ព្រះសីហនុ ៖ ក្នុងជំនួបសំណេះសំណាលជាមួយម្ចាស់ផ្ទះសំណាក់ សណ្ឋាគារ រីស្សត មកពីក្រុង ស្រុក នៃខេត្តព្រះសីហនុ នាព្រឹកថ្ងៃសុក្រ ៦រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣០ ខែកក្កដា ឆ្នាំ២០២១ ឯកឧត្តម គួច ចំរើន អភិបាលខេត្តព្រះសីហនុ បានថ្លែងអំណរគុណយ៉ាងជ្រាលជ្រៅ និងកោតសរសើរចំពោះការចូលរួមជាមួយរដ្ឋបាលខេត្តព្រះសីហនុ របស់ម្ចាស់ផ្ទះសំណាក់ សណ្ឋាគារ និងរីហ្សត ដែលបានឧបត្ថម្ភគាំទ្រ ផ្តល់កន្លែងស្នាក់នៅ ជូនក្រុមគ្រូពេទ្យ និងក្រុមការងារ ក្នុងយុទ្ធនាការចាក់វ៉ាក់សាំងជូនប្រជាពលរដ្ឋក្នុងខេត្តព្រះសីហនុ ។ ឯកឧត្តម បន្តថា នៅថ្ងៃទី១ ខែសីហា វេលាម៉ោង ៩ព្រឹក ខេត្តនឹងបើកយុទ្ធនាការចាក់វ៉ាក់សាំងព្រមគ្នានៅទូទាំងខេត្តព្រះសីហនុ ចំនួន ៩ទីតាំង នៅតាមក្រុង/ ស្រុកទាំង៥ ជូនកុមារមានអាយុ១២ឆ្នាំ រហូតដល់ក្រោម ១៨ឆ្នាំ។ ឯកឧត្តមស្នើឱ្យឪពុកម្តាយ ឬអាណាព្យាបាល នាំកូនចៅមកទទួលវ៉ាក់សាំងការពារជំងឺកូវីដ១៩នៅតាមទីកន្លែងដែលបានរៀបចំជូនដោយភ្ជាប់មកជាមួយនូវសៀវភៅគ្រួសារ សៀវភៅស្នាក់នៅ ឬសំបុត្រកំណើតរបស់កុមារ ។ ឯកឧត្តម គួច…

យោងតាមសេចក្ដីសម្រេចដែលចុះហត្ថលេខាដោយសម្ដេចតេជោហ៊ុន សែន នាយករដ្ឋមន្ត្រី នៅថ្ងៃទី៣០ កក្កដា ឆ្នាំ២០២១ បានបង្កើតក្រុមការងារសិក្សា និងស្រាវជ្រាវ រកឱសថ និងបរិក្ខាសម្រាប់ប្រយុទ្ធនឹងជំងឺកូវីដ-១៩ចំណុះ គណៈកម្មការអន្តរក្រសួងដើម្បីប្រយុទ្ធប្រឆាំងនឹងជំងឺកូវីដ-១៩។ ក្រុមការងារនៅ មានសមាសភាព អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តសម្ដេចតេជោ TYDA លោកស្រីវេជ្ជបណ្ឌិត ពេជ ចន្ទមុន្នី ជាប្រធាន, រដ្ឋលេខាធិការក្រសួងប្រៃសណី លោក ជាប សត្ថារតន៍, សាកលវិទ្យាល័យវិទ្យាសាស្ត្រសុខាភិបាលលោកសាស្ត្រាចារ្យ សាផុន វឌ្ឍនៈ, ប្រធានមន្ទីរពេទ្យមិត្តភាពខ្មែរ-សូវៀត លោកសាស្ត្រាចារ្យងីម៉េង និងនាយកវិទ្យាស្ថានសុខភាពសាធារណៈ លោកសាស្ត្រាចារ្យ ឈា ឆវណ្ណ ជាអនុប្រធាន ព្រមទាំងមានសមាជិក៩រូបទៀត។ ក្រុមការងារនោះ មានភារកិច្ចស្រាវជ្រាវ និងស្វែងរកឱសថដែលមានប្រសិទ្ធភាពខ្ពស់ និងដែលត្រូវបានប្រើប្រាស់សម្រាប់ការព្យាបាល ឬបង្ការជំងឺកូវីដ-១៩។ ទី២ មានភារកិច្ច សិក្សា ស្រាវជ្រាវ និងស្វែករកឧបករណ៍តេស្ដរកមេរោគកូវីដ-១៩ ដែលមានប្រសិទ្ធភាព, ភាពងាយស្រួលក្នុងការប្រើប្រាស់ និងតម្លៃទាបសមរម្យ។ ទី៣ មានភារកិច្ច សិក្សា ស្រាវជ្រាវ និងស្វែងរកបរិក្ខាពេទ្យចាំបាច់ដទៃទៀត ដើម្បីបម្រើឲ្យការប្រយុទ្ធនឹងជំងឺកូវីដ-១៩។ ទី៤ មានភារកិច្ចធ្វើទំនាក់ទំនងជាមួយនឹងក្រុមហ៊ុនផលិតឱសថបរទេស…

