យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងក្រុងសៀមរាប២៥នាក់, ស្រុកពួក៥៨នាក់, ស្រុកសូទ្រនិគម៦នាក់, ស្រុកប្រាសាទបាគង៥នាក់។ រដ្ឋបាលខេត្តសៀមរាបក៏បានបញ្ជាក់ថា នៅថ្ងៃទី១០សីហាក៏មានអ្នកវិជ្ជមានជំងឺកូវីដ-១៩ ចំនួន៣៣៧នាក់បានជាសះស្បើយផងដែរ។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន៥ពាន់៦៥១នាក់, ព្យាបាលជាសះ ស្បើយចំនួន៣ពាន់៥៦២នាក់និងស្លាប់៦៣នាក់។

យោងតាមសេចក្ដីជូនដំណឹងរបស់ក្រសួងសុខាភិបាលនៅថ្ងៃទី១១សីហាឆ្នាំ២០២១ បានឲ្យដឹងថា យោងតាមលទ្ធផលនៃការធ្វើវិភាគដោយវិទ្យាស្ថានប៉ាស្ទ័រកម្ពុជា បានរកឃើញវីរុសកូវីដ-១៩ បំប្លែងថ្មី B.1.617.2 (Delta) ចំនួន៤៤ករណី នៅថ្ងៃទី១០សីហាឆ្នាំ២០២១។ ក្នុងចំណោមអ្នកឆ្លងវីរុសកូវីដ-១៩បំប្លែងថ្មីទាំង៤៤នាក់នោះ មានម្នាក់ជាអ្នកដំណើរមកពីបរទេសតាមជើងយន្តហោះ, ពលករខ្មែរត្រឡប់មកពីប្រទេសវៀតណាមតាមចក្របាវិតខេត្តស្វាយរៀងចំនួន១២នាក់, បុគ្គលិកសុខាភិបាលម្នាក់, មន្ត្រីរាជការម្នាក់, សិស្ស៥នាក់, និងប្រជាពលរដ្ឋអ្នកភូមិក្នុងសហគមន៍ចំនួន២៤នាក់។ អ្នកឆ្លងទាំងនោះ មាន៣នាក់នៅរាជធានីភ្នំពេញ, ខេត្តកំពង់ស្ពឺ៤នាក់, ខេត្តសៀមរាប៤នាក់, ខេត្តព្រះវិហារ៤នាក់, ខេត្តកោះកុងម្នាក់, ខេត្តឧត្តរមានជ័យ១៤នាក់, ខេត្តបន្ទាយមានជ័យម្នាក់, កំពង់ធំម្នាក់, និងខេត្តស្វាយរៀង៥នាក់។ រដ្ឋមន្ត្រីក្រសួងសុខាភិបាលលោកសាស្ត្រាចារ្យម៉ម ប៊ុន ហេង បានក្រើនរំលឹក និងអំពាវនាវដល់សាធារណជន នៅទូទាំងប្រទេសកម្ពុជាឲ្យបន្តប្រុងប្រយ័ត្នខ្ពស់ ការពារខ្លួន កុំភ្លេចខ្លួនឲ្យសោះ ដោយត្រូវប្រកាន់ខ្ជាប់នូវវិធានការ ៣ការពារ និង៣កុំ។ ក្រសួងសុខាភិបាលបញ្ជាក់ថា គិតចាប់តាំងពីថ្ងៃទី៣១មីនាដល់ថ្ងៃទី១០សីហាឆ្នាំ២០២១ កម្ពុជាបានរកឃើញអ្នកមានវិជ្ជមានវីរុសកូវីដ-១៩ប្រភេទដែលតា Delta សរុប៤២៩នាក់ហើយ។

ខេត្តកណ្ដាល ៖ ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងឯកឧត្ដម គង់ សោភ័ណ្ឌ អភិបាលខេត្តកណ្ដាល ព្រមទាំង លោក លោកស្រី ប្រធានមន្ទីរ កងកំលាំងសមត្ថកិច្ច បានអញ្ជើញចុះពិនិត្យ អគារសម្រាប់ព្យាបាលអ្នកជំងឺកូវីដ-១៩ នៅក្នុងមន្ទីរពេទ្យ ជ័យជំនះ ក្រុងតាខ្មៅ ខេត្តកណ្តាល នាព្រឹកថ្ងៃទី១១ ខែសីហា ឆ្នាំ២០២១ ។ ឯកឧត្ដម គង់ សោភ័ណ្ឌ អភិបាលខេត្តកណ្ដាល បានឱ្យដឹងថា រដ្ឋបាលខេត្តកណ្ដាល កំពុងប្រឈមនឹងការខ្វះអគារសម្រាប់ព្យាបាលអ្នកជំងឺកូវីដ-១៩ ក្នុងព្រឹត្តការណ៍ សហគមន៍ ២០ កុម្ភៈ ។ ដោយឃើញស្ថានភាពជួបការលំបាករបស់រដ្ឋបាលខេត្តកណ្តាល លោកជំទាវឧកញ៉ាកិតិបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ បានសម្រេចប្រគល់ អគារវះកាត់ សុភាវី និងអគារសម្ភព សុភាវ័ន្ដ នៃមន្ទីរពេទ្យបង្អែកជ័យជំនះ ដែលទើបសាងសង់កន្លងមក ជូនដល់រដ្ឋបាលខេត្តនៅថ្ងៃទី០៥ ខែមេសា ឆ្នាំ២០២១ កន្លងទៅ សាងសង់បញ្ចប់ ដើម្បីប្រើប្រាស់ឆ្លើយតបទៅនឹងស្ថានភាព…

ក្រសួង ទំនាក់ទំនង ជាមួយ រដ្ឋសភា ព្រឹទ្ធសភា និងអធិការកិច្ច : សេចក្តីជូនដំណឹង ស្តីពី ការចាក់វ៉ាក់សាំងកូវីដ-១៩ (អាស្ត្រាហ្សេនីកា) ដូសទី៣ ឬដូសជំរុញ៖

យោងតាមរដ្ឋបាលខេត្តការឆ្លងថ្មីទាំង៣៦នាក់ថ្ងៃនេះ រួមមាននៅក្រុងកំពង់ចាម១៤នាក់, ស្រុកកំពង់សៀម៦នាក់, ស្រុកកងមាស៣នាក់, ស្រុកកោះសូទិនម្នាក់, ស្រុកចំការលើ៤នាក់, ស្រុកបាធាយម្នាក់, ស្រុកព្រៃឈរ៣នាក់, ស្រុកស្ទឹងត្រង់៣នាក់ និងមកពីខេត្តត្បូងឃ្មុំម្នាក់។ ចំណែកអ្នកស្លាប់ទាំង២នាក់ រួមមានទី១ បុរសជនជាតិខ្មែរអាយុ ៥៤ឆ្នាំ នៅស្រុកស្នួល ខេត្តក្រចេះ និងទី២ ស្ត្រីជនជាតិខ្មែរអាយុ៤៩ឆ្នាំ នៅស្រុកព្រៃឈរ ខេត្តកំពង់ចាម ។ ខេត្តកំពង់ចាម គិតមកដល់បច្ចុប្បន្ននេះ មានករណីឆ្លងជំងឺកូវីដ-១៩សរុប ចំនួន៤ពាន់៤១១ករណី ក្នុងនោះបានជាសះស្បើយចំនួន៣ពាន់៥៣១នាក់ និងមានអ្នកស្លាប់ ចំនួន១០៦នាក់។

