យោងតាមរដ្ឋបាលខេត្ត ការឆ្លងថ្មីទាំង៦២នាក់នោះ រួមមានកម្មកររោងចក្រ១០នាក់, ធ្វើតេស្តលើអ្នកសង្ស័យរកឃើញ១៦នាក់, ៨នាក់ជាអ្នកប៉ះពាល់នឹងអ្នកជំងឺកូវីដ-១៩, និងប្រជាពលរដ្ឋចំណាកស្រុកត្រឡប់ចូលខេត្តស្វាយរៀងវិញចំនួន២៦នាក់។ ចំណែកអ្នកស្លាប់ទាំង៣នាក់ រួមមានទី១ ស្ត្រីអាយុ៥៥ឆ្នាំនៅស្រុកស្វាយទាប, ទី២ ស្ត្រីអាយុ៩០ឆ្នាំនៅស្រុកស្វាយទាប និងទី៣ ស្ត្រីអាយុ៣៩ឆ្នាំនៅក្រុងស្វាយរៀង ខេត្តស្វាយរៀង។ ខេត្តស្វាយរៀង មានអ្នកឆ្លងជំងឺកូវីដ-១៩សរុបចំនួន៥ពាន់៥៩នាក់, ព្យាបាលជាសះស្បើយចំនួន៤ពាន់៥០៥នាក់ និងមានអ្នកស្លាប់សារុបចំនួ១០៨នាក់។

គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩នៅថ្ងៃទី៦សីហាបានជូនដំណឹងថាលទ្ធផលអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាល សម្រាប់ថ្ងៃទី៥សីហា ឆ្នាំ២០២១ គឺគេបានអនុវត្តវិធានការច្បាប់មានចំនួន៤១៩ករណី។ ក្នុងនោះ ឃាត់ខ្លួនមនុស្សចំនួន៨២៨នាក់ ដើម្បីអប់រំ និងផាកពិន័យ។ ជាមួយគ្នានោះ មនុស្ស១៤នាក់ត្រូវបានបញ្ជូនទៅតុលាការ។ សមត្ថកិច្ចក៏បានឃាត់យានយន្តចំនួន៣៣០គ្រឿង និង ពិន័យជាប្រាក់ចំនួ៤៤លានរៀលផងដែរ។ យោងតាមច្បាប់ បទល្មើសមិនគោរពវិធានការដ្ឋបាល ត្រូវផាកពិន័យអន្តរការណ៍ពី១លានទៅ៥លានរៀល។ ត្រូវផ្ដន្ទារទោសដាក់ពន្ធនាគារពី៦ខែទៅ៣ឆ្នាំ និងពិន័យជាប្រាក់ពី២លានទៅ១០លានរៀល បើអំពើនោះបានបណ្ដាលឲ្យមានការចម្លងជំងឺកូវីដ-១៩ដល់អ្នកដទៃ និងត្រូវផ្ដន្ទារទោសដាក់ពន្ធនាគារពី២ឆ្នាំទៅ៥ឆ្នាំ និងពិន័យជាប្រាក់ពី៥លានទៅ២០លានរៀល បើអំពើនោះបានបណ្ដាលឲ្យប៉ះពាល់ធ្ងន់ធ្ងរដល់សុខភាពសាធារណៈ។

យោងតាមរដ្ឋបាលខេត្តការឆ្លងថ្មីទាំង៩១នាក់ថ្ងៃនេះ រួមមាននៅក្រុងព្រៃវែង៧នាក់, ស្រុកព្រះសេ្ដច៤០នាក់, ស្រុកពាមរក៍៩នាក់, ស្រុកកំពង់ត្របែក៩នាក់, ស្រុកស្វាយអន្ទរ៥នាក់, ស្រុកពាមជរ៥នាក់, ស្រុកស៊ីធរកណ្ដាល៤នាក់, ស្រុកពារាំង៣នាក់, ស្រុកបាភ្នំ៣នាក់, ស្រុកមេសាង៣នាក់, ស្រុកកញ្ជ្រៀចម្នាក់, ស្រុកកំចាយមារម្នាក់ និងស្រុកពោធិ៍រៀងម្នាក់។ ចំណែកអ្នកស្លាប់ទាំង២រូបរួមមាន ទី១ ព្រះសង្ឈព្រះជន្ម៨៤ព្រះវស្សា គង់នៅវត្តប្រស្នា ភូមិប្រស្នាតូច ឃុំសេនារាជឧត្តម ស្រុកព្រះសេ្ដច ខេត្តព្រៃវែង និងបុរសអាយុ៦១ឆ្នាំ ប្រជាពលរដ្ឋរស់នៅភូមិចចកទី១ ឃុំមេបុណ្យ ស្រុកស្វាយអន្ទរ ខេត្តព្រៃវែង បានទទួលមរណៈភាពនៅថ្ងៃទី០៥ ខែសីហា ឆ្នាំ២០២១នេះ ក្នុងជន្មាយុ៦១ឆ្នាំ ដោយសារជំងឺកូវីដ-១៩។ ខេត្តព្រៃវែង គិតមកដល់ថ្ងៃទី៥សីហាឆ្នាំ២០២១ មានអ្នកឆ្លងជំងឺកូវីដ-១៩សរុប៤ពាន់៧៤៤នាក់ ក្នុងនោះបានជាសះស្បើយចំនួន៣ពាន់៤៥៣នាក់ និងស្លាប់៨៣នាក់។

ភ្នំពេញ ៖ កម្លាំងចម្រុះ នៃគណ:បញ្ជាការឯកភាពខណ្ឌទួលគោក ដឹកនាំដោយលោក ឯក ឃុនដឿន អភិបាល នៃគណ:អភិបាលខណ្ឌទួលគោក និងលោកសុខ ហេង អធិការនគរបាលខណ្ឌទួលគោក ដឹកនាំកម្លាំងចុះបិទទីតាំងហាងយីហោ(ផ្ទះផាតធី) លួចលាក់បើកKTVទទួលភ្ញៀវចូលផឹកសុីបំពានទៅបម្រាមគោចរ និងវិធានការរដ្ឋបាល រាជធានីភ្នំពេញ ដោយឃាត់ខ្លួនមនុស្សប្រុសស្រី១៣ (ប្រុស៦នាក់ )។