យោងតាមរដ្ឋបាលខេត្តការឆ្លងថ្មីទាំង៤៩នាក់ថ្ងៃនេះ រួមមាននៅក្នុងនោះ ក្រុងកំពង់ចាម៩នាក់, ស្រុកកំពង់សៀម៥នាក់, ស្រុកកងមាស៦នាក់ ,ស្រុកកោះសូទិន ម្នាក់, ស្រុកចំការលើម្នាក់, ស្រុកជើងព្រៃ៧នាក់, ស្រុកបាធាយ២នាក់, ស្រុកព្រៃឈរ៧នាក់, ស្រុកស្ទឹងត្រង់៤នាក់, ស្រុកស្រីសន្ធរ៥នាក់ មកពីខេត្តត្បូងឃ្មុំម្នាក់ និងទៅពីរាជធានីភ្នំពេញ ម្នាក់។ ចំណែកអ្នកស្លាប់គឺបុរសជនជាតិខ្មែរ អាយុ ៧០ឆ្នាំ នៅភូមិប្រធាតុ ឃុំខ្វិតធំ ស្រុកព្រៃឈរ ខេត្តកំពង់ចាម។

នាថ្ងៃពុធ ១១រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៤ ខែសីហា ឆ្នាំ២០២១ នៅអគ្គនាយកដ្ឋាន និងរដ្ឋាករកម្ពុជា (អគរ) មានប្រារព្ធពិធីប្រគល់-ទទួល ម៉ាស់និងថ្នាំពេទ្យ សម្រាប់ការពារ និងទប់ស្កាត់ការរីករាលដាលនៃជំងឺកូវីដ-១៩ ដែលជាជំនួយរបស់ស្ថានទូតសាធារណរដ្ឋប្រជាមានិតចិនប្រចាំនៅព្រះរាជាណាចក្រកម្ពុជា។ ពិធីនេះបានប្រព្រឹត្តទៅក្រោមអធិបតីភាពរបស់ឯកឧត្តមបណ្ឌិត គុណ ញឹម រដ្ឋមន្រ្តីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា និង លោក Li Jie ទីប្រឹក្សា និងជាអគ្គកុងស៊ុលនៃស្ថានទូតសាធារណរដ្ឋប្រជាមានិតចិនប្រចាំនៅព្រះរាជាណាចក្រកម្ពុជា ដោយមានការចូលរួមពីថ្នាក់ដឹកនាំនៃអគរ និងមន្រ្តីនៃស្ថានទូតផងដែរ។ ឯកឧត្តមរដ្ឋមន្រ្តីប្រតិភូ បានគូសបញ្ជាក់ថា អំណោយជាម៉ាស់និងថ្នាំពេទ្យនេះ គឺបានបង្ហាញពីការយកចិត្ដទុកដាក់របស់ស្ថានទូតដល់ អគរ ដែលមានមន្ត្រីបំពេញការងារនៅជួរមុខហើយអាចមានហានិភ័យក្នុងការឆ្លងជំងឺកូវីដ-១៩ ក្នុងពេលបំពេញតួនាទីនិងភារកិច្ចរបស់ខ្លួន ហើយកាយវិការសប្បុរសនេះ ក៏ជាផ្នែកមួយនៃការពង្រឹងកិច្ចសហប្រតិបត្តិការរវាងស្ថានទូត និង អគរ ជាពិសេស ក្នុងស្ថានភាពដ៏លំបាកនេះ ដែលម្យ៉ាង អគរ ត្រូវជំនះរាល់បញ្ហាប្រឈមបង្កឡើងដោយកូវីដ-១៩ ហើយម្យ៉ាងទៀតត្រូវធានានិរន្តរភាពការងារ ផ្ដល់កិច្ចសម្រួលពាណិជ្ជកម្មដល់ធុរជន និងវិនិយោគិននានា។ ឯកឧត្តមរដ្ឋមន្រ្តីប្រតិភូបានថ្លែងអំណរគុណយ៉ាងជ្រាលជ្រៅ និងវាយតម្លៃខ្ពស់ចំពោះស្ថានទូតសាធារណរដ្ឋប្រជាមានិតចិនប្រចាំនៅព្រះរាជាណាចក្រកម្ពុជា ក្នុងការឧបត្ថម្ភម៉ាស់ចំនួន ១០,០០០បន្ទះ និងថ្នាំពេទ្យព្យាបាលជំងឺកូវីដ-១៩…

