ស្ថានឯកអគ្គរាជទូតកម្ពុជាប្រចាំនៅប្រទេសអូស្រ្តាលី និងនូវែលហ្សេឡង់ នៅថ្ងៃទី១០សីហានេះ បានសរសេរសារថ្លែងអំណរគុណ ចំពោះលោកស្រី Jenny Tew ប្រធានសមាគមន៍នារីកម្ពុជាដើម្បីសន្តិភាពនិងអភិវឌ្ឍន៍នៅទីក្រុងស៊ីដនី ដែលបានផ្ដល់អំណោយម៉ាស់ប្រភេទN95 ចំនួន៧២ ម៉ឺនម៉ាស់។ ការផ្ដល់ម៉ាសនោះ គឺធ្វើឡើងតាមរយៈស្ថានទូតកម្ពុជាប្រចាំប្រទេសអូស្ត្រាលី និងនូវេលហ្សេឡង់ ដើម្បីចូលរួមជាមួយរាជរដ្ឋាភិបាលកម្ពុជាក្នុងការទប់ស្កាត់ ការរីករាលដាលនៃមេរោគកូវីដ-១៩ ។ ម៉ាសនោះ ត្រូវបានដឹកមកដល់ក្រសួងការបរទេសកម្ពុជាហើយ នៅថ្ងៃទី១០សីហាឆ្នាំ២០២១។ គិតមកដល់ថ្ងៃទី៩សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន២ពាន់៨៩៨នាក់ ក្នុងនោះបានព្យាបាលជាសះស្បើយចំនួន៧ម៉ឺន៧ពាន់៣៧នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៦០២នាក់ហើយ។

យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងក្រុងសៀមរាប២៩នាក់, ស្រុកអង្គរជុំ៦នាក់, ស្រុកជីក្រែង៦នាក់, ស្រុកសូទ្រនិគម៩នាក់, ស្រុកពួក១១នាក់, ស្រុកក្រឡាញ់៤នាក់, ស្រុកប្រាសាទបាគងម្នាក់, ស្រុកស្រីស្នំម្នាក់, មកពីខេត្តរតនគិរីម្នាក់ និងពលករមកពីប្រទេសថៃម្នាក់។ ចំណែកអ្នកស្លាប់ជាបុរសអាយុ៣៧ឆ្នាំ អាសយដ្ឋាននៅភូមិបុស្ស ឃុំដំដែក ស្រុកសូទ្រនិគម ខេត្តសៀមរាប។ ខេត្តសៀមរាបក៏បានជូនដំណឹងដែរថា ក្នុងរយៈពេល២៤ម៉ោងចុងក្រោយ មានអ្នកជំងឺកូវីដ-១៩ចំនួន២៦០នាក់ បានជាសះស្បើយុ។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន៥ពាន់៤៧០នាក់, ព្យាបាលជាសះ ស្បើយចំនួន៣ពាន់២២៥នាក់និងស្លាប់៦៣នាក់។

ធនាគារ ABA សាខាស្តាតចាស់ មានទីតាំងស្ថិតនៅ ផ្លូវលេខ៧០ សង្កាត់ស្រះចក ខណ្ឌដូនពេញ រាជធានីភ្នំពេញ មានអ្នកឆ្លងកូវីដ-១៩ បានចេញចូល។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកជំងឺកូវីដ១៩ បានចូលទៅធនាគារ ABA សាខាស្តាតចាស់ នោះកាលពីថ្ងៃទី ២ ខែសីហា។ អនុគណៈកម្មការស្រាវជ្រាវ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេល វេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ។

យោងតាមក្រសួងសុខាភិបាលនៅថ្ងៃទី១០សីហាឆ្នាំ២០២១ បានឲ្យដឹងថា នៅថ្ងៃ៩សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៤៩៩នាក់ ដែលក្នុងនោះអ្នកដំណើរមកពីបរទេសចំនួន១២៥នាក់ និងករណីឆ្លងសហគមន៍៣៧៤នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ៩សីហា មានអ្នកជាសះស្បើយពីជំងឺកូវីដ-១៩ ចំនួន៨៨២នាក់ និងមានអ្នកស្លាប់១៧នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី៩សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន២ពាន់៨៩៨នាក់ ក្នុងនោះបានព្យាបាលជាសះស្បើយចំនួន៧ម៉ឺន៧ពាន់៣៧នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៦០២នាក់ហើយ។

យោងតាមរដ្ឋបាលខេត្តការឆ្លងថ្មីទាំង៣២នាក់ថ្ងៃនេះ រួមមាននៅក្រុងកំពង់ចាម៤នាក់, ស្រុកកំពង់សៀម4នាក់, កោះសូទិន៣នាក់, ស្រុកចំការលើ៣នាក់, ស្រុកជើងព្រៃម្នាក់, ស្រុកបាធាយម្នាក់, ស្រុកព្រៃឈរ១០នាក់, ស្រុកស្ទឹងត្រង់៣នាក់ និងមកពីខេត្តត្បូងឃ្មុំម្នាក់។ ចំណែកអ្នកស្លាប់ ជាអាយុ ៦០ឆ្នាំ រស់នៅភូមិ២២ ឃុំចំការអណ្ដូង ស្រុកចំការលើ ខេត្តកំពង់ចាម ។ ខេត្តកំពង់ចាម គិតមកដល់បច្ចុប្បន្ននេះ មានករណីឆ្លងជំងឺកូវីដ-១៩សរុប ចំនួន៤ពាន់៣៧៥ករណី ក្នុងនោះបានជាសះស្បើយចំនួន៣ពាន់៤៥៩នាក់ និងមានអ្នកស្លាប់ ចំនួន១០៤នាក់។ ជាមួយនោះ ក៏មានការឆ្លងប្រភេទ Delta ចំនួន១២នាក់ផងដែរ ក្នុងនោះបានព្យាបាលជាសះស្បើយចំនួន៦នាក់។

លោក ហាក់ ម៉ុងហួត អភិបាលស្រុកតាំងគោក និងសហការី ព្រមទាំងសប្បុរសជន បានចុះសួរសុខទុក្ខ និងចែកអំណោយដល់បងប្អូនដែលកំពុងធ្វើចត្តាឡីស័ក នៅគេហដ្ឋានចំនួន១០គ្រួសារ នៅឃុំទ្រៀល ឃុំច្រនាង ឃុំស្វាយភ្លើង និងឃុំសូយោង ស្រុកតាំងគោក បន្ទាប់ពីបានផ្លាស់ប្តូរពីកន្លែងមណ្ឌលចត្តាឡីស័កថ្នាក់ស្រុក កាលពីថ្ងៃទី០៧ ខែសីហា ឆ្នាំ២០២១ ក្រោមការចង្អុលបង្ហាញ ពីឯកឧត្តម សុខ លូ អភិបាលខេត្តកំពង់ធំ នៅព្រឹកថ្ងៃទី១០ ខែសីហា ២០២១ ។ លោក ហាក់ ម៉ុងហួត អភិបាលស្រុកតាំងគោក ក៏បានពាំនាំនូវការផ្តាំផ្ញើរសួរសុខទុក្ខពីប្រមុខដឹកនាំពិសេសគឺសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលលោក តែងតែគិតគូរពីសុខទុក្ខបងប្អូនប្រជាពលរដ្ឋ ទោះក្នុងកាលៈទេសៈណាក៏ដោយ លោកក៏ថ្លែងអំណរគុណដល់សប្បុរសជន ដែលតែងតែចូលរួមជាមួយរដ្ឋបាលស្រុក ទាំងថវិកា និងកម្លាំងកាយដើម្បីទប់ស្កាត់ការរីករាលដាល នៃជំងឺកូវីដ-១៩ ។ លោកអភិបាលស្រុក ស្នើអោយបងប្អូនមេត្តាអត់ធ្មត់ និងយោគយល់សហការជាមួយអាជ្ញាធរ និងក្រុមគ្រូពេទ្យ ដើម្បីបន្តធ្វើចត្តាឡីស័ក និងតាមដានសុខភាពខ្លួនឯងឲ្យបានត្រឹមត្រូវ ករណីមិនប្រក្រតីត្រូវរាយការណ៍មកអាជ្ញាធរតាមលេខទូរស័ព្ទ ដើម្បីអោយក្រុមគ្រូពេទ្យចុះមកពិនិត្យសុខភាព ហើយត្រូវចូលរួមអនុវត្ត ៣កុំ…

នៅព្រឹកថ្ងៃអង្គារ ២រោច ខែស្រាពណ៍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១០ ខែសីហា ឆ្នាំ២០២១នេះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តព្រៃវែង និងបាត់ដំបង បានអញ្ជើញដឹកនាំកិច្ចប្រជុំ ស្ដីពី បច្ចុប្បន្នភាពនៃការរីរាលដាលជំងឺកូវីដ-១៩ ពិសេសមេរោគបំប្លែងថ្មីប្រភេទ «ដែលតា» ក្នុងខេត្តព្រៃវែង។ ក្រោមអធិបតីភាពសម្ដេចក្រឡាហោម ស ខេង កិច្ចប្រជុំនេះ បានប្រព្រឹត្តទៅតាម២របៀប ស្របនឹងបរិបទកូវីដ-១៩ រួមមានកិច្ចប្រជុំផ្ទាល់នៅទីស្ដីការក្រសួងមហាផ្ទៃ ដឹកនាំដោយសម្ដេចក្រឡាហោម ស ខេង ឧបនាយករដ្ឋមន្រ្តី និងមានការអញ្ជើញចូលរួមពីឯកឧត្តមរដ្ឋលេខាធិការ ប្រចាំការ ឯកឧត្តមរដ្ឋលេខាធិការ ព្រមទាំងថ្នាក់ដឹកនាំជាន់ខ្ពស់ក្រសួងមហាផ្ទៃ ដែលទទួលបន្ទុកក្រុមការងាររាជរដ្ឋាភិបាលចុះជួយក្រុង ស្រុក។ ដោយឡែកអង្គប្រជុំផ្សេងទៀត រួមមានឯកឧត្តម ស្បោង សារ៉ាត់ ប្រធានក្រុមប្រឹក្សាខេត្ត និងឯកឧត្តម ជា សុមេធី អភិបាលនៃគណៈអភិបាលខេត្តព្រៃវែង ថ្នាក់ដឹកនាំ និងមន្រ្តីពាក់ព័ន្ធ ព្រមទាំងសមាជិក សមាជិការក្រុមការងាររាជរដ្ឋាភិបាលចុះជួយមូលដ្ឋាន ក្រុង ស្រុកទាំងអស់ក្នុងខេត្តព្រៃវែង ក៏បានអញ្ជើញចូលរូមកិច្ចប្រជុំនេះពីចំងាយ…