យោងតាមរដ្ឋបាលខេត្ត ការឆ្លងថ្មី ទាំង៦៧នាក់នោះ រួមមាន១៨នាក់ជាកម្មកររោងចក្រ, ១៦នាក់ជាអ្នកប៉ះពាល់នឹងអ្នកជំងឺកូវីដ១៩, ក្រៅពីនោះនៅ មានស្រុកនិងក្រុងមួយចំនួនទៀត ។ ចំណែកអ្នកស្លាប់ទាំង២នាក់នោះ គឺរួមមានស្ត្រីអាយុ៨០ឆ្នាំនៅស្រុកកំពង់រោទិ៍ និងទី២ ស្ត្រីអាយុ៦៧ឆ្នាំនៅស្រុកស្វាយជ្រំ។ ខេត្តស្វាយរៀង មានអ្នកឆ្លងជំងឺកូវីដ-១៩សរុបចំនួន៣ពាន់៦១៣នាក់, ព្យាបាលជាសះ ស្បើយចំនួន២ពាន់៦០៦នាក់ និងមានអ្នកស្លាប់សារុបចំនួន៥៣នាក់។

ចំនួននោះ មានការថយចុះ៩៧នាក់ បើធៀបនឹងថ្ងៃម្សិលមិញ។ យោងតាមរដ្ឋបាលខេត្តការឆ្លងថ្មី ទាំង៨២នាក់ថ្ងៃនេះ រួមមាននៅក្រុងព្រៃវែង៣នាក់, ស្រុកបាភ្នំ៣១នាក់, ស្រុកពាមរក៍១២នាក់, ស្រុកពារាំង១០នាក់, ស្រុកកំចាយមារ៧នាក់, ស្រុកមេសាង៥នាក់, ស្រុកស្វាយអន្ទរ៤នាក់, ស្រុកពាមជរ២នាក់, ស្រុកកញ្ច្រៀច២នាក់, ស្រុកព្រះសេ្ដចម្នាក់, ស្រុកកំពង់ត្របែក ម្នាក់, ស្រុកស៊ីធរកណ្ដាល ម្នាក់, មកពីខេត្តកណ្ដាល២នាក់ និង មកពីខេត្តស្វាយរៀងម្នាក់។ ខេត្តព្រៃវែង មានអ្នកឆ្លងជំងឺកូវីដ-១៩ចំនួន២ពាន់៧៣៩នាក់, ព្យាបាលជាសះស្បើយចំនួន១ពាន់៥៤៨នាក់ និងមានអ្នកស្លាប់ សារុបចំនួន៣៩នាក់។

យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងស្រុកជីក្រែង៣នាក់, ក្រុងសៀមរាប៥៥នាក់, ស្រុកអង្គរជុំ៧នាក់, ស្រុកសូទ្រនិគមម្នាក់, ស្រុកបន្ទាយស្រីម្នាក់, មកពីខេត្តបាត់ដំបង២នាក់, មកពីខេត្តកំពង់ធំម្នាក់, និងឆ្លងលើពលករមកពីប្រ ទេសថៃម្នាក់។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន២ពាន់៧១១នាក់, ព្យាបាលជាសះ ស្បើយចំនួន១ពាន់៦០នាក់និងស្លាប់២៦នាក់។

នៅថ្ងៃទី១៥ ខែកក្កដា នេះ ក្រុមគ្រូពេទ្យបេីកយុទ្ធនាការចាក់វ៉ាក់សាំង ជូនប្រជាពលរដ្ឋក្នុងស្រុកស្ទឹងត្រង់ ស្រុក ចំការលេី ស្រុកកងមាស ស្រុកស្រីសន្ធរ និងស្រុកកោះសូទិន ។ សូមពុកម៉ែ ពូមីង បងប្អូនអញ្ជេីញមកទទួលការចាក់វ៉ាក់សាំងដោយស្ម័គ្រចិត្ត និងមិនគិតថ្លៃនៅតាមមូលដ្ឋានរបស់ខ្លួនដូចមានក្នុងសេចក្តីជូនដំណឹងរបស់រដ្ឋបាលខេត្ត។ សូមចូលរួមជាមួយរាជរដ្ឋាភិបាលដេីម្បីទបស្កាត់ជំងឺកូវីដ-១៩ ក្នុងគ្រួសារសហគមន៍យេីង ៕

យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី១៤ កក្កដា ឆ្នាំ ២០២១ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួន៥លាន២សែនម៉ឺន១៥៩នាក់ហើយដែលស្មើនឹង ៥២,៤០%នៃចំនួនប្រជាជនដែលគ្រោងនឹងចាក់ជាង ១០លាននាក់។ ក្នុងនោះបានចាក់វ៉ាក់សាំងទី២ដូសរួចមានចំនួន៤លាន២ពាន់៧៦៦នាក់។ យុទ្ធនាការចាក់វ៉ាក់សាំង បានធ្វើឡើងក្នុងរាជធានីភ្នំពេញ និងខេត្តកណ្តាល ហើយបានបន្តចាក់វ៉ាក់សាំង តាមគោលដៅដទៃទៀត លើខេត្តចំនួន៨។ របាយការណ៍ក្រសួង ការពារជាតិថ្ងៃ១៤កក្កដា បានឲ្យដឹងថា ការចាក់ដោយក្រុមគ្រួពេទ្យយោធានៅក្នុងខេត្តគោលដៅចំនួន៨គឺសៀមរាប, បន្ទាយមានជ័យ,ខេត្តតាកែវ, កំពង់ស្ពឺ, ខេត្តព្រះសីហនុ, ខេត្តកោះកុង, កំពង់ចាម និងស្វាយរៀង បានចំនួនមនុស្ស៨៤ម៉ឺន៥ពាន់៣៩៩នាក់ ក្នុងនោះចាក់លើកទី២រួចចំនួន៤៣ម៉ឺន៧ពាន់៨១៩នាក់។

ខេត្តកែប ៖ ឯកឧត្តម សោម ពិសិដ្ឋ អភិបាល នៃគណអភិបាលខេត្តកែប មានប្រសាសន៍ថា ដោយមានការយកចិត្តទុកដាក់ខ្ពស់ ចំពោះសុខុមាលភាពរបស់ប្រជាពលរដ្ឋ ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីៃនព្រះរាជាណាចក្រកម្ពុជា រដ្ឋបាលខេត្តកែបបានរៀបចំយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋទាំងអស់ដែលមានអាយុចាប់ពី ១៨ឆ្នាំឡើងទៅ ។ យុទ្ធនាការចាក់វ៉ាក់សាំងនេះ មានរយៈពេល ១៤ថ្ងៃគិតចាប់ពីថ្ងៃទី១៣ ខែកក្កដា ឆ្នាំ២០២១ រហូតដល់ថ្ងៃទី២៦ ខែកក្កដា ឆ្នាំ២០២១ នៅតាមសាលាឃុំ សង្កាត់ និងមន្ទីរពេទ្យបង្អែកខេត្ត ។ បេីតាមរបាយការណ៍របស់មន្ទីរសុខាភិបាល នៃរដ្ឋបាលខេត្តកែប បានបញ្ជាក់ថា ក្នុងរយៈពេល ២ថ្ងៃ នៃយុទ្ធនាការចាក់វ៉ាក់សាំងបង្ការនេះ វ៉ាក់សាំងចំនួន ២,៤២៨ដូស បានចាក់ជូនប្រជាពលរដ្ឋក្នុងខេត្ត ។ ឯកឧត្តម អភិបាលខេត្ត បានបញ្ជាក់ថា យុទ្ធនាការចាក់វ៉ាក់សាំងនេះ ចាក់ជូនបងប្អូន ប្រជាពលរដ្ឋទូទៅដោយមិនប្រកាន់និន្នាការនយោបាយទេ ហេតុនេះសូមបងប្អូនប្រជាពលរដ្ឋ និងសាធារណជនទាំងអស់ មកទទួលវ៉ាក់សាំងឱ្យបានគ្រប់ៗគ្នាកុំបីខាន ៕Sila Sarin

ក្នុងយុទ្ធនាការចាក់វ៉ាក់សាំង ការពារជំងឺកូវីដ១៩ ជូនប្រជាពលរដ្ឋ លោក ឣូន ខន ឣភិបាលស្រុកកំពង់ត្រាច មានប្រសាសន៍ថា ៖ រាជរដ្ឋាភិបាលយើង ដែលមានសម្តេចតេជោ ហ៊ុន សែន ជាប្រមុខ បានខិតខំយកចិត្តទុកដាក់ យ៉ាងឣស់ពីកម្លាំងចិត្ត កម្លាំងកាយ ដើម្បីសង្គ្រោះឣាយុជីវិតប្រជាពលរដ្ឋ និងបានដាក់ចេញនូវចំណាត់ការ និងវិធានការសំខាន់ៗ ដើម្បីបង្កាទប់ស្កាត់ការឆ្លង រាលដាលជំងឺកូវីដ១៩ និងបាន ទិញវ៉ាក់សាំង ដើម្បីចាក់ជូនប្រជាពលរដ្ឋដោយឥតគិតថ្លៃ ។ លោកឣភិបាលស្រុកក៍បានថ្លែងឣំណរឣគុណដល់ ឯក ឧត្តម ជាវ តាយ ឣភិបាលខេត្តកំពត ដែលតែងតែគិតគូដល់ប្រជាពលរដ្ឋ យើងក្នុងខេត្តជានិច្ច លោក ឣូន ខន ឣភិបាលស្រុក ក៍បានសុំឲ្យ ប្រជាពលរដ្ឋ យើងចូលរួមចាក់វ៉ាក់សាំងឲ្យបានគ្រប់ៗគ្នា ។ យុទ្ធនាការ នៃការចាក់វ៉ាក់សាំងការពារកូវីដ១៩នេះ គឺជាលើកទី៣ហើយ ក្នុងខេត្តកំពតយើង ដែលមានវ៉ាក់សាំងសរុប ចំនួន ១៣៥៨៥២ដូស(មួយសែន បីមុឺន ប្រាំពាន់ ប្រាំបីរយ ហាសិបពីរ ដូស)។ការចាក់វ៉ាក់ ការពារកូវីដ១៩នេះ…