សេចក្តីជូនព័ត៌មានស្តីពីស្ថានភាពជំងឺកូវីដ១៩ សម្រាប់ថ្ងៃទី ២៦ ខែ មិថុនា ឆ្នាំ ២០២១- រកឃើញករណីឆ្លងថ្មី ៨៣៩នាក់-ឆ្លងចូលសហគមន៍ ៧៦៣ នាក់-ករណីនាំចូលពីបរទេស ៧៦នាក់-ជាសះស្បើយ ៧១៨នាក់-ស្លាប់ថ្មី ១៧នាក់គិតត្រឹមថ្ងៃទី២៧ មិថុនា ២០២១- អ្នកឆ្លងសរុប ៤៧ ៦៤៩នាក់- អ្នកជាសះស្បើយសរុប ៤២ ១៥៧នាក់- អ្នកស្លាប់សរុប ៥៤០នាក់សូមជម្រាបជូនថាចំនួនអ្នកចាក់វ៉ាក់សាំងសរុបទូរទាំងប្រទេស គិតត្រឹមថ្ងៃទី ២៦ ខែមិថុនា ឆ្នាំ ២០២១-អ្នកចាក់វ៉ាក់សាំងលើកទី១ ចំនួន ៣,៨៨៦,៥៣៤។

ក្រសួងសុខាភិបាល បានបង្ហាញថាអ្នកចាក់វ៉ាក់សាំងបង្ការ ជំងឺកូវីដ-១៩ នៅទូទាំងប្រទេស បូករួមទាំងក្រសួងការពារជាតិ គិតត្រឹមថ្ងៃទី ២៦ មិថុនា ឆ្នាំ ២០២១នេះ សរុបបាន ៣លាន ៨សែន ៨ម៉ឺន ៦ពាន់ និង ៥៣៤នាក់។ ចំនួនអ្នកបានចាក់វ៉ាក់សាំងបង្ការជំងឺកូវីដ-១៩ នៅកម្ពុជា បានកើនឡើង ៣៨,៨៧% បើធៀបប្រជាពលរដ្ឋចំនួន១០លាននាក់។

តាកែវ៖ បន្ទាប់ពីបញ្ចប់ការចុះត្រួតពិនិត្យមើលការបិទខ្ទប់ភូមិតាបួរ ឃុំពេជសារ ស្រុកកោះអណ្ដែត រួចមក នៅព្រឹកថ្ងៃសៅរ៍ ទី២៦ ខែមិថុនា ឆ្នាំ២០២១ ឯកឧត្តម អ៊ូច ភា អភិបាល នៃគណៈអភិបាល ខេត្តតាកែវ អមដំណើរដោយ ឯកឧត្តមវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្ត និងអាជ្ញាធរពាក់ព័ន្ធ បានបន្តដំណើរនាំយកថវិកា របស់ សម្ដេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ៥,០០០,០០០រៀល ទៅប្រគល់ជូនក្រុមគ្រួសារ ឈ្មោះ ជិន សុផានី ភេទស្រី អាយុ ៥៦ឆ្នាំ បានស្លាប់ដោយសារវីរុសកូវីដ-១៩ មានអាសយដ្ឋាននៅភូមិត្រើយទន្លាប់ ឃុំព្រះបាទ ជាន់ជុំ ស្រុកគីវង់ ខេត្តតាកែវ ។ មានប្រសាសន៍សំណេះសំណាលនាសឱកាសនោះដែរ ឯកឧត្តម អ៊ូច ភា អភិបាលខេត្ត ក៏នាំយក នូវបណ្ដាំរបស់ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា ក៏សូមចូលរួម…

ប៉ៃលិន ៖ លោកជំទាវ បាន ស្រីមុំ អភិបាលខេត្តប៉ៃលិន និងជាប្រធានគណកម្មាធិការប្រយុទ្ធប្រឆាំងជំងឺកូវីដ-១៩ ខេត្ត និងឯកឧត្តម សៅសារ៉ាត់ អ្នកតំណាងរាស្រ្តមណ្ឌលប៉ៃលិន បានដឹកនាំក្រុមការងារ មកពីមន្ទីរពាក់ព័ន្ធជុំវិញខេត្ត ចុះពិនិត្យមើលមណ្ឌលចត្តាឡីស័កចំនួន៤កន្លែង នាព្រឹកថ្ងៃទី២៦ ខែមិថុនា ឆ្នាំ២០២១ ។ នៅក្នុងកិច្ចចុះពិនិត្យមណ្ឌលចត្តាឡីស័កទាំង៤កន្លែងខាងលើនេះ ស្ថិតនៅក្នុងភូមិក្បាលព្រលាន១កន្លែង គឺនៅមជ្ឈមណ្ឌលអភិវឌ្ឍស្រ្តី របស់មន្ទីរកិច្ចការនារីខេត្ត (នៅ ចំណុចស្រែត្នោត) ក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន និង នៅក្នុងអនុវិទ្យាល័យ ហ៊ុន សែន សាលាក្រៅ , វិទ្យាល័យ ហ៊ុន សែន សាលាក្រៅ ក្នុងឃុំអូរអណ្តូង ស្រុកសាលាក្រៅ ខេត្តប៉ៃលិន ។ លោកជំទាវ បាន ស្រីមុំ អភិបាលខេត្ត បានមានប្រសាសន៍លើកឡើងថា ដោយអនុវត្តតាមការណែនាំ និងវិធានការយ៉ាងម៉ឺងម៉ាត់ក្នុងការទប់ស្កាត់ការឆ្លងរាលដាលនៃជម្ងឺកូវីដ-១៩ របស់ប្រមុខរាជរដ្ឋាភិបាលកម្ពុជា និងក្រសួងសុខាភិបាល រដ្ឋបាលខេត្តប៉ៃលិន បានរៀបចំមណ្ឌលចត្តាឡីស័កជាច្រើនកន្លែង សម្រាប់ប្រជាពលរដ្ឋ ដែលប៉ះពាល់ផ្ទាល់ជាមួយអ្នកជម្ងឺកូវីដ-១៩ និងអ្នកដែលទើបតែវិលត្រលប់មកពីតំបន់ប្រឈមនានា…

សេចក្តីប្រកាសព័ត៌មាន របស់រដ្ឋបាលខេត្តកោះកុង ស្តីពីការរកឃើញករណីវិជ្ជមានជំងឺកូវីដ-១៩ ចំនួន ៩៥ នាក់ និងករណីជាសះស្បើយជំងឺកូវីដ-១៩ ចំនួន ០៩ នាក់ នៅថ្ងៃទី២៦ ខែមិថុនា ឆ្នាំ២០២១។

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងតាមរយៈទំព័រហ្វេសប៊ុកផ្លូវការនៅថ្ងៃសៅរ៍ ទី២៦ ខែមិថុនា ឆ្នាំ២០២១ថា ថ្ងៃនេះ វ៉ាក់សាំងប្រយុទ្ធប្រឆាំងជំងឺកូវីដ១៩ ស៊ីណូវ៉ាក់ (Sinovac Vaccine) ចំនួន១លានដូសទៀត ដែលកម្ពុជាបានបញ្ជារទិញពីប្រទេសចិន ត្រូវបានដឹកមកដល់ប្រទេសកម្ពុជាទៀតហើយ។ ដោយឡែកនៅថ្ងៃទី២៨ ខែមិថុនា ដដែលនេះ វ៉ាក់សាំង ១លានដូសទៀត នឹងដឹកមកដល់ប្រទេសកម្ពុជាផងដែរ។ សរុបទៅត្រឹមខែមិថុនា កម្ពុជា ទទួលបានវ៉ាក់សាំងពីក្រុមហ៊ុនចិន រហូតដល់ទៅ ៥លានដូស ហើយនៅខែកក្កដាខាងមុខ វ៉ាក់សាំងប្រមាណ ៣លានដូសទៀត ក៏នឹងត្រូវដឹកពីប្រទេសចិន មកកាន់កម្ពុជាផងដែរ។ សម្ដេចបានបន្តថា វ៉ាក់សាំង បានក្លាយទៅជាវិធានការយុទ្ធសាស្ត្ររបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងជំងឺកូវីដ១៩ និងជួយការពារអាយុជីវិតប្រជាពលរដ្ឋពីជំងឺឆ្លងសាកលមួយនេះ។ វត្តមានវ៉ាក់សាំងជាបន្តបន្ទាប់នេះ នឹងជួយឱ្យកម្ពុជាសម្រេចផែនការចាក់វ៉ាក់សាំងជូនប្រជាពលរដ្ឋប្រមាណ ១៣លាននាក់ ឱ្យបានលឿន និងទៅតាមការគ្រោងទុក។ សម្ដេចតេជោ ហ៊ុន សែន បានលើកឡើងទៀតថា គិតពីថ្ងៃទី១០ ខែកុម្ភៈ២០២១ ដល់ត្រឹមថ្ងៃទី២៥ ខែមិថុនា កម្ពុជា ចាក់វ៉ាក់សាំងជូនប្រជាពលរដ្ឋបានជាង ៣.៨លាននាក់ស្មើនឹងជាង ៣៨ភាគរយហើយ។…