យោងតាមក្រសួងសុខាភិបាលនៅថ្ងៃទី១៤កក្កដាឆ្នាំ២០២១ បានឲ្យដឹងថា នៅថ្ងៃ១៣កក្កដាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៩១៥នាក់ ដែលក្នុងនោះអ្នកដំណើរមកពីបរទេសចំនួន២៥៧នាក់ និងករណីឆ្លងសហគមន៍ ៦៥៨នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ១៣កក្កដា មានអ្នកជាសះស្បើយពីជំងឺកូវីដ-១៩ ចំនួន៨៧៦នាក់ និងមានអ្នកស្លាប់៣៣នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី១៣កក្កដាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៦ម៉ឺន៣ពាន់៦១៥នាក់ ក្នុងនោះបានព្យាបាលជាសះស្បើយចំនួន៥ម៉ឺន៥ពាន់៣៦៥នាក់ និងអ្នកស្លាប់ដោយសារជំងឺកូវីដ-១៩ចំនួន៩៨៦នាក់ហើយ។

យោងតាមលិខិតរបស់ក្រសួងការបរទេស ផ្ញើជូនឯកអគ្គរាជទូតខ្មែរប្រចាំប្រទេសវៀតណាមនៅថ្ងៃទី១៣កក្កដាឆ្នាំ២០២១បានឲ្យដឹងថា ដើម្បីទប់ស្កាត់ការរីករាលដាលនៃជំងឺកូវីដ-១៩ចម្លងចូលមកប្រទេសកម្ពុជា រាជរដ្ឋាភិបាលបានសម្រេចផ្អាកជាបណ្ដោះងាសន្នសម្រាប់ការធ្វើដំណើរចេញ-ចូលឆ្លងកាត់ព្រំដែនកម្ពុជា-វៀតណាម របស់កម្មករជំនាញ អ្នកបច្ចេកទេស បុគ្គលិកក្រុមហ៊ុននានារបស់វៀតណាម។ ការផ្អាកនោះ មានរយៈពេល១ខែ ដោយចាប់ផ្តើមពីថ្ងទី១៨ កក្កដា ឆ្នាំ២០២១តទៅ។ យោងតាមក្រសួងការបរទេស ការផ្អាកនោះ ត្រូវបាន តែលើកលែងចំពោះករណីមួយចំនួន ដូចជា អ្នកជំងឺដែលត្រូវព្យាបាលនៅវៀតណាម, អ្នកការទូត, មន្ត្រីរាជការ ដែលមានបេសកកម្មតាមការអញ្ជើញរបស់អាជ្ញាធរនៃប្រទេសទាំងពីរ រួមទាំងនិស្សិត សិក្ខាកាម ដែលបានបញ្ចប់ការសិក្សា ឬករណីមានការអនុញ្ញាតពិសេសពីរាជរដ្ឋាភិបាល។ ចំពោះបុគ្គលិក និងកម្មករជំនាញរបស់ក្រុមហ៊ុនវៀតណាម ដែលបានចូលមកកម្ពុជារួចហើយ ទាំងអ្នកដែលបានធ្វើចត្តាឡីស័ករួច និងអ្នកកំពុងធ្វើចត្តាឡីស័ក ក៏មិនត្រូវបានអនុញ្ញាតឲ្យវិលត្រឡប់ទៅវៀតណាមវិញទេ ក្នុងអំឡុងពេលនៃការផ្អាកការចេញចូលបណ្ដោះអាសន្ននោះនោះ ជាមួយគ្នានោះ ក្រសួងការបរទេសបានណែនាំឲ្យស្ថានទូតខ្មែរ សហការជាមួយអាជ្ញាធរវៀតណាម ដើម្បីស្នើឲ្យអាជ្ញាធរនៃប្រទេសទាំងពីរជួយសម្របសម្រួលកិច្ចដំណើរការនៃការដឹកជញ្ជូននាំចេញ និងនាំចូលទំនិញនានា ដោយអនុវត្តឲ្យបានម៉ឺងម៉ាត់ តាមវិធានការសុខាភិបាលនៃប្រទេសទាំងពីរ។

គណកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសនៅថ្ងៃទី១៣កក្កដាឆ្នាំ២០២១ បានរកឃើញអ្នកដែលស្ម័គ្រចិត្តចាក់វ៉ាក់សាំងកូវីដ-១៩ ទី ៥លាន គឺលោក ណុប មាន អាយុ ៧០ឆ្នាំ គាត់ជាកសិករ ដែលសព្វថ្ងៃរស់នៅភូមិសែនសំ ឃុំអូរស្វាយ ស្រុកត្រពាំងប្រាសាទខេត្តឧត្តរមានជ័យ។ នៅព្រឹកថ្ងៃទី១៤កក្កដា ឆ្នាំ២០២១ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ ក្រសួងសុខាភិបាល និងជាប្រធានគណកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បាននាំយកជំនួយឧបត្ថម្ភថវិកាចំនួន១០លានរៀល និងសម្ភារៈឧបភោគបរិភោគ ដែលជាអំណោយរបស់ សម្តេច តេជោ ហ៊ុន សែន នាយករដ្ឋមន្ត្រី ទៅប្រគល់ជូនដល់ជ័យលាភីចាក់វ៉ាក់សាំងកូវីដ-១៩ លេខរៀងទី ៥លាន នៅខេត្តឧត្តរមានជ័យនោះ។

យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងក្រុង សៀមរាប៧២នាក់, ស្រុកប្រាសាទបាគងម្នាក់, ស្រុកសូទ្រនិគម២នាក់, មកពីខេត្តបាត់ដំបងម្នាក់, មកពីខេត្តបន្ទាយមានជ័យម្នាក់, មកពីរាជធានីភ្នំពេញម្នាក់ និងឆ្លងលើពលករមកពីប្រ ទេសថៃចំនួន៧នាក់។ចំណែកអ្នកស្លាប់ជាស្ត្រីអាយុ៧៤ឆ្នាំ អាសយដ្ឋានភូមិដកពោធិ៍ សង្កាត់ស្លក្រាម ក្រុងសៀមរាប។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន២ពាន់៦៣៩នាក់, ព្យាបាលជាសះ ស្បើយចំនួន៩៨១នាក់និងស្លាប់២៦នាក់។

យោងតាមរដ្ឋបាលខេត្ត ការឆ្លងថ្មី ទាំង៤៨នាក់នោះ រួមមាន២២នាក់ជាកម្មកររោងចក្រ, ៥នាក់ជាអ្នកប៉ះពាល់នឹងអ្នកជំងឺកូវីដ១៩, ក្រៅពីនោះនៅ មានស្រុកនិងក្រុងមួយចំនួនទៀត ។ ចំណែកអ្នកស្លាប់ទាំង៣នាក់នោះ គឺរួមមានស្ត្រីអាយុ៥៤ឆ្នាំនៅស្រុកកំពង់រោទិ៍ ទី២ ស្ត្រីអាយុ៧៥ឆ្នាំនៅក្រុងបាវិត និងទី៣ បុរសអាយុ៥៧ឆ្នាំនៅស្រុកស្វាយជ្រំ។ ខេត្តស្វាយរៀង មានអ្នកឆ្លងជំងឺកូវីដ-១៩សរុបចំនួន៣ពាន់៥៤៦នាក់, ព្យាបាលជាសះ ស្បើយចំនួន២ពាន់៤៩៩នាក់ និងមានអ្នកស្លាប់សារុបចំនួន៥១នាក់។