រដ្ឋបាលខេត្តព្រៃវែងបានបង្ហាញអត្តសញ្ញាណករណីអ្នកវិជ្ជមានកូវីដ-១៩ ចំនួន១៦នាក់បន្ថែមទៀតតាមរយៈការធ្វើតេស្តរហ័ស (Rapid Test) នៅថ្ងៃទី១មិថុនាឆ្នាំ២០២១។ ក្នុងចំណោមអ្នកឆ្លងថ្មីទាំង១៦នាក់នោះ រួមមាន នៅក្នុងក្រុងព្រៃវែងម្នាក់, ស្រុកពារាំងម្នាក់, ស្រុកកញ្ជៀចម្នាក់, ស្រុកស្វាយអន្ទរម្នាក់, ស្រុកមេសាង២នាក់, ស្រកពាមជរចំនួន៤នាក់ និងស្រុកពាមរក៏ចំនួន៦នាក់។ អ្នកវិជ្ជមានជំងឺកូវីដ-១៩ទាំងនោះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុករបស់ខ្លួននីមួយៗ។ ក្នុងនោះដែរ រដ្ឋបាលខេត្តព្រៃវែង បានអំពាវនាវដល់អ្នកដែលបានប្រាស្រ័យទាក់ទង ប៉ះពាល់ដោយផ្ទាល់ឬប្រយោល ជាមួយបុគ្គលវិជ្ជមានកូវីដ-១៩ ខាងលើ និងដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាកនិងធ្វើចត្តាឡីស័ក (៣ការពារ ៣កុំ)។ គិតមកដល់ថ្ងៃទី១មិថុនាឆ្នាំ២០២១ ខេត្តព្រៃវែងមានអ្នកឆ្លងជំងឺកូវីដ-១៩ចំនួន៤៧៥នាក់ ក្នុងនោះបានព្យាបាលជាសះស្បើយចំនួន២០៥នាក់ មានអ្នកស្លាប់ចំនួន៥នាក់ និងនៅសល់២៦៥នាក់កំពុងទទួលការព្យាបាល។

យុទ្ធនាការចាក់វ៉ាក់សាំងការពារជំងឺកូវីដ-១៩ ដូសទី២ របស់គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខ័ណ្ឌទូទាំងប្រទេស (គ.វ.ក-១៩) ដូសទី២ និងចាប់ផ្ដើមថ្ងៃទី១ ដល់ថ្ងៃទី១៥ ខែមិថុនា ឆ្នាំ២០២១ នៅ ខនៅខណ្ឌសែនសុខ។ ក្រុម គ្រូពេទ្យ ស្ម័គ្រចិត្ត សម្ដេច ពិជ័យសេនា ទៀ បាញ់ ចាក់ វ៉ាក់ សាំង នៅ សង្កាត់ ភ្នំពេញថ្មី សង្កាត់ ឃ្មួញ សង្កាត់ ក្រាំងធ្នង់សង្កាត់ទឹកថ្លា និង គោកឃ្លាង។ សូមចូលរួម អនុវត្ត ៣កុំ ៣ការពារ គ្រប់គ្នា។

រដ្ឋបាលខេត្តកំពត បានប្រកាសថាមិនមានបំណងបិទផ្សារណាមួយនៅក្នុងភូមិសាស្រ្តរបស់ខ្លួន នៅឡើយ។ នេះគឺបានបញ្ជាក់លើសេចក្តីជូនដំណឹងជម្រាបជូនដល់សាធារណជនតាម ចុះថ្ងៃទី០១ ខែមិថុនា ឆ្នាំ២០២១ របស់រដ្ឋបាលខេត្ត។ រដ្ឋបាលខេត្ត បានចេញសេចក្តីសម្រេចស្តីពីការអនុវត្តវិធានការរដ្ឋបាលបណ្តោះអាសន្នដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ក្នុងភូមិសាស្ត្រខេត្តកំពត គឺផ្ដោតសំខាន់ទៅលើការហាមឃាត់ការលក់គ្រឿងស្រវឹងគ្រប់ប្រភេទ និងការជួបជុំនានាព្រមទាំងកំណត់បម្រាមគោចរពីម៉ោង២០៖០០ ដល់ម៉ោង៥ព្រឹក ចាប់ពីថ្ងៃទី០២ ដល់ថ្ងៃទី ០៩ ខែមិថុនា ឆ្នាំ២០២១ តែប៉ុណ្ណោះ។

គិតត្រឹមថ្ងៃទី០១ ខែមិថុនា ឆ្នាំ២០២១ ក្រុមគ្រូពេទ្យបង្អែកខេត្តប៉ៃលិន បានរកឃើញ ប្រជាពលរដ្ឋចំនួន៤២នាក់ វិជ្ជមានកូវីដ-១៩ ក្រោយពីការធ្វើតេស្តរហ័ស។ យោងតាមអាជ្ញាធរមូលដ្ឋាន ភាគច្រើននៃអ្នកវិជ្ជមានកូវីដ-១៩ គឺជាអ្នកបម្រើការក្នុងកាស៊ីណូ នៅជាប់ច្រកទ្វារអន្តរជាតិព្រំ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ សូមបញ្ជាក់ថា ក្រោយពីរដ្ឋបាលខេត្តប៉ៃលិន បានសម្រេចបិទផ្អាកបណ្តោះអាសន្ន ទីតាំងអាជីវកម្ម ក្រុមហ៊ុន ស៊ុបភើ រិច (Super Rich) និងក្រុមហ៊ុន ខ្លាខ្មៅ ថែមទាំងបិទផ្សារព្រំថ្មី (ហៅផ្សារតាប៉ាច) ដោយជាប់ពាក់ព័ន្ធនឹងករណីអ្នកជំងឺកូវីដ-១៩។ រដ្ឋបាលខេត្តប៉ៃលិន បានចេញវិធានការផ្អាកជាបណ្តោះអាសន្ន និងបានយកអគារក្រុមហ៊ុនកាស៊ីណូខាងលើ មកធ្វើជាកន្លែងចត្តាឡីស័ក១៤ថ្ងៃ។ រដ្ឋបាលស្រុកសាលាក្រៅ កំពុងធ្វើការស្រាវជ្រាវ រកអ្នកពាក់ព័ន្ធផ្ទាល់ ឬប្រយោល និងអ្នកដែលគេចខ្លួន ដើម្បីយកមកធ្វើចត្តាឡីស័ក យកវត្ថុសំណាក ដើម្បីទប់ស្កាត់ការរាលដាលជំងឺកូវីដ-១៩។ ប្រភពបញ្ជាក់ថា អ្នកឆ្លងជំងឺកូវីដ-១៩ មកពីតាមបណ្តាភូមិនានាក្នុងខេត្តប៉ៃលិន និង អ្នករស់នៅក្រៅខេត្តផងដែរ ដែលក្នុងនោះមកពី ស្រុកកំរៀង ខេត្តបាត់ដំបង និង ខណ្ឌដង្កោ រាជធានីភ្នំពេញ ។ រដ្ឋបាលខេត្តប៉ៃលិន…