ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសបុគ្គលទី៧លាន ដែលទទួលការចាក់វ៉ាក់សាំងការពារកូវីដ-១៩នៅកម្ពុជានៅថ្ងៃ២៨ ខែកក្តដា ២០២១នេះ គឺលោកយាយ ចាន់ ឃីម រស់នៅភូមិកន្ត្រក សង្កាត់ស្វាយដង្គំ ក្រុងសៀមរាប ខេត្តសៀមរាបដែលទទួលបានការចាក់វ៉ាក់សាំងលេខរៀងទី៧លាន។ សម្តេចតេជោនាយករដ្ឋមន្ត្រី បានប្រកាសបែបនេះតាមរយៈទំព័រហ្វសបុកផ្លូវការរបស់សម្តេចថា “តាមរយៈការខិតខំរបស់ក្រុមគ្រូពេទ្យ និងអាជ្ញាធរគ្រប់លំដាប់ថ្នាក់ និងការចូលរួមរបស់ប្រជាជន មកដល់ថ្ងៃនេះ យើងសម្រេចបាននូវការចាក់វ៉ាក់សាំងការពារកូវីដ-១៩ បាន៧លាននាក់ ស្មើនឹង៧០ភាគរយ នៃប្រជាជនដែលត្រូវចាក់វ៉ាក់សាំងចំនួន១០លាននាក់”។ លោកយាយ ចាន់ ឃីម នឹងទទួលបានសាច់ប្រាក់ ១០លានរៀលនិងអំណោយផ្សេងទៀតសម្រាប់ការក្លាយជាអ្នកចាក់វ៉ាក់សាំងកូវីដ-១៩ ទី៧លាននាក់។ សម្ដេច បន្តថា អ្នកនាំពាក្យក្រសួងសុខាភិបាលលោកជំទាប វេជ្ជបណ្ឌិត ឱ វ៉ាន់ឌីន នឹងនាំយកសាច់ប្រាក់ និងរបស់របរផ្សេងៗដែលជាអំណោយរបស់សម្តេចតេជោនាយករដ្ឋមន្ត្រី ដើម្បីជារង្វាន់សម្រាប់ការចូលរួមរបស់លោកយាយ ចាន់ ឃីម ក្នុងការប្រយុទ្ធប្រឆាំងនឹងការរីករាលដាលនៃវីរុសឆ្លងកូវីដ-១៩ នៅថ្ងៃព្រហស្បតិ៍នេះ។ សូមបញ្ជាក់ថា គិតរហូតមកដល់ថ្ងៃនេះ រាជរដ្ឋាភិបាលកម្ពុជា បានចាក់វ៉ាក់សាំងដល់ប្រជាជនបានចំនួន ៧០%នៃមនុស្សពេញវ័យ នៃគោលដៅចំនួន ១០ លាននាក់សម្រាប់ការប្រយុទ្ធប្រឆាំងនឹង កូវីដ-១៩ ៕

រាជររដ្ឋាភិបាលកម្ពុជា បានចេញសារាចរ ស្តីពីការដាក់ចេញយុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩។ ខាងក្រោមនេះជាសាចររបស់រាជរដ្ឋាភិបាល សូមចូលអានលម្អិត៖

(ភ្នំពេញ)៖ រាជរដ្ឋាភិបាលកម្ពុជា នៅយប់ថ្ងៃទី២៨ ខែកក្កដា ឆ្នាំ២០២១ បានចេញសេចក្តីសម្រេចបន្ទាន់មួយដោយបិទខេត្តជាប់ព្រំដែនថៃទាំងអស់ មិនឱ្យធ្វើដំណើរឆ្លងកាត់នោះឡើយ។ ការសម្រេចបែបនេះ បន្ទាប់ពីមានការរកឃើញអ្នកឆ្លងមេរោគកូវីដ១៩ បំប្លែងថ្មី Delta នៅក្នុងខេត្តមួយចំនួន។យោងតាមសេចក្តីសម្រេចនេះរាជរដ្ឋាភិបានបានធ្វើការបិទខ្ទប់ ខេត្តកោះកុង ពោធិ៍សាត់ បាត់ដំបង ប៉ៃលិន ខេត្តបន្ទាយមានជ័យ ឧត្តរមានជ័យ ព្រះវិហារ និងសៀមរាប ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ១៩ បំប្លែងថ្មី Delta។សូមអានសេចក្តីសម្រេចរបស់រាជរដ្ឋាភិបាលបន្ថែម ដែលមានភ្ជាប់ជាមួយខាងក្រោមនេះ៖

រាជធានីភ្នំពេញ៖ស្ថានទូតអាមេរិកនៅភ្នំពេញ បានចេញសេចក្តីប្រកាសព័ត៌មានដោយបានអញ្ជើញប្រព័ន្ធផ្សព្វផ្សាយ ឱ្យចូលរួមយកព័ត៌មាន នៅក្នុងពេលមកដល់នៃ វ៉ាក់សាំង Johnson & Johnson ចំនួនជាង ១ លានដូសដែលជាអំណោយរបស់សហរដ្ឋអាមេរិកដល់ ប្រទេសកម្ពុជា តាមរយៈយន្តការកូវ៉ាក់ (COVAX)។           តាមសេចក្តីប្រកាសព័ត៌មាននៅថ្ងៃទី ២៨ ខែ កក្កដា ឆ្នាំ ២០២១នេះស្ថានទូតអាមេរិកបានបញ្ជាក់ថាអំណោយនេះ គឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិក ចំពោះប្រជាជនកម្ពុជា និងនៅ ក្នុងតំបន់ ក្នុងពេលដែលគេកំពុងតែប្រឹងងើបចេញពីជំងឺរាតត្បាតយ៉ាងធ្ងន់ធ្ងរនេះ។ សេចក្តីប្រកាសដដែលនេះបញ្ជាក់ថា ស្ថានទូតអាមេរិក សូមអញ្ជើញប្រព័ន្ធផ្សព្វផ្សាយ ចូលរួមយកព័ត៌មានក្នុងការមកដល់លើកដំបូង នៃវ៉ាក់សាំង ទាំងនេះ ចំនួនពាក់កណ្តាល ដែលនឹងប្រព្រឹត្តទៅនៅ ថ្ងៃសុក្រ ទី ៣០ ខែកក្កដា វេលាម៉ោង ០៧:១៥ ព្រឹក នា អាកាសយានដ្ឋានអន្តរជាតិភ្នំពេញ។ (យើងរំពឹងថា វ៉ាក់សាំងសល់ពីនោះ នឹងត្រូវមកដល់នៅ ថ្ងៃចន្ទ ទី ២ ខែសីហា នេះ)។          លោកភារធារីស្ថានទូតអាមេរិក Ben Wohlauer…

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន១០ម៉ឺន៩៨០ករណី និងការស្លាប់ថ្មីមានចំនួន២ពាន់៥៣៨នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន១០ប្រទេស។ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន ៧ប្រទេស ។ ការឆ្លងថ្មីនៃវីរុសកូវីដ១៩ក្នុងប្រទេសអាស៊ានទាំង១០នៅក្នុងរយ:ពេលនេះ២៤ម៉ោងចុងក្រោយនេះមានចំនួន១០ម៉ឺន៣៦៣ករណី និងការស្លាប់ថ្មីមានចំនួន២ពាន់៥៣៨នាក់។ការឆ្លងថ្មីនៅថ្ងៃនេះបានកើតឡើងលើប្រទេសចំនួន១០គឺប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, មីយ៉ាន់ម៉ា,សឹង្ហបុរី, ថៃ, កម្ពុជា, វៀតណាម, ឡាវ, និងប្រទេសប្រុយណេ។ ប្រទេសដែលមានការស្លាប់ថ្មីមាន៧ប្រទេស គឺប្រទេសឥណ្ឌូណេស៊ី, មីយ៉ាន់ម៉ា, ថៃ, ម៉ាឡេស៊ី, ហ្វីលីពីន, ឡាវ, និងប្រទេសកម្ពុជា។ប្រទេសឥណ្ឌូនេស៊ីនៅក្នុងរយ:ពេល២៤ម៉ោងចុងក្រោយនេះមានការឆ្លងថ្មីចំនួន៤ម៉ឺន៧ពាន់៧៩១ករណីដែលនាំឲ្យការឆ្លងសារុបមានចំនួន៣លាន២៨ម៉ឺន៧ពាន់៧២៧ករណី។ ចំណែកការស្លាប់ថ្មីវិញមានចំនួន១ពាន់៨២៤នាក់ដែលនាំឲ្យការស្លាប់សារុបមានចំនួន៨ម៉ឺន៨ពាន់៦៥៩នាក់។ ប្រទេសឥណ្ឌូនេស៊ីគឺ ជាប្រទេសដែលមានការឆ្លងនិងការស្លាប់ច្រើនជាងគេក្នុងចំណោមប្រទេសអាស៊ានទាំង១០។ចំណែកប្រទេសម៉ាឡេស៊ីនៅក្នុងរយ:ពេល២៤ម៉ោងចុងក្រោយនេះមានការឆ្លងថ្មី ចំនួន១ម៉ឺន៧ពាន់៤០៥ករណីដែលនាំឲ្យការឆ្លងសារុបចំនួន១លាន៦ម៉ឺន១ពាន់៤៧៦ករណី។ ចំណែកការស្លាប់ថ្មីវិញ មានចំនួន១៤៣នាក់ដែលនាំឲ្យការស្លាប់សារុបមានចំនួន៨ពាន់៥៥១នាក់។ប្រទេសថៃមានការឆ្លងថ្មីចំនួន១ម៉ឺន៦ពាន់៥៣៣ករណីដែលនាំឲ្យការឆ្លងសារុបមានចំនួន៥៤ម៉ឺន៣ពាន់៣៦១ករណី។ ចំណែកការស្លាប់ថ្មីមានចំនួន១៣៣នាក់ដែលនាំឲ្យការស្លាប់សារុបមានចំនួន៤ពាន់៣៩៧នាក់។នៅក្នុងប្រទេសហ្វីលីពីនមានការឆ្លងថ្មីចំនួន៤ពាន់៤៧៨ករណីដែលនាំឲ្យការឆ្លងសារុបមានចំនួន១លាន៥៦ម៉ឺន៦ពាន់៦៦៧ករណី។ ចំណែកការស្លាប់ថ្មីមានចំនួន៨៤នាក់ដែលនាំឲ្យការស្លាប់សារុបមានចំនួន២ម៉ឺន៧ពាន់៤០១នាក់។ប្រទេសមីយ៉ាន់ម៉ាមានការឆ្លងថ្មីចំនួន៤ពាន់៩៦៤ករណីដែលនាំឲ្យការឆ្លងសារុបមានចំនួន២៧ម៉ឺន៩ពាន់១១៩ករណី។ ចំណែកការស្លាប់ថ្មីមានចំនួន៣៣៨នាក់ដែលនាំឲ្យការស្លាប់សារុបមានចំនួន៧ពាន់៨៤៥នាក់។ប្រទេសវៀតណាមមានការឆ្លងថ្មី៨ពាន់១០ករណីដែលនាំឲ្យការឆ្លងសារុបចំនួន១១ម៉ឺន៧ពាន់១២១ករណី។ប្រទេសកម្ពុជាមានការឆ្លងថ្មីចំនួន៧៦៦ករណីដែលនាំឲ្យការឆ្លងសារុបមានចំនួន៧ម៉ឺន៥ពាន់១៥៣ករណី។ ចំណែកការស្លាប់ថ្មី១៩ដែលនាំឲ្យការស្លាប់សារុបមានចំនួន១ពាន់៣៣៩នាក់។ប្រទេសសឹង្ហបុរីមានការឆ្លងថ្មីចំនួន១៣៦ករណីដែលនាំឲ្យការឆ្លងសារុបមានចំនួន៦ម៉ឺន៤ពាន់៥៨៩ករណី។ប្រទេសឡាវមានការឆ្លងថ្មីចំនួន២៨០ករណីដែលនាំឲ្យការឆ្លងសារុបមានចំនួន៥ពាន់៤៣៤ករណី។ ចំណែកការស្លាប់ថ្មីមានម្នាក់ដែលនាំឲ្យការស្លាប់សារុបមានចំនួន៦នាក់។ប្រទេសដែលមិនរងការឆ្លងនោះគឺប្រទេសប្រុយណេ។គិតសារុបរួមនៃប្រទេសទាំង១០អាស៊ាននាពេលនេះ មានការឆ្លងសារុបមាន៧លាន៩៨០ករណី, និងការស្លាប់មាន១៣ម៉ឺន៨ពាន់៧៦២នាក់។បើគិតសារុបនៅលើសាកលលោកនោះវិញការឆ្លងវីរុសកូវីដ១៩សារុបមានចំនួនជាង ១៩៦លានករណី, និងការស្លាប់មានជាង៤លាន១៩ម៉ឺននាក់។