ក្រសួងសុខាភិបាល បានប្រកាសថា គិតត្រឹមថ្ងៃទី ២៩ ឧសភា ២០២១នេះ ប្រជាពលរដ្ឋកម្ពុជា បានចាក់វាក់សាំងប្រឆាំងកូវីដ១៩ ចំនួន ២៥,១៥% ហើយ បើធៀបចំនួនប្រជាពលរដ្ឋ១០លាននាក់។  

ភ្នំពេញ ៖ សសយក បានដើរតួនាទីយ៉ាងសកកម្មក្នុងភាព ជាម្ចាស់ចូលរួម អនុវត្ត សម្របសម្រួល និងជាឆ្អឹងខ្នងប្រកបដោយថាមពលគាំទ្រដល់យុទ្ធនាការ ការងារ ចាក់វ៉ាក់សាំងដើម្បីជួយសង្គ្រោះអាយុវជីវិតប្រជាជន និង ការ ចែកជូន នូវគ្រឿងឧបភោគ បរិភោគដល់ជនងាយ រងគ្រោះ។ សកម្មភាពទាំងអស់នេះគឺបានបង្ហាញឲ្យឃើញពីការលើកកម្ពស់វប្បធម៌ចែករំលែក និងគុណតម្លៃនៃការងារស្ម័គ្រចិត្ត ដោយបានជំរុញ ឱ្យមហាជន ចូលរួម ក្នុង ចលនាមនុស្សធម៌ និងកម្លាំងសាមគ្គីជាតិរឹងមាំ ឆ្ពោះ ទៅបិទបញ្ចប់ការរីករាល ដាល នៃជំងឺកូវីដ-១៩។ យើងទាំងអស់គ្នាជឿជាក់លើថ្នាក់ដឹកនាំ និងជឿជាក់លើកម្ពុជា ថាយើងពិតជាអាចឆ្លងផុតស្ថានភាពដ៏លំបាកនេះ ក្នុងពេលដ៏ខ្លីខាងមុខទាំងអស់គ្នា ៕ ដោយ / គ្រី សម្បត្តិ

ក្រសួងសុខាភិបាលប្រកាសថា កម្ពុជាបន្តរកឃើញអ្នកឆ្លងជំងឺកូវីដ-១៩ចំនួន ៥៨៨នាក់ និងជាសះស្បើយ ៤១៥នាក់នាក់បន្ថែមទៀតនៅថ្ងៃនេះ។ យោងតាមក្រសួងសុខាភិបាលគិតមកដល់ថ្ងៃទី២៨ឧសភាឆ្នាំ២០២១ បានឲ្យដឹងថាកម្ពុជារកឃើញអ្នកវិជ្ជមានកូវីដ-១៩សរុបចំនួន ២៨៨២៥នាក់។ ជាមួយគ្នានេះ មានអ្នកជាសះស្បើយពីជំងឺកូវីដ-១៩ សរុបចំនួន២១៣១៥នាក់។ យោងតាមរបាយការណ៍របស់ក្រសួងសុខាភិបាល នៅថ្ងៃនេះ មានអ្នកស្លាប់ដោយជំងឺកូវីដ-១៩ចំនួនចំនួន៧នាក់ ដែលនាំឲ្យកម្ពុជាមានអ្នកស្លាប់ដោយសារជំងឺកូវីដ-១៩ចំនួន២០៣នាក់ហើយ។

សមត្ថកិច្ចស្រុកកំពង់ត្រាច ខេត្តកំពត ដឹកនាំដោយលោក អូន ខន អភិបាល ស្រុកកំពង់ត្រាច នៅព្រឹកថ្ងៃទី២៩ ខែ ឧសភា ឆ្នាំ២០២១ នេះ បានដឹកនាំកម្លាំង និងក្រុមការងារចុះទៅបិទខ្ទប់នៅបរិវេណកាស៊ីណូ សុខគឹមម៉េង ស្ថិតនៅច្រកទ្វារទ្វេភាគីតន់ហន់ ក្នុងឃុំព្រែកក្រឹស ស្រុកកំពង់ត្រាច ខេត្តកំពត ខណៈជំនាញបាន រកឃើញអ្នកវិជ្ជមានកូវីដ-១៩ ចំនួន៤នាក់ កាលពីវេលាម៉ោង ៨យប់ ថ្ងៃទី២៨ ខែឧសភា ឆ្នាំ២០២១ ម្សិលមិញ។ នៅពេលនេះ កងកម្លាំងមានសត្ថកិច្ច បានសម្រេចចងខ្សែ បិទបម្រាម និងការពារសន្រិសុខ សណ្តាប់ធ្នាប់ មិនឱ្យមានការធ្វើដំណើរចេញ ចូល ពីបរិវេណទីតាំងការស៊ីណូ ដើម្បីការពារទប់ស្កាត់ការរាលដាលជំងឺកូវីដ-១៩ ទៅដល់មូលដ្ឋាន។ ជាមួយគ្នានេះ អាជ្ញាធរបានសំណូមពរឱ្យអ្នកពាក់ព័ន្ធទាំងអស់ ចូលរួមយកសំណាកពីក្រុមគ្រូពេទ្យ និងចូលរួមអនុវត្តតាមសេចក្តីណែនាំរបស់ក្រសួងសុខាភិបាល និង វិធានការ ៣ការពារ ៣កុំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ឱ្យបានខ្ជាប់ខ្ជួន៕

គិតត្រឹមថ្ងៃទី ២៨ ខែឧសភា ឆ្នាំ ២០២១ កម្ពុជាបានផ្តល់ជូនការចាក់វ៉ាក់សាំងបង្ការជំងឺកូវីដ-១៩ នៅទូទាំងប្រទេស (រួមទាំងក្រសួងការពារជាតិ) សរុបចំនួន ២,៤៦៤,៨៣៥នាក់។