កណ្តាល ៖ លោក នុត ពុធដារ៉ា អភិបាលរងខេត្តកណ្តាល រួមជាមួយលោកលោកស្រីប្រធានមន្ទីរ អង្គភាព ប្រធានក្រុមប្រឹក្សាស្រុក គណៈអភិបាលស្រុក កងកម្លាំងប្រដាប់អាវុធ នៅថ្ងៃទី១១ ខែសីហា ឆ្នាំ២០២១ ចុះពិនិត្យការចាក់វ៉ាក់សាំងជូនដល់កុមារ និងក្មេងជំទង់ អាយុពី១២ ដល់១៧ឆ្នាំ នៅក្នុងស្រុកខ្សាច់កណ្តាល ព្រមទាំងបន្តចុះពិនិត្យទីតាំងត្រៀមរៀបចំសម្រាប់ធ្វើជាមណ្ឌលចត្តាឡីស័ក បងប្អូនពលករ ដែលមកពីប្រទេសថៃ នៅវិទ្យាល័យហ៊ុនសែនខ្សាច់កណ្តាលដើម្បីបញ្ជៀសការរីករាលដាលនៃជម្ងឺកូវីដ-១៩ ។ ដោយ / គ្រី សម្បត្តិ

កាលពីល្ងាចថ្ងៃទី១០ ខែសីហាឆ្នាំ ២០២១ អភិបាលខេត្តព្រះសីហនុ ឯកឧត្តម គួច ចំរើន និងមន្ត្រីអមដំណើរជាច្រើនទៀតបានអញ្ជើញចុះពិនិត្យទិដ្ឋភាពក្នុងបរិវេណផ្សារលើក្រុងព្រះសីហនុ ដើម្បីអនុញ្ញាតឲ្យបើកដំណើរការផ្សារនេះឡើងវិញបន្ទាប់ពីបានបិទចាប់តាំងពីពាក់កណ្ដាលខែមេសាឆ្នាំ២០២១ កន្លងទៅ។ ផ្សារលើក្រុងព្រះសីហនុ នឹងបើកដំណើរការឡើងវិញនៅថ្ងៃទី១២ ខែសីហាឆ្នាំ២០២១នេះ។ ដោយឡែកផ្សារដទៃទៀតនឹងចុះពិនិត្យមើលជាក់ស្តែងនិងអនុវត្តតាមវិធានដូចគ្នានេះដែរដើម្បីឈានទៅបើកលក់ដូរបន្តបន្ទាប់គ្នានេះ។ ឯឧត្តម គួច ចំរើន បានស្នើសុំឲ្យអាជីវករទាំងអស់ត្រូវរួមសហការជាមួយអាជ្ញាធរមានសមត្ថកិច្ចឲ្យបានល្អប្រសើរអនុវត្តតាមវិធានការណែនាំនានាដែលរដ្ឋបាលខេត្តបានដាក់ចេញដើម្បីទប់ស្កាត់ការឆ្លងកូវីតដ១៩។ គួររំលឹកថារដ្ឋបាលខេត្តព្រះសីហនុកាលពីថ្ងៃទី២៣ ខែកក្កដាឆ្នាំ ២០២១ ចេញសេចក្តីណែនាំស្ដីពីការអនុវត្តវិធានការសុវត្ថិភាពផ្នែកសុខាភិបាលដើម្បីទប់ស្កាត់ការឆ្លងរាលដាលនៃជំងឺកូវីដ១៩ នៅតាមផ្សារដែលមានលក្ខណៈប្រមូលផ្តុំក្នុងភូមិសាស្ត្រខេត្តព្រះសីហនុ។ យោងតាមសេចក្តីជូនដំណឹងនេះអាជីវករដែលអនុញ្ញាតឲ្យចូលលក់ដូរបានលុះណាតែមានប័ណ្ណចាក់វ៉ាក់សាំងរួចពីរដងនិងកុមារឬទារកមិនត្រូវបានអនុញ្ញាតឱ្យនៅតាមតូបលក់ដូរឡើយ។អាជីវករទាំងអស់អស់ត្រូវយកសំណាករកមេរោគកូវីត១៩ តាមការចាំបាច់ស្របតាមការជូនដំណឹងរបស់អ្នកគ្រប់គ្រងផ្សារឬអាជ្ញាធរមូលដ្ឋាន។នៅក្នុងផ្សារត្រូវថ្នាំអាកុលសម្លាប់មេរោគរាល់សប្តាហ៍។ ករណីមានបុគ្គលណាមានអាការៈសង្ស័យត្រូវសហការជាមួយក្រុមគ្រូពេទ្យដើម្បីយកសំណាកភ្លាម។ អាជីវករទាំងអស់ត្រូវរៀបចំតូបរបស់ខ្លួនឱ្យមានលក្ខណៈស្រឡះទូលាយមានខ្យល់ចេញចូលគ្រប់គ្រាន់និងរៀបចំដាក់អោយរបៀបរៀបរយ មានអាកុល ពាក់ម៉ាស់និងមិនអនុញ្ញាតឲ្យប្រមូលផ្ដុំគ្នាឡើយ។ អ្នកមកទិញឥវ៉ាន់ឬអតិថិជនត្រូវតែតម្រង់ជួរដោយរក្សាគម្លាតឲ្យបាន១ ម៉ែត្រកន្លះពីគ្នា។ ប្រសិនបើម្ចាស់តូបមិនអនុវត្តតាមការណែនាំនេះឬមិនធ្វើតាមការណែនាំរបស់គណៈគ្រប់គ្រងផ្សារ ម្ចាស់ផ្សារឬមន្ត្រីមានសមត្ថកិច្ចហើយត្រូវបានរកឃើញថាមានហានិភ័យខ្ពស់ក្នុងការចម្លងមេរោគ១៩ នឹងត្រូវផ្អាកមិនឲ្យប្រកបអាជីវកម្មនៅក្នុងផ្សារឡើយ។ ចំណែកអ្នកគ្រប់គ្រងផ្សារឬម្ចាស់ផ្សារត្រូវធ្វើសំណើរមករដ្ឋបាលខេត្តព្រះសីហនុដើម្បីទទួលបានសេចក្តីសម្រេចអនុញ្ញាតឲ្យបើកដំណើរការផ្សារឡើងវិញ។ ម្ចាស់ផ្សារត្រូវទទួលខុសត្រូវ និងធានាបាននូវការអនុវត្តការណែនាំនេះអោយមានប្រសិទ្ធភាព។ ជាមួយគ្នានេះដែរក្រុមការងាររដ្ឋបាលខេត្តត្រូវពិនិត្យវាយតម្លៃនិងសម្រេចលើពាក្យស្នើសុំរបស់អ្នកគ្រប់គ្រងផ្សារឬម្ចាស់ផ្សារក្នុងការអនុញ្ញាតឲ្យបើកដំណើរការផ្សារឡើងវិញ។ អនុគណៈកម្មការរៀបចំគ្រប់ផ្សារត្រូវសហការជាមួយរដ្ឋបាលក្រុងស្រុកដើម្បីពិនិត្យវាយតម្លៃទំនិញជៀសវាងកាលដាក់លក់ទំនិញលើសតម្លៃទីផ្សារហួសហេតុឬមានលក្ខណៈកេងចំណេញហួសហេតុ។

យោងតាមក្រសួងសុខាភិបាលនៅថ្ងៃទី១១ សីហា ឆ្នាំ២០២១ បានឲ្យដឹងថា នៅថ្ងៃ១០ សីហា ឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន​ ៤៨៦នាក់ ដែលក្នុងនោះអ្នកដំណើរមកពីបរទេសចំនួន១១៩នាក់ និងករណីឆ្លងសហគមន៍៣៦៧នាក់។ ចំនួននោះ ត្រូវគេមើលឃើញថា បានថយចុះចំនួន១៣នាក់ បើធៀបទៅនឹងថ្ងៃម្សិលមិញដែលមានអ្នកឆ្លង៤៩៩នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ១០សីហា មានអ្នកជាសះស្បើយពីជំងឺកូវីដ-១៩ ចំនួន៧១៧២នាក់ និងមានអ្នកស្លាប់១២នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី១០សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន៣ពាន់៣៨៤នាក់ ក្នុងនោះបានព្យាបាលជាសះស្បើយចំនួន៧ម៉ឺន៧ពាន់៧៥៤នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៦១៤នាក់ហើយ។