រដ្ឋបាលរាជធានីភ្នំពេញ សូមអំពាវនាវដល់ប្រជាពលរដ្ឋដែលកំពុងរស់នៅ ស្នាក់នៅ ប្រកបអាជីវកម្មមុខរបរផ្សេងៗ នៅក្នុងភូមិសាស្រ្តរាជធានីភ្នំពេញ ដែលពុំទាន់ទទួលបានការចាក់វ៉ាក់សាំង សូមអញ្ជើញរួសរាន់មកចាក់វ៉ាក់សាំង ចាប់ពីថ្ងៃទី២៧ ខែមិថុនា រហូតដល់ថ្ងៃទី០៨ ខែកក្កដា ឆ្នាំ២០២១។

កំពង់ឆ្នាំង៖ នៅថ្ងៃទី២៥ ខែមិថុនា ឆ្នាំ២០២១នេះ រដ្ឋបាលខេត្តកំពង់ឆ្នាំង បានចេញសេចក្ដីប្រកាសព័ត៌មាន ស្តីពីការបន្តរកឃើញអ្នកវិជ្ជមានកូវីដ-១៩ ចំនួន ១០នាក់ថ្មីបន្ថែមទៀត ស្រីចំនួន ០៦នាក់ ដែលជា អាជីវករ, និសិ្សត, ទារក,សិស្ស និងកម្មកររោងចក្រ ក្នុងនោះស្រុករលាប្អៀរ ០៤នាក់,ស្រុកកំពង់ត្រឡាច ០៥នាក់និងក្រុងកំពង់ឆ្នាំង ០១នាក់។ សូមអានខ្លឹមសារលំអិត ក្នុងសេចក្តីប្រកាសព័ត៌មានរបស់រដ្ឋបាលខេត្កកំពង់ឆ្នាំង ដែលមានបញ្ជាក់ជូនដូចខាងក្រោម៖

រដ្ឋបាលខេត្តឧត្តរមានជ័យ មានកិត្តិយសសូមជម្រាបជូនសាធារណជន និងបងប្អូនប្រជាពលរដ្ឋ ឲ្យបានជ្រាបថា ក្រុមគ្រូពេទ្យ នៃមន្ទីរពេទ្យបង្អែកខេត្តឧត្ដរមានជ័យ បានរកឃើញករណីវិជ្ជមានកូវីដ-១៩ចំនួន ១៨ ករណី បន្ថែមទៀត នាថ្ងៃសុក្រ ០១រោច ខែបឋមាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៥ ខែមិថុនា ឆ្នាំ២០២១នេះ។ ដោយគិតត្រឹមម៉ោង១៧:៣០នាទី ថ្ងៃទី២៥ ខែមិថុនា ឆ្នាំ២០២១នេះ ខេត្តឧត្តរមានជ័យ រកឃើញអ្នកវិជ្ជមានជំងឺកូវីដ១៩ ចំនួន ៣០៥ ករណី ក្នុងនោះករណីនាំចូលពីក្រៅប្រទេសចំនួន ២៦៤ករណី និងករណីឆ្លងក្នុងសហគមន៍ ២០កុម្ភៈ ចំនួន ៤១ករណី និងបានព្យាបាលជាសះស្បើយចំនួន ៩១ នាក់ កំពុងសម្រាកព្យាបាលចំនួន ២១២ នាក់ និងស្លាប់ចំនួន ០២នាក់។

សេចក្តីប្រកាសព័ត៌មានរបស់រដ្ឋបាលខេត្តកំពង់ធំ ស្តីពីការរកឃើញអ្នកវិជ្ជមានជំងឺកូវីដ១៩ ចំនួន ២៦នាក់ដោយការធ្វើតេស្តរហ័ស (Rapid Test) នៅថ្ងៃទី២៥ ខែមិថុនា ឆ្នាំ២០២១ ។

យោងតាមសេចក្តីជូនដំណឹងរបស់ផេកផ្លូវការរបស់ក្រសួងសុខាភិបាលចេញផ្សាយនៅថ្ងៃទី២៥ ខែមិថុនា ឆ្នាំ២០២១ កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃនេះ មានចំនួន ៣៨,០៣% ធៀបជាមួយចំនួនប្រជាជនគោលដៅ ១០លាននាក់។

រដ្ឋបាលខេត្តកែប បាន ជូនដំណឹង ស្តីពីករណីវិជ្ជមាន កូវីដ១៩ ចំនួន ០២ករណី នៅថ្ងៃ ទី ២៥ ខែមិថុនា ឆ្នាំ២០២១