ប្រជាពលរដ្ឋ រស់នៅខណ្ឌដូនពេញ អាចទៅចាក់វ៉ាក់សាំង ដូសទី១ ចាប់ពីថ្ងៃ១០ មិថុនា ដល់ថ្ងៃទី២៣ មិថុនា ២០២១ និងដូសទី២ ចាប់ពីថ្ងៃទី២៥ មិថុនា ដល់ថ្ងៃទី៨ កក្កដា ២០២១។ ចំពោះអ្នកដែលត្រូវទៅចាក់វ៉ាក់សាំង ត្រូវទៅជួបអាជ្ញាធរមូលដ្ឋានដើម្បីទទួលយកលិខិតអញ្ជើញជាមុនសិន។

ប្រជាពលរដ្ឋ រស់នៅខណ្ឌជ្រោយចង្វារ អាចទៅចាក់វ៉ាក់សាំង ដូសទី១ ចាប់ពីថ្ងៃ១០ មិថុនា ដល់ថ្ងៃទី២៣ មិថុនា ២០២១ និងដូសទី២ ចាប់ពីថ្ងៃទី២៥ មិថុនា ដល់ថ្ងៃទី៨ កក្កដា ២០២១។ ចំពោះអ្នកដែលត្រូវទៅចាក់វ៉ាក់សាំង ត្រូវទៅជួបអាជ្ញាធរមូលដ្ឋានដើម្បីទទួលយកលិខិតអញ្ជើញជាមុនសិន។

យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី៨មិថុនាឆ្នាំ២០២១ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួន២លាន៧សែន៧ម៉ឺន៤៣៧នាក់ហើយដែលស្មើនឹង២៧,៧០%នៃចំនួនប្រជាជនដែលគ្រោងនឹងចាក់ជាង១០លាននាក់ ក្នុងនោះបានចាក់វ៉ាក់សាំងទី២ដូសរួចមានចំនួន២លាន២សែន៣ម៉ឺន៥ពាន់១៤៨នាក់។ ដោយឡែក របាយការណ៍ក្រសួងការពារជាតិ បានឲ្យដឹងថា រយៈពេល៣៩ថ្ងៃ ចាប់ពីថ្ងៃទី១ដល់ថ្ងៃទី៨មិថុនាឆ្នាំ២០២១ ក្រុមការងារចាក់វ៉ាក់សាំងរបស់ក្រសួងការពារជាតិ បានចាក់ជូនប្រជាពលរដ្ឋនៅអតីតតំបន់ក្រហមក្នុងរាជធានីភ្នំពេញបានចំនួន៩៩ម៉ឺន៣ពាន់៩០២នាក់ ខណៈចាក់លើកទី២ បានចំនួន៧៥ម៉ឺន៥ពាន់៥៧៦នាក់។ របាយការណ៍បានបង្ហាញថា ក្នុងចំណោមអ្នកចាក់ទាំងជាង៩៩ម៉ឺននាក់នោះ មានចំនួន៦ខណ្ឌដែលជាអតីតតំបន់ក្រហម រួមមាន ណ្ឌមានជ័យចាក់បាន១៩ម៉ឺន៧៣៦នាក់, ខណ្ឌដង្កោ ចាក់បាន១៤ម៉ឺន៣ពាន់២៦៩នាក់, ខណ្ឌកំបូល ចាក់បាន១១ម៉ឺន៣ពាន់៧៩០នាក់, ខណ្ឌពោធិ៍សែនជ័យ ចាក់បាន៣៤ម៉ឺន៧ពាន់៤៧៩នាក់, ខណ្ឌឫស្សីកែវ ចាក់បាន១១ម៉ឺន៤ពាន់៧៧៥នាក់ និងខណ្ឌទួលគោក ចាក់បាន៨ម៉ឺន៣ពាន់៨៥៣នាក់។

រដ្ឋបាលខេត្តដំបងបានឲ្យដឹងថា នៅថ្ងៃទី៨ មិថុនា ខេត្តបានរកឃើញមនុស្សចំនួន ៣០នាក់បន្ថែមទៀតវិជ្ជមានជំងឺកូវីដ-១៩។ ក្នុងចំណោមអ្នកឆ្លងថ្មីនោះ មាន ១៥នាក់ជាករណីឆ្លងក្នុងសហគមន៍ និង១៥នាក់ជាអ្នកដំណើរមកពីប្រទេសថៃ។ ក្នុងចំណោមអ្នកឆ្លងថ្មីទាំងនោះមាននៅស្រុកកំរៀងចំនួន១៣នាក់, ស្រុកសំពៅលូនចំនួន៨នាក់, ស្រុករុក្ខគិរីចំនយន២នាក់, ស្រុកបាណន់ចំនួន៥នាក់, ស្រុមម៉ោងឬស្សីម្នាក់ និងមកពីខេត្តប៉ៃលិនម្នាក់។ ក្រោយការរកឃើញវិជ្ជមាន ពួកគេត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកនានាក្នុងខេត្តបាត់ដំបង។ ខេត្តបាត់ដំបងនៅថ្ងៃទី៨មិថុនាក៏មានអ្នកជាសះស្បើយពីជំងឺកូវីដ-១៩ចំនួន ៥នាក់ផងដែរ។ ខេត្តបាត់ដំបង គិតមកដល់ថ្ងៃទី៨មិថុនាឆ្នាំ២០២១ មានអ្នកឆ្លងជំងឺកូវីដ-១៩ សរុបចំនួន ៤៤៣នាក់ ក្នុងនោះបានព្យាបាលជាសះស្បើយ ចំនួន១៦២នាក់ មានអ្នកស្លាប់២នាក់ និងកំពុងសម្រាកព្យាបាលនៅតាមមន្ទីរពេទ្យនានាចំនួន២៧៩នាក់៕

រដ្ឋបាលខេត្តព្រៃវែងបានបង្ហាញអត្តសញ្ញាណករណីអ្នកវិជ្ជមានកូវីដ-១៩ ចំនួន១៩នាក់បន្ថែមទៀតតាមរយៈការធ្វើតេស្តរហ័ស (Rapid Test) នៅថ្ងៃទី៨មិថុនាឆ្នាំ២០២១។ ក្នុងចំណោមអ្នកឆ្លងថ្មីទាំងនោះ មានក្នុងស្រុកចំនួន៧ គឺស្រុកបាភ្នំ ចំនួន៧នាក់, ស្រុកពាមជរ ចំនួន ៤នាក់, ស្រុកមេសាង ចំនួន ៣នាក់, ស្រុកពាមរក៍ ម្នាក់, ស្រុកព្រះសេ្តចម្នាក់, ស្រុកពោធិ៍រៀងម្នាក់, ស្រុកពារាំងម្នាក់ និង ទៅខេត្តកណ្ដាលម្នាក់។ បច្ចុប្បន្ន អ្នកវិជ្ជមានជំងឺកូវីដ-១៩ ទាំង ១៩នាក់ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្តនិងតាមមន្ទីរពេទ្យបង្អែកស្រុករបស់ពួកគេនីមួយៗ។ ក្នុងនោះដែរ រដ្ឋបាលខេត្តព្រៃវែង បានអំពាវនាវដល់អ្នកដែលបានប្រាស្រ័យទាក់ទង ប៉ះពាល់ដោយផ្ទាល់ឬប្រយោល ជាមួយបុគ្គលវិជ្ជមានកូវីដ-១៩ ខាងលើ និងដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាកនិងធ្វើចត្តាឡីស័ក (៣ការពារ ៣កុំ)។ គិតមកដល់ថ្ងៃទី៨មិថុនាឆ្នាំ២០២១ ខេត្តព្រៃវែងមានអ្នកឆ្លងជំងឺកូវីដ-១៩ចំនួន៧៤២នាក់ ក្នុងនោះបានព្យាបាលជាសះស្បើយចំនួន៣១៣នាក់ មានអ្នកស្លាប់ចំនួន៨នាក់ និងនៅសល់៤២១នាក់កំពុងទទួលការព្យាបាល។