យោងតាមរដ្ឋបាលខេត្តការឆ្លងថ្មី ទាំង៥៥នាក់ថ្ងៃនេះ រួមមាននៅក្នុងនោះ ក្រុងកំពង់ចាម១២នាក់, ស្រុកកំពង់សៀម៩នាក់, ស្រុកកងមាសម្នាក់, ស្រុកចំការលើ ម្នាក់, ស្រុកជើងព្រៃ៦នាក់, ស្រុកបាធាយ៥នាក់, ស្រុកព្រៃឈរ៥នាក់, ស្រុកស្ទឹងត្រង់១០នាក់, ស្រុកស្រីសន្ធរ៣នាក់ និងមកពីរាជធានីភ្នំពេញ២នាក់ និងខេត្តក្រចេះម្នាក់ ។ ចំណែកអ្នកស្លាប់ទាំង៣នាក់រួមមាន ទី១ បុរសអាយុ៣១ឆ្នាំនៅស្រុកបាធាយ, ទី២ ស្ត្រីអាយុ៧២ឆ្នាំនៅក្រុងកំពង់ចាម និងទី៣ បុរសអាយុ៣៧ឆ្នាំនៅស្រុកសន្ទុក ខេត្តកំពង់ធំ។

យោងតាមក្រសួងសុខាភិបាលនៅថ្ងៃទី៣០កក្កដាឆ្នាំ២០២១ បានឲ្យដឹងថា នៅថ្ងៃ២៩កក្កដាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៦៦៨នាក់ ដែលក្នុងនោះអ្នកដំណើរមកពីបរទេសចំនួន២៤០នាក់ និងករណីឆ្លងសហគមន៍៤២៨នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ២៩កក្កដា មានអ្នកជាសះស្បើយពីជំងឺកូវីដ-១៩ ចំនួន៨១២ និងមានអ្នកស្លាប់២៥នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី២៨កក្កដាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៧ម៉ឺន៦ពាន់៥៨៥នាក់ ក្នុងនោះបានព្យាបាលជាសះស្បើយចំនួន៦ម៉ឺន៩ពាន់១៩៨នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៣៧៥នាក់ហើយ។

រាជធានីភ្នំពេញ៖នៅថ្ងៃទី ៣០ ខែ កក្កដាឆ្នាំ ២០២១នេះក្រសួងការងារនិងបណ្តុះបណ្តាលវិជ្ជាជីវៈ បានចេញសេចក្តីជូនដំណឹងមួយស្តីពីកិច្ចសហការផ្អាកការធ្វើដំណើរ ឬចល័តចេញពីកន្លែងស្នាក់នៅរបស់បងប្អូនពលករខ្មែរ ដែលកំពុងស្នាក់នៅ និងធ្វើការនៅប្រទេសថៃឆ្ពោះមកព្រំដែនកម្ពុជា-ថៃ ចំនួន ១៤ថ្ងៃ។ បើតាមសេចក្តីជូនដំណឹងរបស់ក្រសួងការងារបានបញ្ជាក់ ថា យោងតាមវិធានការបិទខ្ទប់ភូមិសាស្ត្របណ្តាខេត្តមួយចំនួន ជាពិសេសខេត្តជាប់ព្រំដែនកម្ពុជា-ថៃ ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ-១៩ ប្រភេទដែលតា (Delta) និងការរឹតបន្តឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ សំដៅការពារសុខភាព និងអាយុជីវិតរបស់ប្រជាជន ក៏ដូចជាដើម្បីឈានឆ្ពោះទៅបើកដំណើរការប្រទេសជាតិឡើងវិញលើគ្រប់វិស័យ និងការរស់នៅជាមួយនឹងជំងឺកូវីដ-១៩ តាមគន្លងប្រក្រតីភាពថ្មីនៅកម្ពុជា ក៏ដូចជាយោងលើវិធានការបិទខ្ទប់ការធ្វើដំណើរពីខេត្តមួយទៅខេត្តមួយ ដែលកំពុងស្ថិតនៅជាធរមាននៅក្នុងប្រទេសថៃ នោះក្រសួងការងារ និងបណ្តុះបណ្តាលវិជ្ជាជីវៈ សូមជូនដំណឹងដល់បងប្អូនពលករខ្មែរដែលកំពុងស្នាក់នៅ និងធ្វើការនៅប្រទេសថៃដូចខាងក្រោម៖ ១-កុំចល័តចេញពីកន្លែងស្នាក់នៅបច្ចុប្បន្នរបស់ខ្លួន ឆ្ពោះមកព្រំដែនកម្ពុជា-ថៃ ចំនួន ១៤ថ្ងៃ ចាប់ពីថ្ងៃទី៣០     ខែកក្កដា នេះ រហូតដល់ថ្ងៃទី១២ ខែសីហា ឆ្នាំ២០២១។ ប្រសិនបើមានធុរៈចាំបាច់ ឬចប់ការងារត្រូវវិលត្រឡប់មកប្រទេសកម្ពុជាវិញ សូមបងប្អូនមេត្តារង់ចាំរហូតដល់ក្រោយថ្ងៃទី១២ ខែសីហា។ ២-ប្រសិនជាបងប្អូនធ្វើដំណើរមកព្រំដែនកម្ពុជា-ថៃ តាមមធ្យោបាយណាមួយក៏ដោយ គឺបងប្អូននឹងត្រូវគេតម្រូវឱ្យធ្វើដំណើរវិលត្រឡប់ទៅកន្លែងដើមវិញ។ ម្ចាស់រថយន្ត ឬមេខ្យល់ ដែលបំផុស ឬដឹកជញ្ជូនបងប្អូនពលករគឺល្មើសនឹងបម្រាមរបស់អាជ្ញាធរថៃ ហើយត្រូវប្រឈមនឹងការចាត់វិធានការតាមច្បាប់ផងដែរ។ ៣-ក្នុងរយៈពេលស្នាក់នៅ និងធ្វើការនៅប្រទេសថៃ…