-
ព្រឹត្តិការណ៍ថ្មីៗ របាយការអ្នកឆ្លងកូវីដសម្រាប់ថ្ងៃទី 07 ខែមិថុនា ឆ្នាំ២០២១ (មានវីដេអូ)
ព្រឹត្តិការណ៍ថ្មីៗ របាយការអ្នកឆ្លងកូវីដសម្រាប់ថ្ងៃទី 07 ខែមិថុនា ឆ្នាំ២០២១ -ឆ្លងថ្មី 589 ករណី -ឆ្លងក្នុងសហគមន៏ 562 នាក់។ -នាំចូលពីបរទេស 27 នាក់ ។ -ជាសះស្បើយ 945 នាក់ ។ -ស្លាប់ 03 នាក់ ។ សូមជម្រាបជូនថាចំនួនអ្នកឆ្លងកូវីតសរុបទូទាំងប្រទេស គិតត្រឹមថ្ងៃទី07 ខែមិថុនា ឆ្នាំ២០២១ – អ្នកឆ្លងសរុប 34,833 នាក់ – អ្នកជាសះស្បើយសរុប 28,092 នាក់ – អ្នកស្លាប់ 266 នាក់។
-
កម្ពុជាថ្ងៃនេះ មានអ្នកជាសះស្បើយ ៩៤៥នាក់ និងរកឃើញអ្នកឆ្លងជំងឺកូវីដ-១៩ចំនួន ៥៨៩នាក់ និងមានអ្នកស្លាប់ចំនួន ៣នាក់បន្ថែមទៀត
យោងតាមក្រសួងសុខាភិបាលនៅថ្ងៃទី៧មិថុនាឆ្នាំ២០២១ បានឲ្យដឹងថា នៅថ្ងៃ៦មិថុនា គេបានរកឃើញអ្នកវិជ្ជមានកូវីដ-១៩ចំនួន៥៨៩នាក់ ដែលក្នុងនោះអ្នកដំណើរមកពីបរទេសចំនួន២៧នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ៦មិថុនា មានអ្នកជាសះស្បើយពីជំងឺកូវីដ-១៩ ចំនួន៩៤៥នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី៦មិថុនាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៣ម៉ឺន៤ពាន់៨៣៣នាក់ ក្នុងនោះបានព្យាបាលជាសះស្បើយចំនួន២ម៉ឺន៨ពាន់៩២នាក់ ។ ជាមួយគ្នានោះ ក្រសួងសុខាភិបាលបាននៅថ្ងៃនេះ មានអ្នកស្លាប់ចំនួនថ្មីចំនួន៣នាក់ ដែលនាំឲ្យ កម្ពុជាមានអ្នកស្លាប់ដោយសារជំងឺកូវីដ-១៩ចំនួន២៦៦នាក់ហើយ។
-
រដ្ឋបាលខេត្តសៀមរាប ចេញសេចក្តីជូនដំណឹងស្តីពីការបង្កើនការប្រុងប្រយ័ត្នខ្ពស់ចំពោះការឆ្លងរាលដាលជំងឺកូវីដ-១៩ ក្នុងសហគមន៍
-
លោក កិត្តិសេដ្ឋាបណ្ឌិត ចម ប្រសិទ្ធ ប្រគល់ថវិកាមួយចំនួនជូនរដ្ឋបាលរាជធានីភ្នំពេញ ដើម្បីយកមកប្រើប្រាស់ក្នុងការងារប្រយុទ្ធ នឹងទប់ស្កាត់ជំងឺកូវីដ-១៩
ភ្នំពេញ៖ ថវិកាជាង១ម៉ឺនដុល្លារនិងជាង២លានរៀល ត្រូវបានលោក កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ ប្រគល់ជូនរដ្ឋបាលរាជធានីភ្នំពេញ ដើម្បីយកប្រើប្រាស់ក្នុងការជួយទ្រទ្រង់ជីវភាពរបស់ប្រជាពលរដ្ឋ និងឧបត្ថម្ភដល់កងកម្លាំងដែលកំពុងបំពេញការងារប្រយុទ្ធ នឹងទប់ស្កាត់ជំងឺកូវីដ-១៩ នៅក្នុងរាជធានីភ្នំពេញ។ ពិធីប្រគល់និងទទួលនេះបានធ្វើឡើង