ភ្នំពេញ៖ ថ្លែងសារពិសេស ពាក់ព័ន្ធការចាក់វ៉ាក់សាំង AstraZeneca ដូសទី៣ នៅរសៀលថ្ងៃទី០៩ ខែសីហា ឆ្នាំ ២០២១ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់ថា យើងអត់ទាន់បានសិក្សាពីគម្លាត នៃការចាក់ វ៉ាក់សាំងរវាងដូសទី១ ដូសទី២ និងដូសទី៣ អំពីវ៉ាក់សាំង AstraZeneca នោះទេ ហើយយើងពុំមានវ៉ាក់សាំងគ្រប់ គ្រាន់ ដើម្បីដំណើរការចាក់ជូនអ្នកដែលបានចាក់វ៉ាក់សាំង AstraZeneca និងស្នើសុំចាក់ដូសទី៣ នោះដែរ ។ តាមរយៈសារពិសេសនេះ សម្តេចតេជោ ហ៊ុន សែន បានថ្លែងថា ក្នុងមួយរយៈថ្មីៗប៉ុន្មានថ្ងៃនេះ មានសំណូមពរជាច្រើន ឬក៏ថាមួយចំនួនពីសំណាក់ឯកឧត្តម លោកជំទាវ អស់លោក លោកស្រី អ្នកឧកញ៉ា ដែលបានចាក់វ៉ាក់សាំង Astra Zeneca ហើយស្នើសុំចាក់ Astra Zeneca ដូសទី៣, បញ្ហានេះ សម្ដេចសូមបញ្ជាក់ជូន ដើម្បីជៀសវាងការលំបាក ព្រោះប្រទេសវាលំបាកណាស់ទៅហើយ កុំឱ្យលំបាកតាំងពីរឿងប៉ុណ្ណឹង ។ សម្ដេចបញ្ជាក់ថា…

ឯកឧត្តម ឃួង ស្រេង អភិបាលរាជធានីភ្នំពេញ ផ្ញើរលិខិតថ្លែងអំណរគុណ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានដាក់ចេញនូវ “យុទ្ធនាការជាតិចាក់វ៉ាក់សាំង” ការពារជំងឺកូវីដ-១៩ ក្នុងក្របខណ្ឌទូទាំងប្រទេស រួមទាំងការសម្រេចផ្ដល់ជូនវ៉ាក់សាំងដល់កុមារ-យុវវ័យមានអាយុពី ១២ឆ្នាំ ដល់ក្រោមអាយុ ១៨ឆ្នាំ ដែលនេះ បានបង្ហាញឱ្យឃើញកាន់តែច្បាស់ពីការកសាងខឿនសុខុមាលភាពយ៉ាងរឹងមាំ និងការការពារអាយុជីវិតប្រជាជន ប្រឆាំងនឹងជំងឺរាតត្បាតសកលកូវីដ-១៩ ប្រកបដោយភាពប្រាកដនិយម និងទស្សនវិស័យដឹកនាំដ៏ឧត្ដុង្គឧត្ដមបំផុត៕

ការិយាល័យ លក់នៃមជ្ឍមណ្ឌល ព្រីន ហ័នយូ មានទីតាំងស្ថិតនៅ ផ្លូវសុធារស សង្កាត់ទន្លេបាសាក់ ខណ្ឌចំកាមន រាជធានីភ្នំពេញ មានអ្នកឆ្លងកូវីដ-១៩ បានចេញចូល។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកជំងឺកូវីដ១៩ មានគ្នា ៣នាក់ បានចូលទៅការិយាល័យ លក់នៃមជ្ឍមណ្ឌល ព្រីន ហ័នយូ នោះកាលពីថ្ងៃទី ៤ ខែសីហា។ អនុគណៈកម្មការស្រាវជ្រាវ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេល វេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ។

អ្នកដែលធ្លាប់បានចូលទៅទទួលសេវាព្យាបាលនៅមន្ទីរពហុព្យាបាល និងសម្ភព ម៉ាលីសបុត្រ ត្រូវប្រញាប់ធ្វើចត្តាឡីស័ក និងតាមដានសុខភាព។ មន្ទីរពហុព្យាបាល និងសម្ភព ម៉ាលីសបុត្រ មានទីតាំងនៅ ផ្ទះលេខ៤៤ ៤៥ ៤៦ Eo ផ្លូវវត្តចំការខ្សាច់ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានករណីអ្នកវិជ្ជមានកូវីដ១៩ បានចូលទៅលាងរបួសនៅមន្ទីរពហុព្យាបាល និងសម្ភពនោះ។អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋដែលធ្លាប់បានចូលទៅទទួលសេវាព្យាបាលនៅមន្ទីរពហុព្យាបាលនោះ នៅថ្ងៃទី០៣ ខែសីហា ឆ្នាំ២០២១ ត្រូវដាក់ខ្លួនដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ៕

មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ លោកឧត្តមសេនីយ៍ឯក ឯក សំអូន នៅព្រឹកថ្ងៃទី៩សីហាឆ្នាំ២០២១ បានចុះពិនិត្យការចាក់វ៉ាក់សាំងបង្ការជំងឺកូវីដ-១៩ ដូសទី៣ ឬដូសជំរុញ នៅទីបញ្ជាការយោធភូមិភាគទី៥ និងទីតាំងផ្សេងទៀតក្នុងទិសយោធភូមិភាគទី៥ ដែលបានដំណើរការចាក់វ៉ាក់សាំងដូសទី៣ ឬដូសជំរុញ នោះផងដែរ។ ក្នុងឱការនោះ លោកមេបញ្ជាការ បានថ្លែងថា វ៉ាក់សាំង Astra Zeneca ដែលចាក់ជូនកម្លាំងជួរមុខទិសយោធភូមិភាគទី៥ ដូសទី៣នាពេលនេះ គឺជាការផ្តល់ជូនពីសំណាក់សម្តេចតេជោ ហ៊ុន សែន នាយករដ្ឋមន្ត្រី ដែលសម្តេចបានខិតខំគ្រប់បែបយ៉ាង ដើម្បីរកវ៉ាក់សាំង និងបានដាក់ចេញវិធានការ សម្រាប់ចាក់ជូនមន្ត្រីរាជការ កងកម្លាំងប្រដាប់អាវុធ ប្រជាពលរដ្ឋឱ្យបានគ្រប់ៗគ្នា។ លោកបានបន្តថា ទោះបីជាទទួលបានការចាក់វ៉ាក់សាំងទាំង២ដូស និង៣ដូសហើយ យោធិន ក៏ដូចជាប្រជាពលរដ្ឋ ត្រូវបន្តចូលរួមអនុវត្តអោយបានខ្ជាប់ខ្ជួន វិធានការរបស់ក្រសួងសុខាភិបាល និងវិធានការរបស់រាជរដ្ឋាភិបាល ៣ការពារ ៣កុំ។