នាព្រឹកថ្ងៃអាទិត្យទី២៥ កក្កដា ២០២១នេះ ក្រសួងសុខាភិបាលថៃបានប្រកាសពីការឆ្លងកូវីដ១៩ក្នុងប្រទេស ចំនួន១៥៣៣៥នាក់ទៀត ខណៈស្លាប់មនុស្ស១២៩នាក់ទៀត ក្នុងពេល២៤ម៉ោងចុងក្រោយមកនេះ។ បន្ទាប់ពីឆ្លងប្រចាំថ្ងៃជាង១ម៉ឺននាក់ មានថ្ងៃខ្លះក្បែរ ១៥០០០នាក់ប្រមាណជាង១សប្តាហ៍មកនេះ តួលេខប្រកាសចុងក្រោយនេះ ធ្វើឲ្យថៃឈានខ្ពស់ដល់កម្រិតខ្ពស់ខ្លាំង១ទៀត ព្រោះ ជាង១៥០០០នាក់ហើយ រីឯការស្លាប់ក៏ដូចគ្នា៕ ប្រភពពី The Nation

យប់ថ្ងៃទី២៤ កក្កដា ២០២១ វៀតណាមបានប្រកាសថា ឆ្លងកូវីដ ជិត៤ពាន់នាក់ទៀត សរុបតាំងពីព្រឹកមក ឆ្លង៩២២៥នាក់ ក្នុង១ថ្ងៃ គឺថ្ងៃទី២៤ កក្កដា នេះ ជាចំនួនឆ្លងប្រចាំថ្ងៃខ្ពស់ខ្លាំង មិនដែរមាននៅវៀតណាមទេ នេះបើតាមប្រភពពី VNexpress។ គិតត្រឹមថ្ងៃសៅរ៍នេះ វៀតណាមមានករណីឆ្លងកូវីដ-១៩ សរុបនៅទូទាំងប្រទេសកើនដល់ ៩០,៩៣៤នាក់ ក្នុងនោះស្លាប់៣៧០នាក់ និងជាសះស្បើយចំនួន ១៧,៥៨៣នាក់៕

ទីភ្នាក់ងារ​ព័ត៌មាន​ថៃ​ ​T​h​e​ N​ar​ion​ ​បាន​ចេញផ្សាយ​ពី​រូបភាព​ការ​ប្រេះ​បាក់​រលំ​នៃ​បច្ឆា​បូជាសព​ ​នៅ​ក្នុង​វត្ត​ ​Bang​ N​am​ C​h​on ​កាលពី​នៅ​ថ្ងៃសុក្រ​ ​ទី​២​៣​ ​ខែ​កក្កដា​ឆ្នាំ​២​០​២​១​នេះ​។​ ​T​h​e​ ​Nation​ថា​ ​រូបថត​នោះ​បាន​បង្ហាញ​ពី​ការ​ប្រេះ​បែក​បច្ឆា​បូជាសព​ ​ហើយ​បំពង់ផ្សែង​បាន​បាក់​រលំ​។​ ​បច្ឆា​បូជាសព​នេះ​ ​ត្រូវ​បាន​ប្រើប្រាស់​អស់​រយៈពេល​ ​២​៥​ ​ឆ្នាំ​មក​ហើយ​ដោយ​ជាមធ្យម​បូជា​សាកសព​ចំនួន​ ​៣​ ​ជា​រៀងរាល់ថ្ងៃ​។​ ​ប្រភព​បន្ត​ថា​ ​ថ្មីៗ​នេះ​សាកសព​នៃ​អ្នកជំងឺ​កូ​វី​ដ​១​៩​ ​បាន​កើន​ឡើងជា​ខ្លាំង​នៅ​ក្នុង​ប្រទេស​ថៃ​ ​ហើយ​ត្រូវ​បូជា​ជាប់​ជាប្រចាំ​ ​នៅកន្លែង​បូជាសព​នេះ​ ​ទើប​បណ្តាល​ឱ្យ​ប្រេះ​បាក់​រលំ​តែម្តង​។​ ចៅអធិការ​វត្ត​ ​ថា​នឹង​សាងសង់​បច្ឆា​បូ​ជាថ្មី​ចំនួន​ ​២​ ​កន្លែង​ទៀត។ គួរបញ្ជាក់ថា ថៃមានមនុស្សស្លាប់ព្រោះជំងឺកូវីដ១៩ ប្រចាំថ្ងៃ ចន្លោះពីជិត១០០ដល់ជាង១០០នាក់ មួយរយៈចុងក្រោយនេះ៕​

