-
រដ្ឋបាលខេត្តកំពង់ឆ្នាំង បន្តរកឃើញអ្នកវិជ្ជមានកូវីដ-១៩ ចំនួន ៣៩នាក់ និងស្លាប់ម្នាក់ បន្តែមទៀត
-
បន្ថែបទីតាំងចាក់វ៉ាក់សាំងបង្ការជំងឺកូវីដ-១៩ ជូនកុមារ និងយុវវ័យដែលមានអាយុចាប់ពី ១២ឆ្នាំ ដល់ក្រោម ១៨ឆ្នាំ ក្នុងភូមិសាស្ត្រខណ្ឌ៧បករា
-
អាល្លឺម៉ង់នឹងចាក់វ៉ាក់សាំងដូសទី៣ប្រឆាំងនឹងជំងឺកូវីដ១៩ជូនដល់ប្រជាជនខ្លួននៅខែក្រោយ (មានវីដេអូ)
អាល្លឺម៉ង់៖ អាជ្ញាធរសុខាភិបាលអាល្លឺម៉ង់នឹងផ្តល់នូវការចាក់វ៉ាក់សាំងបង្ការជំងឺកូវីដ១៩បន្ថែម ដោយប្រជាជនខ្លួនភាគច្រើននឹងត្រូវទទួលបាននូវការចាក់វ៉ាក់សាំងដូសទី៣ ដែលចាប់ផ្តើមនៅខែក្រោយនេះ ដើម្បីបង្កើនប្រសិទ្ធភាពវ៉ាក់សាំង ។មន្រី្តសុខាភិបាលអាល្លឺម៉ង់បានប្រកាសពីការសម្រេចចិត្តខាងលើ នៅក្នុងថ្ងៃចន្ទដើមសប្តាហ៍នេះ (ម៉ោងក្នុងតំបន់) ក្នុងការបង្កើនយុទ្ធនាការចាក់វ៉ាក់សាំងបន្ថែម ឬដូសទី៣ដល់ក្រុមមនុស្សមានវ័យចំណាស់ ហើយនឹងក្រុមមនុស្សដែលត្រូវការការមើលថែទាំពីគិលានុបដ្ឋាយិកា ដែលបានចាក់វ៉ាក់សាំងរួចហើយ ។ យុទ្ធនាការនេះ នឹងជ្រើសរើសយកវ៉ាក់សាំងដែលប្រើប្រាស់បច្ចេកវិទ្យា mRNA ដែលអភិវឌ្ឍឡើងដោយក្រុមហ៊ុនផលិតឱសថអាមេរិក ហ្វាយហ្សឺ (Pfizer) និង ដៃគូរអាល្លឺម៉ង់របស់ខ្លួន គឺ បាយអូអិនធិច (BioNTech) ព្រមទាំងវ៉ាក់សាំងរបស់ក្រុមហ៊ុនអាមេរិក ម៉ូឌែណា (Moderna) ផងដែរ ។ បើតាមមន្រី្តសុខាភិបាលអាល្លឺម៉ង់ នេះគឺជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាល ដើម្បីការពារប្រជាជននៅមណ្ឌលថែទាំ ដែលមានហានិភ័យខ្ពស់ក្នុងការវិវត្តទៅរករោគសញ្ញាធ្ងន់ធ្ងរ ។គួរកត់សម្គាល់ អាល្លឺម៉ង់បានចាប់ផ្តើមយុទ្ធនាការចាក់វ៉ាក់សាំងបង្ការជំងឺកូវីដ១៩កាលពីចុងខែធ្នូ ទៅដល់មនុស្សប្រមាណ៤៣លាននាក់ ឬស្មើនឹង៥២ភាគរយនៃប្រជាជនសរុបរបស់ប្រទេសអាល្លឺម៉ង់ ដែលបានចាក់វ៉ាក់សាំងពេញលេញ (ពីរដូស) ៕ ប្រភព៖ NHK
-
