យោងតាម រដ្ឋបាលខេត្តការឆ្លងថ្មីទាំង២៨នាក់រួមមាននៅស្រុកកពារាំង ១១នាក់, ស្រុកព្រះសេ្តច៤នាក់, ស្រុកពាមជរ៣នាក់, ស្រុកមេសាង២នាក់, ស្រុកកញ្ច្រៀច២នាក់, ស្រុកពាមរក៍ម្នាក់, ស្រុកបាភ្នំម្នាក់, ស្រុកស៊ីធរកណ្តាលម្នាក់, ស្រុកកំពង់ត្របែកម្នាក់, ស្រុកកំចាយមារម្នាក់, និងមកពីខេត្តកណ្ដាលម្នាក់។ ចំណែកអ្នកស្លាប់ដោយសារជំងឺកូវីដ១៩ទាំង២នាក់ គឺទី១ ស្ត្រីអាយុ៧៣ឆ្នាំ រស់នៅភូមិព្រៃមាស ឃុំអង្គររាជ្យ ស្រុកព្រះសេ្ដច និងម្នាក់ទៀតជាស្ត្រីអាយុ៧២ឆ្នាំ នៅភូមិអអ្គរអង្គ ឃុំអង្គរអង្គ ស្រុកពាមជរ ខេត្តព្រៃវែង។ ខេត្តព្រៃវែងមានអ្នកឆ្លងជំងឺកូវីដ-១៩ចំនួន១ពាន់៧៩៤នាក់, ព្យាបាលជាសះស្បើយចំនួន១ពាន់២១១នាក់ និងមានអ្នកស្លាប់សារុបចំនួន២៨នាក់។

ថ្ងៃចន្ទទី៥ ខែកក្កដា ឆ្នាំ២០២១ លោក សុខ សុទ្ធី ជាអនុប្រធានគណៈកម្មាធិការគ្រប់គ្រងដីរដ្ឋខេត្តកោះកុង លោក ឃឹម ចន័្ទឌី ប្រធានក្រុមការងាររៀបចំឈាបនដ្ឋានចាត់ចែងបូជាសពស្លាប់ដោយជំងឺកូវិដ-១៩ លោក វណ្ណ សាលី តំណាងគណៈអុីមុំាខេត្ត លោកនាយករងរដ្ឋបាលសាលាខេត្ត លោកប្រធាន អនុប្រធានមន្ទីរ និងជំនាញពាក់ព័ន្ធផ្សេងៗ បានអញ្ជើញចូលរួមប្រជុំ ស្តីពីការផ្តល់ទីតាំងសម្រាប់បញ្ចុះសពសាសនិកឥស្លាម ដែលស្លាប់ដោយជំងឺកូវិដ-១៩ ចំនួន៥ហិតា ចំណុចដីសម្បទានសង្គមកិច្ចអតីតយុទ្ធជនស្រុកកោះកុង ស្ថិតក្នុងភូមិកោះកុងក្នុង ឃុំត្រពាំងរូង ស្រុកកោះកុង ខេត្តកោះកុង ។ ជាលទ្ធផលនៃអង្គប្រជុំ៖១-ឯកភាពតាមសំណើរបស់គណ:អុីមុំាខេត្តកោះកុងស្នើសុំដី៥ហិកតាសម្រាប់បញ្ចុះសពសាសនិកឥស្លាមដែលស្លាប់ដោយសារជំងឺកូវីដ-១៩។២-ក្រុមការងារ និងចុះពិនិត្យ ចុចនិយាមកាលើទីតាំងជាក់ស្តែង។៣-ត្រូវបោះបង្គោលព្រំដីឲ្យបានត្រឹមត្រូវ នឹងលើកបដាថា(ជាដីទីថ្មសាន សម្រាប់សាសនិកឥស្លាមទំហំ៥ហិកតា)។ ជាចុងក្រោយប្រធានអង្គប្រជុំស្នើសូមឲ្យគណ:អុីមុំាខេត្តកោះកុង បន្ទាប់ពីបាមទទួលដីនេះហើយសូមជួយថែរក្សាឲ្យបានគង់វង្សសម្រាប់សានិកឥស្លាមជំនាន់ក្រោយៗទៀត៕

យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាអ្នករស់នៅក្រុងសៀមរាប៨៥នាក់, ស្រុកប្រាសាទបាគង៤នាក់, មកពីខេត្តព្រះវិហារម្នាក់, ស្រុកជីក្រែងម្នាក់, ស្រុកបន្ទាយស្រី២នាក់, មកពីខេត្តកំពង់ឆ្នាំងម្នាក់, មកពីខេត្តបន្ទាយមានជ័យ៣នាក់, ស្រុកពួក៥នាក់, ស្រុកអង្គរធំ២នាក់, មកពីប្រទេសថៃ៤១នាក់។ នៅថ្ងៃទី៥កក្កដាឆ្នាំ២០២១ ខេត្តសៀមរាបមានអ្នកជំងឺកូវីដ១៩ចំនួន២៥នាក់ បានជាសះស្បើយផងដែរ។ ជាមួយគ្នានោះ ខេត្តសៀមរាបនោះថ្ងៃទី៥កក្កដាមានមនុស្សម្នាក់ស្លាប់ដោយសារ ជំងឺកូវីដ១៩ផងដែរ។ អ្នកស្លាប់ជាស្ត្រីអាយុ៦៩ឆ្នាំ នៅភូមិតាវៀន សង្កាត់សាលាកំរើក ក្រុងសៀមរាប។ ខេត្តសៀមរាបមាន អ្នកឆ្លងជំងឺកូវីដ-១៩សរុបចំនួន១ពាន់៦៥៤នាក់, ព្យាបាលជាសះស្បើយចំនួន៦០៥នាក់និងស្លាប់១៨នាក់។

