អំណោយរបស់រាជរដ្ឋាភិបាល និងប្រជាជន នៃព្រះរាជាណាចក កម្ពុជា រួមមាន៖ ម៉ាស់ចំនួន៣លាន, តេស្ករហ័សចំនួន៥០០.០០០, សំលៀកបំពាក់សុវត្ថិភាព PPE ចំនួន២.០០០ឈុត ម៉ាស៊ីនផលិតអុក ស៊ីហ្សែនស្វ័យប្រវត្តិចំនួន១០០គ្រឿង ម៉ាស៊ីនជំនួយដកដង្ហើម ចំនួន២០គ្រឿង និងម៉ាស៊ីនតាមដានសញ្ញាជីវិតចំនួន២០គ្រឿង បាន ដឹកជញ្ជូនតាមជើងហោះពិសេសចេញពីអាកាសយានដ្ឋានអន្តរជាតិ ភ្នំពេញ ឆ្ពោះទៅកាន់ទីក្រុងណៃពិដោ រដ្ឋធានីសាធារណរដ្ឋ សហភាពមីយ៉ាន់ម៉ា នាព្រឹកថ្ងៃទី១៩ ខែសីហា ឆ្នាំ២០២១នេះ។ អំណោយរបស់រាជរដ្ឋាភិបាល និងប្រជាជន នៃព្រះរាជាណាចក្រ កម្ពុជា យកទៅប្រគល់ជូនរដ្ឋាភិបាល និងប្រជាជន នៃសាធារណរដ្ឋ សហភាពមីយ៉ាន់ម៉ា នៅព្រឹកនេះ ដឹកនាំដោយឯកឧត្តមសាស្ដ្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធាន គណៈកម្មាធិការអន្តរក្រសួងដើម្បីប្រយុទ្ធប្រឆាំងនឹងជំងឺកូវីដ-១៩ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អមដំណើរដោយ លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការ ក្រសួងសុខាភិបាល និងជាប្រធានក្រុមការងារប្រតិបត្តិការ បច្ចេកទេស និងផ្គត់ផ្គង់នៃគណៈកម្មការអន្តរក្រសួងដើម្បីប្រយុទ្ធនឹង ជំងឺកូវីដ-១៩ រួមនឹងមន្ត្រីជាច្រើនរូបទៀត។សួង…

កណ្តាល ៖ លោកនុត ពុធដារ៉ា ជំនួយការសម្តេចតេជោនាយករដ្ឋមន្ត្រី និងជាអភិបាលរងខេត្តកណ្តាល រួមជាមួយតំណាងអង្គការ Water Aid នៅថ្ងៃទី១៨ ខែសីហា ឆ្នាំ២០២១ បាននាំយកសម្ភារៈ និងគ្រឿងឧបភោគបរិភោគមួយចំនួនធំ ឧបត្ថម្ភដល់រដ្ឋបាលស្រុកខ្សាច់កណ្តាល ដើម្បីជួយគាំទ្រដល់ការប្រយុទ្ធប្រឆាំងជម្ងឺកូវីដ-១៩ ក្នុងស្រុកខ្សាច់កណ្តាល។ សម្ភារៈ និងគ្រឿងឧបភោគបរិភោគ ដែលបានប្រគល់ជូនដល់រដ្ឋបាលស្រុករួមមាន ម៉ាស់ អាកុល សាប៊ូ ប្រដាប់សម្រាប់លាងដៃ ឱសថបុរាណចិន អង្ករ មី ត្រីខ ទឹកត្រី ប្រេងឆា និងសម្ភារៈមួយចំនួនទៀត ៕ ដោយ / គ្រី សម្បត្តិ