សហភាពអឺរ៉ុបនាំមុខសហរដ្ឋអាមេរិក ក្នុងយុទ្ធនាការចាក់វ៉ាក់សាំងបង្ការជំងឺ Covid-19 ជូនដល់ប្រជាជនខ្លួន (មានវីដេអូ)
បារាំង៖ ពាក់កណ្តាលនៃចំនួនប្រជាជនសរុបក្នុងសហភាពអឺរ៉ុប បានទទួលការចាក់វ៉ាក់សាំងពេញប្រឆាំងនឹងជំងឺកូវីដ១៩ ប្រការនេះធ្វើអោយសហភាពអឺរ៉ុបនាំមុខសហរដ្ឋអាមេរិក ក្នុងយុទ្ធនាការចាក់វ៉ាក់សាំងជូនដល់ប្រជាជនរបស់ខ្លួន នេះបើតាមទិន្នន័យរបស់ទីភ្នាក់ងារព័ត៌មាន AFP នៅថ្ងៃអង្គារម្សិលមិញ ។ មនុស្សជិត២២៤លាននាក់ហើយ នៅក្នុងរដ្ឋជាសមាជិកទាំង ២៧ របស់សហភាពអឺរ៉ុប បានចាក់វ៉ាក់សាំងគ្រប់ដូស ។សម្រាប់សហរដ្ឋអាមេរិក គឺ៥០.២ភាគរយនៃប្រជាជនសរុប៣៣២លាននាក់ ដែលទទួលបានការចាក់វ៉ាក់សាំងគ្រប់ដូស ។ កម្រិតនៃការចាក់វ៉ាក់សាំងកំពុងតែថយចុះសន្ទុះទៅវិញ ជាពិសេសនៅតាមរដ្ឋអភិរក្សនិយមក្នុងតំបន់ភាគខាងត្បូង និងតំបន់កណ្តាលភាគខាងលិច ។ ដោយឡែកចំនួនអ្នកចាក់មិនទាន់បានគ្រប់ដូស ក៏សហរដ្ឋអាមេរិកចាញ់សហភាពអឺរ៉ុបដែរ គឺ សហភាពអឺរ៉ុបសម្រេចបាន៥៩.៣ភាគរយ ស្របពេលដែលសហរដ្ឋអាមេរិកសម្រេចបាន៥៨.៣ភាគរយ ៕ ប្រភព៖ Reuters
-
លោក ចូ បៃដិន រិះគន់យ៉ាងខ្លាំងលើអភិបាលរដ្ឋរបស់គណបក្សសាធារណៈរដ្ឋ ដែលប្រឆាំងនឹងគោលការណ៍វ៉ាក់សាំង (មានវីដេអូ)
អាមេរិក៖ ប្រធានាធិបតីអាមេរិក លោក ចូ បៃដិន បានអំពាវនាវអោយអភិបាលរដ្ឋរបស់គណបក្សសាធារណៈចេញអោយឆ្ងាយពីគោលការណ៍វ៉ាក់សាំង ដែលមានគោលបំណងទប់ស្កាត់ការឆ្លង និងវីរុសបំប្លែងខ្លួនដ៏គ្រោះថ្នាក់ ។ ថ្លែងចេញពីសេតវិមាន លោក បៃដិន បានរិះគន់យ៉ាងខ្លាំងលើអភិបាលរដ្ឋហ្លរីដាលោក រុន ដឺសាន់ទីស (Ron DeSantis) អភិបាលរដ្ឋតិចសាស លោក ក្រេក អាបុត (Greg Abbott) និងមន្ត្រីជាច្រើនទៀតដែលបានរារាំងដល់វិធានការណ៍ពាក់ម៉ាស់ឡើងវិញ ដើម្បីកាត់ផ្តាច់ការឆ្លងរីករាលដាល នៃវីរុសបម្លែងថ្មី Delta ។ លោក បៃដិន បានសង្កត់ធ្ងន់ថា