កាលពីព្រឹក ថ្ងៃទី០៧ មិថុនាឆ្នាំ២០២១នេះ ក្រោមវត្តមានលោកកើត ឆែ អភិបាលរងរាជធានីភ្នំពេញ និងលោកអ៊ុ សុថា រដ្ឋលេខាធិការក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍តំណាងលោក កិត្តិសេដ្ឋាបណ្ឌិត ចម ប្រសិទ្ធ នៅសាលារាជធានីភ្នំពេញ។ លោកកើត ឆែ ក្នុងឱកាសនោះ បានមានប្រសាសន៍ថា ៖ក្នុងនាមក្រុមប្រឹក្សារាជធានី គណៈអភិបាលរាជធានី មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទាំងអស់ នៅរាជធានីភ្នំពេញ សូមថ្លែងអំណរគុណយ៉ាងជ្រាលជ្រៅចំពោះ លោក កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ ដែលបានឧបត្ថម្ភថវិកា ជាប្រាក់រៀលចំនួន ២,២៦៣,៤០០៛ (ពីរលានពីររយហុកសិបបីពាន់បួនរយរៀលគត់) និងប្រាក់ដុល្លារ…
-
អតីតមេដឹកនាំពិភពលោករាប់រយនាក់អំពាវនាវអោយប្រទេស G7 ផ្តល់វ៉ាក់សាំងដល់ប្រទេសក្រីក្រ ដើម្បីប្រយុទ្ធប្រឆាំងនឹងជំងឺកូវីដ-១៩
អង់គ្លេស៖ អតីតប្រធានាធិបតី នាយករដ្ឋមន្រ្តី និងរដ្ឋមន្រ្តីការបរទេសរាប់រយនាក់បានស្នើអោយក្រុមប្រទេសមហាអំណាចសេដ្ឋកិច្ចពិភពលោក (G7) ចំណាយប្រាក់ដើម្បីការចាក់វ៉ាក់សាំងបង្ការជំងឺកូវីដ១៩ទូទាំងពិភពលោក សំដៅបញ្ឈប់ការឆ្លងរាតត្បាតនៃវីរុសដ៏កាចសាហាវមួយនេះ ។ ការអំពាវនាវខាងលើនេះ បានកើតមានឡើងនៅមុនកិច្ចប្រជុំកំពូល G7 ក្នុងចក្រភពអង់គ្លេសដែលនឹងចាប់ផ្តើមនៅថ្ងៃសុក្រសប្តាហ៍នេះ(ម៉ោងក្នុងតំបន់) នៅពេលដែលប្រធានាធិបតីអាមេរិកលោក ចូ បៃដិន នឹងជួបជាមួយមេដឹកនាំអង់ គ្លេស បារាំង អាល្លឺម៉ង់ អ៊ីតាលី កាណាដា និងជប៉ុន ។ នៅក្នុងលិខិតរបស់អតីតមេដឹកនាំពិភពលោកទៅកាន់ក្រុមប្រទេស G7 នោះ ពួកគេបានសង្កត់ធ្ងន់ថា មេដឹកនាំ G7 និងមេដឹកនាំដទៃទៀត ដែលត្រូវបានអញ្ជើញឲ្យចូលរួមក្នុងកិច្ចប្រជុំកំពូលនេះ គួរតែធានាអោយបាននូវទឹកប្រាក់ប្រមាណ៣០ពាន់លានដុល្លារក្នុងមួយឆ្នាំ រយៈពេលពីរឆ្នាំ ដើម្បីឆ្ពោះទៅរកការប្រយុទ្ធប្រឆាំងនឹងរោគរាតត្បាតនៅទូទាំងពិភពលោក ៕ ប្រភព៖ Reuters
-
វៀតណាមទទួលបានថវិកា៣២៩លានដុល្លារ នៅក្នុងយុទ្ធនាការរៃអង្គាសប្រាក់ទិញវ៉ាក់សាំងបង្ការជំងឺកូវីដ-១៩