យោងតាមលិខិតដែលចុះហត្ថលេខាដោយរដ្ឋមន្ត្រីក្រសួងសុខាភិបាលលោកសាស្ត្រាចារ្យម៉ម ប៊ុនហេង នៅថ្ងៃទី៤សីហាឆ្នាំ២០២១ បានណែនាំឲ្យអភិបាលរាជធានី ខេត្ត នាយកមន្ទីរពេទ្យជាតិ និងប្រធានមជ្ឈមណ្ឌលជាតិ អំពីការមិនគិតថ្លៃធ្វើតេស្ដរហ័ស Rapid Test រកមេរោគកូវីដ-១៩ ជូនប្រជាពលរដ្ឋកម្ពុជា នៅតាមមូលដ្ឋានសុខាភិបាលសាធារណៈ។ លិខិតរបស់ក្រសួងសុខាភិបាល បានស្នើឲ្យ អភិបាលរាជធានី ខេត្ត នាយកមន្ទីរពេទ្យជាតិ និងប្រធានមជ្ឈមណ្ឌលជាតិ ធ្វើការណែនាំបន្ថែមដល់បណ្ដាអង្គភាព និងបុគ្គលិកសុខាភិបាលក្រោមឱវាទ ស្ដីពីការមិនគិតថ្លៃសេវាធ្វើតេស្ដរហ័សរកមេរិគកូវីដ-១៩ពីប្រជាពលរដ្ឋ ដែលទៅទទួលសេវានៅតាមមូលដ្ឋានសុខាភិបាលសាធារណៈឡើយ។ សូមជម្រាបថា សម្ដេចតេជោហ៊ុន សែន នាយករដ្ឋមន្ត្រី នៅថ្ងៃទី១សីហាឆ្នាំ២០២១ ក្នុងឱកាសអញ្ជើញបើកយុទ្ធនាការចាក់វ៉ាក់សាំងកូវីដ-១៩ ជូនដល់កុមារ និងយុវវ័យ សម្ដេចបានបញ្ជាក់ថា មិនឲ្យគិតថ្លៃធ្វើតេស្ដរហ័សរកមេរោគកូវីដ-១៩ ពីប្រជាពលរដ្ឋកម្ពុជាដែលទៅទទួលសេវានៅតាមមូលដ្ឋានសុខាភិបាលសាធារណៈឡើយ និងសម្ដេចបានណែនាំឲ្យក្រសួងសុខាភិបាលពិនិត្យលើតម្លៃធ្វើតេស្ដរបស់សេវាឯកជនផងដែរ។

យោងតាមក្រសួងសុខាភិបាលនៅថ្ងៃទី៤សីហាឆ្នាំ២០២១ បានឲ្យដឹងថា នៅថ្ងៃ៣សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៥៨៣នាក់ ដែលក្នុងនោះអ្នកដំណើរមកពីបរទេសចំនួន១៥៧នាក់ និងករណីឆ្លងសហគមន៍៤២៦នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ៣សីហា មានអ្នកជាសះស្បើយពីជំងឺកូវីដ-១៩ ចំនួន៦៥៨នាក់ និងមានអ្នកស្លាប់១៧នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី៣សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៧ម៉ឺន៩ពាន់៦៣៤នាក់ ក្នុងនោះបានព្យាបាលជាសះស្បើយចំនួន៧ម៉ឺន២ពាន់៨០២នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៤៨៨នាក់ហើយ។