យោងតាមរដ្ឋបាលខេត្តការឆ្លងថ្មីទាំង១១២នាក់នោះ រួមមាន៦៨នាក់ជាកម្មករ កម្មការិនីនៅតាមរោងចក្រនានា, ១៨នាក់ជាអ្នកប៉ះពាល់នឹងអ្នកជំងឺកូវីដ១៩, ក្រៅពីនោះមាននៅស្រុកក្រុងមួយចំនួនទៀត ប្រមាណ២១នាក់និង២នាក់ទៀតជាអ្នកដំណើរ ចូលពីរាជធានីភ្នំពេញ។ នៅថ្ងៃទី៥កក្កដា ខេត្តស្វាយរៀង មានអ្នកជំងឺកូវីដ១៩ចំនួន៧៤នាក់ បានជាសះស្បើយ និងមានអ្នកស្លាប់បន្ថែមចំនួន៣នាក់ ដោយសារជំងឺកូវីដ១៩។ អ្នកស្លាប់ទាំង៣នាក់នោះ ទី១ ជាស្ត្រីអាយុ៧៥ឆ្នាំ នៅភូមិគោកល្វៀង សង្កាត់ព្រៃអង្គុង ក្រុងបាវិត។ ទី២ ស្ត្រីអាយុ២៥ឆ្នាំ នៅភូមិត្រពាំងរំដេញ ឃុំត្រពាំងស្ដៅ ស្រុករមាសហែក និងទី៣ ស្ត្រីអាយុ៧៨ឆ្នាំ នៅភូមិតាកឹង ឃុំជ្រៃធំ ស្រុកកំពង់រោទិ៍ ខេត្តស្វាយរៀង។ ខេត្តស្វាយរៀងរហូតដល់បច្ចុប្បន្ន មានអ្នកឆ្លងជំងឺកូវីដ-១៩សរុបចំនួន២ពាន់៩៦៧នាក់, ព្យាបាលជាសះស្បើយចំនួន១ពាន់៧២៤នាក់ និងមានអ្នកស្លាប់សារុបចំនួន៣៦នាក់។

យោងតាមរបាយការណ៍របស់ក្រសួងសុខាភិបាល បានបញ្ជាក់ថា គិតត្រឹមថ្ងៃទី៥កក្កដាឆ្នាំ២០២១ ប្រជាពលរដ្ឋដែលបានចាក់វ៉ាក់សាំងសរុបមានចំនួន៤លាន៥សែន៩ម៉ឺន៩ពាន់៦៤៨នាក់ហើយ ដែលស្មើនឹង៤៦%នៃចំនួនប្រជាជនដែលគ្រោងនឹងចាក់១០លាននាក់ ក្នុងនោះអ្នកបានចាក់វ៉ាក់សាំងដូស ទី២រួចមានចំនួន៣លាន៣សែន២ម៉ឺន៩ពាន់៧៣០នាក់។ យុទ្ធនាការចាក់វ៉ាក់សាំង បានធ្វើឡើងក្នុងរាជធានីនិងខេត្តកណ្តាល ហើយបានបន្តចាក់វ៉ាក់សាំង តាមគោលដៅដទៃទៀត លើខេត្តចំនួន៦។ របាយការណ៍ក្រសួង ការពារជាតិថ្ងៃនេះ បានឲ្យដឹង ថាការចាក់ដោយក្រុមគ្រួពេទ្យយោធានៅក្នុងខេត្តគោលដៅចំនួន៦គឺខេត្តតាកែវ, កំពង់ស្ពឺ ខេត្តព្រះសីហនុ ខេត្តកោះកុង កំពង់ចាម និងស្វាយរៀង បានចំនួនមនុស្ស៦៥ម៉ឺន២ពាន់៦២នាក់។

រដ្ឋបាលខេត្តកណ្ដាល ចេញសេចក្ដីសម្រេចស្តីពី ការផ្អាកដំណើរការអាជីវកម្មផ្សារកំពង់កន្ទួត ជាបណ្ដោះអាសន្ន ស្ថិតក្នុងឃុំបារគូ ស្រុកកណ្ដាលស្ទឹង ខេត្តកណ្ដាល រយៈពេល១៤ថ្ងៃ គិតចាប់ពីថ្ងៃទី០៦ ខែកក្កដា ឆ្នាំ២០២១ រហូតដល់ថ្ងៃទី១៩ ខែកក្កដា ឆ្នាំ២០២១ ។ ដោយ -រ៉ាវុធ