នា​ថ្ងៃសៅរ៍​ ​ទី​២​៤​ ​កក្កដា​ ​២​០​២​១​នេះ​ ​ក្រុង​ហាណូយ​របស់​វៀតណាម​បាន​ចាប់ផ្ដើម​អនុវត្ត​ការ​បិទ​ខ្ទប់​ (​lock​down​) ​និង​វិធានការ​រក្សា​គ​ម្លា​ត​សុវត្ថិភាព​ដ៏​តឹងរ៉ឹង​មួយ​ ​ចំពោះមុខ​ការ​កើន​ឡើង​ជាថ្មី​នៃ​ករណី​ឆ្លង​ ​CO​V​I​D​-19​។​ ​វិធានការ​នេះ​ត្រូវ​អនុវត្ត​ស្រប​ទៅតាម​បទបញ្ជា​របស់​លោក​នាយករដ្ឋមន្ត្រី​ ​P​ham​ ​M​in​h​ ​Chin​h​ដោយ​នឹង​មាន​រយៈពេល​ ​១​៥​ថ្ងៃ​រាប់​ចាប់ពី​ថ្ងៃ​ចូលជាធរមាន​។​ ​បើ​តាម​បទបញ្ជា​នេះ​ដែរ​ ​ប្រជាជន​ក្នុង​រដ្ឋធានី​ហាណូយ​ ​ត្រូវ​ស្ថិត​នៅក្នុងផ្ទះ​ ​និង​អា​ចចេញ​ទៅក្រៅ​បាន​ដើម្បី​ស្វែងរក​សេវា​ចាំបាច់​ ​ឬ​ក្នុង​ករណី​ចំា​បាច់​ដូចជា​ ​ទិញ​ម្ហូប​ ​ឬក៏​ថ្នាំពេទ្យ​ ​និង​ទៅ​ធ្វើការ​នៅ​តាម​រោងចក្រ​ ​ឬ​អាជីវកម្ម​នានា​ ​ដែល​ទទួល​បាន​ការអនុញ្ញាត​ឱ្យ​បន្ត​បើកទ្វារ​ដំណើរការ​នៅឡើយ​។​ ​បន្ថែម​ពីលើ​នេះ​ ​ការ​ជួបជុំគ្នា​នៅ​តាម​ទី​សាធារណៈ​ចាប់ពី​មនុស្ស​ ​២​នាក់​ឡើង​ទៅ​ ​ក៏​នឹង​ត្រូវ​បាន​ហាមឃាត់​ផង​ដែរ​។ ក្រសួងសុខាភិបាលវៀតណាមបានប្រកាស ទើបរកឃើញវិជ្ជមានកូវីដ១៩ នៅថ្ងៃទី២៣ កក្កដា ២០២១ថាមាន៧២៩៥នាក់ ជាចំនួនឆ្លងប្រចាំថ្ងៃខ្លាំង ពុំធ្លាប់មាន៕

ហ្វីលីពីន​នឹង​ដាក់​បំរាម​មិន​ឲ្យ​មាន​អ្នកដំណើរ​មកពី​ប្រទេស​ថៃ​និង​ម៉ាឡេស៊ី​ចូល​មក​ប្រទេស​ខ្លួន​ ​ដើម្បី​ទប់​ស្កាត់​ការ​រីក​រាលដាល​នៃ​ជំងឺ​កូ​វី​ដ​១​៩​ ​ប​ម្លែ​ង​ខ្លួន​ថ្មី​ ​នេះ​បើ​តាម​អ្នកនាំពាក្យ​ប្រធានាធិបតី​ហ្វីលីពីន​ ​បញ្ជាក់​នា​ថ្ងៃ​ទី​២​៤​ ​កក្កដា​ ​២​០​២​១​នេះ​ ​ចេញផ្សាយ​ដោយ​ទីភ្នាក់ងារ​ព័ត៌មាន​ CN​A​។​ ​ផ្អែក​តាម​ប្រភព​នេះ​ ​អ្នកនាំពាក្យ​ ​Harry​ Roqu​e​ ​ថា​ ​ការ​រឹត​បន្តឹង​នេះ​នឹង​ចាប់ផ្តើម​មាន​ប្រសិទ្ធ​ភាព​ ​ចាប់ពី​ថ្ងៃអាទិត្យ​ ​ស្អែកនេះ​តទៅ​ ​ហើយ​បន្ត​មាន​ស​ពុល​ភាព​ដល់​ចុងខែ​កក្កដា​។​ ​ជា​ការ​កត់​សម្គាល់​ថា​ ​មួយ​រយៈ​ចុងក្រោយ​នេះ​ ​ថៃ​និង​ម៉ាឡេស៊ី​មានការ​ឆ្លង​រាលដាល​ខ្លាំង​ ​១​ថ្ងៃ​ៗ​ ​ឆ្លង​ជាង​១​ម៉ឺន​នាក់​ ​សម្រាប់​ប្រទេស​ទាំងពីរ​ ​ក្នុង​នោះ​ថៃ​ ​មាន​ឆ្លង​ជិត​១​៥​០​០​០​នាក់​ ​ពេលខ្លះ​ ​រីឯ​ម៉ាឡេស៊ី​វិញ​ ​ឆ្លង​ជាង​១​៥​០​០​០​នាក់​ក៏មាន​ដែរ​។​ ​ទីភ្នាក់ងារ​ព័ត៌មាន​សិង្ហបុរី​មួយ​នេះ​ក៏បាន​ចេញផ្សាយ​ដែរ​ថា​ ​កន្លងមក​ ​ហ្វីលីពីន​ក៏​ហាម​អ្នកដំណើរ​មកពី​ប្រទេស​ផ្សេងៗ​ដែរ​ ​មាន​៨​ប្រទេស​ហើយ​ ​រួម​មាន​ទាំង​ឥណ្ឌូ​នេ​ស៊ី​ ​និង​ឥណ្ឌា​ដែរ​៕​