កំពង់ឆ្នាំង ៖ នាព្រឹកថ្ងៃទី០៧ ខែកក្កដា ឆ្នាំ២០២១ នៅសាលប្រជុំសាលាស្រុកបរិបូណ៌ ខេត្តកំពង់ឆ្នាំង មានបើកកិច្ចប្រជុំពង្រឹងកិច្ចសហប្រតិបត្តិការ រវាងខេត្តកំពង់ឆ្នាំង និងខេត្តពោធិ៍សាត់ ក្នុងទិសដៅទប់ស្កាត់ការឆ្លងរាលដាលជំងឺកូវីដ-១៩ ក្រោមអធិបតីភាព លោក អម សុភា អភិបាលរងខេត្តកំពង់ឆ្នាំង និងជាប្រធានលេខាធិការដ្ឋានខេត្ត ប្រយុទ្ធប្រឆាំងជំងឺកូវីដ-១៩ តំណាង ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង និង លោក អ៊ឹង គឹមលាង អភិបាលរងខេត្ត និង ជាប្រធានលេខាធិការដ្ឋានខេត្ត ប្រយុទ្ធប្រឆាំងជំងឺកូវីដ-១៩ តំណាង ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងជាប្រធានគណៈកម្មការខេត្ត ប្រយុទ្ធប្រឆាំងជំងឺ កូវីដ-១៩ ។ កិច្ចប្រជុំមានការចូលរួមពីអាជ្ញធរខេត្តកំពង់ឆ្នាំង និងអាជ្ញាធរខេត្តពោធិ៍សាត់ ជាច្រើនរូប ។ លោក អម សុភា និង លោក អ៊ឹង គឹមលៀង មានប្រសាសន៍ថា កន្លងមកអាជ្ញាធរខេត្តកំពង់ឆ្នាំង និង ខេត្តពោធិ៍សាត់…

      ថ្មីៗកន្លងទៅនេះ នៅក្នុងបរិវេណផ្សារបានឡែម ស្ថិតក្នុងភូមិសាស្ត្រ ស្រុកប៉ូងណាមរ៉ង ខេត្តច័ន្ទបុរី ប្រទេសថៃ ក្រសួងសុខាភិបាលប្រទេសថៃបានផ្តល់នូវការចាក់វ៉ាក់សាំង Astrazeneca ជូនដល់ប្រជាជនទាំង២(ថៃនិងកម្ពុជា)ដែលបាននិងកំពុងរស់នៅរកស៊ីក្នុងភូមិសាស្ត្រខាងលើនេះ និង ជាពិសេសបងប្អូនដែលចេញចូលទៅធ្វើការនៅថៃ និងនៅក្នុងស្រុកកំរៀង សរុបចំនួន១.១០៣នាក់។ដោយក្នុងនោះ ប្រជាជនថៃចំនួន ៦៧០នាក់និងប្រជាជនខ្មែរ ចំនួន ៤៣៣នាក់ ផងដែរ។         តាមរយៈ ការផ្តល់ជូន នូវការចាក់វ៉ាក់សាំងការពារជម្ងឺរាតត្បាតជាសកលពីជំងឺកូវីដ-19ខាងលើនេះគឺធ្វើឡើងក្រោមវត្តមានជាអធិបតីឯកឧត្តមបណ្ឌិត សាធី ពិទុតេឆា អនុរដ្ឋមន្ត្រី ក្រសួងសុខាភិបាលថៃ និង ជាប្រធានកម្មវិធីបើក និង ផ្តល់នូវការចាក់វ៉ាក់សាំងប្រភេទ “Astrazeneca” ដល់ប្រជាជនទាំង២(ថៃនិងកម្ពុជា) និងវត្តមាន របស់ លោកបណ្ឌិត រ៉ាត់ថាវីដ តាំងគៀត ផៈឆាក់រ៉ាក់ ជាប្រធានសមាគមលក់ដូរនិង ទេសចរណ៍ ព្រំប្រទល់ជាយដែន(ថៃ-កម្ពុជា)នៃខេត្តច័ន្ទបុរី ប្រទេសថៃនិងមន្ត្រីសំខាន់ៗ មួយចំនួនទៀត។        សូមបញ្ជាក់ថា៖ កាលពីចុងខែមិថុនា ឆ្នាំ២០២១កន្លងទៅនេះ នៅក្នុងបរិវេណនៃផ្សារបានឡែមស្រុកប៉ូងណាំរ៉ង ខេត្តច័ន្ទបុរីប្រទេសថៃ ដែលមានភូមិសាស្ត្រជាប់ច្រកទ្វារព្រំដែនអន្តរជាតិដូង ស្រុកកំរៀង ខេត្តបាត់ដំបង នៃប្រទេសទាំង២ថៃ-កម្ពុជាត្រូវបានក្រុមគ្រូពេទ្យថៃ ចុះពិនិត្យសុខភាព…

យោងតាមរដ្ឋបាលខេត្ត អ្នកឆ្លងថ្មីទាំងនោះ គឺនៅស្រុកចំការលើ៨នាក់, ក្រុងកំពង់ចាម២នាក់, ស្រុកបាធាយ៧នាក់, ស្រុកព្រៃឈរ៦នាក់, ស្រុកស្ទឹងត្រង់ ៥នាក់, ស្រុកកងមាស៥នាក់, ស្រុកជើងព្រៃ១០នាក់ ស្រុកស្រីសន្ធរ ៥នាក់ ស្រុកកំពង់សៀមម្នាក់ និងមកពីរាជធានីភ្នំពេញ ៣នាក់។ ជាមួយគ្នានោះ ខេត្តកំពង់ចាមបានជូនដំណឹងថា នៅថ្ងៃទី ៦ កក្កដា មានអ្នកជំងឺកូវីដ១៩ចំនួន៩៩នាក់បានជាសះស្បើយ។ ចំណែកអ្នកស្លាប់ម្នាក់ គឺទី១ ស្ត្រីអាយុ៦៤ឆ្នាំ នៅភូមិកងតាណឹងទី៤ ឃុំកងតាណឹង ស្រុកកងមាស ខេត្តកំពង់ចាម។

ខេត្តតាកែវ ៖ យុទ្ធនាការចាក់វ៉ាក់សាំងការពារជំងឺកូវីដ-១៩ ដូសទី២ ជូនដល់បងប្អូនប្រជាពល រដ្ឋទូទាំងស្រុកសំរោង លោកកេត ម៉ៅ អភិបាល នៃគណៈអភិបាល ស្រុកសំរោង នៅព្រឹកថ្ងៃទី ៧ ខែកក្កដា ឆ្នាំ២០២១ បានអញ្ជើញចុះសួរសុខទុក្ខដល់ប្រជាពលរដ្ឋមកទទួលវ៉ាក់សាំងដូសទី២ ស្ថិតនៅវត្តអង្គរកូវ ភូមិដក់ពរ ឃុំបឹងត្រាញ់ខាងត្បូង ស្រុកសំរោង ខេត្តតាកែវ។ នៅក្នុងឱកាសនោះដែរលោកអភិបាលស្រុកក៏បានផ្ដាំផ្ញើនិងអញ្ជើញប្រជាពលរដ្ឋពលរដ្ឋមកចូលរួមទទួលវ៉ាក់សាំងដូសទី២ ដើម្បីសុខមាលភាព បងប្អូន និងសង្គមជាតិយើងទាំងអស់គ្នា។ ព្រឹកនេះការចាក់វ៉ាក់សាំង ដូស ទី២ ដំណើរការដោយរលូន ។ ជាមួយគ្នានោះដែរបងប្អូនប្រជាពលរដ្ឋ សូមអរគុណថ្នាក់ដឹកនាំគ្រប់ជាន់ថ្នាក់ និងរាជរដ្ឋាភិបាលកម្ពុជា ដែលបានយកចិត្តទុកដាក់ពីបញ្ហាសុខភាពជូនបងប្អូនប្រជាពលរដ្ឋ ឆ្លៀតក្នុងឱកាសនោះលោកអភិបាល ក៏បានផ្ដាំផ្ញើដល់បងប្អូនប្រជាពលរដ្ឋឲ្យត្រូវរក្សានូវអនាម័យឲ្យបានខ្ជាប់ខ្ជួនត្រូវលាងដៃនិងសាប៊ូ អាកុល ឬជេរឲ្យបានញឹកញាប់ផងដែរ ៕ ដោយ ៖ ជីម ភារ៉ា

រាជធានីភំ្នពេញ ៖ អនុវត្តតាមអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងការអង្អុលដឹកនាំផ្ទាល់ពី ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លើការយកចិត្តទុកដាក់ចំពោះសុខុមាលភាពរបស់មន្រ្តីនគរបាលជាតិ ដូចជាការចូលរួមក្នុងយុទ្ធនាការប្រយុទ្ធប្រឆាំង និងកាត់ផ្តាច់ការឆ្លងរាលដាលកូវីដ-១៩ នៅក្នុងសហគមន៍ នាព្រឹកថ្ងៃពុធ ១៣រោច ខែបឋមសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៧ ខែកក្កដា ឆ្នាំ២០២១នេះ នៅបរិវេណអគ្គស្នងការដ្ឋាននគរបាលជាតិ បានរៀបចំក្រុមគ្រូពេទ្យ ដើម្បីយកសំណាកធ្វើតេស្តិ៍រហ័ស (Rapid Test) ដល់មន្រ្តីនគរបាល ដែលមានភារកិច្ចចេញ-ចូលបំពេញភារកិច្ចប្រចាំថ្ងៃ។ ផ្អែកតាមគោលការណ៍ណែនាំ ការយកសំណាកធ្វើតេស្តិ៍រហ័ស (Rapid Test) ដល់មន្រ្តីនគរបាល ដែលមានភារកិច្ចចេញ-ចូលបំពេញភារកិច្ច ក្នុងបរិវេណអគ្គស្នងការដ្ឋាននគរបាលជាតិ នឹងត្រូវអនុវត្តរៀងរាល់មួយសប្តាហ៍ម្តង ដើម្បីចូលរួមបង្ការ ទប់ស្កាត់ការឆ្លងរាលដាលនៃជំងឺកូវីដ-១៩។ ចំពោះមន្ត្រីនគរបាលដែលពិនិត្យឃើញវិជ្ជមានមេរោគកូវីដ-១៩ តាមរយៈការយកសំណាក់ធ្វើតេស្តិ៍រហ័សនេះ ត្រូវបានបញ្ជូនទៅធ្វើ PCR…

យោងតាមក្រសួងសុខាភិបាលនៅថ្ងៃទី៧កក្កដាឆ្នាំ២០២១បានឲ្យដឹងថា នៅថ្ងៃទី៦កក្កដា គេបានរកឃើញករណីឆ្លងជំងឺកូវីដ១៩ចំនួន៩៨១នាក់ ក្នុងនោះករណីឆ្លងក្នុងសហគមន៍ចំនួន៧១៦នាក់ និងអ្នកដំណើរមកពីបរទេសចំនួន២៦៥នាក់។ ក្រសួងសុខាភិបាលបានបញ្ជាក់ដែរថា នៅថ្ងៃនេះ មានអ្នកជំងឺកូវីដ១៩ចំនួន៩៣៤នាក់បានជាសះស្បើយ និងមានអ្នកស្លាប់ចំនួន១៩នាក់។ កម្ពុជាគិតត្រឹមថ្ងៃទី៦កក្កដាឆ្នាំ២០២១ មានអ្នកឆ្លងជំងឺកូវីដ១៩សរុបចំនួន៥ម៉ឺន៧ពាន់១០៣នាក់ មានអ្នកជាសះស្បើយចំនួនចំនួន៤ម៉ឺន៨ពាន់៩៧៤នាក់ និងមានអ្នកស្លាប់កើនដល់៧៩៨នាក់នោះហើយ។

អ្នកដែលធ្លាប់បានទៅ ឬមានទំនាក់ទំនងជាមួយបុគ្គលិកធ្វើការនៅ ធនាគារ ហត្ថា សាខាច្បារអំពៅ ត្រូវប្រញាប់ធ្វើ ចត្តាឡីស័ក និងតាមដានសុខភាព។ ធនាគារ ហត្ថា សាខាច្បារអំពៅ មានទីតាំងមានទីតាំងស្ថិតនៅផ្លូវជាតិលេខ១ សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកជំងឺកូវីដ១៩ គឺជាបុគ្គលិកធ្វើការ នៅ ធនាគារ ហត្ថា សាខាច្បារអំពៅ នោះ។ អនុគណៈកម្មការស្រាវជ្រាវ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេល វេលានោះ រវាងពីថ្ងៃទី២៥ ខែមិថុនា ដល់ថ្ងៃទី១ ខែកក្កដាត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ។