តាកែវ៖ នៅព្រឹកថ្ងៃចន្ទ ទី២៦ ខែកក្ដដា ឆ្នាំ២០២១ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ អមដំណើរដោយ ឯកឧត្តមវេជ្ជបណ្ឌិត នុត ស៊ីណាត ប្រធាន មន្ទីរសុខាភិបាលខេត្ត លោកវរេសនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថ ខេត្ត លោកឧត្តមសេនីយ៍ត្រី ឆាយ សាវុធ ស្នងការរងនគរបាលខេត្ត លោក កៅ វគ្គសែល អភិបាលស្រុកត្រាំកក់ កងកម្លាំងប្រដាប់អាវុធទាំងបី និងអាជ្ញាធរពាក់ព័ន្ធ បានអញ្ជើញចុះពិនិត្យមើលតំបន់បិទខ្ទប់ និងការយក សំណាក បងប្អូនប្រជាពលរដ្ឋ និងក្រុមអាជីវករ នៅផ្សារអង្គតាសោម ក្រោយរដ្ឋបាលខេត្តសម្រេចបិទខ្ទប់ជាបណ្ដោះអាសន្ន បន្ទាប់ពីបានរកឃើញអ្នកពាក់ព័ន្ធប៉ះពាល់ផ្ទាល់ និងប្រយោលជាច្រើននាក់ ពាក់ព័ន្ធក្នុងព្រឹត្តិការ សហគមន៍ ២០កុម្ភៈ។ មានប្រសាសន៍នាឱកាសនោះដែរ ឯកឧត្តម អ៊ូច ភា អភិបាលខេត្ត បានធ្វើការណែនាំដល់បងប្អូនប្រជាពលរដ្ឋថាដើម្បីចូលរួមទប់ស្កាត់ និងប្រយុទ្ធប្រឆាំងជំងឺកូវីដ-១៩នេះ យើងត្រូវអនុវត្ត្តឱ្យបានត្រឹមត្រូវតាមការណែនាំរបស់ក្រសួង សុខាភិបាល បន្តអនុវត្តវិធានការ ៣កុំ ៣ការពារ…

សម្តេចតេជោ ហ៊ុន សែន ផ្ញើសារលិខិតថ្លែងអំណរគុណ នាយករដ្ឋមន្រ្តីជប៉ុន ដែលបានផ្តល់ជំនួយវ៉ាក់សាំងបង្ការកូវីដ១៩ ចំនួន១លានដូស ដល់កម្ពុជា៖

ថ្មីៗនេះលេខាធិការដ្ឋានអង្គការសុខភាពពិភពលោក (WHO) បានទទូចឱ្យប្រទេសចិនសហការជាលើកទី២លើផែនការការងារក្នុងការតាមដានស្រាវជ្រាវប្រភពនៃមេរោគCOVID-19 តាមរយៈលេសដែលបានចោទប្រកាន់ថាអាចមានការបែកធ្លាយវីរុសនេះពីមន្ទីរពិសោធន៍នៅក្រុងអ៊ូហាន់។ ខ្ញុំមានការសោកស្តាយដែលបានកត់សម្គាល់ថាផែនការនេះមិនត្រូវគ្នាជាមួយនឹងការសន្និដ្ឋាននិងអនុសាសន៍របស់របាយការណ៍ស្រាវជ្រាវរួមគ្នានៅដើមឆ្នាំនេះរវាងចិននិងអង្គការសុខភាពពិភពលោកស្តីពីប្រភពនៃមេរោគCovid-19 ដែលបានបញ្ជាក់យ៉ាងច្បាស់ថាប្រភពនៃមេរោគនេះមិនមែនជាការបែកធ្លាយចេញពីមន្ទីរពិសោធន៍នៅក្រុងអ៊ូហាន់។ ការលើកឡើងនូវផែនការទី២នេះ ហាក់ដូចជាប្រាស់ចាកនឹងស្មារតីវិទ្យាសាស្ត្រវេជ្ជសាស្រ្ត ហើយក៏ជាការបង្ហាញនូវការបាត់បង់ទំនុកចិត្តលើប្រទេសចិនដែលបានបំពេញនូវកិច្ចសហប្រតិបត្តិការយ៉ាងល្អនិងប្រកបដោយតម្លាភាពតាមក្រម និងនិយាមវិទ្យាសាស្រ្តវេជ្ជសាស្ត្រកន្លងមក។ ការតាមដានប្រភពវីរុសគឺជាបញ្ហាវិទ្យាសាស្ត្រវេជ្ជសាស្រ្តដែលប្រកបដោយភាពម៉ឹងម៉ាត់និងម៉ត់ហ្មត់ជាទីបំផុត ព្រមទាំងត្រូវបានកំណត់ដោយក្រុមអ្នកវិទ្យាសាស្ត្រវេជ្ជសាស្រ្ត មិនមែនជាការកំណត់ដោយអ្នកនយោបាយទេ។ យើងមើលឃើញយ៉ាងច្បាស់ថាប្រជាជនចិន និងប្រជាជននៅទូទាំងពិភពលោកមានសេចក្តីប្រាថ្នារួមគ្នាចំពោះបញ្ហានៃជំងឺCovid-19 ហើយយើងបានទទួលស្គាល់និងបានយល់ច្បាស់ពីប្រភពនៃមេរោគនេះដែលបានចេញផ្សាយដោយអង្គការសុខភាពពិភពលោករួចទៅហើយ។ ប្រទេសនានាបានយល់ច្បាស់ថាពិភពលោកកំពុងរងគ្រោះពីមហន្តរាយនៃជំងឺនេះ។ វាមិនមែនជាការលំបាកក្នុងការរកឃើញពីដំណើរការនៃការស្វែងរកប្រភពនៃមេរោគនេះនោះទេ ហើយរយៈពេលមួយឆ្នាំក្នុងការទៅកាន់ប្រទេសចិនដើម្បីសិក្សាស្រាវជ្រាវយ៉ាងល្អិតល្អន់ពីប្រភពនៃមេរោគនេះ ជំហររបស់ចិនបានបង្ហាញយ៉ាងច្បាស់ គឺចិនបានសហការប្រកបដោយតម្លាភាព និងបានគាំទ្រដល់ដំណើរការនៃផែនការប្រកបដោយប្រសិទ្ធភាពនិងប្រសិទ្ធផលរបស់អង្គការសុខភាពពិភពលោក ដើម្បីធ្វើការស៊ើបអង្កេតស៊ីជម្រៅនិងលម្អិត ព្រមទាំងបានចេញទិន្នន័យរបាយការណ៍យ៉ាងច្បាស់លាស់ប្រកបដោយ លក្ខណៈវិទ្យាសាស្រ្តនៅដើមឆ្នាំនេះ។ យើងអាចនិយាយដោយត្រង់បានថាដើម្បីឆ្លើយតបទៅនឹងគ្រោះមហន្តរាយនៃការរីករាលដាលជំងឺCovid-19ប្រទេសចិនបានបញ្ជាក់ថាជាប្រទេសដែលមានការទទួលខុសត្រូវខ្ពស់ និងបានផ្តល់ទិន្នន័យប្រកបដោយតម្លាភាពជូនដល់អង្គការសុខភាពពិភពលោក និងពិភពលោកទាំងមូល។ យើងបានសង្កេតឃើញថានៅក្នុងដំណើរការប្រយុទ្ធប្រឆាំងនឹងការរីករាលដាលនៅប្រទេសចិនរដ្ឋាភិបាលគ្រប់ជាន់ថ្នាក់តែងតែតម្លល់អាយុជីវិតប្រជាជនជាអាទិភាព ហើយបានបង្ហាញពីការរៀបចំនិងការប្រតិបត្តិប្រកបដោយប្រសិទ្ធភាពដែលធ្វើឱ្យប្រទេសចិនក្លាយជាប្រទេសដែលមានសុវត្ថិភាពបំផុតនៅលើពិភពលោក។ ទន្ទឹមនឹងនេះដែរក្នុងឆន្ទៈមនុស្សធម៌ និងជួយការពារអាយុជីវិតរបស់ ប្រជាជននៅលើពិភពលោក ប្រទេសចិនក៏បានកិច្ចខិតខំប្រឹងប្រែងដើម្បីផ្តល់នូវជំនួយបច្ចេកទេស ជំនួយសម្ភារៈវេជ្ជសាស្រ្តជូនដល់បណ្តាប្រទេសនានាដើម្បីប្រយុទ្ធប្រឆាំងនឹងការរីករាលដាលជាសកលនៃជំងឺនេះ។ ភាពជាអ្នកដឹកនាំនិងលទ្ធផលលេចធ្លោរបស់រដ្ឋាភិបាលចិននិងបក្សកុម្មុយនិស្តចិនបានក្លាយជាគំរូដ៏ល្អសម្រាប់បណ្តារដ្ឋាភិបាលនិងគណបក្សនយោបាយនានានៅជុំវិញពិភពលោក។ ផ្ទុយទៅវិញបន្ទាប់ពីការបរាជ័យនៃគោលនយោបាយផ្តល់នូវការចាក់ថ្នាំវ៉ាក់សាំងបង្ការការឆ្លងរីករាលដាលជាសកលនៃជំងឺនេះ បណ្តាបស្ចិមប្រទេសមួយចំនួនបានព្រងើយកន្តើយចំពោះអង្គហេតុហើយងាកទៅរកបង្កហេតុជាមួយប្រទេសចិនក្នុងគោលបំណងលាក់បាំងផលប៉ះពាល់អវិជ្ជមាននៃការប្រយុទ្ធប្រឆាំងនឹងការរីករាលដាល ដោយបង្វែរការមិនពេញចិត្តរបស់ប្រជាជនរបស់ខ្លួនទៅទម្លាក់លើប្រទេសចិន។ ខ្ញុំជឿជាក់យ៉ាងមុតមាំថាវិទ្យាសាស្ត្រពិតជាមានភាពសុក្រឹត្យនិងយុត្តិធម៌ មនុស្សនៅក្នុងពិភពលោកអាចត្រូវបានគេបោកបញ្ឆោតមួយរយៈ តែវាមិនអាចត្រូវបានបោកបញ្ឆោតជារៀងរហូតទេ។ ប្រទេសកម្ពុជានិងចិនគឺជាមិត្តដ៏រឹងមាំហើយប្រទេសទាំងពីរបានសហការយ៉ាងជិតស្និទ្ធក្នុងការប្រយុទ្ធប្រឆាំងនឹងការរីករាលដាលនៃជំងឺនេះ។ ដោយមានជំនួយយ៉ាងច្រើនពីមិត្តចិន រាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានតម្កល់នូវអាយុជីវិតរបស់ប្រជាជនកម្ពុជាជាអាទិភាព និងបានដាក់ចេញនូវវិធានការណ៍នានាយ៉ាងម៉ឺងម៉ាត់ និងប្រកបដោយប្រសិទ្ធភាពលើការប្រយុទ្ធប្រឆាំងនឹងការរីករាតត្បាតនៃជំងឺនេះនៅក្នុងប្រទេសកម្ពុជា។ យើងមានហេតុផលជឿជាក់ថានៅពេលអនាគតកម្ពុជានិងចិននឹងបន្តរក្សាកិច្ចសហប្រតិបត្តិការ យ៉ាងជិតស្និទ្ធ មិនត្រឹមតែកិច្ចសហប្រតិបត្តិការលើការប្រយុទ្ធប្រឆាំងនឹងជំងឺរាតត្បាតនេះទេ ប្រទេសយើងទាំងពីរកំពុងបន្តកិច្ចសហប្រតិបត្តិការជំរុញការងើបឡើងវិញនៃសេដ្ឋកិច្ចជាតិនិងបន្តលើកកម្ពស់ជីវភាពប្រជាជនកម្ពុជា។…

