អាជ្ញាធរបិទជាបណ្ដោះអាសន្នផ្សារដើមគក្នុងខណ្ឌទួលគោក នៅថ្ងៃទី៣ ខែសីហា ឆ្នាំ២០២១ ដោយសារតែថ្មីៗនេះ មានអ្នកជំងឺកូវីដ១៩ ប្រភេទបំប្លែងថ្មី Delta បានចូលទៅទិញ ឥវ៉ាន់នៅទីនោះ ។ក្រុមគ្រូពេទ្យបានកំបុងរៀបចំយកសំណាកទៅលើក្រុមអាជីវករក៏ដូចជាប្រជាពលរដ្ឋ ដែលបានចូលផ្សារនេះកន្លងមក។តាមប្រភពព័ត៌មានពីអាជ្ញាធរ ក្រុមគ្រូពេទ្យពុំទាន់អាចបញ្ជាក់ពីលទ្ធផលយ៉ាងណានៅឡើយទេរហូតមកទល់ល្ងាចថ្ងៃដដែលនេះ។ សូមបញ្ជាក់ថា កម្ពុជាកំពុងចាត់វិធានការទប់ស្កាត់ការរាលដាលជំងឺកូវីដ-១៩ ជាពិសេសមរោគបំប្លែងថ្មី Delta ដោយមានការបិទខ្ទប់ខេត្តមួយចំនួននៅតាមព្រំដែនជាប់ប្រទេសថៃ និងបង្កើតសារាចរណែនាំពង្រឹងការនុវត្តច្បាប់ និងការផ្សព្វផ្សាយអប់រំនានា។ បើតាមក្រសួងសុខាភិបាល ពេលនេះវីរុសកូវីដ១៩ ប្រភេទ Delta បាននិងកំពុងរាតត្បាតចូលក្នុងសហគមន៍។ ក្រសួងសុខាភិបាល នៅតែជំរុញឲ្យប្រជាពលរដ្ឋចូលរួមបង្ការនិងទប់ស្កាត់ការរីករាលដាលដោយត្រូវអនុវត្ត ឲ្យបានខ្ជាប់ខ្ជួននូវវិធានការសុខាភិបាល ៣ការពារនិង៣កុំ៕

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់ថា បើគ្មានអ្វីប្រែប្រួលទេ សម្ដេចនឹងអញ្ជើញទៅទទួលវ៉ាក់សាំង ដែលជាជំនួយរបស់ប្រទេសអង់គ្លេស និងជាជំនួយទ្វេភាគី នៅថ្ងៃទី៤ ខែសីហា ឆ្នាំ២០២១ ស្អែកនេះ ។ ការថ្លែងបែបនេះ របស់សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ក្នុងឱកាសបើកយុទ្ធនាការ ចាក់វ៉ាក់សាំង បង្ការជំងឺកូវីដ១៩ សម្រាប់កុមារ និងយុវវ័យ ចាប់ពីអាយុ១២ ដល់ក្រោម១៨ឆ្នាំ នៅព្រឹកថ្ងៃទី១ ខែសីហា ឆ្នាំ២០២១ ។ គួររំលឹកថា បើតាមស្ថានទូតអង់គ្លេសប្រចាំកម្ពុជា បានឱ្យដឹងថា ប្រទេសកម្ពុជា នឹងទទួលបានវ៉ាក់សាំងចំនួន ៤១៥.០០០ដូស ក្នុងចំណោមបណ្ដាប្រទេសដទៃទៀត ។ សូមបញ្ជាក់ថា យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី២ សីហាឆ្នាំ២០២១ កម្ពុជា បានចាក់វ៉ាក់សាំងជូនប្រជាពលរដ្ឋបានចំនួន ៧លាន ៤សែន ៩ម៉ឺន ៨ពាន់ ១២៩នាក់ ដែលស្មើនឹង៧៤,១៨% នៃចំនួនប្រជាជនដែលគ្រោងនឹងចាក់ជាង១២លាននាក់ ក្នុងនោះបានចាក់វ៉ាក់សាំងដុសទី២រួច មានចំនួន ៤លាន៩សែន២ម៉ឺន៧ពាន់៨៧៦នាក់។…

