យោងតាមសេចក្ដីជូនដំណឹងរបស់រដ្ឋបាលខេត្តកំពង់ចាម បានឲ្យដឹងថា ក្នុងថ្ងៃទី៣មិថុនា រដ្ឋបាលខេត្តបានចាត់មន្ទីរសុខាភិបាលខេត្តយកសំណាកធ្វើតេស្ដរហ័សកូវីដ-១៩ លើអ្នកសង្ស័យចំនួន៥៨៣នាក់ ដោយទទួលបានលទ្ធផលវិជ្ជមានកូវីដ-១៩ចំនួន៤៨នាក់។ ក្នុងនោះចំណោមអ្នកឆ្លងទាំងនោះមាននៅស្រុកព្រៃឈរចំនួន២២នាក់, ស្រុកចំការលើ២នាក់, ស្រុកបាធាយម្នាក់ និង ស្រុកជើងព្រៃ២៣នាក់។ អ្នកជំងឺទាំង៤៨នាក់នោះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម និងវិទ្យាល័យព្រះសីហនុ។ ជាមួយគ្នានោះ រដ្ឋបាលខេត្តកំពុងបន្តស្រាវជ្រាវរកអ្នកដែលប៉ះពាល់ដោយផ្ទាល់ និងប្រយោលបន្ថែមទៀត។ រដ្ឋបាលខេត្តកំពង់ចាមបានអំពាវនាវឲ្យអ្នកដែលពាក់ពន្ធ័នឹងអ្នកជំងឺកូវីដ-១៩ទាំង៤៨នាក់នោះ ត្រូវទៅពិនិត្យសុខភាព និងយកសំណាកនៅមន្ទីរពេទ្យបង្អែកដែលស្ថិតនៅជិតផ្ទះ ឬត្រូវរាយការណ៍ជូនអាជ្ញាធរមូលដ្ឋានជាបន្ទាន់។ នៅថ្ងៃទី៣មិថុនានោះ ខេត្តកំពង់ចាមក៏មានអ្នកជំងឺកូវីដ-១៩ចំនួន៨១នាក់បានជាសះស្បើយ និងត្រូវបានក្រុមគ្រូពេទ្យអនុញ្ញាតឲ្យត្រឡប់ទៅផ្ទះវិញផងដែរ។ គិតត្រឹមថ្ងៃទី៣មិថុនាឆ្នាំ២០២១ ខេត្តកំពង់ចាមមានអ្នកឆ្លងជំកូវីដ-១៩ចំនួន៩៩៤នាក់ ក្នុងនោះបានព្យាបាលជាសះស្បើយចំនួនា៤២៨នាក់ និងនៅសល់៤៦៦នាក់កំពុងទទួលការព្យាបាល។

យោងតាមក្រសួងសុខាភិបាលនៅថ្ងៃទី៤មិថុនាឆ្នាំ២០២១ បានឲ្យដឹងថា នៅថ្ងៃ៣មិថុនា គេបានរកឃើញអ្នកវិជ្ជមានកូវីដ-១៩ចំនួន៨៨៦នាក់ ដែលក្នុងនោះអ្នកដំណើរមកពីបរទេសចំនួន៣០នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ៣មិថុនា មានអ្នកជាសះស្បើយពីជំងឺកូវីដ-១៩ ចំនួន៧៨១នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី៣មិថុនាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៣ម៉ឺន៣ពាន់៧៥នាក់ ក្នុងនោះបានព្យាបាលជាសះស្បើយចំនួន២ម៉ឺន៥ពាន់៥៤៤នាក់ ។ ជាមួយគ្នានោះ ក្រសួងសុខាភិបាលបាននៅថ្ងៃនេះ មានអ្នកស្លាប់ចំនួនថ្មីចំនួន៦នាក់ ដែលនាំឲ្យ កម្ពុជាមានអ្នកស្លាប់ដោយសារជំងឺកូវីដ-១៩ចំនួន២៤២នាក់ហើយ។

រដ្ឋបាលខេត្តព្រៃវែងបានបង្ហាញអត្តសញ្ញាណករណីអ្នកវិជ្ជមានកូវីដ-១៩ ចំនួន៣៨នាក់បន្ថែមទៀតតាមរយៈការធ្វើតេស្តរហ័ស (Rapid Test) នៅថ្ងៃទី៣មិថុនាឆ្នាំ២០២១។ ក្នុងចំណោមអ្នកឆ្លងថ្មីទាំង៣៨នាក់នោះ រួមមាន នៅក្រុងព្រៃវែងម្នាក់, នៅស្រុកព្រះស្ដេចចំនួន១៦នាក់, នៅស្រុកបាភ្នំ ចំនួន១១នាក់, ស្រុកកំពង់ត្របែកម្នាក់, ស្រុកស្វាយអន្ទរម្នាក់, ស្រុកមេសាង ចំនួន៧នាក់និង ស្រុកពារាំង ម្នាក់។ អ្នកវិជ្ជមានជំងឺកូវីដ-១៩ទាំងនោះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុករបស់ខ្លួននីមួយៗ។ ក្នុងនោះដែរ រដ្ឋបាលខេត្តព្រៃវែង បានអំពាវនាវដល់អ្នកដែលបានប្រាស្រ័យទាក់ទង ប៉ះពាល់ដោយផ្ទាល់ឬប្រយោល ជាមួយបុគ្គលវិជ្ជមានកូវីដ-១៩ ខាងលើ និងដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាកនិងធ្វើចត្តាឡីស័ក (៣ការពារ ៣កុំ)។ គិតមកដល់ថ្ងៃទី៣មិថុនាឆ្នាំ២០២១ ខេត្តព្រៃវែងមានអ្នកឆ្លងជំងឺកូវីដ-១៩ចំនួន៥៥៨នាក់ ក្នុងនោះបានព្យាបាលជាសះស្បើយចំនួន២៣២នាក់ មានអ្នកស្លាប់ចំនួន៦នាក់ និងនៅសល់៣២០នាក់កំពុងទទួលការព្យាបាល។

លិខិតថ្លែងអំណរគុណសម្ដីចេញពីក្រអៅបេះដូង និងចេញពីដួងចិត្តរបស់ប្អូនៗអ្នកជំងឺ F1-36-01 និង F1-36-10 នៅ( មន្ទីពេទ្យ ហ្លួងម៉ែ )

សូមបញ្ជាក់ថា គិតត្រឹមថ្ងៃទី ៣ ខែមិថុនា ឆ្នាំ ២០២១នេះ ខេត្តបាត់ដំបង មានអ្នកឆ្លងជំងឺកូវីដ-១៩ សរុបចំនួន ៣២៦នាក់ និងបានជាសះស្បើយចំនួន ១១៦នាក់ ស្លាប់ ២នាក់ នឹងកំពុងសម្រាកព្យាបាលក្នុងមន្ទីរពេទ្យចំនួន ២០៨នាក់។ ជាមួយគ្នានេះ ខេត្តបាត់ដំបងមានករណីស្លាប់ដោយសារជំងឺកូវីដ-១៩ ចំនួន២នាក់។