យោងតាមក្រសួងសុខាភិបាល នៅថ្ងៃទី២៦ កក្កដា ឆ្នាំ២០២១ បានឲ្យដឹងថា នៅថ្ងៃ២៥ កក្កដា ឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៧៧៨នាក់ ដែលក្នុងនោះអ្នកដំណើរមកពីបរទេសចំនួន៤៧៥នាក់ និងករណីឆ្លងសហគមន៍៣០៣នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ២៥កក្កដា មានអ្នកជាសះស្បើយពីជំងឺកូវីដ-១៩ ចំនួន៦៨៦នាក់ និងមានអ្នកស្លាប់២២នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី២៥កក្កដាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៧ម៉ឺន៣ពាន់៧០១នាក់ ក្នុងនោះបានព្យាបាលជាសះស្បើយចំនួន៦ម៉ឺន៥ពាន់៩៥០នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៣០៥នាក់ហើយ។

ប្រមុខការទូតកម្ពុជា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសនិងសហប្រតិបត្តការអន្ដរជាតិ បានថ្លែងថា ក្នុងអំឡុងពេលនៃការរីករាលដាលនៃជំងឺកូវីដ-១៩ ជំនួយដែលបានផ្តល់មកជា បន្តបន្ទាប់របស់ជប៉ុន ដល់កម្ពុជាគឺជាការ ឆ្លុះបញ្ចាំងពីទំនាក់ទំនងទ្វេភាគីដ៏រឹងមាំ រវាងប្រទេសទាំងពីរ និងការគាំទ្រឥតឈប់ឈររបស់ជប៉ុន ចំពោះការអភិវឌ្ឍរយៈពេលវែង នៅកម្ពុជា។ ថ្លែងក្នុងពិធីចុះហត្ថលេខាលើ លិខិតប្ដូរសារស្ដីពីការផ្ដល់ ហិរញ្ញប្បទានឥតសំណងរបស់ជប៉ុន សរុបចំនួន ៣៦២ លានយ៉េន ឬប្រមាណ ៣,៣ លានដុល្លារសម្រាប់អនុវត្តគម្រោង «អាហារូបករណ៍អភិវឌ្ឍន៍ធនធានមនុស្ស» ក្នុងឆ្នាំ២០២១ នៅព្រឹកថ្ងៃទី២៦ កក្កដានេះ ឯកឧត្តមឧបនាយករដ្ឋមន្ត្រី ប្រាក់ សុខុន បានមានប្រសាសន៍បន្ថែមទៀតថា តាមរយៈជំនួយនេះមន្រ្តីរាជរដ្ឋាភិបាលកម្ពុជាចំនួន ២៦រូប (ដែលក្នុងនោះ២៤រូប រៀនថ្នាក់អនុបណ្ឌិត និង២រូប រៀនថ្នាក់បណ្ឌិត) នឹងទទួល បានអត្ថប្រយោជន៍ពីការទៅបន្តការសិក្សា កម្រិតខ្ពស់នៅក្នុងប្រទេសជប៉ុន បើគិតចាប់តាំងពីការដាក់ឲ្យដំណើរការនៅក្នុងឆ្នាំ២០០០ គំរោងអាហារូបករណ៍អភិវឌ្ឍន៍ធនធានមនុស្ស ឬហៅថា «JDS» បានដើរតួនាទីយ៉ាងសំខាន់ក្នុងការ គាំទ្រដល់ការអភិវឌ្ឍធនធានមនុស្ស នៅកម្ពុជា។ អស់រយៈពេលជាង ២០ឆ្នាំ JDS បានផ្តល់អាហារូបករណ៍ ដល់មន្រ្តីកម្ពុជាប្រមាណ ៥០០នាក់…