រាជធានីភ្នំពេញ៖ អំណោយជាទឹកប្រាក់ចំនួនសរុប ១៩៩.៧៥៧ ដុល្លារត្រូវបានក្រសួងបរិស្ថានរួមទាំងអង្គការសម័្ពន្ធមិត្តសត្វព្រៃ ផ្តល់ជូនរដ្ឋបាលខេត្តពោធិ៍សាត់ ដើម្បីទប់ស្កាត់ការឆ្លងរាលដាលជំងឺកូវីដ១៩ ។ គួរបញ្ជាក់ថាទឹកប្រាក់នេះគឺជាមូលនិធិរួមរវាងក្រសួងបរិស្ថាន និងអង្គការសម្ព័ន្ធមិត្ដសត្វព្រៃ ដែលបានមកពីការលក់ថាមពលកាបូន (ឥណទានកាបូន) ដើម្បីជួយធ្វើឱ្យប្រសើរឡើងផ្នែកជីវភាព និងចូលរួមអភិវឌ្ឍន៍សហគមន៍អ្នករស់នៅតំបន់ផ្ទៃរងទឹកភ្លៀងជួរភ្នំក្រវាញ ។ សម្រាប់ជំនួយនេះដែរត្រូវបានធ្វើឡើងបន្ទាប់ពីមានការស្នើសុំថវិកាពីឯកឧត្ដម ម៉ៅ ធនិន អភិបាលខេត្តពោធិ៍សាត់ កាលពីចុងខែមិថុនាកន្លងទៅនេះ បន្ទាប់ពីការរាតត្បាតនៃជំងឺកូវីដ១៩ បានឆ្លងជាបន្តបន្ទាប់មក។ កញ្ញា សូ វណ្ណា នាយិការអង្គការសម័្ពន្ធមិត្តសត្វព្រៃ បានឱ្យដឹងក្នុងពិធីប្រគល់អំណោយជាទឹកប្រាក់កាលពីថ្មីៗមកនេះឱ្យដឹងថា គោលបំណងនៃការជូនអំណោយជាទឹកប្រាក់នេះ គឺដើម្បីឱ្យរដ្ឋបាលខេត្តចាត់ចែងទិញសម្ភារ គ្រឿងបរិក្ខារវេជ្ជសាស្ដ្រសម្រាប់ក្រុមការងារ និងក្រុមគ្រូពេទ្យជួរមុខប្រើប្រាស់ ក្នុងការអនុវត្តវិធានសុខាភិបាល ទប់ស្កាត់ការឆ្លងរាលដាលនៃជំងឺកូវីដ១៩ នៅក្នុងខេត្តពោធិ៍សាត់។ នាយិការអង្គការសម័្ពន្ធមិត្តសត្វព្រៃ រូបនេះបានឱ្យដឹងបន្ថែមថា ជំនួយហិរញ្ញវត្ថុផ្តល់ជូនខេត្តពោធិ៍សាត់ គឺជា លទ្ធផលផ្ទាល់ពីឥណទានកាបូន ដែលទិញដោយក្រុមហ៊ុនអន្តរជាតិ ដែលជាការទូទាត់ការបំភាយឧស្ម័នកាបូនិករបស់ខ្លួន តាម រយៈការស្រូបយកកាបូនដោយព្រៃឈើតំបន់ជួរភ្នំក្រវាញ។ ក្នុងពិធីនេះដែរឯកឧត្តម ជួប ប៉ារីស៍ អគ្គនាយក នៃអគ្គនាយកដ្ឋានចំណេះដឹងនិងព័ត៌មានបរិស្ថាន នៃក្រសួង បរិស្ថាន បានបញ្ជាក់ថា ជំនួយហិរញ្ញវត្ថុនេះបានមកដោយសារការប្តេជ្ញាចិត្តរបស់ក្រសួងបរិស្ថាន ក្នុងការថែរក្សាព្រៃឈើឱ្យគង់វង្ស នៅតំបន់ព្រៃរងទឹកភ្លៀងជួរភ្នំក្រវាញ។ ឯកឧត្តមបន្តឱ្យដឹងថា ថវិកាដែលបានមកនេះ…

យោងតាម រដ្ឋបាលខេត្តការឆ្លងថ្មីទាំង៤២នាក់រួមមាននៅក្រុងព្រៃវែង៣នាក់, ស្រុកពាមរក៍ ១៤នាក់, ស្រុកស្វាយអន្ទរ៥នាក់, ស្រុកពាមជរ៥នាក់, ស្រុកព្រះសេ្តច៤នាក់, ស្រុកពារាំង៣នាក់, ស្រុកកំចាយមារ៣នាក់, ស្រុកមេសាង២នាក់, ៩- ស្រុកបាភ្នំម្នាក់, ស្រុកស៊ីធរកណ្ដាល ម្នាក់ និងស្រុកកញ្ច្រៀចម្នាក់។ ខេត្តព្រៃវែងមានអ្នកឆ្លងជំងឺកូវីដ-១៩ចំនួន១ពាន់៧៦៦នាក់, ព្យាបាលជាសះស្បើយចំនួន១ពាន់១៧៥នាក់ និងមានអ្នកស្លាប់សារុបចំនួន២៥នាក់។

យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាអ្នកស្រុករស់នៅស្រុកជីក្រែង១២នាក់, ក្រុងសៀមរាប៤៣នាក់, ស្រុកប្រាសាទបាគង៦នាក់, ស្រុកសូទ្រនិគម១៤នាក់, ស្រុកអង្គរជុំ២នាក់, មកពីខេត្តកំពង់ធំម្នាក់, មកពីប្រទេសថៃ១៣នាក់។ នៅថ្ងៃទី៣០មិថុនាឆ្នាំ២០២១ ខេត្តសៀមរាបមានអ្នកជំងឺកូវីដ១៩ចំនួន១៨នាក់ បានជាសះស្បើយផងដែរ។ ជាមួយគ្នានោះ ខេត្តសៀមរាបនោះថ្ងៃទី៤កក្កដាមានមនុស្ស២នាក់ស្លាប់ដោយសារ ជំងឺកូវីដ១៩ផងដែរ។ អ្នកស្លាប់ទាំង២នាក់ គឺ ទី១ឈ្មោះ កង ចិន្ដា ភេទស្រី អាយុ៤០ឆ្នាំ អាសយដ្ឋានភូមិវាល សង្កាត់គោកចក ក្រុងសៀមរាប និងទី២ ឈ្មោះ ប៉ាវ ហ៊ឺ ភេទស្រី អាយុ៦៧ឆ្នាំ អាសយដ្ឋានភូមិអូររបង សង្កាត់មេសរជ្រៃ ស្រុកស្ទឹងត្រង់ ខេត្តកំពង់ចាម។ ខេត្តសៀមរាបមាន អ្នកឆ្លងជំងឺកូវីដ-១៩សរុបចំនួន១ពាន់៥០៨នាក់, ព្យាបាលជាសះស្បើយចំនួន៥៨០នាក់និងស្លាប់១៧នាក់។

យោងតាមរបាយការណ៍របស់ក្រសួងសុខាភិបាល បានបញ្ជាក់ថា គិតត្រឹមថ្ងៃទី៤កក្កដាឆ្នាំ២០២១ ប្រជាពលរដ្ឋដែលបានចាក់វ៉ាក់សាំងសរុបមានចំនួន៤លាន៥សែន៣ម៉ឺន៥ពាន់៨៩៤នាក់ហើយ ដែលស្មើនឹង៤៥,៣៦%នៃចំនួនប្រជាជនដែលគ្រោងនឹងចាក់១០លាននាក់ ក្នុងនោះអ្នកបានចាក់វ៉ាក់សាំងដូស ទី២រួចមានចំនួន៣លាន២សែន៧ម៉ឺន៨ពាន់៤១៦នាក់។ យុទ្ធនាការចាក់វ៉ាក់សាំង បានធ្វើឡើងក្នុងរាជធានីនិងខេត្តកណ្តាល ហើយបានបន្តចាក់វ៉ាក់សាំង តាមគោលដៅដទៃទៀត លើខេត្តចំនួន៦។ របាយការណ៍ក្រសួង ការពារជាតិថ្ងៃនេះ បានឲ្យដឹង ថាការចាក់ដោយក្រុមគ្រួពេទ្យយោធានៅក្នុងខេត្តគោលដៅចំនួន៦គឺខេត្តតាកែវ, កំពង់ស្ពឺ ខេត្តព្រះសីហនុ ខេត្តកោះកុង កំពង់ចាម និងស្វាយរៀង បានចំនួនមនុស្ស៦៣ម៉ឺន៧ពាន់២៩៣នាក់។

ឯកឧត្តម ថង សាវុន ប្រធាន យុវជនគណបក្សប្រជាជនកម្ពុជាខេត្តរតនគិរី នៅថ្ងៃអាទិត្យ ទី៤ ខែកក្កដា ឆ្នា២០២១នេះ បានចាត់តំណាងក្រុមការងារ នាំយកនូវអំណោយ មួយចំនួន ជាសម្ភារៈប្រើប្រាស់ និងគ្រឿងឧបភោគបរិភោគ មកផ្ដល់ជូន បងប្អូនប្រជាពលរដ្ឋ ដែលកំពុងសម្រាកព្យាបាលជម្ងឺ covid-19 ចំនួន 50 បន្ទប់ ស្មើនឹង 217 នាក់ និង លោកគ្រូអ្នកគ្រូពេទ្យប្រចាំការ ចំនួន 10 នាក់ ដែលនៅប្រចាំការព្យាបាល អ្នកជំងឺកូវីដ19 នៅមណ្ឌលភូមិថ្មី ក្នុងក្រុងបានលុងនៃខេត្តរតនគិរី ។ អំណោយ ទាំងអស់មាន 50ឃីត ដោយក្នុង មួយឃីត រួមមាន ៖1/កំសៀវដាំទឹកអគ្គីសនីមួយ2/ កែវមានដៃមួយឡូ3/ស្ករសកន្លះគីឡូ4/ក្រូចឆ្មារកន្លះគីឡូ5/មីមួយយួរ 6/ត្រីខ 5 កំប៉ុង នឹង ថង់អនាម័យ 5 ក្នុងឱកាសនោះដែរតំណាងក្រុមការងារបានពាំនាំការសាកសួរសុខទុក្ខពីសំណាកឯកឧត្តមប្រធានយុវជនបក្សខេត្តជូនដល់ក្រុមគ្រូពេទ្យ ក៏ដូចជាអ្នកជំងឺកូវីដ-19ទាំងអស់ សូមស្តាប់តាមការណែនាំរបស់គ្រូពេទ្យ ព្យាយាមហាត់ប្រាណ និងអនុវត្តវិធានសុខាភិបាលអោយបានខ្ជាប់ខ្ជួន ដើម្បីឆាប់ជាត្រឡប់ទៅជួបជុំក្រុមគ្រួសារវិញ ហើយជាពិសេសក៏មិនមិនភ្លេចនូវគុណបំណាច់របស់ទ័ពអាវស…