ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសឱ្យប្រជាពលរដ្ឋនៅក្នុងរាជធានីភ្នំពេញ ដែលមិនទាន់បានចាក់វ៉ាក់សាំងការពារកូវីដ១៩ អាចទៅស្វែងរកការចាក់នៅតាមមន្ទីរពេទ្យរដ្ឋ។ នេះបើតាមសារឆ្លើយតបទៅប្រជាពលរដ្ឋ ក្នុងទំព័រហ្វេសបុករបស់សម្តេច នៅថ្ងៃទី១៥ ខែសីហា ឆ្នាំ២០២១៕ សម្តេចតេជោ បានបញ្ជាក់យ៉ាងដូច្នេះ «គេកំពុងចាក់រាល់ថ្ងៃតាមមន្ទីរពេទ្យរដ្ឋសម្រាប់បងប្អូនដែលមិនទាន់បានចាក់។ សាកសួរគេទៅដឹងហើយ»។សម្តេចតេជោ ហ៊ុន សែន ក៏បានណែនាំឱ្យបង្កើនការផ្សព្វផ្សាយពីទីតាំងចាក់វ៉ាក់សាំងជូនប្រជាពលរដ្ឋផងដែរ។ សម្តេចតេជោ បានអំពាវនាវយ៉ាងដូច្នេះ «សូមឱ្យក្រសួងសុខាភិបាល គណៈកម្មការចំពោះកិច្ចសម្រាប់ចាក់វ៉ាក់សាំង សាលារាជធានីភ្នំពេញ និងបណ្តាញផ្សព្វផ្សាយព័ត៌មាន ជួយផ្សព្វផ្សាយឱ្យបានច្រើន ដើម្បីឱ្យប្រជាពលរដ្ឋបានជ្រាប និងនាំគ្នាទៅចាក់វ៉ាក់សាំងបានគ្រប់ៗគ្នា»។យុទ្ធនាការចាក់វ៉ាក់សាំងជំរុញឬដូសទី៣ នៅរាជធានីភ្នំពេញត្រូវបានប្រកាសឱ្យអនុវត្ត បន្ទាប់ពីការប្រកាសចាក់វ៉ាក់សាំងនៅខេត្តជាប់ព្រំដែនចំនួន៧ ដែលរាជរដ្ឋាភិបាលកំពុងផ្តល់អាទិភាពដល់វេជ្ជបណ្ឌិត គិលានុបដ្ឋាយិកា យោធា និងប៉ូលីស។ខេត្តចំនួន ៧ ដែលត្រូវបានជ្រើសរើសជាតំបន់អាទិភាពខ្ពស់គឺខេត្តបាត់ដំបង បន្ទាយមានជ័យ ប៉ៃលិន កោះកុង ឧត្តរមានជ័យ ពោធិ៍សាត់ និងព្រះវិហារ។ វ៉ាក់សាំង AstraZeneca កំពុងត្រូវបានប្រើជាវ៉ាក់សាំងសម្រាប់មន្ត្រីជួរមុខដែលបានទទួលការចាក់វ៉ាក់សាំងពេញលេញជាមួយស៊ីណូហ្វាមនិងស៊ីណូវ៉ាក់។ជាមួយគ្នានេះក្រសួងសុខាភិបាលបានប្រកាសយុទ្ធនាការចាក់វ៉ាក់សាំងការពារជំងឺកូវីដ -១៩ មករាជធានីភ្នំពេញវិញ។ នោះគឺជាការផ្តល់ឱ្យប្រជាជនកម្ពុជានិងជនបរទេសនៅក្នុងរដ្ឋធានីនូវឱកាសទីពីរក្នុងការចាក់វ៉ាក់សាំង។ ការចាក់វ៉ាក់សាំងលើកទី២នៅក្នុងរាជធានីភ្នំពេញនឹងដំណើរការរហូតដល់ថ្ងៃទី៨ ខែកញ្ញា។ ក្រសួងសុខាភិបាលបានប្រកាសទីតាំងចំនួន២ គឺមន្ទីរពេទ្យព្រះអង្គឌួង និងមជ្ឈមណ្ឌលជាតិសុខភាពមាតានិងទារក សម្រាប់ផ្តល់ការចាក់វ៉ាក់សាំនៅរាជធានីភ្នំពេញលើកទី២៕