វៀតណាម៖ គិតត្រឹមថ្ងៃអាទិត្យម្សិលមិញ វៀតណាមទទួលបានថវិកាប្រមាណ៧.៦ទ្រីលានដុង ឬស្មើនឹង៣២៩លានដុល្លារហើយ បន្ទាប់ពីនាយករដ្ឋមន្ត្រីវៀតណាមបានអំពាវនាវអោយមានការបរិច្ចាគថវិកា ដើម្បីទ្រទ្រង់កម្មវិធីទិញ និងចែកចាយវ៉ាក់សាំងបង្ការ COVID-19 ។ ក្រសួងហិរញ្ញវត្ថុវៀតណាមដែលទទួលបន្ទុកកិច្ចការនេះបានអោយដឹងថា ថវិកាដែលត្រូវបានប្រមូលជាក់ស្តែង គឺ១.០៣ទ្រីលានដុល្លារ ឬស្មើនឹង៤៤.៦លានដុល្លារ ក្នុងគ្រាដែលក្រុមធំៗនៅវៀតណាមបានសន្យាផ្តល់ថវិកា៦.៦ទ្រីលានដុង ឬស្មើនឹង២៨៥លានដុល្លារទៀតនៅក្នុងពេលបន្តបន្ទាប់ខាងមុខនេះ ។ សូមជម្រាបថា មូលនិធិខាងលើនេះ នឹងប្រើសម្រាប់ការទិញវ៉ាក់សាំងបង្ការជំងឺកូវីដពីបរទេស ក៏ដូចជាដើម្បីគាំទ្រដល់ការផលិតវ៉ាក់សាំងនៅក្នុងប្រទេសវៀតណាម ក្នុងគោលបំណងឆ្ពោះទៅរកការសម្រេចគោលដៅ នៃការចាក់ថ្នាំបង្ការអោយបាន៧០ភាគរយនៃប្រជាជន៩៨លាននាក់របស់វៀតណាម ៕ ប្រភព៖ VNExpress
-
ថៃបន្តមើលឃើញអ្នកឆ្លងកូវីដ-១៩ថ្មីៗចំនួន២,៤១៩ករណី និងស្លាប់ចំនួន៣៣នាក់ទៀតនៅក្នុងថ្ងៃចន្ទនេះ
ថៃ៖ អាជ្ញាធរសុខាភិបាលថៃបានរាយការណ៍ពីការរកឃើញអ្នកឆ្លងជំងឺកូវីដ១៩ថ្មីចំនួន២ពាន់៤១៩ករណី ដែលនាំអោយករណីឆ្លងសរុបកើនឡើងដល់១៧ម៉ឺន៩ពាន់៨៨៦ករណីហើយ គិតត្រឹមថ្ងៃចន្ទដើមសប្តាហ៍នេះ ។ ស្របពេលជាមួយគ្នានេះដែរ អាជ្ញាធរសុខាភិបាលថៃបានរាយការណ៍ពីតួលេខអ្នកស្លាប់ដោយសារជំងឺកូវីដ១៩ថ្មីៗចំនួន៣៣នាក់បន្ថែមទៀតផងដែរ ធ្វើអោយចំនួនអ្នកស្លាប់សរុបកើនឡើងដល់១ពាន់២៦៩នាក់ ។ បើតាមមជ្ឈមណ្ឌលតាមដានស្ថានភាពកូវីដ១៩របស់ថៃ (CCSA) ក្នុងចំណោមករណីឆ្លងសរុបដែលត្រូវបានរកឃើញក្នុងរយៈពេល២៤ម៉ោងចុងក្រោយ មានចំនួន២ពាន់៣២៨ករណីគឺជាប្រជាជនទូទៅ និង៩១ករណីទៀតគឺជាការឆ្លងនៅក្នុងពន្ធនាគារ ៕ ប្រភព៖ Bangkok Post
-
អ្នកឆ្លង COVID-19 នៅទូទាំងពិភពលោកកើនឡើងដល់១៧៤លាន៥ម៉ឺននាក់ ក្នុងនោះស្លាប់៣លាន៧៤ម៉ឺននាក់ និងជាសះស្បើយ១៥៧លាន៥ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៧៤លាន៥ម៉ឺន១ពាន់៣៨ករណី ក្នុងនោះមានអ្នកជម្ងឺសរុបចំនួន៣លាន៧៤ម៉ឺន៤ពាន់២៧នាក់ស្លាប់ និង ជាសះស្បើយឡើងវិញសរុបចំនួន១៥៧លាន៥ម៉ឺន៥ពាន់៨៤៦នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៧ ខែមិថុនា ឆ្នាំ២០២១ ។សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន២១ម៉ឺន៧៨២នាក់ ស្លាប់ចំនួន៦១ម៉ឺន២ពាន់៣៦៦នាក់ និងជាសះស្បើយចំនួន២៨លាន១២ម៉ឺន២ពាន់៧៣៧នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន២៨លាន៩០ម៉ឺន៩ពាន់៦០៤នាក់ ស្លាប់៣៤ម៉ឺន៩ពាន់២២៩នាក់ និងជាសះស្បើយ២៧លាន១៥ម៉ឺន៧២៧នាក់ ។ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៦លាន៩៤ម៉ឺន៧ពាន់៦២នាក់ ស្លាប់ចំនួន៤៧ម៉ឺន៣ពាន់៤៩៥នាក់ និងជាសះស្បើយ១៥លាន៣៤ម៉ឺន២ពាន់២៨៦នាក់ ៕ ប្រភព៖ worldometers
-
ខេត្តព្រៃវែង រកឃើញអ្នកឆ្លងជំងឺកូវីដ-១៩ថ្មី ចំនួន ៥០នាក់ ក្នុងរយៈពេល ២៤ម៉ោងចុងក្រោយ
រដ្ឋបាលខេត្តព្រៃវែងបានបង្ហាញអត្តសញ្ញាណករណីអ្នកវិជ្ជមានកូវីដ-១៩ ចំនួន៥០នាក់បន្ថែមទៀតតាមរយៈការធ្វើតេស្តរហ័ស (Rapid Test) នៅថ្ងៃទី៦មិថុនាឆ្នាំ២០២១។ ក្នុងចំណោមអ្នកឆ្លងថ្មីទាំង៥០នាក់នោះ រួមមាន នៅក្រុងព្រៃវែងម្នាក់, ស្រុកព្រះស្ដេចចំនួន២៨នាក់, ស្រុកកំពង់ត្របែក ចំនួន៦នាក់, ស្រុកពារាំង ចំនួន៤នាក់, ស្រុកស្វាយអន្ទរ ចំនួន៣នាក់, ស្រុកមេសាង ចំនួន៣នាក់, ស្រុកពាមរក៍ ចំនួន២នាក់, ស្រុកពាមជរម្នាក់, ស្រុកបាភ្នំម្នាក់ និង ស្រុកកញ្ច្រៀចម្នាក់។ អ្នកវិជ្ជមានជំងឺកូវីដ-១៩ទាំងនោះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុករបស់ខ្លួននីមួយៗ។ ក្នុងនោះដែរ រដ្ឋបាលខេត្តព្រៃវែង បានអំពាវនាវដល់អ្នកដែលបានប្រាស្រ័យទាក់ទង ប៉ះពាល់ដោយផ្ទាល់ឬប្រយោល ជាមួយបុគ្គលវិជ្ជមានកូវីដ-១៩ ខាងលើ និងដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាកនិងធ្វើចត្តាឡីស័ក (៣ការពារ ៣កុំ)។ គិតមកដល់ថ្ងៃទី៦មិថុនាឆ្នាំ២០២១ ខេត្តព្រៃវែងមានអ្នកឆ្លងជំងឺកូវីដ-១៩ចំនួន៦៩៩នាក់ ក្នុងនោះបានព្យាបាលជាសះស្បើយចំនួន២៧៩នាក់ មានអ្នកស្លាប់ចំនួន៧នាក់ និងនៅសល់៤១៣នាក់កំពុងទទួលការព្យាបាល។
-
ខេត្តសៀមរាប រកឃើញមនុស្ស ៤៦នាក់បន្ថែមទៀត ឆ្លងជំងឺកូវីដ១៩
សៀមរាប ៖ ខេត្ដសៀមរាប នៅថ្ងៃទី០៦ ខែមិថុនា ឆ្នាំ២០២១នេះ បានបន្ដរកឃើញមនុស្សចំនួន ៤៦នាក់បន្ថែមទៀត ឆ្លងជំងឺកូវីដ១៩ ខណៈជាអ្នកជាសះស្បើយ មានចំនួន៣នាក់។ សូមជម្រាបថា គិតត្រឹមថ្ងៃទី០៦ ខែមិថុនា ឆ្នាំ២០២១នេះ ខេត្តសៀមរាប មានអ្នកវិជ្ជមានជំងឺកូវីដ១៩ ចំនួន២០៥នាក់ បានព្យាបាលជាសះស្បើយចំនួន៨៣នាក់, ស្លាប់២នាក់ និង១២០នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប ៕