ភ្នំពេញ ៖ ក្នុងរយៈពេល០៤ថ្ងៃ ក្នុងការអនុវត្តបំរាមគោចរនៃការបិទការធ្វើដំណើររបស់បងប្អូនប្រជាពលរដ្ឋចាប់ពីម៉ោង០៩រហូតដល់ម៉ោង៣ភ្លឺ អាជ្ញាធរមានសមត្ថកិច្ចចម្រុះឲ្យគណៈបញ្ជាការឯកភាពរាជធានីភ្នំពេញបានធ្វើការឃាត់យានយន្តគ្រប់ប្រភេទដែលល្មើសទៅនឹងបំរាមគោចរ បានចំនួនជាង១០០០គ្រឿងហើយក្នុងនោះយើងបានផាកពិន័យនៅនឹងកន្លែងចំនួនជិត៣០០គ្រឿង ក្រៅពីនោះយើងបានបញ្ជូនទៅរក្សាទុកនៅតាមបណ្តាខណ្ឌនីមួយៗក្នុងរាជធានីភ្នំពេញ។ ខាងលើនេះជាការបញ្ជាក់ឱ្យដឹងពីលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ តាមរយៈ video conference ក្រោមអធិបតីភាព លោកឃួង ស្រេង អភិបាលនៃគណៈអភិបាលរាជធានីភ្នំពេញនាព្រឹកថ្ងៃទី០៣ សីហា ឆ្នាំ២០២១នៅសាលារាជធានីភ្នំពេញ ។ លោកឧត្ដមសេនីយ៌ ស ថេត បានមានប្រសាសន៍លើកឡើងថា ការអនុវត្តបនូវបម្រាមគោចរនេះនៅក្នុងថ្ងៃទី១ យើងបានឃើញថា បងប្អូនប្រជាពលរដ្ឋជាច្រើនបានល្មើសទៅនឹងបំរាមគោចរនេះ តែនៅថ្ងៃទី០២ យើងបានឃើញថា បងប្អូនមួយចំនួនមានការចូលរួមច្រើនមានន័យថា អ្នកដែលល្មើសនឹងបម្រាមគោចរនេះ ហាក់ដូចជា មានការថយចុះជាច្រើន ។ ដោយឡែកសម្រាប់ថ្ងៃទី ០៣វិញឃើញថា ប្រជាពលរដ្ឋពិតជាបានយល់ដឹងច្រើន ដោយនៅតាមដងផ្លូវនានាខណៈដែល វេលាម៉ោងកំណត់នៃការបិទបំរាមគោចរមកដល់ ឃើញថា គ្រប់ផ្លូវទាំងអស់ នៅក្នុងរាជធានីភ្នំពេញ មានលក្ខណៈស្ងប់ស្ងាត់ មិនមានបងប្អូនប្រជាពលរដ្ឋធ្វើដំណើរនោះទេ ។ នេះបង្ហាញឱ្យឃើញពីការចូលរួមរបស់បងប្អូនប្រជាពរដ្ឋ ក្នុងការអនុវត្តវិធានរបស់រដ្ឋបាលរាជធានីភ្នំពេញ ក្នុងការបិទបំរាមគោចរពីម៉ោង០៩ដល់ម៉ោង០៣ភ្លឺ ។ ប៉ុន្តែទោះបីជាយ៉ាងណាក្តី ក៏នៅមានចំណុចអវិជ្ជមានមួយចំនួនផងដែរ ដោយសារតែ…

ភ្នំពេញ៖ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានបញ្ជាក់ថា ការដាក់ចេញនូវសេចក្តីសំរេចរបស់រាជរដ្ឋាភិបាល ក្នុងការបិទខ្ទប់៨ខេត្តនិងសេចក្តីសំរេចលេខ២៤៩/២១សសរ របស់រដ្ឋបាលរាជធានីភ្នំពេញ លើវិធានការរដ្ឋបាលនៃការបិទបំរាមគោចរក្នុងភូមិសាស្ត្ររាជធានីភ្នំពេញ សម្រាប់រយៈពេល ១៤ (ដប់បួន) ថ្ងៃ គិតចាប់ពីម៉ោង ២៣:៥៩ នាទី នាថ្ងៃទី២៩ ខែកក្កដា ឆ្នាំ២០២១ រហូតដល់ថ្ងៃទី១២ ខែសីហា ឆ្នាំ២០២១នេះ ធ្វើឡើងក្នុងគោលបំណងតែមួយគត់ គឺដើម្បីរក្សាអាយុជីវិតបងប្អូនប្រជាពលរដ្ឋឱ្យជៀសផុតពីជំងឺកូវីដ-១៩ ពិសេសវុីរីសបំម្លែងថ្មីដែលតា (DETA) ។ ការបញ្ជាក់បែបនេះរបស់ឯកឧត្តម ឃួង ស្រេង អភិបាលរាជធានីភ្នំពេញបានធ្វើឡើងក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ តាមរយៈ video conference នាព្រឹកថ្ងៃទី០៣ សីហា ឆ្នាំ២០២១នៅសាលារាជធានីភ្នំពេញ។ ឯកឧត្តម ឃួង ស្រេងបានមានប្រសាសន៍លើកឡើងថា ការអនុវត្តនូវសេចក្តីសម្រេចលេខ២៤៩/២១សសរ របស់រដ្ឋបាលរាជធានីភ្នំពេញ ក្នុងរយៈពេលប៉ុន្មានថ្ងៃនេះ ឃើញថា ទាំងកម្លាំងកងរាជអាវុធហត្ថរាជធានីភ្នំពេញ ស្នងការប៉ូលីសរាជធានីភ្នំពេញ និងអាជ្ញាធរខណ្ឌទាំង១៤ អនុវត្តការងារនេះបានយ៉ាងល្អប្រសើរណាស់ ហើយប្រជាពលរដ្ឋក៏បានចូលរួមយ៉ាងសកម្មផងដែរ មានន័យថា ដល់ម៉ោងអនុវត្តគឺប្រជាពលរដ្ឋ មិនមានធ្វើដំណើរលើដងផ្លូវនោះទេ ។ ប៉ុន្តែទោះបីជាយ៉ាងណាក្តី…