បើអ្នកមិនបានជួយទេ… ហោចណាស់ក៏នៅអោយឆ្ងាយពីប្រជាជនដែលព្យាយាមធ្វើរឿងត្រឹមត្រូវ ។ ទន្ទឹមនេះ ប្រធានាធិបតីអាមេរិករូបនេះ ក៏បានបង្ហាញគាំទ្រដល់ការផ្លាស់ប្តូររបស់ទីក្រុងញូវយ៉ក ដែលតម្រូវអោយអ្នកចាក់វ៉ាក់សាំងរួចហើយ អាចចេញក្រៅជួបជុំគ្នាទទួលទានអាហារពេលល្ងាច ឬកន្លែងហាត់ប្រាណ និងតម្រូវអោយអ្នកចាក់វ៉ាក់សាំងវិលត្រឡប់ទៅធ្វើការវិញ ។ លោក បៃដិន បន្ថែមទៀតថា តំបន់ និងអាជីវកម្មជាច្រើនគួរអនុវត្តតាម… គោលការណ៍បែបនេះ ត្រូវបានរារាំងយ៉ាងហោចណាស់រដ្ឋចំនួន៧ ដែលដឹកនាំដោយអភិបាលរបស់បក្សសាធារណៈរដ្ឋ ៕ ប្រភព៖ CNA
-
ជប៉ុនឲ្យម៉ាស៊ីនផលិតអុកស៊ីសែនដល់ថៃ និងឡាវ
ប្រទេសជប៉ុនបានសម្រេចផ្តល់ជំនួយឧបករណ៍វេជ្ជសាស្រ្តដល់ប្រទេសថៃនិងប្រទេសឡាវ ដែលក្នុងនោះ សំដៅលើម៉ាស៊ីនផលិតអុកស៊ីសែន ដើម្បីគាំទ្រការប្រយុទ្ធប្រឆាំងនឹងជំងឺរាតត្បាត កូវីដ-១៩។ រដ្ឋមន្ត្រីការបរទេសជប៉ុន Motegi Toshimitsu បានប្រាប់អ្នកសារព័ត៌មាន កាលពីថ្ងៃទី៣ សីហាថា រាជរដ្ឋាភិបាលជប៉ុននឹងបញ្ជូនម៉ាស៊ីនផលិតអុកស៊ីសែនចំនួន៧៧៥គ្រឿងទៅដល់ថៃ ខណៈដែលឡាវនឹងទទួលបាន១០០គ្រឿង ព្រមជាមួយនឹងវ៉ាក់សាំងបង្ការកូវីដ ៦០ម៉ឺនដូសទៀត។ លោកថា ជប៉ុននឹងប្រឹងប្រែងបន្ថែមទៀត ជួយដល់បណ្តាប្រទេសដែលត្រូវការ វ៉ាក់សាំង និងឧបករណ៍វេជ្ជសាស្ត្រ។ ជប៉ុនក៏ធ្លាប់បានផ្តល់ឧបករណ៍ជាម៉ាស៊ីនផលិតអ៊ុកស៊ីសែនេះ ជូនឥណ្ឌានិងឥណ្ឌូនេស៊ី និងផ្តល់វ៉ាក់សាំងមិនគិតថ្លៃ ជូនម៉ាឡេស៊ី និងប្រទេសផ្សេងៗទៀតដែរ៕ ប្រភពពី NHK
-
ស.ស.យ.ក បន្តចូលរួមគាំទ្រយុទ្ធនាការចាក់វ៉ាក់សាំងការពារជំងឺកូវីដ-១៩ ជូនកុមារ និងយុវវ័យ ដែលមានអាយុចាប់ពី១២ ឆ្នាំ ដល់ក្រោម១៨ឆ្នាំ