យោងតាមរដ្ឋបាលខេត្ត ការឆ្លងថ្មីទាំង៧១នាក់នោះ រួមមាននៅស្រុកថ្មគោល៣នាក់, ស្រុកបរវេល២នាក់, ក្រុងបាត់ដំបង៦នាក់, ស្រុកបាណន់៦នាក់, ស្រុកសង្កែ៥នាក់, ស្រុកមោងឬស្សី២នាក់, ស្រុកឯកភ្នំ១៣នាក់, ស្រុករតនមណ្ឌល២នាក់, ស្រុកភ្នំព្រឹកម្នាក់, ស្រុកគាស់ក្រឡម្នាក់, ស្រុកសំពៅលូន២នាក់, ស្រុកកំរៀង៩នាក់, មកពីខេត្តបន្ទាយមានជ័យម្នាក់, មកពីខេត្តប៉ៃលិន២នាក់ និងពលករមកពីប្រទេសថៃចំនួន១៦នាក់។ ចំណែកអ្នកស្លាប់ជាស្ត្រីអាយុ៤៤ឆ្នាំនៅក្រុងបាត់ដំបង។ ខេត្តបាត់ដំបង មានអ្នកឆ្លងជំងឺកូវីដ-១៩សរុបចំនួន៤ពាន់៩១៦នាក់, ព្យាបាលជាសះស្បើយចំនួន៣ពាន់៧៣០នាក់ និងមានអ្នកស្លាប់សរុបចំនួ៦១នាក់។

យោងតាមរដ្ឋបាលខេត្តការឆ្លងថ្មីទាំង ៤៨នាក់ថ្ងៃនេះ រួមមាននៅស្រុកស្វាយអន្ទរ ១៨នាក់, ស្រុកពាមរក៍ ៦នាក់, ស្រុកកំពង់ត្របែក ៦នាក់, ស្រុកព្រះសេ្ដច ៤នាក់, ស្រុកពោធិ៍រៀង២នាក់, ស្រុកពាមជរ ២នាក់, ស្រុកមេសាង ២នាក់, ស្រុកពារាំង ២នាក់, ស្រុកស៊ីធរកណ្ដាល ២នាក់, ស្រុកបាភ្នំម្នាក់, ស្រុកកំចាយមារម្នាក់, ស្រុកកញ្ជ្រៀចម្នាក់ និង ទៅពីរាជធានីភ្នំពេញម្នាក់។ ចំណែកអ្នកស្លាប់ទាំង២នាក់រួមមាន ទី១ ស្ត្រីអាយុ៥៦ឆ្នាំនៅស្រុកព្រះស្ដេច និងទី២ បុរសអាយុ ៣០ឆ្នាំនៅស្រុកពារាំង ខេត្តព្រៃវែង។ ខេត្តព្រៃវែងមានអ្នកឆ្លងជំងឺកូវីដ-១៩សរុប ៥ពាន់ ៣៨៧នាក់ ក្នុងនោះបានជាសះស្បើយចំនួន៤ពាន់៧០៨នាក់ និងស្លាប់១០២នាក់។

យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី១៨សីហាឆ្នាំ២០២១ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួន៩លាន២សែន៧ម៉ឺន២ពាន់៧៦៩នាក់ហើយ។ ក្នុងនោះបានចាក់វ៉ាក់សាំងទី២ដូសរួចមានចំនួន៧លាន៥សែន៧ម៉ឺន៧ពាន់៩៦៨នាក់។ ចំណែកការចាក់វ៉ាក់សាំងសម្រាប់កុមារ និងយុវវ័យចន្លោះពី១២ទៅ១៨ឆ្នាំ ក្នុងរយៈពេល១៨ថ្ងៃចាក់បាន៧០ម៉ឺន៣ពាន់៦៧នាក់ ស្មើនឹង៣៥,៧៤%នៃអ្នកដែលត្រូវចាក់ជិត២លាននាក់។ ដោយឡែក របាយការណ៍ក្រសួងការពារជាតិបានឲ្យដឹងថា ការចាក់ដោយក្រុមគ្រួពេទ្យយោធានៅក្នុងខេត្តគោលដៅចំនួន៨គឺសៀមរាប, បន្ទាយមានជ័យ,ខេត្តតាកែវ, កំពង់ស្ពឺ, ខេត្តព្រះសីហនុ, ខេត្តកោះកុង, កំពង់ចាម និងស្វាយរៀង បានចំនួនមនុស្ស១លាន៣សែន៦៥ម៉ឺន៣៣៣នាក់ ក្នុងនោះបានចាក់លើកទី២រួច មានចំនួន១លាន២សែន៨ម៉ឺន២ពាន់១០៥នាក់។ យោងតាមក្រសួងសុខាភិបាល គិតមកដល់បច្ចុប្បន្ននេះ ក្នុងចំណោមប្រជាជនសរុបជាង១៦លាននាក់នៅទូទាំងប្រទេស មានប្រជាពលរដ្ឋប្រមាណ៥៧,៩៥%ហើយ បានទទួលវ៉ាក់សាំងកូវីដ-១៩ ។ រីឯការចាក់ដូសទី៣ ឬដូសជម្រុញវិញ គិតមកដល់ថ្ងៃទី១៨សីហាឆ្នាំ២០២១ ចាក់បានចំនួន៣៥ម៉ឺន៧ពាន់៨៩៧នាក់។

គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩នៅថ្ងៃទី១៩សីហាបានជូនដំណឹងថា លទ្ធផលអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាល សម្រាប់ថ្ងៃទី១៨សីហា ឆ្នាំ២០២១ គឺគេបានអនុវត្តវិធានការច្បាប់មានចំនួន១៨៩៣ករណី។ ក្នុងនោះ ឃាត់ខ្លួនមនុស្សចំនួន១ពាន់៨៦៧នាក់ ដើម្បីអប់រំ និងផាកពិន័យ។ ជាមួយគ្នានោះ បុគ្គលម្នាក់ ត្រូវបានបញ្ជូនទៅតុលាការផងដែរ។ ក្នុងការអនុវត្តច្បាប់នោះ សមត្ថកិច្ចបានឃាត់យានយន្តចំនួន៩៨៧គ្រឿង, និង ពិន័យជាប្រាក់ចំនួ១៧លាន៥សែនរៀលផងដែរ។ យោងតាមច្បាប់ បទល្មើសមិនគោរពវិធានការដ្ឋបាល ត្រូវផាកពិន័យអន្តរការណ៍ពី១លានទៅ៥លានរៀល។ ត្រូវផ្ដន្ទារទោសដាក់ពន្ធនាគារពី៦ខែទៅ៣ឆ្នាំ និងពិន័យជាប្រាក់ពី២លានទៅ១០លានរៀល បើអំពើនោះបានបណ្ដាលឲ្យមានការចម្លងជំងឺកូវីដ-១៩ដល់អ្នកដទៃ និងត្រូវផ្ដន្ទារទោសដាក់ពន្ធនាគារពី២ឆ្នាំទៅ៥ឆ្នាំ និងពិន័យជាប្រាក់ពី៥លានទៅ២០លានរៀល បើអំពើនោះបានបណ្ដាលឲ្យប៉ះពាល់ធ្ងន់ធ្ងរដល់សុខភាពសាធារណៈ។

ភ្នំពេញ៖ នៅយប់ថ្ងៃទី១៨ ខែសីហា ឆ្នាំ២០២១ លោក ម៉ូវ ម៉ានិត អភិបាលខណ្ឌសែនសុខ និងជាប្រធានគណៈបញ្ជាការឯកភាពរដ្ឋបាលខណ្ឌ បានបន្តដឹកនាំកំលាំងដាក់គោលដៅត្រួតពិនិត្យបម្រាមគោចរ អនុវត្តតាមលិខិតលេខ២៥៩/២១ សសរ ចុះថ្ងៃទី១១ ខែសីហា ឆ្នាំ២០២១ របស់រដ្ឋបាលរាជធានីភ្នំពេញ ដើម្បីទប់ស្កាត់ការឆ្លងជំងឺកូវីដ-១៩ ចំនួន០២គោលដៅគឺ៖ ទី១-គោលដៅផ្លូវ១០១៩ មុខទីតាំវបណ្តុះកូនឈើ ស្ថិតក្នុងសង្កាត់គោកឃ្លាង និងសង្កាត់ភ្នំពេញថ្មី។ ទី២-គោលដៅផ្លូវ៥៩៨ មុខវិហ៊ាយេស៊ូ ស្ថិតក្នុងសង្កាត់ទឹកថ្លា ខណ្ឌសែនសុខ និងធ្វើការល្បាតតាមផ្លូវ តាមភោជនីយ៏ដ្ឋាន និងកន្លែងលក់ដូរក្នុងភូមិសាស្ត្រសង្កាត់ទាំង០៦ បំបែកការជួបជុំ តាមការណែនាំរបស់រដ្ឋបាលរាជធានីភ្នំពេញ។ និងធ្វើការល្បាតតាមផ្លូវ តាមភោជនីយ៏ដ្ឋាន និងកន្លែងលក់ដូរក្នុងភូមិសាស្ត្រសង្កាត់ទាំង០៦ បំបែកការជួបជុំ តាមការណែនាំរបស់រដ្ឋបាលរាជធានីភ្នំពេញ។ យោងតាមការណែនាំបន្ថែមសេចក្តីសម្រេចលេខ០២០/២១ សណន របស់សាលារាជធានីភ្នំពេញ ស្តីពី« ការរឹតបន្តឹងការអនុវត្តវិធានការបង្ការ និងទប់ស្កាត់ការឆ្លងរាលដាលជំងឺកូវីដ-១៩ ចំពោះការដ្ឋានគ្រប់ប្រភេទ ក្នុងភូមិសាស្ត្ររាជធានីភ្នំពេញ »។ ជាក់ស្ដែង ក្នុង ការចុះអនុវត្តការរឹតបន្តឹងការអនុវត្តវិធានការបង្ការ និងទប់ស្កាត់ការឆ្លងរាលដាលជំងឺកូវីដ-១៩នេះ បានធ្វេីឡេីងតាមមូលដ្ឋានសង្កាត់ទាំង០៦ ក្នុងខណ្ឌសែនសុខ រាជធានីភ្នំពេញ ដើម្បីចូលរួមប្រយុទ្ធប្រឆាំង និងកាត់ផ្តាច់ការរីករាលដាលជំងឺកូវីដ-១៩ បម្លែងថ្មី(Delta)…

បន្ទាយមានជ័យ ៖ ផ្ទុះករណីឆ្លងមេរោគកូវីដ១៩នៅមណ្ឌលជីវីតថ្មីភ្នំបាក់ក្រុងសិរីសោភ័ណ អ្នកបន្សាបសារធាតុញៀន ៦០១នាក់ / ស្រី ៣០នាក់លើ ៦៦០នាក់បានឆ្លងជម្ងឺកូវីដ១៩ គណៈបញ្ជាការឯកភាពខេត្តបន្ទាយមានជ័យចេញបញ្ជារ ឱ្យដឹកយកទៅមណ្ឌលព្យាបាលនៅខាងក្រៅ ។ ប្រតិបត្តិការនាថ្ងៃទី១៨ ខែសីហា ឆ្នាំ២០២១ ដឹកនាំផ្ទាល់ដោយ ឯកឧត្ដម អ៊ុ រាត្រី អភិបាលខេត្តបន្ទាយមានជ័យ ។លោក ឃុន វុទ្ធី ប្រធានមន្ទីរសង្គមកិច្ច អតីតយុទ្ធជននិងយុវនិតិសម្បទាខេត្តបន្ទាយមានជ័យបានប្រាប់ថា ៖ ក្នុងមណ្ឌលនេះ មានមន្ត្រីនគរបាលម្នាក់និងមន្ត្រីមន្ទីរម្នាក់មានវិជ្ជមានកូវីដ១៩ ។តមក ដោយមានការសង្ស័យនៅថ្ងៃទី១៦ខែសីហាឆ្នាំ២០២១ គ្រូពេទ្យជួរមុខបានមកយកសំណាកក្នុងមណ្ឌល។ក្នុងនោះ មន្ត្រីសមត្ថកិច្ចនិងជំនាញអវិជ្ជមានចំនួន ៨០នាក់ ។ ប៉ុន្តែអ្នកបន្សាបសារធាតុញៀនចំនួន៦០១នាក់/ស្រី៣០នាក់ លើអ្នកបន្សាបសរុប ៦៦០នាក់ មានវិជ្ជមានកូវីដ១៩ ។ លោកបានបន្តថា ៖ ចំពោះមុខ ក្រុមការងារបានញែកបំបែកអ្នកអវិជ្ជមានចេញទៅបន្ទប់នៃអគារផ្សេងក្នុងមណ្ឌល ។ ក្នុងនោះមានអ្នកបន្សាបគ្រឿងញៀន ៥០នាក់បានរឡើងរបងនិងទម្លុះទ្វារចេញពីមណ្ឌល ។ ប៉ុន្តែត្រូវកម្លាំងចម្រុះចាប់បានវិញ ចំនួន ៤៧នាក់ និង ៣នាក់ទៀត ត្រូវបានស្រាវឃើញនិងចាប់មកវិញបន្តបន្ទាប់ ។ ឯកឧត្ដម…