អ្នកឆ្លងថ្មីទាំង ១០៣នាក់នោះ មាន ៥៦នាក់ជាកម្មករ កម្មការិនីនៅតាមរោងចក្រនានា, ២៦នាក់ជាអ្នកពាក់ព័ន្ធនឹងអ្នកជំងឺកូវីដ-១៩, ក្រៅពីនោះជាប្រជាពលរដ្ឋនៅស្រុករំដួល ស្រុកស្វាយទាប ស្រុកចន្ទ្រា ស្រុកកំពុងរោទិ៍ ក្រុងបាវិត ក្រុងស្វាយរៀង ស្រុករមាសហែក និង ២នាក់មកពីរាជធានីភ្នំពេញ និងខេត្តកណ្ដាល។ រដ្ឋបាលខេត្តស្វាយរៀងបញ្ជាក់ថា នៅថ្ងៃទី៦កក្កដាឆ្នាំ២០២១ មានអ្នកជំងឺកូវីដ-១៩ ចំនួន ៩៤នាក់។ ចំណែកអ្នកស្លាប់ថ្មីម្នាក់នោះ ជាស្ត្រីអាយុ ៦០ឆ្នាំ នៅភូមិព្រៃរំដេង ឃុំជ្រៃធំ ស្រុករមាសហែក ខេត្តស្វាយរៀង។ គិតមកដល់បច្ចុប្បន្ននេះ ខេត្តស្វាយរៀងមានអ្នកឆ្លងជំងឺកូវីដ-១៩សរុប ៣ពាន់៧០នាក់ ក្នុងនោះជាសះស្បើយ១ពាន់៨១៨នាក់ និងមានអ្នកស្លាប់៣៧នាក់។

បទ ៖ តោះ! ចាក់វ៉ាក់សាំងតាមវេន លំនាំបទអាយ៉ៃ ៖ យ៉េវ៉ាក់យេវ៉ា ច្រៀងដោយ ៖ លោក ដួង សុខគា និង អ្នកនាង សុន ចាន់ថន និពន្ធទំនុកតាមលំនាំដើម ៖ ព្រះតេជគុណ នូរ ហ៊ិនចាន់សំណាង សម្រួលបទភ្លេង ៖ លោក យន់ ប៊ុនទៀង បច្ចេកទេសសំឡេង ៖ លោក ស៊ីវ សុខខឿន ចងក្រងឯកសារ ៖ លោក ហុង ប៊ុនណា កាត់តវីដេអូ ៖ លោក ហុង លីសា – ឯកសាររូបភាព ៖ TYDA ដឹកនាំផលិតនិងគ្រប់គ្រងខ្លឹមសារ ៖ ឯកឧត្តម អេង កេងឈុន ផលិតដោយ ៖ នាយកដ្ឋានផលិតកម្មវិធីវិទ្យុ អគ្គនាយកដ្ឋានវិទ្យុជាតិកម្ពុជា នៃក្រសួងព័ត៌មាន៖

បទ ៖ កូនមានកម្លាំងរួមច្បាំងកូវីដ ច្រៀងដោយ ៖ លោក ធែល ថៃ និង កញ្ញា ចំរើន សុភ័ក្ត្រ និពន្ធទំនុកច្រៀង ៖ លោក ដួង សុខគា និពន្ធបទភ្លេងថ្មី ៖ ឯកឧត្តម ញូង សារិន បច្ចេកទេសសំឡេង ៖ លោក រិន ធីរ៉ា (ហៅ៧០) ដឹកនាំថតនិងចងក្រងឯកសារ ៖ លោក ហុង ប៊ុនណា កាត់តវីដេអូ ៖ លោក ឃិន គីមសេង (YUTH) ក្រាហ្វិក ៖ លោក ណុង វណ្ណនេត វីដេអូឯកសារ ៖ TYDA ដឹកនាំផលិតនិងគ្រប់គ្រងខ្លឹមសារ ៖ ឯកឧត្តម អេង កេងឈុន ផលិតដោយ ៖ នាយកដ្ឋានផលិតកម្មវិធីវិទ្យុ…

