃអ្នកដែលត្រូវចាក់ជិត២លាននាក់។ ដោយឡែក របាយការណ៍ក្រសួងការពារជាតិបានឲ្យដឹងថា ការចាក់ដោយក្រុមគ្រួពេទ្យយោធានៅក្នុងខេត្តគោលដៅចំនួន៨គឺសៀមរាប, បន្ទាយមានជ័យ,ខេត្តតាកែវ, កំពង់ស្ពឺ, ខេត្តព្រះសីហនុ, ខេត្តកោះកុង, កំពង់ចាម និងស្វាយរៀង បានចំនួនមនុស្ស១លាន៣សែន៦៥ម៉ឺន៣៣៣នាក់ ក្នុងនោះបានចាក់លើកទី២រួច មានចំនួន១លាន៣សែន១ពាន់៦៤នាក់។ យោងតាមក្រសួងសុខាភិបាល គិតមកដល់បច្ចុប្បន្ននេះ ក្នុងចំណោមប្រជាជនសរុបជាង១៦លាននាក់នៅទូទាំងប្រទេស មានប្រជាពលរដ្ឋប្រមាណ៥៩,៣៩%ហើយ បានទទួលវ៉ាក់សាំងកូវីដ-១៩ ។ រីឯការចាក់ដូសទី៣ ឬដូសជម្រុញវិញ គិតមកដល់ថ្ងៃទី២០សីហាឆ្នាំ២០២១ ចាក់បានចំនួន៤២ម៉ឺន៣ពាន់៩៤៧នាក់។