ភ្នំពេញ ៖ គណៈប្រតិភូកាកបាទក្រហមកម្ពុជា នៅថ្ងៃពុធ ទី ១៨ ខែសីហា ឆ្នាំ២០២១ ដឹកនាំដោយ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា បានអញ្ជើញជួបសវនាការ និងប្រគល់ជូន ឯកឧត្តម Thit Linn Ohn ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋសហភាពមីយ៉ាន់ម៉ា ប្រចាំនៅកម្ពុជា នូវលិខិតបញ្ជាក់ស្តីពីការឧបត្ថម្ភថវិកាចំនួន 100,000 ដុល្លារអាមេរិក ជូនកាកបាទក្រហមមីយ៉ាន់ម៉ា ដេីម្បីចូលរួមក្នុងការប្រយុទ្ធប្រឆាំងនឹងជំងឺកូវីដ-១៩ ដែលកំពុងរាតត្បាតនៅប្រទេសមីយ៉ាន់ម៉ា។ ថវិកានេះ នឹងត្រូវផ្ទេរតាមរយៈប្រព័ន្ធធនាគារ ពីគណនីរបស់កាកបាទក្រហមកម្ពុជា ទៅកាន់គណនីរបស់កាកបាទក្រហមមីយ៉ាន់ម៉ា។ ក្នុងឱកាសនោះ លោកជំទាវ អគ្គលេខាធិការ កាកបាទក្រហមកម្ពុជា បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសូមចូលរួមសម្តែងនូវក្តីព្រួយបារម្ភជាមួយនឹង ប្រជាជន កាកបាទក្រហម ក៏ដូចជារដ្ឋាភិបាលនៃប្រទេសមីយ៉ាន់ម៉ា ដែលកំពុងជួបប្រទះនឹងការឆ្លងរីករាលដាលធ្ងន់ធ្ងរនៃជំងឺកូវីដ-១៩ ក្នុងប្រទេសមីយ៉ាន់ម៉ា។ ជាមួយគ្នានេះ លោកជំទាវអគ្គលេខាធិការ បានពាំនាំនូវការកោតសរសេីរពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី…

កណ្តាល ៖ លោកនុត ពុធដារ៉ា ជំនួយការសម្តេចតេជោនាយករដ្ឋមន្ត្រី និងជាអភិបាលរងខេត្តកណ្តាល រួមជាមួយតំណាងអង្គការ Water Aid នៅថ្ងៃទី១៨ ខែសីហា ឆ្នាំ២០២១ បាននាំយកសម្ភារៈ និងគ្រឿងឧបភោគបរិភោគមួយចំនួនធំ ឧបត្ថម្ភដល់រដ្ឋបាលស្រុកខ្សាច់កណ្តាល ដើម្បីជួយគាំទ្រដល់ការប្រយុទ្ធប្រឆាំងជម្ងឺកូវីដ-១៩ ក្នុងស្រុកខ្សាច់កណ្តាល។ សម្ភារៈ និងគ្រឿងឧបភោគបរិភោគ ដែលបានប្រគល់ជូនដល់រដ្ឋបាលស្រុករួមមាន ម៉ាស់ អាកុល សាប៊ូ ប្រដាប់សម្រាប់លាងដៃ ឱសថបុរាណចិន អង្ករ មី ត្រីខ ទឹកត្រី ប្រេងឆា និងសម្ភារៈមួយចំនួនទៀត ៕ ដោយ / គ្រី សម្បត្តិ

កំពង់ឆ្នាំង ៖ នៅព្រឹកថ្ងៃទី ១៨ ខែសីហាឆ្នាំ២០២១នេះ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បាននាំយកអំណោយទៅចែកជូនប្រជាពលរដ្ឋចំនួន ១៥០គ្រួសារ ស្ថិតក្នុងតំបន់បិទខ្ទប់ ឃុំប្រឡាយមាស ស្រុកកំពង់លែង ដោយមានការចូលរួមពី ឯកឧត្តម អម សុភា អភិបាលរងខេត្តកំពង់ឆ្នាំង និង ឯកឧត្តម កែវ វណ្ណដេត ក្រុមការងាររាជរដ្ឋាភិបាលចុះស្រុកកំពង់លែងផងដែរ ។ ឯកឧត្តម ស៊ុន សុវណ្ណារិទ្ធិ បានអំពាវនាវដល់បងប្អូនប្រជាពលរដ្ឋទាំងអស់នៅក្នុងតំបន់ធ្វើការបិទខ្ទប់ត្រូវចូលរួមទាំងអស់គ្នាជាមួយអាជ្ញាធរធ្វើយ៉ាងណារក្សាអោយបាននូវគោល ការណ៍ណែនាំបានត្រឹមត្រូវតាមវិធា នការក្រសួងសុខាភិបាល ពិសេស ៣ការពារ និង៣កុំ អោយបានខ្ជាប់ខ្ជួនដើម្បីខ្លួនយើងនិងសហគមន៍យើងជៀសផុតពីជំងឺកូវីដ១៩និងជាពិសេសជំងឺកូវីដ បម្លែងថ្មី ដែលតាដ៍កាចសាហាវនេះ ។ ចំពោះអំណោយចែកជូនដល់បងប្អូនប្រជាពលរដ្ឋក្នុងតំបន់បិទខ្ទប់ទាំង ១៥០គ្រួសារ គឺក្នុង១គ្រួសារៗទទូលបានអង្ករ ២០គ.ក្រ , មី ០១កេស , ត្រីខ១០កំប៉ុង ទឹកត្រី០១យួរ .ទឹកស៊ីអ៊ីវ០១យួរ ម៉ាស់០១ប្រអប់ ។ នៅក្នុងឱកាសនោះដែរ ឯកឧត្តមអភិបាលខេត្ត និងក្រុមការងារបានប្រគល់ស្បៀងរដ្ឌបាលខេត្ត ដល់មេឃុំប្រឡាយមាស…

