រដ្ឋបាលខេត្តស្ទឹងត្រែង បានចេញសេចក្តីសម្រេចលេខ ០៩៥/២១ សសរ ស្តីពីការបិទខ្ទប់ជាបណ្តោះអាសន្ន ភូមិសាស្រ្ត «ក្រុងស្ទឹងត្រែង ខេត្តស្ទឹងត្រែង» ដើម្បីទប់ស្កាត់ការឆ្លងរាលដាល ក្នុងសហគមន៍ នៃមេរោគកូវីដ-១៩ ប្រភេទដែលតា (Delta)។ រដ្ឋបាលខេត្ត បានបញ្ជាក់ ពីភូមិសាស្ត្រដែលត្រូវបានបិទខ្ទប់ អាចត្រូវបានបែងចែកជា «តំបន់ក្រហម ,តំបន់លឿងទុំ និងតំបន់លឿង» អាស្រ័យតាមកម្រិត នៃការឆ្លងរាលដាល នៃជំងឺកូវីដ-១៩ នៅក្នុងមូលដ្ឋានជាត់ស្តែង។ “តំបន់ក្រហម” សំដៅលើភូមិសាស្ត្រ ដែលមានការឆ្លងរាលដាលកម្រិតធ្ងន់ធ្ងរ នៃជំងឺកូវីដ-១៩ ក្នុងសហគមន៍ ,”តំបន់លឿងទុំ” សំដៅលើភូមិសាស្ត្រ ដែលមានការឆ្លងរាលដាលកម្រិតមធ្យម នៃជំងឺកូវីដ-១៩ ក្នុងសហគមន៍ និង “តំបន់លឿង” សំដៅលើភូមិសាស្ត្រ ដែលមានការឆ្លងរាលដាលកម្រិតស្រាល នៃជំងឺកូវីដ-១៩។ ការកំណត់ភូមិសាស្ត្រណាមួយក្នុងតំបន់បន់បិទខ្ទប់ ជា “តំបន់ក្រហម” ,”តំបន់លឿងទុំ” និង”តំបន់លឿង” ត្រូវធ្វើឡើងដោយសេចក្តីសម្រេចរបស់រដ្ឋបាលខេត្តស្ទឹងត្រែង។ ចំពោះភូមិសាស្ត្រដែលត្រូវបានបិទខ្ទប់ ត្រូវអនុវត្តវិធានការហាមឃាត់ រឹតត្បិត ជាអាទិ៍ ទាក់ទងនឹងការធ្វើដំណើរក្នុងភូមិសាស្ត្របិទខ្ទប់ និងការធ្វើដំណើរចេញ-ចូល ឆ្លងកាត់ភូមិសាស្ត្រ ដែលត្រូវបានបិទខ្ទប់ ការជួបជុំ ឬការប្រមូលផ្តុំមនុស្ស…

ឯកឧត្តម អ៊ាន ឃុន ប្រធានក្រុមប្រឹក្សាខេត្ត និងសមាជិកសមាជិកាក្រុមប្រឹក្សាខេត្ត រួមទាំងថ្នាក់ដឹកនាំមន្ទីរអង្គភាពមន្ត្រីរាជការ សរុបចំនួន ៧,២៦៧នាក់ បានចាក់វ៉ាក់សាំងការពារជំងឺកូវីដ-១៩ ដូសទី៣ ឬដូសជំរុញ ប្រភេទ អាស្ត្រាហ្សេនីកា នៅមន្ទីរពេទ្យបង្អែកខេត្តសៀមរាប នៅព្រឹកថ្ងៃទី១៧ ខែសីហា ឆ្នាំ ២០២១។ ក្នុងឱកាសនោះ ឯកឧត្តម ប្រធានក្រុមប្រឹក្សាខេត្ត បានជំរុញឲ្យមន្រ្តីរាជការ កងកម្លាំប្រដាប់អាវុធ និងប្រជាពលរដ្ឋនៅក្នុងខេត្តបន្តយកចិត្តទុកដាក់ អនុវត្តនូវវិធានការណែនាំរបស់រាជរដ្ឋាភិបាលគឺ ៣កុំ ៣ការពារ និងអនុវត្តតាមសេចក្ដីណែនាំផ្សេងៗរបស់ក្រសួងសុខាភិបាលឲ្យបានខ្ជាប់ខ្ជួនទាំងអស់គ្នា ដើម្បីយើងរួមគ្នាទប់ស្កាត់ការឆ្លងរាលដាលនៃជំងឺកូវីដ-១៩ ឲ្យកាន់តែមានប្រសិទ្ធភាពខ្ពស់៕ ដោយ ស៊ាន សុផាត