ភ្នំពេញ៖ លោក ហួរ ហួត នាយករដ្ឋបាលសាលាខណ្ឌទួលគោក ថ្លែងប្រាប់នៅថ្ងៃទី៤ ខែសីហា ឆ្នាំ២០២១ ថា អាជីវករផ្សារដើមគ នៃខណ្ឌទួលគោក ចំនួន៣៤០នាក់ ត្រូវបានធ្វើតេស្តជាបន្តបន្ទាប់ កាលពីថ្ងៃទី៣ ខែសីហា ឆ្នាំ២០២១ ដោយលទ្ធផលបង្ហាញថា អវិជ្ជមានទាំងអស់ ។ លោកបន្តថា បើទោះបីជាអាជីវករជាង៣០០នាក់ លទ្ធផលតេស្ត អវិជ្ជមានក៏ដោយ តែផ្សារដើមគ នឹងបន្តបិទរយៈពេល៣ថ្ងៃទៀត ។ លោកនាយករដ្ឋបាលរូបនេះ បានឱ្យដឹងទៀតថា នៅថ្ងៃទី០៤ សីហា ពុំមានការធ្វើតេស្តបន្តទៀតទេ ទៅលើក្រុមអាជីវករ ផ្សារដើមគទាំងអស់នេះ ។ សូមបញ្ជាក់ថា បើតាមក្រសួងសុខាភិបាល ពេលនេះវីរុសកូវីដ១៩ ប្រភេទ Delta បាននឹងកំពុងរាតត្បាតចូលក្នុងសហគមន៍របស់យើងហើយ ដោយកម្ពុជាបានរកឃើញអ្នកឆ្លងជំងឺកូវីដ១៩ ប្រភេទ Delta នេះ ជាបន្តបន្ទាប់ ។ ជាមួយគ្នានេះ ក្រសួងសុខាភិបាលក៏បានសង្កេតឃើញថា ការចម្លងនាពេលបច្ចុប្បន្ននេះមានសន្ទុះកើនឡើងលើយុវវ័យ ដែលក្រុមនេះ បានដើរចេញក្រៅផ្ទះច្រើននិងមានការជួបជុំមិត្តភក្តិ ។ ដូច្នេះ សូមបងប្អូនប្រជាពលរដ្ឋទាំងអស់ ត្រូវអនុវត្ត…

ភ្នំពេញ៖ កាលពីវេលាម៉ោង១០ យប់ថ្ងៃទី៣ ខែសីហា ឆ្នាំ២០២១ កម្លាំងចម្រុះនៃគណៈបញ្ជាការឯកភាពខណ្ឌជ្រោយចង្វារដឹកនាំផ្ទាល់ដោយលោកឃ្លាំងហួតអភិបាលខណ្ឌជ្រោយចង្វារចុះល្បាតក្នុងមូលដ្ឋានក៏បានឃាត់ខ្លួនក្រុមយុវជននិងយុវតីចំនួន១៨នាក់នៅក្បែរការ៉ាសសាំងតូតាល់ចំណុចក្បែរវត្តព្រែកលៀបតាមបណ្ដោយផ្លូវជាតិលេខ៦ស្ថិតក្នុងសង្កាត់ព្រែកលៀបខណ្ឌជ្រោយចង្វារដែលជិះម៉ូតូដេញវាយតប់គ្នានិងល្មើសបម្រាមគោចរបញ្ជូនខ្លួនទៅកាន់អធិកាដ្ឋានខណ្ឌចាត់ការតាមនីតិវិធី។ លោកអភិបាលខណ្ឌជ្រោយចង្វារបានប្រាប់បណ្ដាញសារព័ត៌មានឲ្យដឹងថាមុនកើតហេតុគឺកម្លាំងគណៈបញ្ជាការឯកភាពខណ្ឌបានដឹកនាំកម្លាំងចម្រុះចុះល្បាតក្នុងមូលដ្ឋានខណ្ឌលុះមកដល់ចំណុចកើតហេតុខាងលើក៏បានប្រទះឃើញក្រុមក្មេងទំនើងចំនួន១៨នាក់ ក្នុងនោះមានស្រី ៤នាក់ ជិះម៉ូតូច្រើនគ្រឿងបង្កហិង្សាដេញវាយតប់គ្នាពេញផ្លូវនិងល្មើសបម្រាមគោចរទើបកម្លាំងគណៈបញ្ជាការឯកភាពខណ្ឌចុះប្រតិបត្តិការឃាត់ខ្លួនតែម្តង។ លោកអភិបាលខណ្ឌបានបញ្ជាក់ទៀតថាការបង្ក្រាបនិងឃាត់ខ្លួននេះគឺមិនមានករណីលើកលែងឬក៏អប់រំដូចមុនទេគឺអនុវត្តតាមនីតិវិធី។បន្ទាប់ពីឃាត់ខ្លួនក្រុមក្មេងទំនើងទាំងនោះហើយក៏ត្រូវបានលោកអភិបាលទាក់ទងហៅក្រុមគ្រូពេទ្យស្ម័គ្រចិត្តចុះមកយកសំណាកតេស្តរហ័សរកមេរោគកូវីដ១៩នៅទីតាំងឃាត់ខ្លួននោះតែម្តងជាចេញលទ្ធផលគឹអវិជ្ជមានទាំង១៨នាក់។ បន្ទាប់ពីចេញលទ្ធផលតេស្តរួចក្រុមក្មេងទំនើងទាំង១៨នាក់នោះត្រូវបានបញ្ជូនខ្លួនបន្តទៅកាន់អធិការដ្ឋានខណ្ឌជ្រោយចង្វារដើម្បីកសាងសំណុំរឿងបញ្ជូនខ្លួនបន្តទៅកាន់តុលាការចាត់ការបន្តតាមនីតិវិធីនៃជំងឺកូវីដ១៩ត្រូវផាកពិន័យជាប្រាក់និងជាប់ពន្ធនាគារពី៦ខែទៅ១ឆ្នាំដោយគ្មានករណីលើកលែងនោះទេ៕ដោយ៖ភារ៉ានិងប៊ុនធី

ភ្នំពេញ៖ លោកឃួង ស្រេង អភិបាលរាជធានីភ្នំពេញនិងជាប្រធានគណៈបញ្ជាការរាជធានីភ្នំពេញបានដាក់បទបញ្ជាទៅគណៈបញ្ជាការឯកភាពខណ្ឌទាំ១៤ឱ្យសង្កាត់ទាំង១០៥ ពិសេសចៅសង្កាត់តែម្តង ត្រូវចុះផ្ទាល់ដល់មូលដ្ឋានរបស់ខ្លួន ដើម្បីធ្វើការណែនាំឱ្យប្រជាពលរដ្ឋកុំដើរហើរ ល្មើសនិងបំរាមគោចរនិងបងប្អូនប្រជាពលរដ្ឋ នាំកូនចៅដែលជាកុមារនិងយុវវ័យអាយុ១២ទៅ១៧ឆ្នាំទៅចាក់វ៉ាក់សាំងឱ្យបានគ្រប់គ្នានិងត្រូវណែនាំឱ្យ។ ការដាក់បទបញ្ជាក់បែបនេះបានធ្វើឡើងកាលពីរាត្រីថ្ងៃទី០៣ សីហា២០២១នេះ ដើម្បីឱ្យប្រធានគណៈបញ្ជាការឯកភាពខណ្ឌទាំង១៤និងសង្កាត់ទាំង១០៥ អនុវត្តការងារទាំង២នេះឱ្យបានម៉ត់ចត់ និងម៉ឺងម៉ាត់ ឈានទៅរកការផ្តាច់បាននូវឬសគល់ជម្ងឺកូវីដ-១៩ ពិសេសវុីរីសបំម្លែងថ្មីដែលតា (DELTA) ឱ្យបានជោគជ័យ។មន្ត្រីរដ្ឋបាលរាជធានីភ្នំពេញ បានឱ្យដឹងថា កាលពីរាត្រីថ្ងៃទី០៣ សីហា២០២១នេះ លោកឃួង ស្រេង អភិបាលរាជធានីភ្នំពេញនិងជាប្រធានគណៈបញ្ជាការរាជធានីភ្នំពេញ បានដាក់បទបញ្ជាដល់គណៈបញ្ជាការឯកភាពខណ្ឌទាំង១៤និងសង្កាត់ទាំង១០៥ ពិសេសចៅសង្កាត់ ត្រូវដឹកនាំមន្ត្រីរបស់ខ្លួនចុះឱ្យដល់មូលដ្ឋាន ដើម្បីណែនាំឱ្សង្កាត់ត្រូវណែនាំឱ្យបងប្អូនប្រជាពលរដ្ឋក្នុងមូលដ្ឋាន កុំដើរហើរល្មើសនិងបំរាមគោចរ ម៉ោង៩យប់ដល់ម៉ោង៣ភ្លឺនៅក្នុងភូមិសាស្ត្ររាជធានីភ្នំពេញ សម្រាប់រយៈពេល ១៤ (ដប់បួន) ថ្ងៃ គិតចាប់ពីម៉ោង ២៣និង៥៩ នាទី នាថ្ងៃទី២៩ ខែកក្កដា ឆ្នាំ២០២១ រហូតដល់ថ្ងៃទី១២ ខែសីហា ឆ្នាំ២០២១ ។បន្ថែមពីនេះ ត្រូវណែនាំឱ្យបងប្អូនប្រជាពលរដ្ឋ នាំកូនចៅដែលជាកុមារនិងយុវវ័យអាយុ១២ទៅ១៧ឆ្នាំទៅចាក់វ៉ាក់សាំងឱ្យបានគ្រប់គ្នានៅតាមទីតាំងដែលបានរៀបចំរួច ។ ដោយចាប់ពីពេលនេះតទៅគ្មានមានការអប់រំទៀតទេ គឺត្រូវតែផាកពិន័យនិងអនុវត្តទោសទណ្ឌ មិនមានការលើកលែងឡើយ។ អនុវត្តតាមបទបញ្ជារបស់លោកឃួង ស្រេង ខាងលើនេះ នៅយប់ថ្ងៃទី០៣ សីហានេះ…