យោងតាមរដ្ឋបាលខេត្តការឆ្លងថ្មីទាំង២៣នាក់ថ្ងៃនេះ រួមមាននៅក្រុងកំពង់ចាម៦នាក់, ស្រុកកងមាស៤នាក់, ស្រុកចំការលើ៤នាក់, ស្រុកព្រៃឈរ២នាក់, ស្រុកស្ទឹងត្រង់២នាក់, ស្រុកស្រីសន្ធរ២នាក់, មកពីខេត្តត្បូងឃ្មុំ២នាក់ និងមកពីខេត្តកំពង់ម្នាក់។ ចំណែកអ្នកស្លាប់ជាបុរស អាយុ ៦៧ឆ្នាំ នៅភូមិស្ពឺលិច ឃុំស្ពឺ ស្រុកចំការលើ ខេត្តកំពង់ចាម។ ខេត្តកំពង់ចាមគិតមកដល់បច្ចុប្បន្ននេះ មានករណីឆ្លងជំងឺកូវីដ-១៩សរុបចំនួន៤ពាន់៦៨២ករណី ក្នុងនោះករណីបំប្លែងថ្មីដែលតា(Delta)ចំនួន១៦ករណី, បានជាសះស្បើយចំនួន៣ពាន់៩៨០នាក់ និងមានអ្នកស្លាប់ ចំនួន១១២នាក់។

យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងស្រុកជីក្រែង១០នាក់,ក្រុងសៀមរាប៤៥នាក់, ស្រុកសូទ្រនិគម១៤នាក់, ស្រុកពួក១២នាក់, ,ស្រុកប្រាសាទបាគង៧នាក់ និងស្រុកក្រឡាញ់៩នាក់។ ជាមួយគ្នានោះ រដ្ឋបាលខេត្តសៀមរាបក៏បានបញ្ជាក់ថា ក្នុងរយៈពេល២៤ម៉ោងចុងក្រោយខេត្តមានអ្នកជំងឺកូវីដ-១៩ចំនួន១៧៧នាក់បានជាសះស្បើយផងដែរ។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន៦ពាន់៣៩២នាក់, ព្យាបាលជាសះ ស្បើយចំនួន៤ពាន់៨១៤នាក់និងស្លាប់៧៥នាក់។

ភ្នំពេញ៖ រដ្ឋបាលរាជធានីភ្នំពេញ នៅព្រឹកថ្ងៃទី១៨ ខែសីហា ឆ្នាំ២០២១នេះ បានចេញសេចក្ដីសម្រេចស្ដីពីការ បិទខ្ទប់លំនៅឋានអ៊ូស៊ានណា ស្ថិតនៅភូមិសំរោងទាវ និងភូមិព្រៃមូល សង្កាត់ក្រាំងធ្នង់ ខណ្ឌសែនសុខ ដែលមានឆ្លងរាលដាលនៃមេរោគកូវីដបំប្លែងខ្លួនថ្មី ប្រភេទ Delta។ ប្រការ១ នៃសេចក្ដីសម្រេចនេះ បានបញ្ជាក់យ៉ាងដូច្នេះថា «ត្រូវបានបិទខ្ទប់មិនឲ្យមានការចេញចូលតំបន់លំនៅឋានអ៊ូស៊ានណា ស្ថិតនៅភូមិសំរោងទាវ និងភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ដែលមានការឆ្លងរាលដាលនៃមេរោគបំប្លែងខ្លួនថ្មី ប្រភេទ Delta សម្រាប់រយៈពេល១៤ថ្ងៃ គិតចាប់ពីថ្ងៃទី១៨ ខែសីហា ដល់ថ្ងៃទី៣១ ខែសីហា ឆ្នាំ២០២១ ដើម្បីទប់ស្កាត់ និងកាត់ផ្ដាច់ការឆ្លងរាលដាលនូវមេរោគបំប្លែងខ្លួនថ្មី ប្រភេទ Delta នៅក្នុងសហគមន៍»។ ប ន្ថែមពីនេះ រដ្ឋបាលរាជធានីភ្នំពេញ បានកំណត់ទៀតថា ក្នុងអំឡុងពេលនៃការអនុវត្តវិធានការបិទខ្ទប់ ត្រូវបានហាមឃាត់រាល់ការចេញចូល និងរាល់ការជួបជុំ ឬការប្រមូលផ្ដុំមនុស្ស ក្នុងទីតាំងខាងលើ លើកលែងតែករណីចាំបាច់ ដូចមានកំណត់ក្នុងប្រការ២៕

