ខេត្តរតនគិរី ៖ នៅថ្ងៃទី២០ ខែកក្កដា ឆ្នាំ២០២១នេះ រដ្ឋបាលខេត្តរតនគិរី បានប្រកាសពីការរកឃើញមនុស្សចំនួន ២នាក់ បន្ថែមទៀត ដែលបានរកឃើញ នាថ្ងៃទី២០ ខែកក្កដា ឆ្នាំ២០២១ បន្ទាប់ពីក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្ត ប្រចាំនៅគោល ដៅស្ពានស្រែពក ស្រុកកូនមុំ បានធ្វើតេស្តរហ័ស លើអ្នកដំណើរចូលមកខេត្តរតនគិរី ចំណែក ប្រជាពលរដ្ឋនៅក្នុងខេត្ត រកមិនមានអ្នកវិជ្ជមានកូវីដ.១៩ បន្ថែមទៀតទេ។ បច្ចុប្បន្ន អ្នកទាំងពីរខាងលើ ព្រមទាំងអ្នកពាក់ព័ន្ធ បានបញ្ជូនទៅព្យាបាល និងធ្វើចត្តាឡីសាក់ នៅមណ្ឌលវិទ្យាល័យត្រពាំងក្រហម ស្រុកកូនមុំ។ គួរបញ្ជាក់ថា គិតត្រឹមថ្ងៃទី២០ ខែកក្កដា ឆ្នាំ២០២១ នៅខេត្តរតនគិរី មានអ្នកវិជ្ជមានកូវីដ.១៩ សរុបចំនួន ៦៤២នាក់ អ្នកជាសះស្បើយចំនួន ៤៤៤នាក់ និងអ្នកស្លាប់៤នាក់។បើទោះជា មានការខិតខំ ស្រាវជ្រាវបន្តនៅក្នុងខេត្ត មិនមានអ្នកឆ្លងជំងឺកូវីដ.១៩ បន្ថែមទៀតយ៉ាងណាក្ដី រដ្ឋបាលខេត្តនៅតែបន្ត អំពាវនាវដល់បងប្អូនប្រជាពលរដ្ឋ និងសាធារណៈជនទាំងអស់ ដែលធ្លាប់បានពាក់ព័ន្ធដោយផ្ទាល់ និងប្រយោល ជាមួយអ្នកវិជ្ជមានកូវីដ. ១៩ ដែលបានរកឃើញកន្លងមក សូមស្ម័គ្រចិត្តធ្វើតេស្ដសំណាក…

នៅរសៀលថ្ងៃទី១៩ ខែកក្កដាឆ្នាំ២០២១ រដ្ឋបាលខេត្តព្រះសីហនុ បានប្រជុំពិភាក្សាគ្នាតាមប្រពន្ធ័អនឡាញដើម្បីបើកផ្សារអោយអាជីវករបានចាប់ផ្តើមប្រកបអាជីវកម្មឡើងវិញបន្ទាប់ពីបានបិទជាច្រើនខែកន្លងមកដោយសារតែជំងឺកូវីដ១៩ឆ្លងរាលដាលនិងបានផ្តល់ផលប៉ះពាល់ដល់ជីវភាពប្រជាជន។ ការបើកផ្សារនៅខេត្តព្រះសីហនុគ្រោងចាប់ផ្តើមនៅចុងខែកក្កដាឆ្នាំ២០២១។អាជីវករតម្រូវអោយអនុវត្តតាមលក្ខខណ្ឌនៃវិធានសុវត្ថិភាពដែលបានកំណត់ដោយអាជ្ញាធរដើម្បីការពារកុំអោយឆ្លងជំងឺកូវីដ១៩។ មូលហេតុសំខាន់ៗឈានទៅបើកផ្សារឡើងវិញនេះ៖ ១.ឆ្លើយតបតាមសំណូមពរពីអាជីវករនិងប្រជាជនដែលបាននឹងកំពុងរងផលប៉ះពាល់គឺគ្មានប្រាក់ចំណូលនិងជួបការលំបាកផ្នែកជីវភាពជាដើម។ ២.ដើម្បីស្តារ សេដ្ឋកិច្ច សង្គម តាមគន្លងថ្មីក្នុងបរិបទកូវីដ១៩។ ៣.ដោយសារពលរដ្ឋមានអាយុចាប់ពី១៨ឆ្នាំបានចាក់វ៉ាក់សាំងការពារជំងឺកូវីដបានចំនួន២ដូសរួចហើយ។ តាមរយៈការបើកដំណើរការផ្សារឡើងវិញនេះ ស្ថានភាពជីវភាពប្រជាជន អ្នកប្រកបរបររកស៊ីផ្សេងៗនឹងមានប្រភាពប្រសើរឡើងវិញ។ សូមបញ្ជាក់ថា ផ្សារជាច្រើននៅតាមក្រុង/ស្រុកនានានៃខេត្តព្រះសីហនុ ត្រូវបានបិទទ្វារជាបន្តបន្ទាប់ក្រោយពីបានរកឃើញមានអ្នករកស៊ីក្នុងផ្សារទាំងនោះមានឆ្លងជំងឺកូវីដ១៩។

យោងតាមក្រសួងសុខាភិបាលនៅថ្ងៃទី២១កក្កដាឆ្នាំ២០២១ បានឲ្យដឹងថា នៅថ្ងៃ២០កក្កដាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៨១២នាក់ ដែលក្នុងនោះអ្នកដំណើរមកពីបរទេសចំនួន២៧៩នាក់ និងករណីឆ្លងសហគមន៍៥៣៣នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ២០កក្កដា មានអ្នកជាសះស្បើយពីជំងឺកូវីដ-១៩ ចំនួន៧៤០នាក់ និងមានអ្នកស្លាប់១៩នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី២០កក្កដាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៦ម៉ឺន៩ពាន់៦០៨នាក់ ក្នុងនោះបានព្យាបាលជាសះស្បើយចំនួន៦ម៉ឺន១ពាន់៧៧៩នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់១៦៨នាក់ហើយ។

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា នឹងអញ្ជើញទៅទទួលវ៉ាក់សាំង AstraZeneca ប្រមាណ១លានដូស ដែលជាជំនួយរបស់រដ្ឋាភិបាលជប៉ុន ដែលនឹងដឹកមកដល់កម្ពុជា នៅថ្ងៃទី២៣ កក្កដា ឆ្នាំ២០២១ ខាងមុខនេះ ។ សូមបញ្ជាក់ថា គិតចាប់តាំងពីថ្ងៃទី០៧ ខែកុម្ភៈ ដល់ថ្ងៃទី១០ ខែកក្កដា ឆ្នាំ២០២១ កម្ពុជា ទទួលបានវ៉ាក់សាំងប្រមាណ ១៧លានដូសរួចហើយ។ វ៉ាក់សាំង គឺយុទ្ធសាស្ត្រមួយ សម្រាប់កម្ពុជា ក្នុងការប្រយុទ្ធប្រឆាំងជំងឺកូវីដ១៩ ក៏ដូចជា ការពារសុខភាពរបស់ប្រជាពលរដ្ឋពីជំងឺកូវីដ១៩។ តាមរយៈវ៉ាក់សាំង ដែលកម្ពុជាទទួលបានជាបន្តបន្ទាប់ ជួយឱ្យកម្ពុជា សម្រេចផែនការលើការងារចាក់វ៉ាក់សាំង ជូនប្រជាពលរដ្ឋផងដែរ ។ សូមជម្រាបថា៖ គិតត្រឹតថ្ងៃទី២០ ខែកក្កដា ឆ្នាំ២០២១ រាជរដ្ឋាភិបាលកម្ពុជា បានចាក់វ៉ាក់សាំងការពារកូវីដ១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ៦,២លាននាក់ ឬស្មើ៦២% នៃគោលដៅសរុប ៕ ដោយ វណ្ណលុក

អ្នកដែលធ្លាប់បានទៅ ហាងនំ TOUS Les JOURS ត្រូវប្រញាប់ធ្វើ ចត្តាឡីស័ក និងតាមដានសុខភាព។ ហាងនំ TOUS Les JOURS មានទីតាំង ស្ថិតនៅផ្លូវ៤៨៨ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកជំងឺកូវីដ១៩ បានចូលទៅទិញនំ នៅ ហាងនំ TOUS Les JOURS នោះ។ អនុគណៈកម្មការស្រាវជ្រាវ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេល វេលានោះ កាលពីថ្ងៃទី១៥ ខែកក្កដា ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ។