-
រដ្ឋបាលខេត្តប៉ៃលិន ប្រកាសអំពី ការរកឃើញ វិជ្ជមានជំងឺកូវីដ-១៩ ចំនួន ៥នាក់ និងព្យាបាល ជាសះស្បើយ ១នាក់នៅថ្ងៃទី៣ ខែមិថុនា ឆ្នាំ២០២១
-
អាជ្ញាធរខេត្តកំពត ប្រកាសថារកឃើញករណីវិជ្ជមានកូវីដ-១៩ ចំនួន ៣៨ករណី បន្ថែមទៀត
-
ក្រសួងយុត្តិធម៌ និងតំណាង UN ជួបពិក្សាគ្នាពាក់ព័ន្ធនឹងការដោះស្រាយភាពចង្អៀតណែនក្នុងពន្ធនាគារ និងច្បាប់ទាក់ទងនឹងជំងឺកូវីដ-១៩
រាជធានីភ្នំពេញ៖រដ្ឋមន្រ្តីក្រសួងយុត្តិធម៌ ឯកឧត្តម កើត រិទ្ធ បានជួប ពិភាក្សាជាមួយ លោកស្រី PAULINE TAMESIS ប្រធានអ្នកសម្របសម្រួលអង្គការសហប្រជាជាតិ ប្រចាំកម្ពុជា ចូលជួបពិភាក្សាការងារពាក់ព័ន្ធនឹងការដោះស្រាយភាពចង្អៀតណែនក្នុងពន្ធនាគារ និងច្បាប់ទាក់ទងនឹងជំងឺកូវីដ-១៩។ គួរបញ្ជាក់ថាក្នុងកិច្ចពិភាក្សាដែលបានរៀបចំឡើងនៅថ្ងៃទី០៣ ខែមិថុនា ឆ្នាំ២០២១នេះ ក្រៅពីមានការចូលរួម ពីសំណាក់ ឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ លោកជំទាវ PAULINE TAMESIS ប្រធានអ្នកសម្របសម្រួលអង្គការសហប្រជាជាតិ ប្រចាំកម្ពុជា ក៏នៅមានការចូលរួមពីតំណាងការិយាល័យឧត្តមស្នងការទទួលបន្ទុកសិទ្ធិមនុស្សប្រចាំកម្ពុជា (OHCHR) និងតំណាងអង្គការ UNICEFផងដែរ។ ក្រសួងយុត្តិធម៌បានឱ្យដឹងថាក្នុងជំនួបពិភាក្សានេះគឺ ពាក់ព័ន្ធនឹងការដោះស្រាយភាពចង្អៀតណែនក្នុងពន្ធនាគារ ក្នុងក្របខណ្ឌនៃយុទ្ធនាការដោះស្រាយការកកស្ទះសំណុំរឿងនៅតាមសាលាដំបូងរាជធានី-ខេត្ត និងបញ្ហាមួយចំនួនពាក់ព័ន្ធនឹងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកដោយគ្រោះថ្នាក់ធ្ងន់ធ្ងរផ្សេងទៀត៕ ដោយ៖ ម៉ាដេប៉ូ
-
រដ្ឋបាលខេត្តសៀមរាប ចេញប្រកាសបង្ហាញអត្តសញ្ញាណករណីអ្នកមានវិជ្ជមានជំងឺកូវី-១៩ ថ្មីចំនួន ៦នាក់ទៀត នៅថ្ងៃទី០៣ ខែមិថុនានេះ !
រដ្ឋបាលខេត្តសៀមរាប បានចេញសេចក្តីប្រកាសព័ត៌មានមួយ ជម្រាបដល់សាធារណជនឱ្យបានជ្រាបថា៖ ក្នុងព្រឹត្តិការណ៍ នៃការឆ្លងរាលដាលជំងឺកូវីដ-១៩ ចូលក្នុងសហគមន៍២០កុម្ភ:នេះ បានរកឃើញអ្នកមានវិជ្ជមានជំងឺកូវីដ-១៩ថ្មី ចំនួន ៦នាក់ទៀត នៅថ្ងៃទី០៣ ខែមិថុនា ឆ្នាំ២០២១ ដែលមានរាយនាមដូចខាងក្រោម៖ ១- ឈ្មោះ មិត្ត ហ៊ន់ ភេទស្រី អាយុ៦៦ឆ្នាំ អាសយដ្ឋាននៅភូមិគោកត្នោត ឃុំកណ្ដែក ស្រុកប្រាសាទបាគង។២- ឈ្មោះ ង៉ិក ង៉ុយ ភេទប្រុស អាយុ៤៣ឆ្នាំ អាសយដ្ឋាននៅភូមិគោកត្នោត ឃុំកណ្ដែក ស្រុកប្រាសាទបាគង។៣- ឈ្មោះ យឿម ឈូក ភេទស្រី អាយុ៣៧ឆ្នាំ អាសយដ្ឋាននៅភូមិ គោកត្នោត ឃុំកណ្ដែក ស្រុកប្រាសាទបាគង។៤- ឈ្មោះ ហាង គុយ ភេទប្រុស អាយុ២៧ឆ្នាំ អាសយដ្ឋាននៅភូមិ គោកត្នោត ឃុំកណ្ដែក ស្រុកប្រាសាទបាគង។៥- ឈ្មោះ លឿម លាំ ភេទស្រី អាយុ២៦ឆ្នាំ អាស័យដ្ឋាននៅភូមិគោកត្នោត ឃុំកណ្ដែក…
-
រដ្ឋបាលខេត្តបាត់ដំបង រកឃើញនូវករណីវិជ្ជមានកូវីដ-19 ចំនួន២៣នាក់ ថ្មីបន្ថែមទៀត និង បានព្យាបាលជាសះស្បើយចំនួន១១នាក់នៅថ្ងៃទី០៣ខែមិថុនាឆ្នាំ២០២១នេះ
រដ្ឋបាលខេត្តបាត់ដំបង បានចេញសេចក្តីប្រកាសព័ត៌មាន និង ជូនដំណឹង នៅរសៀល ថ្ងៃទី០៣ខែមិថុនាឆ្នាំ២០២១នេះ ពីករណីរកឃើញ វិជ្ជមានជម្ងឺកូវីដ-19 ចំនួន២៣នាក់ ថ្មីបន្ថែម។ពាក់ព័ន្ធព្រឹត្តិការណ៍សហគមន៍២០កុម្ភៈចំនួន១០និងជាពលករវិលត្រឡប់ពីប្រទេសថៃ ចំនួន១៣នាក់និងបានព្យាបាលអ្នកជម្ងឺជាសះស្បើយចំនួន១១នាក់ត្រូវបានអនុញ្ញាតិឲ្យវិលត្រឡប់ទៅកាន់លំនៅដ្ឋានវិញ្ផហើយផងដែរ។ ដោយឡែកករណីអ្នកវិជ្ជមានកូវីដ-19ខាងលើនេះត្រូវបានបញ្ជូនឲ្យសម្រាកព្យាបាលជម្ងឺនៅមន្ទីរពេទ្យបង្អែកខេត្ត និង មន្ទីរពេទ្យបង្អែកស្រុកនានាផងដែរ។ សូមបញ្ជាក់ផងដែរថា៖ តាំងពីចាប់ផ្តើមករណីផ្ទុះជម្ងឺកូវីដ-19កន្លងមក ខេត្តបាត់ដំបង មានអ្នកជម្ងឺកូវីដ-19 សរុបចំនួន ៣២៦នាក់ ក្នុងនោះបានព្យាបាលឲ្យជាសះស្បើយ ចំនួន១១៦នាក់,ស្លាប់២ករណី និងបញ្ជូនឲ្យទៅព្យាបាលនៅខេត្តបន្ទាយមានជ័យ ចំនួន០២នាក់ និងអ្នកកំពុងសម្រាកព្យាបាលជម្ងឺនៅតាមមន្ទីរពេទ្យបង្អែកស្រុក និង ខេត្តសរុបចំនួន ២០៨នាក់។ ដោយឡែកពាក់ព័ន្ធនិងករណីរកឃើញវិជ្ជមានកូវីដ-19ខាងលើនេះ ត្រូវបានអាជ្ញាធរនៃរដ្ឋបាលខេត្តបាត់ដំបង ធ្វើការជូនដំណឹងនិងអំពាវនាវដល់អាជ្ញាធរមូលដ្ឋានត្រូវមានវិធានការសុខាភិបាលឲ្យបានម៉ឺងម៉ាត់ និង អ្នកពាក់ព័ន្ធជាមួយអ្នកជម្ងឺឲ្យចូលខ្លួនធ្វើតេស្តដើម្បីយកវត្ថុសំណាកត្រួតពិនិត្យមើលសុខភាពនិងត្រូវដាក់ខ្លួនឲ្យនៅដាច់ដោយឡែកដើម្បីតាមដានត្រួតពិនិត្យមើលសុខភាពក្នុងករណីសង្ស័យ ត្រូវរាយការណ៍ជូនអាជ្ញាធរ និង គ្រូពេទ្យជាបន្ទាន់ ដើម្បីធ្វើការព្យាបាល៕
-
ថៃទិញវ៉ាក់សាំងចិន ស៊ីណូវ៉ាក់ ១១លានដូសទៀត
រដ្ឋមន្ត្រីសុខាភិបាលថៃ Anutin Charnvirakul បានប្រកាស កាលពីថ្ងៃទី២ មិថុនា ២០២១ម្សិលមិញថា ប្រទេសលោកនឹងទិញវ៉ាក់សាំងចិន ស៊ីណូវ៉ាក់ ចំនួន១១លានដូសទៀត ដោយចាប់ផ្តើមដំណើរការទិញ ចាប់ពីខែមិថុនានេះទៅ ជាផ្នែកមួយទៀតនៃគម្រោងទិញវ៉ាក់សាំងយ៉ាងតិច១០០លានដូស ចាក់ជូនប្រជាពលរដ្ឋថៃ។ លោកថា មកទល់ពេលនេះ ថៃបានទទួលការផ្គត់ផ្គង់វ៉ាក់សាំងចិន ស៊ីណូវ៉ាក់ ចំនួន៥.៥លានដូសហើយ និងបានអំណោយ៥០ម៉ឺនដូសផ្សេងទៀត ពីរដ្ឋាភិបាលចិនដែរ។ ប្រភពបន្ថែមទៀតថា ស៊ីណូវ៉ាក់នឹងក្លាយជាវ៉ាក់សាំងឈានមុខក្នុងការប្រើប្រាស់នៅប្រទេសថៃ ហើយ នឹងបំពេញបន្ថែមនូវមហិច្ចតា យ៉ាងតិច១០០លានដូស។ លោកបន្ថែមទៀតថា ចាប់ពីថ្ងៃមិថុនា ដល់សីហា វ៉ាក់សាំងស៊ីណូវ៉ាក់១១លានដូសទៀតនឹងមកដល់ ក្នុងនោះ ១ខែ គ្រោងមកដល់២.៥លានដូស។ ជាការកត់សម្គាល់ ការបញ្ជាទិញបន្ថែមទៀតនេះ ក្រោយពេលអង្គការសុខភាពពិភពលោកបានប្រកាសឲ្យប្រើប្រាស់វ៉ាក់សាំងស៊ីណូវ៉ាក់នេះ ជាករណីបន្ទាន់ កាលពីថ្ងៃទី១ ខែមិថុនា៕
-
ចិនចាក់វ៉ាក់សាំងកូវីដ១៩ ចំនួនជាង៧០០លានដូសហើយ
វ៉ាក់សាំងបង្ការជំងឺកូវីដ១៩ ចំនួនជាង៧០០លានដូសហើយត្រូវបានចាក់ជូនប្រជាពលរដ្ឋ នៅទូទាំងប្រទេសចិន នេះបើតាមការចេញផ្សាយរបស់ទីភ្នាក់ងារសារព័ត៌មាន CGTN នាល្ងាចថ្ងៃទី៣ មិថុនា ២០២១នេះ។ ទីភ្នាក់ងារមួយនេះបានចេញផ្សាយដោយយោងតាមរបាយការណ៍របស់គណៈកម្មការជាតិសុខាភិបាលចិន៕
-
ប្រជាពលរដ្ឋដែលបានទៅកន្លែងលាងឡាន Namas.K ត្រូវប្រញាប់ធ្វើចត្តាឡីស័ក និងតាមដានសុខភាព
អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៣ មិថុនា ឆ្នាំ២០២១ បានជូនដំណឹងថា មានអ្នកជំងឺកូវីដ-១៩ ជាបុគ្គលិកធ្វើការនៅកន្លែងឡាងឡាន Namas.K ដែលមានទីតាំងស្ថិតនៅផ្លូវ៤៣២ សង្កាត់បឹងត្របែក ខណ្ឌចំកាមន ចាប់ពីថ្ងៃទី ២៥ ដល់ថ្ងៃទី៣១ឧសភា ឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។
-
ប្រជាពលរដ្ឋដែលបានទៅ ទីតាំងចំនួន ៣ក្នុងអគារ Exchange Square ត្រូវប្រញាប់ធ្វើចត្តាឡីស័ក និងតាមដានសុខភាព
អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី៣មិថុនាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ បានទៅទិញទំនិញនៅផ្សារទំនើបឡាក់គី ព្រីមៀម, ឳសថស្ថាន ហ្គាឌៀន និងហាងនំប៉័ងដថក ស្ថិតនៅក្នុងអគារ Exchange Square ដែលមានទីតាំងស្ថិតនៅផ្លូវ១០៦ សង្កាត់វត្តភ្នំ ខណ្ឌដូនពេញ ចន្លះពីម៉ោង៥ដល់ម៉ោង៥និង៤០នាទីល្ងាចថ្ងៃទី២៨ឧសភាឆ្នាំ២០២១។ អនុគណៈកម្មការបានបញ្ជាក់ថា អ្នកប៉ះពាល់នៅទីតាំងខាងលើបឡ មិនទាន់បានទៅយកសំណាកនៅឡើយទេ គិតត្រឹមថ្ងៃទី៣មិថុនា ឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។
-
រដ្ឋាភិបាលឥណ្ឌាចុះកិច្ចព្រមព្រៀងទិញវ៉ាក់សាំងចំនួន៣០០លានដូសពីក្រុមហ៊ុនផលិតវ៉ាក់សាំងក្នុងស្រុក (មានវីដេអូ)
ឥណ្ឌា៖ រដ្ឋាភិបាលឥណ្ឌានៅថ្ងៃព្រហស្បតិ៍នេះបញ្ជាក់ថា ខ្លួនបានឈានដល់ការចុះកិច្ចព្រមព្រៀងជាមួយក្រុមហ៊ុនផលិតវ៉ាក់សាំងក្នុងស្រុក បាយអូឡូជីខល-អ៊ី (Biological-E) ក្នុងការបញ្ជាទិញវ៉ាក់សាំង Covid-19 ចំនួន៣០០លានដូស ក្នុងតម្លៃ១៥ពាន់លានរ៉ូពី ឬស្មើនឹង២០៥.៦២លានដុល្លារ ។ បើតាមសេចក្តីថ្លែងការណ៍របស់ក្រសួងសុខាភិបាលឥណ្ឌា វ៉ាក់សាំងបង្ការជំងឺ Covid-19 របស់ក្រុមហ៊ុន បាយអូឡូជីខល-អ៊ី ដែលបច្ចុប្បន្ននេះកំពុងស្ថិតនៅក្នុង ការធ្វើតេស្តដំណាល់កាលទី៣ អាចនឹងមានសម្រាប់ប្រើប្រាស់នៅប៉ុន្មានខែខាងមុខទៀត ។ កាលពីដើមខែឧសភាកន្លងទៅនេះ អគ្គនាយកគ្រប់គ្រងទូទៅរបស់ក្រុមហ៊ុន បាយអូឡូជីខល-អ៊ី លោកស្រី ម៉ាហ៊ីម៉ា ដាត្លា (Mahima Datla) បានប្រាប់សារព័ត៌មានរ៉យទ័រថា ក្រុមហ៊ុនរបស់លោកស្រីមានផែនការផលិតវ៉ាក់សាំងអោយបានពី៧០ ទៅ ៨០លានដូសក្នុងមួយខែគិតចាប់ពីខែសីហាខាងមុខនេះ ៕ ប្រភព៖ CNA