ភ្នំពេញ៖ យោងតាមអនុសាសន៍ណែនាំដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី១ ខែកក្កដា ឆ្នាំ២០២១ និងដើម្បីរួមចំណែកដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការទប់ស្កាត់ការរីករាលដាលជំងឺកូវីដ-១៩ បានទាន់ពេលវេលា ក្រសួងប្រៃសណីយ៍និងទូរគមនាគមន៍ សូមជម្រាបជូន ថ្នាក់ដឹកនាំ ឬម្ចាស់ក្រុមហ៊ុន សហគ្រាស រោងចក្រ ស្ថាប័នពាក់ព័ន្ធ ដូចជា គ្រឹះស្ថានហិរញ្ញវត្ថុ និងទីតាំងប្រមូលផ្តុំដែលមានការគ្រប់គ្រងទាំងអស់ ជ្រាបថា ក្រសួងប្រៃសណីយ៍និងទូរគមនាគមន៍នឹងនាំចូលឧបករណ៍តេស្តរហ័សអង់ទីហ្សែនកូវីដ-១៩ (Covid-19 Rapid Antigen Test) ពីប្រទេសកូរ៉េ ដើម្បីចែកចាយបន្តក្នុងតម្លៃដើម ៣,៧ ដុល្លារអាម៉េរិក ក្នុងមួយឧបករណ៍។លក្ខខណ្ឌក្នុងការបញ្ជាទិញ• ចំពោះក្រសួងស្ថាប័ន គឺត្រូវដាក់ពាក្យស្នើសុំតាមតំណរ mptc.gov.kh/rt និងមានលិខិតស្នើសុំបញ្ជាទិញដោយកំណត់ចំនួនឱ្យបានជាក់លាក់សមាមាត្រនឹងចំនួនមន្ត្រីរាជការក្រោមឱវាទរបស់ខ្លួន។• ចំពោះក្រុមហ៊ុន ឬគ្រឹះស្ថានឯកជន គឺត្រូវផ្ដល់អាទិភាពសម្រាប់កន្លែងដែលមានបុគ្គលិកច្រើន និងស្ថិតនៅតំបន់ដែលមានហានិភ័យពាក់ព័ន្ធនឹងជំងឺកូវីដ១៩។ សូមដាក់ពាក្យស្នើសុំតាមតំណរ mptc.gov.kh/rt និងកំណត់ចំនួនតម្រូវឱ្យបានជាក់លាក់សមាមាត្រនឹងចំនួនបុគ្គលិកក្រោមឱវាទរបស់ខ្លួន។ ក្នុងករណីចាំបាច់ ក្រសួងនឹងទាក់ទងអាជ្ញាធរមានសមត្ថកិច្ចដើម្បីផ្ទៀងផ្ទាត់ព័ត៌មាន។• ចំពោះសាធារណជនទូទៅ ពុំទាន់អាចបញ្ជាទិញឥឡុវបានទេ ព្រោះក្នុងករណីមានការសង្ស័យ បងប្អូនអាចអញ្ជើញទៅយកសំណាកតាមទីតាំងដែលក្រសួងសុខាភិបាល ឬអាជ្ញាធរបានកំណត់។• ឧបករណ៍តេស្តរហ័សនេះ នឹងត្រូវលក់ជូនក្នុងគោលដៅប្រើប្រាស់សម្រាប់បុគ្គលិក និយោជិត កម្មកររបស់ខ្លួនតែប៉ុណ្ណោះ…

ក្រសួងសុខាភិបាល បានចេញសេចក្តីប្រកាសព័ត៌មាននៅថ្ងៃនេះបញ្ជាក់ថា គិតចាប់តាំងពីថ្ងៃទី៣១ ខែមីនា រហូតដល់ថ្ងៃទី១៩ ខែសីហាឆ្នាំ២០២១ កម្ពុជាបានរកឃើញអ្នកឆ្លងជំងឺកូវីដ១៩ ប្រភេទបំប្លែងថ្មីដែលតា(Delta) ចំនួន ៨៣៦នាក់។

ខេត្តព្រះវិហារ ៖ អភិបាលខេត្តព្រះវិហារ ឯកឧត្តម ប្រាក់ សុវណ្ណ បានអញ្ជើញបើកយុទ្ធនាការចាក់វ៉ាក់សាំងបង្ការជំងឺកូវីដ១៩ ជូនដល់កុមារ និងយុវវ័យ ដែលមានអាយុចាប់ពី ១២ឆ្នាំ ដល់ក្រោម ១៨ឆ្នាំ ក្នុងក្របខណ្ឌទូទាំងខេត្ត ដែលពិធីបានធ្វើនៅក្នុងបរិវេណមន្ទីរពេទ្យបង្អែក ១៦ មករា ស្ថិតនៅក្នុងសង្កាត់កំពង់ប្រណាក ក្រុងព្រះវិហារ នាព្រឹកថ្ងៃទី២០ សីហា ឆ្នាំ២០២១នេះ ។ ឯកឧត្តម ប្រាក់ សុវណ្ណ អភិបាលខេត្តព្រះវិហារ បានថ្លែង អំពានាវដល់មាតាបិតា និងអាណាព្យាបាលកុមារ និងយុវវ័យទាំងអស់ ដែលមានវ័យចាប់ពី ១២ឆ្នាំ ដល់១៧ឆ្នាំ សូមនាំកូនចៅរបស់ខ្លួន មកទទួលយកការចាក់វ៉ាក់សាំងបង្ការជំងឺកូវីដ១៩ ឲ្យបានគ្រប់ៗគ្នា។ ចំណែក ប្រជាពលរដ្ឋគ្រប់ៗរូប ក៏ត្រូវចូលរួមអនុវត្តតាមវិធានការ ការពារ តាមការណែនាំនានា របស់ក្រសួងសុខាភិបាល និងត្រូវរួមគ្នាបន្តអនុវត្តវិធានការ ៣ការពារ និង៣កុំ របស់រាជរដ្ឋាភិបាល ដើម្បីកាត់ផ្តាច់ការឆ្លងរាលដាល នៃជំងឺកូវីដ១៩ នៅក្នុងសហគមន៍ នៃខេត្តព្រះវិហារ។ ប្រធានមន្ទីរសុខាភិបាលខេត្តព្រះវិហារ លោកវេជ្ជបណ្ឌិត គួង ឡូ…