ភ្នំពេញ៖ សាលារាជធានីភ្នំពេញ នៅយប់ថ្ងៃទី១៥ ខែសីហា ឆ្នាំ២០២១នេះ បានចេញសេចក្តីសម្រេចបិទខ្ទប់កំណាត់ផ្លូវបេតុង ទល់មុខខ្លោងទ្វារវត្តកៀនស្វាយ ស្ថិតនៅក្នុងភូមិយកបាត្រ និងភូមិយកបាត្រ១ ក្នុងសង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ដោយសារមានការឆ្លងរាលដាលនៃមេរោគបំប្លែងខ្លួនថ្មី ប្រភេទដែលតា។ ការបិទកំណាត់ផ្លូវបេតុង ទល់មុខខ្លោងទ្វារវត្តកៀនស្វាយ ស្ថិតនៅក្នុងភូមិយកបាត្រ និងភូមិយកបាត្រ១ ក្នុងសង្កាត់ក្បាលកោះ ខណ្ឌច្បារអំពៅ រាជធានីភ្នំពេញនេះ មានរយៈពេល១៤ថ្ងៃ ដោយគិតចាប់ពីថ្ងៃទី១៥ រហូតដល់ថ្ងៃទី២៨ ខែសីហា ឆ្នាំ២០២១ ដើម្បីទប់ស្កាត់ និងកាត់ផ្តាច់ការឆ្លងរីករាលមេរោគកូវីដ១៩ បំប្លែងថ្មី (Delta) នៅក្នុងសហគមន៍។ ក្នុងអំឡុងពេលនៃការអនុវត្តវិធានការបិទខ្ទប់ ត្រូវបានហាមឃាត់រាល់ការចេញ-ចូល នឹងរាល់ការជួបជុំ ឬ ការប្រមូលផ្តុំមនុស្ស ក្នុងទីតាំងខាងលើ លើកលែងតែករណីចំបាច់ ដូចខាងក្រោម៖ – ការចេញ-ចូល ដោយមូលហេតុសុខភាពបន្ទាន់ – ការចេញ-ចូល ដើម្បីផ្តល់វត្ថុសំណាកធ្វើតែស្តរកជំងឺកូវីដ-១៩ តាមការណែនាំរបស់អាជ្ញាធរមូលដ្ឋាន – ការវិលត្រឡប់ទៅលំនៅឋាន ឬ ទីសំណាក់របស់ខ្លួនវិញរបស់បុគ្គលដែលបានបញ្ចប់ការធ្វើចត្តាឡីស័ក និង អ្នកជំងឺចេញពីមន្ទីរពេទ្យ ឬ កន្លែងសម្រាកព្យាបាល ចូលក្នុងទីតាំងបិទខ្ទប់…

កំពង់ឆ្នាំង៖ យុទ្ធនាការចាក់វ៉ាក់សាំងកូវីដ-១៩ ដូសជំរុញ ឬដូសទី៣ ជូនកងទ័ព និងប្រពន្ធកងទ័ព នៅក្នុង តំបន់ប្រតិបត្តិការសឹករងខេត្តកំពង់ ឆ្នាំង បានដំណើរការ នៅក្នុងថ្ងៃទី១៥ ខែសីហា ឆ្នាំ២០២១ ដោយមានការចូលរួមពី លោកឧត្តមសេនីយ៍ទោ ប៉ូ វណ្ណះ មេបញ្ជាការរង និងជានាយសេ នាធិការយោធភូមិភាគពិសេស និងលោកឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងខេត្តកំពង់ឆ្នាំង កងទ័ពមាននិងគ្រួសាររបស់កងទ័ព សរុបចំនួន ៥០៨នាក់។ លោកឧត្តមសេនីយ៍ត្រី អ៊ុ សុភា មេបញ្ជាការតំបន់សឹករងកំពង់ឆ្នាំង បានថ្លែងថា កងទ័ពជាក្រុមជួរមុខដែលសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ផ្ដល់អាទិភាពក្នុងការចាក់វ៉ាក់សាំងដូសទី៣ (ដូសជំរុញ)នេះ ដើម្បីបង្កើនអង្គបដិបក្ខការពារឱ្យបាន