រាជធានីភ្នំពេញ៖ប្រទេស​កម្ពុជា ជា​ប្រទេស​ដែលមាន​អត្រា​ខ្ពស់​ជាងគេ នៃ​ប្រជាជន​ពេញវ័យ​ដែល​បាន​ចាក់​វ៉ាក់សាំង​ការពារ​ជំងឺ​កូ​វីដ​១៩​រួច នៅ​តំបន់​ប៉ាស៊ីហ្វិក​ខាងលិច ដែល​កំណត់ដោយ​អង្គការ​សុខភាព​ពិភពលោក​។នេះបើតាមការប្រកាសឱ្យដឹងពីសំណាក់​អង្គការ​យូ​នី​សេ​ហ្វ។ បើតាមការឱ្យដឹងរបស់ អង្គការ​យូ​នី​សេ​ហ្វគឺ បើគិតពីអត្រាប្រៀបធៀបនោះ ប្រទេស​កម្ពុជា ក៏​ស្ថិត​ក្នុងចំណោម​ប្រទេស​ទាំង ១៧ នៅលើ​ពិភពលោក ដែល​ផ្តល់​វ៉ាក់សាំង​ការពារ​ជំងឺ​កូ​វីដ​១៩ ដល់​គ្រូបង្រៀន​មុនគេ​ ។​ គួររំលឹកផងថាគិតរហូតមកដល់ពេលនេះ នៅលើគម្រោង​ផែនការ​ចាក់​វ៉ាកសាំង​ពលរដ្ឋ​ពេញវ័យ​ចាប់ពី ១៨ ឆ្នាំ​ឡើង នៅក្នុង​ផែនការ​១០ លាន​នាក់ គឺ កម្ពុជា​សម្រេចបាន ៧៤,៨៤ ភាគរយ ហើយ​ចំពោះ​គោលដៅ​ចាក់​សម្រាប់​កុមារ​អាយុ ពី ១២ ដល់ ក្រោម ១៨ ឆ្នាំ កំពុង​វិវត្តន៍​ទៅមុខ​ដោយ​វិជ្ជមាន ជាមួយនឹង​អត្រា ៦,៣១ ភាគរយ​៕​

យោងតាមសេចក្ដីជូនដំណឹងរបស់ក្រសួងសុខាភិបាលនៅថ្ងៃទី៤សីហាឆ្នាំ២០២១ បានឲ្យដឹងថា យោងតាមលទ្ធផលនៃការធ្វើវិភាគដោយវិទ្យាស្ថានប៉ាស្ទ័រកម្ពុជា បានរកឃើញវីរុសកូវីដ-១៩ បំប្លែងថ្មី B.1.617.2 (Delta) ចំនួន៣៦ករណី ក្នុងនោះនៅថ្ងៃទី៣សីហាឆ្នាំ២០២១។ ក្នុងចំណោមអ្នកឆ្លងទាំងទាំង៣៦នាក់នោះ មានឆ្លងនៅរាជធានីភ្នំពេញចំនួន៦នាក់ជាបុគ្គលិក, នៅខេត្តឧត្តរមានជ័យ៩នាក់, នៅខេត្តសៀមរាប១៨នាក់ ក្នុងនោះមានបុគ្គលិកសុខាភិបាលម្នាក់ និងនៅក្នុងខេត្តកំពង់ធំ៤នាក់។ ក្រសួងសុខាភិបាលបញ្ជាក់ថា គិតចាប់តាំងពីថ្ងៃទី៣១មីនាដល់ថ្ងៃទី៣សីហាឆ្នាំ២០២១ កម្ពុជាបានរកឃើញអ្នកមានវិជ្ជមានវីរុសកូវីដ-១៩ប្រភេទដែលតា Delta សរុប២៦០នាក់ហើយ។ ការរកឃើញនោះ គឺមានលើពលករត្រឡប់មកពីប្រទេសថៃ អ្នកដំណើរចូលមកកម្ពុជាតាមយន្តហោះ, បុគ្គលិកសុខាភិបាល និងអ្នកភូមិក្នុងសហគមន៍។ ក្រសួងបានបញ្ជាក់ទៀតថា លទ្ធផលនៃការរកឃើញនោះ បានបង្ហាថា វីរុសដែលតា បាននិហងកំពុងរាតត្បាតចូលក្នុងសហគមន៍ហើយ ជាពិសេសនៅខេត្តឧត្តរមានជ័យ, រាជធានីភ្នំពេញ , ខេត្តសៀមរាប កំពង់ចាម កំពង់ធំ និងបណ្ដាខេត្តមួយចំនួនទៀត។