អគ្គនាយកដ្ឋានគយ អនុញ្ញាតឱ្យនាំចូលសាច់បង្កក និងមុខទំនិញបង្កកពីប្រទេសឥណ្ឌាឡើងវិញ ក្រោយការបិទមួយរយៈដោយសារការផ្ទុះជំងឺកូវីដ-១៩ខ្លាំងនៅប្រទេសឥណ្ឌា។

រដ្ឋបាលខេត្តដំបងបានឲ្យដឹងថា នៅថ្ងៃទី២១មិថុនា ខេត្តបានរកឃើញមនុស្សករណីវិជ្ជមានកូវីដ-១៩ចំនួន២៤នាក់បន្ថែមទៀត។ អ្នកឆ្លងថ្មីនោះ មាន១៣នាក់ជាករណីឆ្លងក្នុងសហគន៍ និង១១នាក់ជាអ្នកមកពីប្រទេសថៃ។ ក្រោយការរកឃើញវិជ្ជមាន ពួកគេត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកនានាក្នុងខេត្តបាត់ដំបង។ ខេត្តបាត់ដំបងនៅថ្ងៃទី២១មិថុនាក៏មានអ្នកជាសះស្បើយពីជំងឺកូវីដ-១៩ចំនួន២២នាក់ និងមានអ្នកស្លាប់ចំនួន២បន្ថែមទៀត។ អ្នកស្លាប់ទាំង២នាក់ មានឈ្មោះគង់ ចិនហេង ភេទស្រីអាយុ៧៣ឆ្នាំ និងឈ្មោះម៉ូត សារីយ៉ា ភេទស្រី អាយុ៦១ឆ្នាំ មានអាសយដ្ឋាននៅក្រុងខេត្តបាត់ដំបង។ គិតមកដល់ថ្ងៃទី២១មិថុនាឆ្នាំ២០២១ មានអ្នកឆ្លងជំងឺកូវីដ-១៩ សរុបចំនួន៦៦៨នាក់ ក្នុងនោះបានព្យាបាលជាសះស្បើយចំនួន៣៦៦នាក់ មានអ្នកស្លាប់៦នាក់ និងកំពុងសម្រាកព្យាបាលនៅតាមមន្ទីរពេទ្យនានាចំនួន២៩៦នាក់៕

រដ្ឋបាលខេត្តសៀមរាប បានជូនដំណឹងថា រដ្ឋបាលខេត្ត បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៣៣នាក់ នៅថ្ងៃទី២១មិថុនា ឆ្នាំ២០២១។ ក្នុងចំណោមអ្នកឆ្លងថ្មីទាំងនោះ ជាអ្នករស់នៅស្រុកសូទ្រនិគម៣នាក់, ស្រុកជីក្រែងចំនួន៣នាក់, ក្រុងសៀមរាប២៣នាក់, ស្រុកប្រាសាទបាគងម្នាក់,ស្រុកបន្ទាយស្រីម្នាក់ និងមកពីប្រទេសថៃចំនួន៧នាក់។ រដ្ឋបាលខេត្តសៀមរាប បានអំពាវនាវឲ្យប្រជាពលរដ្ឋ ដែលបានពាក់ព័ន្ធដោយផ្ទាល់ ឬដោយប្រយោល ជាមួយអ្នកវិជ្ជមានខាងលើ ត្រូវរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួនឱ្យបានគ្រប់១៤ថ្ងៃ ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត ក្នុងករណីមិនអនុវត្តកាតព្វកិច្ចចត្តាឡីស័ក រដ្ឋបាលខេត្តនឹងចាត់វិធានការផ្លូវច្បាប់ចំពោះបុគ្គលទាំងឡាយណាដែលលើ្មសនឹងវិធានសុខាភិបាលនោះ។ ប្រសិនបើមានការប្រែប្រួលសុខភាព ត្រូវផ្តល់ព័ត៌មានទៅអាជ្ញាធរមូលដ្ឋានជាបន្ទាន់ ដើម្បីក្រុមការងារចាត់វិធានការក្នុងការយកសំណាកធ្វើតេស្តស្រាវជ្រាវ។ ថ្ងៃ២១មិថុនាដែរ មានករណីស្លាប់អ្នកវិជ្ជមានជំងឺកូវីដ-១៩ ម្នាក់មានឈ្មោះ ភូ វ៉ូច ភេទស្រី អាយុ៨០ឆ្នាំ អាសយដ្ឋាននៅភូមិវត្តដំណាក់ សង្កាត់សាលាកំរើក ក្រុងសៀមរាប បានស្លាប់ នៅម៉ោង១១ព្រឹកថ្ងៃទី២១ មិថុនា ឆ្នាំ២០២១ ដោយជំងឺរលាកសួត បង្កដោយមេរោគកូវីដ-១៩។ គិតមកទល់នឹងថ្ងៃទី២១មិថុនាឆ្នាំ២០២១ ខេត្តសៀមរាបមានអ្នកឆ្លងជំងឺកូវីដ-១៩សរុប ចំនួន៦២៥នាក់ បានព្យាបាលជាសះស្បើយចំនួន១៦៦នាក់ ស្លាប់៦នាក់ និង៤៥៣នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត និងវិទ្យាល័យដំដែក។