កំំពង់ឆ្នាំង៖ លោកជំទាវ ប៊ន សុភីអភិបាលរងខេត្តកំពង់ឆ្នាំង នៅព្រឹកថ្ងៃ ទី ១៧ ខែសីហា ឆ្នាំ ២០២១ អញ្ជើញជាអធិបតីភាពក្នុងពិធីបើកយុទ្ធនាការចាក់វ៉ាក់សាំងការពារកូវីដ១៩ ដូស ទី៣ (ជាដូសជំរុញប្រភេទអាស្ត្រាហ្សេណេការ)ចំនួន៣៧៦ដូស ជូនអតីតយុ ទ្ធជន និងកងកម្លាំងនគរបាលចូលនិ វត្តន៍ នៅក្មុងមណ្ឌសុខភាព ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។ លោកជំទាវ ប៊ន សុភី បានឲ្យដឹងថាសម្ដេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជាតែងតែគិតគួពីសុខទុក្ខបងប្អូនអតីតយុទ្ធជនជានិច្ច ហើយបានផតល់ការចាក់វ៉ាក់សាំងដូស ទី៣ (ជាដូសជំរុញប្រភេទអាស្ត្រាហ្សេណេការ)ជូនអតីតយុ ទ្ធជន និងកងកម្លាំងនគរបាលចូលនិ វត្តន៍ ដើម្បីការពារដល់សុខ ភាពរបស់បងប្អូនអោយបានល្អប្រសើរ ដើម្បីបង្ការការឆ្លងរីករាលដាលជំងឺកូវីដ១៩ និងមេរោគបំលែងខ្លួនថ្មី។ លោកជំទាវ ប៊ន សុភី ក៏បានធ្វើការអំពាវនាវបន្តចូលរួមការអនុវត្តនូវវិធាន ការរបស់ប្រមុខរាជរដ្ឋាភិបាលក៏ដូច ជាក្រសួងសុខាភិបាលឲ្យបានខ្ជាប់ ខ្ជួននូវវិធានការ ៣ការពារ និង ៣កុំ ឲ្យបានខ្ជាប់ខ្ជួនទាំងអស់គ្នា ទើបយើងអាចកាត់ផ្ដាច់បាននូវការឆ្លងរាលដាលជំងឺកូវី១៩ ចូលក្នុងសហគមន៍យើង ៕សុខ គឹមសៀន

តាមរបាយការណ៍សង្ខេប គិតត្រឹមថ្ងៃទី១៧ ខែសីហា ឆ្នាំ២០២១ សម្រេចបាន៨៥,២៣ឍភាគរយធៀបជាមួយចំនួនប្រជាជនគោលដៅ ១០លាននាក់ និងលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៣២,២៥ឍភាគរយធៀបជាមួយនឹងប្រជាជនគោលដៅ ១,៩៦៦,៩៣១ នាក់៕

ខេត្តបន្ទាយមានជ័យ បន្តរកឃើញអ្នកវិជ្ជមានកូវីដ១៩ចំនួន៣៨៧នាក់ និងមានអ្នកជាសះស្បើយចំនួន ១១៥នាក់ នៅថ្ងៃទី១៧ សីហា ឆ្នាំ២០២១ ។

នាព្រឹកថ្ងៃទី១៧ ខែសីហា ឆ្នាំ២០២១នេះ តាមប្រព័ន្ធវីដេអូសន្និសីទZOOM ក្រុមការងាររាជរដ្ឋាភិបាលចុះមូលដ្ឋាន ស្រុកកំពង់ត្របែក បានរៀបចំកិច្ចប្រជុំស្ដីពីបច្ចុប្បន្នភាពស្ថានភាពជំងឺកូវីដ-១៩ ជាពិសេសវីរុសបំប្លែងថ្មី ប្រភេទ Delta នៅស្រុកកំពង់ត្របែក ខេត្តព្រៃវែង ក្រោមអធិបតីភាពឯកឧត្តម ហាស់ សារ៉េត ប្រធានក្រុមការងាររាជរដ្ឋាភិបាលចុះជួយស្រុកកំពង់ត្របែក និងឯកឧត្តម សន្ដិបណ្ឌិត ខៀវ សុភ័គ រដ្ឋលេខាធិការក្រសួងមហាផ្ទៃ និងជាអនុប្រធានទី១ ក្រុមការងាររាជរដ្ឋាភិបាលចុះជួយស្រុកកំពង់ត្របែក។ ក្នុងកិច្ចប្រជុំនាពេលព្រឹកនេះ ក៏មានការចូលរួមពី ឯកឧត្តម អនុប្រធានក្រុមការងារស្រុក និងជាប្រធានក្រុមការងារឃុំ ទាំង១៣ ព្រមទាំង ឯកឧត្តម អនុប្រធានក្រុមការងារស្រុក និងជាអនុប្រធានទី១ ក្រុមការងារឃុំទាំង១៣ និងសមាជិក-សមាជិកា ជាច្រើនរូបទៀតផងដែរ។ ជាការចាប់ផ្ដើម លោក យ៉ាវ សានិន អភិបាល នៃគណៈអភិបាលស្រុក និងជាអនុប្រធានអចិ៍ន្ដ្រៃយ៍ក្រុមការងាររាជរដ្ឋាភិបាលចុះមូលដ្ឋានស្រុកកំពង់ត្របែក បានធ្វើរបាយការណ៍ស្ដីពីវឌ្ឍនភាពការងារបង្ការ និងទប់ស្កាត់ការរីករាលដាលជំងឺកូវីដ-១៩ ក្នុងស្រុកកំពង់ត្របែក ជូនឯកឧត្តមប្រធាន និងឯកឧត្តមអនុប្រធាន ព្រមទាំង សមាជិក-សមាជិកទាំងអស់ដែលបានចូលរួមកិច្ចប្រជុំនាពេលព្រឹកនេះ។ ក្រោយស្ដាប់របាយការណ៍រួច ឯកឧត្តម ហាស់ សារ៉េត ប្រធានក្រុមការងារស្រុកកំពង់ត្របែក…

យោងតាមរដ្ឋបាលខេត្តការឆ្លងថ្មីទាំង២៥នាក់ថ្ងៃនេះ រួមមាននៅក្រុងកំពង់ចាម៦នាក់, ស្រុកបាធាយម្នាក់, ស្រុកស្ទឹងត្រង់៤នាក់, ស្រុកព្រៃឈរ៣នាក់ និងមកពីខេត្តកំពង់ធំម្នាក់។ ចំណែកអ្នកស្លាប់ទាំង២នាក់រួមមាន ទី១ ស្ត្រីជនជាតិខ្មែរ អាយុ៨៦ឆ្នាំ នៅ ស្រុកកោះសូទិន និងទី២ ស្ត្រីជនជាតិខ្មែរអាយុ៨៣ឆ្នាំ នៅស្រុកចំការលើ ខេត្តកំពង់ចាមខេត្តកំពង់ចាម គិតមកដល់បច្ចុប្បន្ននេះ មានករណីឆ្លងជំងឺកូវីដ-១៩សរុប ចំនួន៤ពាន់៦៥៩ករណី ក្នុងនោះបានជាសះស្បើយចំនួន៣ពាន់៩២៤នាក់ និងមានអ្នកស្លាប់ ចំនួន១១១នាក់។

រតនគិរី ៖ ក្រោមការគិតគូរដ៏ខ្ពង់ខ្ពស់របស់សម្តេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា កុមារអាយុចាប់ពី១២ ដល់ក្រោម១៨ឆ្នាំ នៅខេត្តរតនគិរី ត្រូវបានទទួលវ៉ាក់សាងការពារជំងឺកូវីដ-១៩ ។ យុទ្ធនាការនេះចាប់ផ្តើមពីថ្ងៃទី១៦ ខែសីហា ឆ្នាំ២០២១ នៅក្រុងបានលុង និងនៅតាមបណ្តាស្រុកទូទាំងខេត្តនៅជំហានបន្តបន្ទាប់ទៀត ។ តាមរយៈការផ្តល់វ៉ាក់សាំងដល់កុមារនេះ ក្នុងគោលដៅបើកដំណើរការឡើងវិញនូវវិស័យអប់រំដែលកំពុងរងផលប៉ះពាល់ដោយសារវិបត្តិជាសកលកូវីដ-១៩ ។ សូមបញ្ជាក់ថា នៅទូទាំងខេត្ត មានកុមារអាយុពី ១២ ដល់ក្រោម ១៨ឆ្នាំ ប្រមាណជាង ៣ម៉ឺននាក់ ដែលត្រូវទទួលបានវ៉ាក់សាំងការពារជំងឺកូវីដ-១៩ ៕

យោងតាមក្រសួងសុខាភិបាលនៅថ្ងៃទី១៧សីហាឆ្នាំ២០២១ បានឲ្យដឹងថា នៅថ្ងៃ១៦សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៥៥៦នាក់ ដែលក្នុងនោះអ្នកដំណើរមកពីបរទេសចំនួន១៦៧នាក់ និងករណីឆ្លងសហគមន៍៣៨៩នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ១៦សីហា មានអ្នកជាសះស្បើយពីជំងឺកូវីដ-១៩ ចំនួន៧១៦នាក់ និងមានអ្នកស្លាប់១៤នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី១៦សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន៦ពាន់៥៩៧នាក់ ក្នុងនោះបានព្យាបាលជាសះស្បើយចំនួន៨ម៉ឺន១ពាន់៩១៨នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៧១៨នាក់ហើយ។

រតនគិរី ៖ នៅថ្ងៃទី១៦ ខែសីហា ឆ្នាំ២០២១ ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី បានស្រាវជ្រាវ ធ្វើតេស្ដរហ័ស(Rapid-Test) លើមនុស្សចំនួន ៥៤៧នាក់ រកឃើញវិជ្ជមានជំងឺកូវីដ-១៩ ចំនួន ០៦នាក់ ។ សូមបញ្ជាក់ថា គិតត្រឹមថ្ងៃទី១៦ ខែសីហា ឆ្នាំ២០២១ នៅទូទាំងខេត្តរតនគិរី រកឃើញអ្នកវិជ្ជមានជំងឺកូវីដ-១៩ សរុប ៨៨៤នាក់ បានព្យាបាលជាសះស្បើយចំនួន ៦៧២នាក់ និងស្លាប់ ០៧នាក់ ៕ ដោយ គតិ យុត្ត