យោងតាមក្រសួងសុខាភិបាលនៅថ្ងៃទី១៨សីហាឆ្នាំ២០២១ បានឲ្យដឹងថា នៅថ្ងៃ១៧សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៥៩៣នាក់ ដែលក្នុងនោះអ្នកដំណើរមកពីបរទេសចំនួន១៨៩នាក់ និងករណីឆ្លងសហគមន៍៤០៤នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ១៧សីហា មានអ្នកជាសះស្បើយពីជំងឺកូវីដ-១៩ ចំនួន៧៤៨នាក់ និងមានអ្នកស្លាប់១២នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី១៧សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន៧ពាន់១៩០នាក់ ក្នុងនោះបានព្យាបាលជាសះស្បើយចំនួន៨ម៉ឺន២ពាន់៦៦៦នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៧៣០នាក់ហើយ។

ភ្នំពេញ៖ អនុវត្តតាមសេចក្តីជូនដំណឹងរបស់រដ្ឋបាលរាជធានីភ្នំពេញ នៅព្រឹកថ្ងៃទី១៨ ខែសីហា ឆ្នាំ២០២១ នេះ សកម្មភាពនៃការចាក់វ៉ាក់សាំងអាហ្សេនីកា ដូសជំរុញ ឬ ផូសទី៣ ជូនដល់មន្ត្រីរាជការ មន្ត្រីសុខាភិបាលនិងបុគ្គលិកនៃរដ្ឋបាលរាជធានីភ្នំពេញ រដ្ឋបាលខណ្ឌទាំង១៤ រដ្ឋបាលសង្កាត់ទាំង១០៥ មន្ទីរ-អង្គភាពជំនាញជុំវិញរដ្ឋបាលរាជធានីភ្នំពេញ ព្រមទាំងមន្ត្រីសុខាភិបាលជួរមុខវិស័យឯកជន នៅរាជធានីភ្នំពេញ បានដំណើរការយ៉ាងមមាញឹកទៅតាមការរៀបចំរបស់អាជ្ញាធរ នៅតាមទីតាំងដែលបានបែងចែករួច។ ជាក់ស្តែង ក្នុងថ្ងៃទី១នៃដំណើរការនៃការចាក់វ៉ាក់សាំងអាហ្សេនីកា ដូសជំរុញ ឬ ផូសទី៣នេះ គេបានឃើញនៅមណ្ឌលចាក់វ៉ាក់សាំងមួយចំនួន មានអ្នកទៅចាក់ជាច្រើននាក់ ពិសេសមន្ត្រីរាជការរបស់រដ្ឋបាលរាជធានីភ្នំពេញនិងមន្ត្រីរបស់សាលាខណ្ឌចំណុះអោយរដ្ឋបាលរាជធានីភ្នំពេញ។ ចំពោះ ឈ្មោះសា្ថប័ន និងអង្គភាពដែលត្រូវចាក់វ៉ាក់សាំងអាហ្សេនីកា ដូសជំរុញ ឬ ផូសទី៣ ដែលរៀបចំឡើងដោយរដ្ឋបាលរាជធានីភ្នំពេញនេះ រួមមាន៖ មណ្ឌលទី១ សាលារាជធានីភ្នំពេញ ត្រូវចាក់នៅមន្ទីរពេទ្យបង្អែករាជធានីភ្នំពេញ នៅ ថ្ងៃទី១៨សីហានិង សាលាខណ្ឌ៧មករា ត្រូវចាក់នៅមន្ទីរពេទ្យបង្អែករាជធានីភ្នំពេញ នៅ ថ្ងៃទី១៩សីហា ។ ទីចាត់ការមន្ទីរសុខាភិបាលនៃរដ្ឋបាលរាជធានីភ្នំពេញ និងគណៈកម្មការផ្សារអូរឫស្សី ត្រូវចាក់នៅមន្ទីរពេទ្យបង្អែករាជធានីភ្នំពេញ នៅ ថ្ងៃទី២០ សីហា ។ មណ្ឌលទី២ សាលាខណ្ឌដូនពេញ ,រដ្ឋាករស្វយឺតផ្សារធំថ្មី,…