រដ្ឋបាលខេត្តដំបង បានឲ្យដឹងថា នៅថ្ងៃទី២២មិថុនា ខេត្តបានរកឃើញមនុស្សករណីវិជ្ជមានកូវីដ-១៩ចំនួន ១៥នាក់បន្ថែមទៀត។ អ្នកឆ្លងថ្មីនោះ មាន ១២នាក់ជាករណីឆ្លងក្នុងសហគន៍ និង៣នាក់ជាអ្នកមកពីប្រទេសថៃ។ ក្រោយការរកឃើញវិជ្ជមាន ពួកគេត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកនានាក្នុងខេត្តបាត់ដំបង។ ខេត្តបាត់ដំបងនៅថ្ងៃទី២២មិថុនាក៏មានអ្នកជាសះស្បើយពីជំងឺកូវីដ-១៩ ចំនួន ២៦នាក់ ផងដែរ។ គិតមកដល់ថ្ងៃទី២២ មិថុនាឆ្នាំ២០២១ មានអ្នកឆ្លងជំងឺកូវីដ-១៩ សរុបចំនួន ៦៨៣នាក់ ក្នុងនោះបានព្យាបាលជាសះស្បើយចំនួន ៣៩២នាក់ មានអ្នកស្លាប់ ៦នាក់ និងកំពុងសម្រាកព្យាបាលនៅតាមមន្ទីរពេទ្យនានាចំនួន ២៨៥នាក់៕

យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី២២មិថុនាឆ្នាំ២០២១ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួន៣លាន៥សែន១ម៉ឺន៧ពាន់៩៤៣នាក់ហើយដែលស្មើនឹង៣៥,១៨%នៃចំនួនប្រជាជនដែលគ្រោងនឹងចាក់ជាង១០លាននាក់ ក្នុងនោះបានចាក់វ៉ាក់សាំងទី២ដូសរួចមានចំនួន២លាន៧សែន៥ម៉ឺន៧ពាន់៧៩៦នាក់។ ដោយឡែក របាយការណ៍ក្រសួងការពារជាតិ បានឲ្យដឹងថា ចាប់ពីថ្ងៃទី១ដល់ថ្ងៃទី២២មិថុនាឆ្នាំ២០២១ ក្រុមការងារចាក់វ៉ាក់សាំងរបស់ក្រសួងការពារជាតិ បានចាក់ជូនប្រជាពលរដ្ឋនៅអតីតតំបន់ក្រហមក្នុងរាជធានីភ្នំពេញបានចំនួន១លាន២ម៉ឺន៥ពាន់៨៦១នាក់ ខណៈចាក់លើកទី២ បានចំនួន៩៩ម៉ឺន៧ពាន់៧៧៥នាក់ និងការចាក់ដោយកងទ័ពនៅខេត្តចំនួន៤គឺខេត្តតាកែវ កំពង់ស្ពឺ ខេត្តព្រះសីហនុ និងខេត្តកោះកុង បានចំនួន៥ម៉ឺន៨ពាន់៣០៩នាក់។

នាយប់ថ្ងៃទី២២ ខែមិថុនា ឆ្នាំ២០២១ ក្រុមការស្រាវជ្រាវ និងយកសំណាករបស់មន្ទីរសុខាភិបាលខេត្តព្រះវិហារ បានរកឃើញវិជ្ជមានកូវីដ១៩លើក្រុមគ្រួសារ ឈ្មោះ ហេង សៀង ហាក់ ភេទប្រុស ជាជាងជួសជុលម៉ូតូដែលមានផ្ទុកវិជ្ជមាន ចំនួន០៤នាក់ ក្នុងនោះ កុមារ០៣នាក់ ដែលមានឈ្មោះ ៖ ១/ឈ្មោះ.សេង គឺមណាត ភេទស្រី អាយុ៤១ឆ្នាំ ត្រូវជាប្រពន្ធ២/កុមារា ហាក់ នីត ភេទប្រុស អាយុ១១ឆ្នាំ ត្រូវជាកូន៣/កុមារា ហាក់. ថារ័ត្ន ភេទប្រុស អាយុ០៤ឆ្នាំត្រូវជាកូន៣/កុមារី.ភិន ចន្រ្តា ភេទស្រី អាយុ១០ឆ្នាំ ត្រូវជាក្មួយ សូមបញ្ជាក់ថា ក្រុមការបានយកសំណាកលើក្រុមគ្រួសារ ហេង សៀងហាក់ចំនួន១៣នាក់ ជាលទ្ធផលរកឃើញសរុបរកឃើញ៥នាក់ ស្រី ០១នាក់ និងកុមារី០១នាក់ ៕