បន្ទាប់ពីបានចូលរួមសម្របសម្រួលក្នុងយុទ្ធនាការចាក់វ៉ាក់សាំងជូនប្រជាពលរដ្ឋដែលមានអាយុពី១៨ ឆ្នាំឡើងទៅជុំទី១ ដែលបានគ្របដណ្តប់ស្ទើរតែ ១០០ ភាគរយ នៅទូទាំងរាជធានីភ្នំពេញ សមាជិក សមាជិកក្រុមគ្រួសារ ស.ស.យ.ក បានបន្តគាំទ្ររាជរដ្ឋាភិបាល និងចូលរួមសម្របសម្រួលក្នុងយុទ្ធនាការចាក់វ៉ាក់សាំងការពារជំងឺកូវីដ-១៩ ជូនកុមារ និងយុវវ័យ ដែលមានអាយុចាប់ពី១២ ឆ្នាំ ដល់ក្រោម១៨ឆ្នាំ នៅតាមបណ្តាគោលដៅចាក់វ៉ាក់សាំងទាំងអស់ ក្នុងភូមិសាស្ត្ររាជធានីភ្នំពេញ ដែលបានអនុវត្តចាប់ពីថ្ងៃទី០១ ខែសីហា ឆ្នាំ២០២១ កន្លងទៅ។ ស្មារតីនៃការចូលរួមនេះ បានបង្ហាញពីកម្លាំងស្ម័គ្រចិត្តប្រកបដោយភាពរស់រវើក ឆន្ទះមុះមុត ភារតភាព និងសាមគ្គីភាពរឹងមាំជាមួយក្រុមគ្រូពេទ្យស្ម័គ្រចិត្ត ក្រសួងសុខាភិបាល និងអាជ្ញាធរមូលដ្ឋាន ដើម្បីការពារអាយុជីវិតប្រជាពលរដ្ឋ ជាពិសេសកុមារ និងយុវជន ដើម្បីឆ្លងផុតគ្រាដ៏លំបាកនេះ។
-
អគ្គកុងស៊ុល កម្ពុជាប្រចាំខេត្តសាកែវ បានចុះជួបសួរសុខទុក្ខ បងប្អូនពលករខ្មែរចំនួន ៤៨នាក់ ដែលបានធ្វើដំណើរពីខេត្ត ផ្សេងៗ ក្នុងប្រទេសថៃ និងចង់វិលទៅកម្ពុជាវិញ
នៅថ្ងៃទី ០៣ ខែសីហា ឆ្នាំ២០២១នេះ ក្រុមការងារស្ថានអគ្គកុងស៊ុល កម្ពុជាប្រចាំខេត្តសាកែវ នៃព្រះរាជាណាចក្រថៃ បានចុះជួបសួរសុខទុក្ខ បងប្អូនពលករខ្មែរចំនួន៤៨នាក់ ដែលបានធ្វើដំណើរពីខេត្ត ផ្សេងៗ ក្នុងប្រទេសថៃ និងចង់វិលទៅកម្ពុជាវិញ។ ពួកគាត់ខាងលើបច្ចុប្បន្នកំពុង ជាប់នៅតាមព្រំដែនថៃ-កម្ពុជា ស្ថិតនៅ ស្រុកតាប្រាយ៉ា ខេតសាកែវ ទល់នឹងស្រុកថ្មពួក ខេត្តបន្ទាយមានជ័យ តែដោយសារខេត្ត បន្ទាយមានជ័យ កំពុងស្ថិតក្រោមការបិទខ្ទប់ដើម្បីទប់ស្កាត់ការរីករាល ដាលជម្ងឺកូវីត-១៩។ ក្រុមការងារបាន សហការជាមួយជាអាជ្ញាធរពាក់ព័ន្ធ ទាំងកម្ពុជា-ថៃ នៃស្រុក-ខេត្តខាងលើ ដើម្បីដឹកជញ្ជូន និងរៀបចំកន្លែង ស្នាក់នៅដែលមានសុវត្ថិភាពជូនពួកគាត់ នៅខាងទឹកដីថៃ ចំណុចច្រកព្រំដែនតាប្រាយ៉ា-បឹងត្រកួន។ ក្នុងការចុះសួសុខទុក្ខនេះ មន្ត្រីនៃស្ថានអគ្គកុងស៊ុលក៏បាននាំយកនូវ ស្បៀងអាហារមួយចំនួន និងមួយចំនួនទៀតជារបស់សប្បុរសជនខ្មែរ និងថៃ ជូនពួកគាត់មានដូចជា អង្ករ ទឹកត្រី ទឹកស៊ីអីវ ត្រីខកំប៉ុង មីកញ្ចប់ ទឹកសុទ្ធ ទឹកដោះគោ សំរាប់ទទួលទាន និងរួមជាមួយសំលៀកបំពាក់ ថ្នាំដុសធ្មេញ ច្រាស់ដុសធ្មេញ សំរាប់ប្រើប្រាស់ និង ម៉ាស់ ទឹកអាកុលលាងដៃ សម្រាប់បង្ការ…