ខេត្តព្រៃវែង ៖ នៅសាលប្រជុំសាលាខេត្តព្រៃវែង ឯកឧត្តម ជា សុមេធី អភិបាលខេត្ត នៅរសៀលថ្ងៃទី២ ខែសីហា ឆ្នាំ២០២១ បានដឹកនាំកិច្ចប្រជុំ ស្តីពី ការរៀបចំទីតាំងផលិត និងដាក់អុកស៊ីហ្សែន សម្រាប់ត្រៀមព្យាបាលអ្នកជំងឺកូវីដ-១៩ ប្រភេទដែលតា និងការងារចាំបាច់មួយចំនួនផ្សេងទៀត ដែលមានសមាសភាពចូលរួម មន្ទីរ អង្គភាពអាជ្ញាធរពាក់ព័ន្ធ ជាច្រើនរូប ។ ថ្លែងនៅក្នុងឱកាសនោះដែរ លោកវេជ្ជបណ្ឌិត សេង បញ្ញាឬទ្ធិ ប្រធានមន្ទីរសុខាភិបាល ខេត្តព្រៃវែង ក៏បានលើកឡើងផងដែរថា ចំពោះទីតាំងផលិត និងដាក់អុកស៊ីហ្សែន សម្រាប់ត្រៀមព្យាបាល អ្នកជំងឺកូវីដ-១៩ ប្រភេទ ដែលតា បានសិក្សា នឹងដាក់នៅ បរិវេណមន្ទីរសុខាភិបាល ។ លោកវេជ្ជបណ្ឌិត ក៏បានបន្តថែមទៀតថាចំពោះទីតាំង ដែលត្រូវដាក់អុកស៊ីសែននេះ គឺត្រូវដាក់នៅកន្លែ ងដែលមានខ្យល់បរិសុទ្ធល្អ បរិស្ថានស្អាត។ ឯកឧត្តម ជា សុមេធី អភិបាលខេត្ត ក៏បានកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងធ្វើការងារអស់ កម្លាំងកាយចិត្ត របស់មន្ទីរសុខាភិបាល កងកំលាំងទាំងបី…

យោងតាមរដ្ឋបាលខេត្តការឆ្លងថ្មីទាំង៥៥នាក់ថ្ងៃនេះ រួមមាននៅក្នុងនោះ ក្រុងកំពង់ចាម១៩នាក់, ស្រុកកំពង់សៀម២នាក់, ស្រុកកងមាស២នាក់ , ស្រុកចំការលើ ៥នាក់, ស្រុកជើងព្រៃម្នាក់, ស្រុកបាធាយម្នាក់, ស្រុកព្រៃឈរ៦នាក់, ស្រុកស្ទឹងត្រង់៩នាក់, ស្រុកស្រីសន្ធរ៧នាក់ និងមកពីខេត្តត្បូងឃ្មុំ៣នាក់។ ចំណែកអ្នកស្លាប់គឺបុរសជនជាតិខ្មែរ អាយុ ៧៩ឆ្នាំ នៅភូមិគីឡូ៣ ឃុំព្រែកកក់ ស្រុកស្ទឹងត្រង់ ខេត្តកំពង់ចាម។