រតនគិរី ៖ននៅថ្ងៃទី២២ ខែមិថុនា ឆ្នាំ២០២១ ថ្នាក់ដឹកនាំខេត្តរតនគិរី បានដឹកនាំកម្លាំងចុះរៀបចំទីតាំងមណ្ឌលចត្តាឡីស័ក និងព្យាបាលអ្នកជំងឺកូវីដ-១៩ មួយកន្លែងទៀត ឋិតនៅវិទ្យាល័យ ហ៊ុន សែន ភូមិថ្មី ស្ថិតនៅសង្កាត់ឡាបានសៀក ក្រុងបានលុង ខេត្តរតនគិរី។ ការរៀបចំនេះធ្វើឡើងឆ្លើយតបទៅនឹងកំណើនអ្នកវិជ្ជមានកូវីដ-១៩ ក្រោយផ្ទុះការចម្លងជាទម្រង់ធំនៅក្រុងបានលុងកាលពីថ្ងៃទី១៨ មិថុនា កន្លងមក និងគិតរហូតពេលនេះមានអ្នកវិជ្ជមានសរុបចំនួន ២០៥នាក់(បូករួមទាំងអ្នកវិជ្ជមានមកពីក្រៅខេត្ត)។ ក្នុងកិច្ចការនេះផងដែរ មានការចូលរួមសហការរៀបចំបោសសម្អាតពីសំណាក់សហភាពសហព័ន្ធយុវជនកម្ពុជា ខេត្តរតនគិរី និងកងកម្លាំងនគរបាល កងរាជអាវុធហត្ថ អាជ្ញាធរក្រុង និងមូលដ្ឋានសង្កាត់ ភូមិផងដែរ ៕ ដោយ គតិ យុត្ត

អ្នកដែលធ្លាប់បានទៅ ហាង Carl’s Jr Burgers សាលាបឹងកេងកង ត្រូវប្រញាប់ធ្វើចត្តាឡីស័ក និងតាមដានសុខភាព។ ហាង Carl’s Jr Burgers សាលាបឹងកេងកង មានទីតាំងស្ថិតនៅផ្លូវ៥១ កែង ៣១០ សង្កាត់បឹងកេងកង១ ខណ្ឌបឹងកេងកងរាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២២មិថុនាឆ្នាំ២០២១ បានជូនដំណឹងថា អ្នកជំងឺកូវីដ១៩ #អ្នកជំងឺកូវីដ១៩ ចំនួន ២នាក់ បានចូលទៅកាន់ហាង Carl’s Jr Burgers សាលាបឹងកេងកង កាលពីថ្ងៃទី ១៧ មិថុនា។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេល វេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ។

អ្នកដែលធ្លាប់បានទៅ ហាង ម៉ាស្ទ័រស៊ូគីស៊ុប សាខាស្ថិតនៅក្នុងផ្សារទំនើប អ៊ីអន២ ត្រូវប្រញាប់ធ្វើចត្តាឡីស័ក និងតាមដានសុខភាព។ ហាង ម៉ាស្ទ័រស៊ូគីស៊ុបសាខាស្ថិតនៅក្នុងផ្សារទំនើប អ៊ីអន២ មានទីតាំងស្ថិតនៅក្នុង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២២មិថុនាឆ្នាំ២០២១ បានជូនដំណឹងថា អ្នកជំងឺកូវីដ១៩ រួមជាមួយគ្រួសារសរុបមាន ៤ នាក់ បានចូលទៅហូបស៊ុប នៅហាង ម៉ាស្ទ័រស៊ូគីស៊ុប សាខា ផ្សារទំនើប អ៊ីអន២កាលពីថ្ងៃទី ១៣ មិថុនា។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេល វេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ។

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២២មិថុនាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ បានចូលទៅទិញកន្សែងជូតខ្លួននៅហាង២៥០០ដែលមានទីតាំងផ្លូវជាតិលេខ១ សង្កត់វាលស្បូវ ខណ្ឌច្បារអំពៅ សាខាបឹងស្នោ នៅជិតបុរីប៉េងហ៊ួត បឹងស្នោ នៅថ្ងៃទី ១៥មិថុនា ឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។