រដ្ឋបាលខេត្តព្រៃវែងបានបង្ហាញអត្តសញ្ញាណករណីអ្នកវិជ្ជមានកូវីដ-១៩ ចំនួន៣៣នាក់បន្ថែមទៀតតាមរយៈការធ្វើតេស្តរហ័ស (Rapid Test) នៅថ្ងៃទី២១មិថុនាឆ្នាំ២០២១។ ក្នុងចំណោមអ្នកឆ្លងថ្មីទាំងនោះ មាននៅក្រុងព្រៃវែងម្នាក់, ស្រុកព្រះសេ្តច ចំនួន ១៩នាក់, ស្រុកពារាំង៧នាក់, ស្រុកស្វាយអន្ទម្នាក់, ស្រុកពាមរក៍ ម្នាក់, ស្រុកបាភ្នំ ម្នាក់, ស្រុកស៊ីធរកណ្ដាលម្នាក់, ស្រុកពោធិ៍រៀងម្នាក់ និងទៅពីខេត្តកណ្តាលម្នាក់។ បច្ចុប្បន្ន អ្នកវិជ្ជមានជំងឺកូវីដ-១៩ ទាំង២៤នាក់នោះ កំពុងសម្រាកព្យាបាលនៅមន្ទីរពេទ្យបង្អែកខេត្តនិងតាមមន្ទីរពេទ្យបង្អែកស្រុករបស់ពួកគេនីមួយៗ។ ក្នុងនោះដែរ រដ្ឋបាលខេត្តព្រៃវែង បានអំពាវនាវដល់អ្នកដែលបានប្រាស្រ័យទាក់ទង ប៉ះពាល់ដោយផ្ទាល់ឬប្រយោល ជាមួយបុគ្គលវិជ្ជមានកូវីដ-១៩ ខាងលើ និងដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាកនិងធ្វើចត្តាឡីស័ក (៣ការពារ ៣កុំ)។ នៅថ្ងៃ២១មិថុនា ខេត្តព្រះវែងមានអ្នកស្លាប់ដោយសារជំងឺកូវីដ-១៩ចំនួន៣នាក់។ សពមានឈ្មោះតឹប សួន ភេទស្រី អាយុ៤៤ឆ្នាំ ជាប្រជាពលរដ្ឋរស់នៅភូមិព្រៃវល្លិ ឃុំពានរោង ស្រុកស្វាយអន្ទរ ខេត្តព្រៃវែង បានទទួលមរណៈភាពនៅថ្ងៃទី២១មិថុនា ឆ្នាំ២០២១ ដោយសារជំងឺកូវីដ-១៩។សពទី២ មានឈ្មោះ សន់ សុភាពភេទស្រី អាយុ៥១ឆ្នាំ ជាប្រជាពលរដ្ឋរស់នៅភូមិក្រសាំងទង ឃុំអង្គររាជ្យ ស្រុកព្រះសេ្តច ខេត្តព្រៃវែង បានទទួលមរណៈភាពនៅថ្ងៃទី២១មិថុនា…

យោងតាមរដ្ឋបាលខេត្តកែបបានឲ្យដឹងថា យោងតាមលទ្ធផលវិភាគវត្ថុសំណាករកមេរោគកូវីដ-១៩ នៅថ្ងៃទី២១មិថុនាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៧នាក់។ រដ្ឋបាលខេត្តបញ្ជាក់ថា អ្នកឆ្លងទាំងនោះរស់នៅស្រុកដំណាក់ចង្អើ ខេត្តកែប ហើយអ្នកវិជ្ជមានទាំង៧នាក់នោះ គឺជាអ្នកដែលបានប៉ះពាល់ដោយផ្ទាល់ជាមួយកម្មករ កម្មការិនី នៅរោងចក្រពូចិនក្នុងស្រុកកំពង់ត្រាច ខេត្តកំពត និងលោកចក្រ ហុងលី ក្នុងស្រុកដំណាក់ចង្អើ ខេ្តកែប។ ក្រុមឆ្លើយតបបន្ទាន់បាន និងកំពុងស្រាវជ្រាវរកទីតាំង និងកំណត់មុខសញ្ញាអ្នកដែលពាក់ពន្ធ័នឹងអ្នកវិជ្ជមានបន្តទៀត។ ជាមួយគ្នានោះ រដ្ឋបាលខេត្តកែប បានអំពាវនាវឲ្យអ្នកដែលមានការពាក់ពន្ធ័នឹងកម្មករ កម្មការិនី រោងចក្រទាំងពីរ និងអ្នកវិជ្ជមានកូវីដ-១៩ទាំងអស់ត្រូវធ្វើចត្តាឡីស័ក តាមការណែនាំរបស់ក្រសួងសុខាភិបាល ហើយប្រសិនបើមានបញ្ហាសុខភាព ត្រូវប្រញាប់ទៅយកសំណាកនៅមន្ទីរពេទ្យបង្អែកដែលនៅជិតបំផុត។

យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី២១មិថុនាឆ្នាំ២០២១ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួន៣លាន៤សែន១ម៉ឺន៦ពាន់៧៥នាក់ហើយដែលស្មើនឹង៣៤,១៦%នៃចំនួនប្រជាជនដែលគ្រោងនឹងចាក់ជាង១០លាននាក់ ក្នុងនោះបានចាក់វ៉ាក់សាំងទី២ដូសរួចមានចំនួន២លាន៧សែន៥ម៉ឺន៥ពាន់១៩៤នាក់។ ដោយឡែក របាយការណ៍ក្រសួងការពារជាតិ បានឲ្យដឹងថា ចាប់ពីថ្ងៃទី១ដល់ថ្ងៃទី២១មិថុនាឆ្នាំ២០២១ ក្រុមការងារចាក់វ៉ាក់សាំងរបស់ក្រសួងការពារជាតិ បានចាក់ជូនប្រជាពលរដ្ឋនៅអតីតតំបន់ក្រហមក្នុងរាជធានីភ្នំពេញបានចំនួន១លាន២ម៉ឺន៥ពាន់៨៦១នាក់ ខណៈចាក់លើកទី២ បានចំនួន៩៩ម៉ឺន៥ពាន់៧៨៧នាក់។