យោងតាម រដ្ឋបាលខេត្តការឆ្លងថ្មីទាំង៥៩នាក់រួមមាននៅក្រុងព្រៃវែង៦នាក់, ស្រុកពាមរក៍១៩នាក់, ស្រុកស្វាយអន្ទរ១០នាក់, ស្រុកបាភ្នំ៥នាក់, ស្រុកព្រះសេ្ដច៥នាក់, ស្រុកកញ្ច្រៀច៤នាក់, ស្រុកមេសាង៣នាក់, ស្រុកពារាំង២នាក់, ស្រុកពាមជរ២នាក់, ស្រុកកំពង់ត្របែក២នាក់ និង ស្រុកស៊ីធរកណ្តាល ម្នាក់។ ចំណែកអ្នកស្លាប់ដោយសារជំងឺកូវីដ១៩ម្នាក់នោះ ជាស្ត្រីអាយុ៦៩ឆ្នាំ រស់នៅភូមិខ្លំ ឃុំពាមមន្ទារ ស្រុកកំពង់ត្របែក ខេត្តព្រៃវែង។ ខេត្តព្រៃវែង រហូតដល់បច្ចុប្បន្ននេះ មានអ្នកឆ្លងជំងឺកូវីដ-១៩ចំនួន១ពាន់៨៥៣នាក់, ព្យាបាលជាសះស្បើយចំនួន១ពាន់២៤៨នាក់ និងមានអ្នកស្លាប់សារុបចំនួន២៩នាក់។

យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាអ្នករស់នៅក្រុងសៀមរាបជិត១០០នាក់, មកពីប្រទេសថៃ១៧នាក់ ក្រោពីនោះ នៅស្រុកប្រាសាទបាគង, ស្រុកបន្ទាយស្រី, ស្រុកជីក្រែង, ស្រុកសូទ្រនិគម, ស្រុកពួក, ស្រុកវ៉ារិន, និង ស្រុកអង្គរជុំ។ នៅថ្ងៃទី៦កក្កដាឆ្នាំ២០២១ ខេត្តសៀមរាបមានអ្នកជំងឺកូវីដ១៩ចំនួន៩នាក់ បានជាសះស្បើយផងដែរ។ ជាមួយគ្នានោះ ខេត្តសៀមរាបនោះថ្ងៃទី៦កក្កដាមានមនុស្សម្នាក់ស្លាប់ដោយសារ ជំងឺកូវីដ១៩ផងដែរ។ អ្នកស្លាប់ជាស្ត្រី អាយុ៥១ឆ្នាំ អាសយដ្ឋានភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប។ ខេត្តសៀមរាបមាន អ្នកឆ្លងជំងឺកូវីដ-១៩សរុបចំនួន១ពាន់៨១៤នាក់, ព្យាបាលជាសះស្បើយចំនួន៦១៤នាក់និងស្លាប់១៩នាក់។

យោងតាមរបាយការណ៍របស់ក្រសួងសុខាភិបាល បានបញ្ជាក់ថា គិតត្រឹមថ្ងៃទី៦កក្កដាឆ្នាំ២០២១ ប្រជាពលរដ្ឋដែលបានចាក់វ៉ាក់សាំងសរុបមានចំនួន៤លាន៦សែន៥ម៉ឺន៤ពាន់៤៥១នាក់ហើយ ដែលស្មើនឹង៤៦,៥៤%នៃចំនួនប្រជាជនដែលគ្រោងនឹងចាក់១០លាននាក់ ក្នុងនោះអ្នកបានចាក់វ៉ាក់សាំងដូស ទី២រួចមានចំនួន៣លាន៣សែន៧ម៉ឺន៦ពាន់៦៨៧នាក់។ យុទ្ធនាការចាក់វ៉ាក់សាំង បានធ្វើឡើងក្នុងរាជធានីនិងខេត្តកណ្តាល ហើយបានបន្តចាក់វ៉ាក់សាំង តាមគោលដៅដទៃទៀត លើខេត្តចំនួន៦។ របាយការណ៍ក្រសួង ការពារជាតិថ្ងៃនេះ បានឲ្យដឹង ថាការចាក់ដោយក្រុមគ្រួពេទ្យយោធានៅក្នុងខេត្តគោលដៅចំនួន៦គឺខេត្តតាកែវ, កំពង់ស្ពឺ ខេត្តព្រះសីហនុ ខេត្តកោះកុង កំពង់ចាម និងស្វាយរៀង បានចំនួនមនុស្ស៦៦ម៉ឺន២ពាន់៥៣៩នាក់។