កាន់តែខ្ពស់ក្នុងការទប់ស្កាតជំងឺកូវីដ១៩ ។ លោកមេបញ្ជាការតំបន់សឹករងកំពង់ឆ្នាំង បានឲ្យដឹងថាកងទ័ព បាននិងកំពុង ចូលរួមប្រយុទ្ធយ៉ាងខ្លាំងក្លាជាមួយមេរោគកូ វីដ ១៩ ដូចជាការ អនុវត្តវិធានការបិទខ្ទប់ ការចែក ចា យស្បៀងអាហារ ការដឹកជញ្ជូន ពលករដែលត្រឡប់មកពីប្រទេសថៃមកក្នុងមូលដ្ឋានវិញជាដើម ៕

រដ្ឋបាលខេត្តសៀមរាបបានប្រកាសរកឃើញអ្នកវិជ្ជមានជំងឺកូវីដ-១៩ ថ្មី ចំនួន៨២នាក់ ជាសះស្បើយចំនួន១៧២នាក់ និងស្លាប់ចំនួន០១នាក់ នៅថ្ងៃទី១៤ ខែសីហា ឆ្នាំ២០២១។សូមបញ្ជាក់ថាករណីស្លាប់អ្នកវិជ្ជមានជំងឺកូវីដ-១៩ ចំនួន១នាក់ ឈ្មោះ ដុក ឌន់ ភេទប្រុស អាយុ៧៤ឆ្នាំ អាសយដ្ឋានភូមិទទា សង្កាត់ក្របីរៀល ក្រុងសៀមរាប ដែលបានរកឃើញវិជ្ជមានជំងឺកូវីដ-១៩ នៅថ្ងៃទី១១ ខែសីហា ឆ្នាំ២០២១ និងបានស្លាប់នៅថ្ងៃទី១៤ ខែសីហា ឆ្នាំ២០២១ វេលាម៉ោង០៦៖១០នាទី ដោយសារជំងឺរលាកសួត បង្កដោយមេរោគកូវីដ-១៩។មកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៦១១១នាក់ បានព្យាបាលជាសះស្បើយចំនួន៤១៧៩នាក់ ស្លាប់៧០នាក់ និង១៨៦២នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត វិទ្យាល័យអង្គរ វិទ្យាល័យ ហ៊ុន សែន វត្តស្វាយ និងវិទ្យាល័យដំដែក៕

មណ្ឌលគីរី៖ ផ្សារសែនមនោរម្យ ដែលជាមណ្ឌលសេដ្ឋកិច្ចធំជាងគេ ប្រចាំខេត្តមណ្ឌលគិរី ត្រូវបានបិទផ្អាក ជាបណ្ដោះអាសន្ន ហើយផ្នែកខ្លះទៀត នៃផ្សារ ត្រូវបិទខ្ទប់ដោយសារតែកំណើន អ្នកវិជ្ជមានជំងឺកូវីដ ១៩ ក្នុងសហគមន៍ បានផ្ទុះរាលដាល ជាច្រើនករណី។ អាជ្ញាធរក្រុងសែនមនោរម្យ នៃខេត្តមណ្ឌលគីរី សហការជាមួយក្រុមគ្រូពេទ្យ នៃមន្ទីរសុខាភិបាលខេត្ត បានចុះយកសំណាក ធ្វើតេស្តរកជំងឺកូវីដ-១៩ លើអាជីវករ និងប្រជាពលរដ្ឋ រស់នៅក្នុងផ្សារ នាព្រឹកថ្ងៃទី១៥ សីហា ២០២១ ក្រោយមានករណីផ្ទុះការរាលដាលជំងឺកូវីដ-១៩ក្នុងសហគមន៍ ហើយ គិតត្រឹមវេលាថ្ងៃត្រង់ម៉ោង ១១ម០០នាទី ថ្ងៃទី១៥ សីហា ២០២១ បានយលសំណាកប្រជាពលរដ្ឋ និងអាជីវករ ក្នុងផ្សារសែនមនោរម្យ ចំនួន ២៦៥ នាក់ បានរកឃើញ វិជ្ជមាន ៤ នាក់ ស្រី ៣នាក់ ។លោក ហៀក សុផាន អភិបាលក្រុងសែនមនោរម្យ បានឲ្យដឹង នៅថ្ងៃទី១៥ សីហា ២០២១ ថាៈ ស្ថានភាពរួម…