ក្រុមការងារចាក់វ៉ាក់សាំងការពារជំងឺកូវីដ១៩  របស់កងពលតូចអន្តរាគមន៍លេខ៨ ដឹកនាំដោយលោកឧត្តមសេនីយ៍ត្រី ច័ន្ទ សុខុន មេបញ្ជាការកងពលតូចអន្តរាគមន៍លេខ  នៅព្រឹកថ្ងៃទី១៤ ខែកក្កដា ឆ្នាំ២០២១ បានចេញដំណើរទៅកាន់គោលដៅ  ដើម្បីរៀបចំទីកន្លែង សម្រាប់ធ្វើការចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋដោយស្ម័គ្រចិត្ត ប្រមាណជិត២ម៉ឺននាក់ ស្ថិតក្នុងស្រុកអង្គរធំ ខេត្តសៀមរាប។ លោកឧត្តមសេនីយ៍ត្រី ច័ន្ទ សុខុន បានបញ្ជាក់ថា  យុទ្ធនាការចុះចាក់វ៉ាក់សាំងការពារជំងឺកូវីដ១៩ ជូនបងប្អូនប្រជាពលរដ្ឋ គឺធ្វើឡើងដោយស្ម័គ្រចិត្ត  និងមិនមានការបង្ខិតបង្ខំឡើយ។ លោកថា ចំពោះយុទ្ធនាការ ចុះចាក់វ៉ាក់សាំងការពារជំងឺកូវីដ១៩ ជូនប្រជាជននៅក្នុងស្រុកអង្គរធំ គឺធ្វើឡើងស្របទៅតាមផែនការ របស់ក្រសួងការពារជាតិផងដែរ។ លោកមេបញ្ជាការ បានបញ្ជាក់ថា បច្ចុប្បន្នក្រុមការងារចាក់វ៉ាក់សាំងការពារជំងឺកូវីដ១៩ របស់កងពលតូចអន្តរាគមន៍លេខ៨  បានធ្វើដំណើរទៅកាន់គោលដៅរួចរាល់ហើយដែរ។ ហើយនិងធ្វើការចាក់វ៉ាក់សាំងការពារជំងឺកូវីដ១៩ ជូនបងប្អូនប្រជាពលរដ្ឋ ចាប់ពីព្រឹកថ្ងៃសុក្រ ទី១៦  ខែកក្កដា  ឆ្នាំ២០២១ តទៅ ដែលមានប្រជាជនសរុបចំនួន ១ ៧៨៦០នាក់៕ សួន លីណា

យុទ្ធនាកាចាក់វ៉ាក់សាំងជូពលរដ្ឋនៅខេត្តព្រះសីហនុ រយៈពេល២៣ថ្ងៃមកហើយ ចាប់តាំងពីបានប្រកាសដាក់អោយដំណើរកាជាផ្លូវការកាលពីថ្ងៃទី២២ ខែមិថុនា រហូតដល់ថ្ងៃទី១៤ ខែកក្កដា ឆ្នាំ២០២១ ក្រោមបេសកកម្មរួមគ្នារវាងក្រុមគ្រូពេទ្យនៃមន្ទីរសុខាភិបាលខេត្តព្រះសីហនុ និងពេទ្យកងទ័ពកម្ពុជា និងបានដំណើរការដោយរលូន។ ប្រជាជន កម្មករនិយោជិត រួមទាំងជនបរទេសដែលធ្វើការនៅខេត្តព្រះសីហនុ បានមកទទួលវ៉ាក់សាំងយ៉ាងច្រើនកុះករ ជាបន្តបន្ទាប់រៀងរាល់ថ្ងៃ។ ទោះជាបែបនេះក្តីនៅមានពលរដ្ឋចំនួនដ៏តិចតួចបំផុតមិនទាន់បានមកទទួលវ៉ាក់សាំង។ យោងតាមសេចក្តីជូនដំណឹងរបស់រដ្ឋបាលខេត្តព្រះសីហនុ ចេញថ្ងៃទី១៤ ខែកក្កដា ឆ្នាំ២០២១ បង្ហាញថា ពលរដ្ឋបានមកទទួលវ៉ាក់សាំងមានចំនួន១៧ម៉ឺន ៨ពាន់ ៥៦១នាក់ លើចំនួនគ្រោង១៩ម៉ឺន៣ពាន់១៦៥នាក់ ដែលមានអាយុចាប់ពី១៨ឆ្នាំឡើង ដែលបានត្រៀមបម្រុងទុក។​ ចំពោះមុខនេះ រដ្ឋបាលខេត្តព្រះសីហនុ អំពាវនាវពលរដ្ឋក្នុងខេត្តព្រះសីហនុ ចាប់ពីអាយុ១៨ឆ្នាំឡើងដែលមិនទាន់បានចាក់វ៉ាក់សាំងការពារកូវីដ១៩ ដូសទី១ សូមរួសរាន់ទៅចាក់វ៉ាក់សាំងនៅទីតាំងសាលាអនុវិទ្យាល័យ បឋមសិក្សាតេជោសែនកម្មករ ស្ថិតនៅសង្កាត់លេខបួន ក្រុងព្រះសីហនុ ចាប់ពីថ្ងៃទី១៦ ខែកក្កដា ឆ្នាំ២០២១។ យុទ្ធនាការនេះគ្រោងបិទបញ្ចប់នៅថ្ងៃទី៣១ ខែកក្កដា ឆ្នាំ២០២១   ផុតកាលបរិច្ឆេទនេះនៅតែមិនមកទទួលវ៉ាក់សាំងទៀតរដ្ឋបាលខេត្តព្រះសីហនុ មិនទទួលខុសត្រូវក្នុងការចាក់វ៉ាក់សាំងការពារកូវីដ១៩ជូនទៀតឡើយ៕ សាវ៉ុន

លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ ក្របខណ្ឌទូទាំងប្រទេស នៅព្រឹកថ្ងៃទី១៤ ខែកក្កដា ឆ្នាំ២០២១ បាននាំយកថវិការឧបត្ថម្ភចំនួន១០លានរៀល និងសំភារៈផ្សេងៗទៀត ដែលជាអំណោយដ៏ថ្លៃថ្លារបស់ សម្តេចតេជោ ហ៊ុន សែន នាយករដ្ឋមន្ត្រី មកប្រគល់ជូនដល់ដៃ លោកតា ណុប មាន អាយុ៧០ឆ្នាំ ជាកសិកររស់នៅភូមិ សែនសំ ឃុំ អូរស្វាយ ស្រុកត្រពាំងប្រាសាទខេត្តឧត្តរមានជ័យ ដែលទទួលបាននូវការចាក់វ៉ាក់សាំងការពារជំងឺកូវីដ១៩ទី៥លាន។ លោកជំទាវ ឱ វណ្ណឌីន បានថ្លែងថា  នេះរង្វាន់ជាថវិកា និងស្បៀងអាហារ គឺជាការលើកទឹកចិត្តចំពោះលោក ណុប មាន ដែលបានយល់ច្បាស់ពីគុណតម្លៃវ៉ាក់សាំង ហើយស្ម័គ្រចិត្តទៅចាក់វ៉ាក់សាំង។ លោកជំទាវ បានបន្តថា បំណងរបស់សម្តេចតេជោ ហ៊ុន សែន ក៏ដូចជារាជរដ្ឋាភិបាលកម្ពុជា ចង់ឃើញប្រជាពលរដ្ឋគ្រប់រូបមានសុវត្ថិភាព និងចៀសផុតពីការវាយប្រហារនៃជំងឺកូវីដ១៩។ ព្រោះហេតុនេះហើយ ទើប    សម្តេចតេជោ បានប្រឹងប្រែងស្វះស្វែងរកវ៉ាក់សាំងមកចាក់ជូនប្រជាពលរដ្ឋ។សម្រាប់លោកជំទាវ ឱ វណ្ណឌីន ការអញ្ជើញទៅចាក់វ៉ាក់សាំងរបស់លោក ណុប មាន…