-
អនុគណៈកម្មការស្រាវជ្រាវជំងឺកូវីដ-១៩ អំពាវនាវឲ្យអ្នកធ្លាប់ទៅគ្រឹះស្ថានមីក្រូហិរញ្ញវត្ថុសូណាត្រា ត្រូវប្រញាប់តាមដានសុខភាព
អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៤សីហានេះ បានជូនដំណឹងថា អ្នកជំងឺកូវីដ-១៩ ធ្លាប់បានចូលទៅគ្រឺះស្ថានមីក្រូហិរញ្ញវត្ថុ សូណាត្រា (Sanatra Microfinance Institute) ដែលមានទីតាំងស្ថិតនៅ សង្កាត់ទន្លេបាសាក់ ខណ្ឌចំការមក រាជធានីភ្នំពេញ ចន្លោះពីម៉ោង៨និង៥០នាទីទៅម៉ោង៩និង១០នាទីថ្ងៃទី៣០កក្កដាឆ្នាំ២០២១។ អនុគណៈកម្មការ បានអំពាវនាវឲ្យប្រជាពលរដ្ឋដែលធ្លាប់បានចូលទៅកាន់ទីកន្លែងនោះ តាមពេលវេលាដែលបានបញ្ជាក់ ត្រូវប្រញាប់យកចិត្តទុកដាក់ តាមដានសុខភាពរបស់ខ្លួនរយៈពេល១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនោះ។
-
អនុគណៈកម្មការស្រាវជ្រាវជំងឺកូវីដ-១៩ អំពាវនាវឲ្យអ្នកធ្លាប់ទៅធនាគារ PPC Bank សាខាបឹងត្របែក តាមដានសុខភាព
អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៤សីហានេះ បានជូនដំណឹងថា អ្នកជំងឺកូវីដ-១៩ ធ្លាប់បានចូលទៅធនាគារ PPC Bank ដែលមានទីតាំងស្ថិតនៅអាគារលេខ៧៦៧-៧៦៩ មហាវិថីព្រះមុនីវង្ស សង្កាត់បឹងត្របែក ខណ្ឌចំការមក រាជធានីភ្នំពេញ ចន្លោះពីម៉ោង៩និង១០នាទីទៅម៉ោង៩និង១៥នាទីថ្ងៃទី៣០កក្កដាឆ្នាំ២០២១។ អនុគណៈកម្មការ បានអំពាវនាវឲ្យប្រជាពលរដ្ឋដែលធ្លាប់បានចូលទៅកាន់ធនាគារនោះ តាមពេលវេលាដែលបានបញ្ជាក់ ត្រូវប្រញាប់យកចិត្តទុកដាក់ តាមដានសុខភាពរបស់ខ្លួនរយៈពេល១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនោះ។