ភ្នំពេញ៖ លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ នៅថ្ងៃសុក្រ ៩កើត ខែបឋមាសាឍ ឆ្នាំឆ្លូវ ត្រីស័ ក ព.ស.២៥៦៥ ត្រូវនឹងថ្ងៃទី១៨ ខែមិថុនា ឆ្នាំ២០២១ បានចុះត្រួតពិនិត្យកម្លាំងឈរជើងនៅគោលដៅមណ្ឌលព្យាបាលកម្រិតស្រាលនៅសាលាបឋមសិក្សា-អនុវិទ្យាល័យដង្កោ ក្នុងគោលបំណងផ្តល់ជាកម្លាំងចិត្ត និងជាការលេីកទឹកចិត្តដ៏ធំធេងដល់មន្ត្រីក្រោមឱវាទដែលបានលះបង់ពេលវេលាក្នុងការបំពេញភារកិច្ចជូនសង្គមជាតិ។ ក្នុងការចុះត្រួតពិនិត្យកម្លាំងនេះលោកអធិការ បាននាំនូវពាក្យផ្ដាំផ្ញើសួរសុខទុក្ខរបស់ឯកឧត្តម ឧត្ដមសេនីយ៍ ឯក ស ថេត អគ្គស្នងការ រង និងជាស្នងការនគរបាលរាជធានីភ្នំពេញ ដល់កងកម្លាំងយើងទាំងអស់ឲ្យមានការប្រុងប្រយ័ត្ន ថែររក្សាអនាម័យផ្ទាល់ខ្លួន ដោយត្រូវពាក់ម៉ាស និងបាញ់អាកុល ឬជែលលាងដៃ រក្សាគម្លាតសុវត្ថិភាព ជាប្រចាំ ដើម្បីកុំឱ្យមានការឆ្លងទៅវិញទៅមក។ ក្នុងការចុះត្រួតពិនិត្យកម្លាំងនេះដែរ លោកអធិការក៏បាននាំយកនូវស្បៀងអាហារ និងរសម្ភារៈប្រើប្រាស់មួយចំនួនដែលជាអំណោយរបស់ឯកឧត្តម ឧត្ដមសេនីយ៍ ឯក ស ថេត អគ្គស្នងការ រង និងជាស្នងការនគរបាលរាជធានីភ្នំពេញ មកចែកជូនកងកម្លាំងយើង រួមមាន៖ទឹកសុទ្ធ ២កេស , បាយ ០១នាក់ ០១ប្រអប់ ៕ ដោយ /…

យោងតាមក្រសួងសុខាភិបាលនៅថ្ងៃទី១៨មិថុនាឆ្នាំ២០២១ បានឲ្យដឹងថា នៅថ្ងៃ១៧មិថុនា គេបានរកឃើញអ្នកវិជ្ជមានកូវីដ-១៩ចំនួន៧៩៩នាក់ ដែលក្នុងនោះអ្នកដំណើរមកពីបរទេសចំនួន៩៧នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ១៧មិថុនា មានអ្នកជាសះស្បើយពីជំងឺកូវីដ-១៩ ចំនួន៩១០នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី១៧មិថុនាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៤ម៉ឺន១ពាន់៥៨១នាក់ ក្នុងនោះបានព្យាបាលជាសះស្បើយចំនួន៣ម៉ឺន៥ពាន់៩៤០នាក់ ។ ជាមួយគ្នានោះ ក្រសួងសុខាភិបាលបាននៅថ្ងៃនេះ មានអ្នកស្លាប់ចំនួនថ្មីចំនួន១៤នាក់ ដែលនាំឲ្យ កម្ពុជាមានអ្នកស្លាប់ដោយសារជំងឺកូវីដ-១៩ចំនួន៣៩៤នាក់ហើយ។

យោងតាមលទ្ធផលនៃការវិភាគវត្ថុសំណាកដោយធ្វើតេសរហ័ស (Rapit Test ) រកឃើញជំងឺកូវីដ-១៩ នៅថ្ងៃទី១៧មិថុនាឆ្នាំ២០២១ គេបានរកឃើញអ្នកឆ្លងជំងឺកូវីដ-១៩ចំនួន៦៥នាក់។ អ្នកឆ្លងទាំង៦៥នាក់នោះ រស់នៅស្រុកមណ្ឌលសីមា,ក្រុងខេមរភូមិន្ទ និងស្រុកស្រែអំបិល ខេត្តកោះកុង។ អ្នកជំងឺកូវីដ-១៩ទាំងនោះ ត្រូវបានបញ្ជូនទៅកាន់មន្ទីរពេទ្យបង្អែកខេត្តកោះកុង និងកន្លែងព្យាបាលមួយចំនួនទៀត។ ជាមួយគ្នានោះ អាជ្ញាធរខេត្តកំពុងបន្តស្វែងរកអ្នកពាក់ព័ន្ធជាមួយអ្នកវិជ្ជមានបន្ថែមទៀត។ អាជ្ញាធរខេត្តក៏បានបញ្ជាក់ថា នៅថ្ងៃទី១៧មិថុនា មានអ្នកជំងឺកូវីដ-១៩ចំនួន៣នាក់ បានាជាសះស្បើយផងដែរ។

ភ្នំពេញ ៖ ឯកឧត្ដម នួន ផារ័ត្ន អភិបាលរង រាជធានីភ្នំពេញ អមដំណើរដោយ លោក ឌី រ័ត្នខេមរុណ អភិបាលរង ខណ្ឌមានជ័យ បានអញ្ជើញចុះសំណេះសំណាល សួរសុខទុក្ខ និងនាំយកទេយ្យទាន មកប្រគេនព្រះសង្ឃ និងចែកជូនប្រជាពលរដ្ឋចំនួន ៣៣៤ អង្គ/នាក់ ដែលជាអំណោយដ៍ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រគេនជូនព្រះសង្ឃ និងចែក ជូន តាជី យាយជី បញ្ញវ័ន្តក្មេងវត្ត ប្រជាពលរដ្ឋ ដែលកំពង់ធ្វើចត្តាឡីស័ក នៅវត្តចង្ក្រានតាព្រតាព្រហ្មស្ទឹងមានជ័យ នាព្រឹកថ្ងៃសុក្រ ៩កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី ១៨ ខែ មិថុនា ឆ្នាំ ២០២១ ។ ក្នុងឱកាសនេះដែរ ឯកឧត្ដមបានពាំនូវការផ្តាំផ្ញើរសាកសួរសុខទុក្ខពីសណាក់ សម្តេច តេជោ ហ៊ុន សែន…

រដ្ឋបាលខេត្តដំបងបានឲ្យដឹងថា នៅថ្ងៃទី១៧មិថុនា ខេត្តបានរកឃើញមនុស្សករណីវិជ្ជមានកូវីដ-១៩ចំនួន២៣នាក់បន្ថែមទៀត។ អ្នកឆ្លងថ្មីនោះ មាន១៨នាក់ជាករណីឆ្លងក្នុងសហគន៍ និង៥នាក់ជាអ្នកមកពីប្រទេសថៃ។ ក្រោយការរកឃើញវិជ្ជមាន ពួកគេត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកនានាក្នុងខេត្តបាត់ដំបង។ ខេត្តបាត់ដំបងនៅថ្ងៃទី១៧មិថុនាក៏មានអ្នកជាសះស្បើយពីជំងឺកូវីដ-១៩ចំនួន៣៤នាក់ និងមានអ្នកស្លាប់ម្នាក់បន្ថែមទៀត។ ខេត្តបាត់ដំបង គិតមកដល់ថ្ងៃទី១៧មិថុនាឆ្នាំ២០២១ មានអ្នកឆ្លងជំងឺកូវីដ-១៩ សរុបចំនួន៥៩១នាក់ ក្នុងនោះបានព្យាបាលជាសះស្បើយចំនួន២៩៨នាក់ មានអ្នកស្លាប់៣នាក់ និងកំពុងសម្រាកព្យាបាលនៅតាមមន្ទីរពេទ្យនានាចំនួន២៩០នាក់៕

ឯកឧត្តមកិត្តិសេដ្ឋាបណ្ឌិត ឆាយ ថន អញ្ជើញបើកកិច្ចប្រជុំបន្ទាន់មួយ ជាមួយប្រធានមន្ទីរផែនការរាជធានី ខេត្ត ទាំង២៥ ទូទាំងប្រទេស ដើម្បីណែនាំដល់មន្ទីរផែនការឱ្យពង្រឹងការអនុវត្តការកំណត់គ្រួសារគោលដៅក្នុងតំបន់បិទខ្ទប់ និង គ្រួសារដែលមានអ្នកជំងឺកូវីដ-១៩ នៅទូទាំងប្រទេស សម្រាប់បើកសាច់ប្រាក់ពីរាជរដ្ឋាភិបាលជាលើកទី២ នារសៀលថ្ងៃទី១៦ ខែមិថុនា ឆ្នាំ២០២១ តាមរយៈប្រព័ន្ធវីដេអូ Zoom ឯកឧត្តមកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ បានអញ្ជើញបើកកិច្ចប្រជុំបន្ទាន់មួយ ជាមួយប្រធានមន្ទីរផែនការរាជធានី ខេត្ត ទាំង២៥ ទូទាំងប្រទេស ដើម្បីណែនាំដល់មន្ទីរផែនការឱ្យពង្រឹងការអនុវត្តការកំណត់គ្រួសារគោលដៅក្នុងតំបន់បិទខ្ទប់ និង គ្រួសារដែលមានអ្នកជំងឺកូវីដ ១៩ នៅទូទាំងប្រទេស សម្រាប់បើកសាច់ប្រាក់ពីរាជរដ្ឋាភិបាលជាលើកទី២ ដោយមានការអញ្ជើញចូលរួមពីឯកឧត្តម ប៉ាន ប៊ុនធឿន រដ្ឋលេខាធិការក្រសួងផែនការ ឯកឧត្តម ថេង បញ្ញាធន ប្រតិភូរាជរដ្ឋាភិបាលកម្ពុជាទទួលបន្ទុកអគ្គនាយកដ្ឋានផែនការ ឯកឧត្តម កែវ អ៊ូលី ប្រធាននាយកដ្ឋានអត្តសញ្ញាណកម្មគ្រួសារក្រីក្រ នៃក្រសួងផែនការ ព្រមទាំងឯកឧត្តម លោកជំទាវ លោក លោកស្រី ជាប្រធានមន្ទីរផែនការ និងមន្ត្រីជំនាញពាក់ព័ន្ធចូលរួមផងដែរ។ ឯកឧត្តមកិត្តិសេដ្ឋាបណ្ឌិត បានមានប្រសាសន៍ថា…

យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី១៧មិថុនាឆ្នាំ២០២១ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួន៣លាន១សែន៩ម៉ឺន៩ពាន់៦៤២នាក់ហើយដែលស្មើនឹង៣២%នៃចំនួនប្រជាជនដែលគ្រោងនឹងចាក់ជាង១០លាននាក់ ក្នុងនោះបានចាក់វ៉ាក់សាំងទី២ដូសរួចមានចំនួន២លាន៦សែន៣ម៉ឺន៩ពាន់៦០៨នាក់។ ដោយឡែក របាយការណ៍ក្រសួងការពារជាតិ បានឲ្យដឹងថា ចាប់ពីថ្ងៃទី១ដល់ថ្ងៃទី១៧មិថុនាឆ្នាំ២០២១ ក្រុមការងារចាក់វ៉ាក់សាំងរបស់ក្រសួងការពារជាតិ បានចាក់ជូនប្រជាពលរដ្ឋនៅអតីតតំបន់ក្រហមក្នុងរាជធានីភ្នំពេញបានចំនួន១លាន១ម៉ឺន៩ពាន់១៤៧នាក់ ខណៈចាក់លើកទី២ បានចំនួន៩២ម៉ឺន៦ពាន់៩២នាក់។