យោងតាមសេចក្ដីជូនដំណឹងរបស់រដ្ឋបាលខេត្តតាកែវបានឲ្យដឹងថា តាមលទ្ធផលនៃការវិភាគវត្ថុសំណាកនៅថ្ងៃទី២៦ឧសភា គេបានរកឃើញអ្នកវិជ្ជមានកូវីដ-១៩ចំនួន១១នាក់។ អ្នកវិជ្ជមានទាំងនោះ មានអ្នករស់នៅស្រុកព្រៃក្បាសម្នាក់, ស្រុកបាទីចំនួន៤នាក់, ស្រុកសំរោងចំនួនចំនួន៤នាក់ និងក្រុងដូនកែវ២នាក់។ រដ្ឋបាលខេត្តតាកែវបានអំពាវនាវដល់ប្រជាពលរដ្ឋ និងក្រុមគ្រួសារដែលធ្លាប់បានប្រាស្រ័យទាក់ទងដោយផ្ទាល់ និងប្រយោល ជាមួយអ្នកវិជ្ជមានកូវីដ-១៩ទាំ១១នាក់នោះ ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងប្រញាប់រួសរាន់ទៅផ្ដល់សំណាក ដើម្បីវិភាគរកវីរុសកូវីដ-១៩ នៅតាមមណ្ឌលសុខភាព ឬមន្ទីរពេទ្យបង្អែក ដែលនៅជិតបំផុត ហើយត្រូវធ្វើចត្តាឡីស័កឲ្យបានត្រឹមត្រូវតាមវិធានការរបស់ក្រសួងសុខាភិបាល។

រដ្ឋបាលខេត្តស្វាយរៀង នៅថ្ងៃទី២៧ ឧសភា ឆ្នាំ២០២១ បានជូនដំណឹងថា នៅព្រឹកថ្ងៃទី២៦ ឧសភា មានកម្មករម្នាក់ធ្វើការនៅក្នុងរោងចក្រតម្លើងទោចក្រយាន អា អេន ជេ (ខេមបូឌា) ក្នុងតំបន់សេដ្ឋកិច្ចពិសេសតាយសេង១ ស្ថិតនៅភូមិតាពៅ សង្កាត់បាវិត ក្រុងបាវិត ដោយមានអាការៈសង្ស័យចូលក្នុងនិយមន័យកូវីដ-១៩ បានស្មគ្រ័ចិត្តទៅយកសំណាកធ្វើតេស្ដរហ័ស នៅប៉ុស្ដិ៍យកសំណាកក្រុងបាវិត ជាលទ្ធផលគឺវិជ្ជមានកូវីដ-១៩។ បន្ទាប់មកក្រុមការងារស្រាវជ្រាវ និងតាមដានបុគ្គសង្ស័យមានផ្ទុកជំងឺកូវីដ-១៩ខេត្ត បានសហការជាមួយមន្ទីរសុខាភិបាលខេត្ត បានចុះយកវត្ថុវិភាគសំណាកអ្នកប៉ះពាល់ផ្ទាល់នៅក្នុងរោងចក្រនោះចំនួន៩នាក់ ក្នុងនោះលទ្ធផលវិជ្ជមានកូវីដ-១៩ចំនួន៣នាក់។ បន្ទាប់មក ក្រុមការងារ បានបន្តយកវត្ថុវិភាគសំនាកអ្នកប៉ះពាល់អ្នកជំងឺកូវីដ-១៩ នៅអគារផ្នែកខាងមុខចំនួន១៤៥នាក់ ជាលទ្ធផលវិជ្ជមានកូវីដ-១៩ចំនួន៥៤នាក់។ បន្ទាប់មកក្រុមការងារបានសហការជាមួយរោងចក្រធ្វើការស្រាវជ្រាវរកអ្នកប៉ះពាល់ផ្ទាល់ និងប្រយោល នៅអគារផ្សេងៗទៀត ដើម្បីធ្វើការវាយតម្លៃកម្រិតហានិភ័យនៃការឆ្លងក្នុងរោងចក្រទាំងមូល ប៉ុន្តែដោយសារមានភិតភ័យ និងស្របពេលដល់ម៉ោងចេញពីធ្វើការផង កម្មករ កម្មការិនីនៅអគារដទៃទៀតនៃរោងចក្រនោះ ក៏បាននាំគ្នាចេញពីរោងចក្រ ។ រដ្ឋបាលខេត្តបានបន្តថា ទោះបីក្រុមការងារបានខិតខំពន្យល់ណែនាំអំពីការយកវត្ថុវវិភាគសំណាករកមេរោគកូវីដ-១៩ និងណែនាំអំពីផលប៉ះពាល់នៃការឆ្លងរាលដាលជំងឺកូវីដ-១៩យ៉ាងណាក៏ដោយ ក៏កម្មករ កម្មការិនីទាំងនោះ ជឿតាមការញុះញង់ និងការបំផុសបំផុសក៏បាននាំគ្នាធ្វើដំណើរសម្រុកចេញពីរោងចក្រតែម្ដង។ រដ្ឋបាលខេត្តស្វាយរៀង បានណែនាំដល់អាជ្ញាធរមូលដ្ឋាន ត្រូវយកចិត្តទុកដាក់គ្រប់គ្រងកម្មករ កម្មការិនីដែលបម្រើការងារនៅរោងចក្រតម្លើងទោចក្រយាន អេ អេន ជេ (ខេមបូឌា)…

ភ្នំពេញ៖ ប្រធានក្រុមប្រឹក្សារាជធានីភ្នំពេញ លោក ប៉ា សុជាតិវង្ស បានកោតសរសើរយ៉ាងខ្លាំងដល់រដ្ឋបាលរាជធានីភ្នំពេញ អាជ្ញាធរគ្រប់លំដាប់ថ្នាក់ កងកម្លាំងមានសមត្ថកិច្ច និងមន្ទីរ-អង្គភាពជំនាញ ដែលបានយកចិត្តទុកដាក់អនុវត្តតាមបទបញ្ជារបស់ សម្តេចតេជោនាយក រដ្ឋមន្ត្រី ដោយបានអនុវត្ត និងដាក់ចេញនូវវិធានការនានា ក្នុងការទប់ស្កាត់ការរីករាលដាលជំងឺកូវីដ-១៩ ក្នុងព្រឹត្តិការណ៍ ២០កុម្ភៈ ប្រកបដោយប្រសិទ្ធិភាព ដែលនិងឈានទៅដល់ការបញ្ចប់ព្រឹត្តិការណ៍ ២០កុម្ភៈ នាពេលខាងមុខ ។ ជាមួយគ្នានោះ លោកប៉ា សុជាតិវង្សក៏បានសម្តែងនូវការកោតសរសើរ ជាពិសេសចំពោះយុទ្ធនាការនៃការចាក់វ៉ាក់សាំងកូវីដ -១៩ ដល់ប្រជាពលរដ្ឋក្នុងរាជធានីភ្នំពេញបានយ៉ាងល្អប្រសើរផងដែរ។ ការសម្តែងនូវកាេរកោតសរសើរចំពោះ រដ្ឋបាលរាជធានីភ្នំពេញ ពីណាក់លោកប៉ា សុជាតិវង្សខាងលើនេះ បានធ្វើឡើងកាលពីព្រឹកថ្ងៃទី២៧ ខែឧសភា ឆ្នាំ២០២១ ក្នុងកិច្ចប្រជុំវិសាមញ្ញលើកទី៣ របស់ក្រុមប្រឹក្សារាជធានីភ្នំពេញអាណត្តិទី៣ នៅសាលារាជធានីភ្នំពេញ។ លោកប៉ា សុជាតិវង្ស បានមានប្រសាសន៍លើកឡើងថា ៖ពាក់ព័ន្ធនិងការបង្ការ ទប់ស្កាត់ការរីករាលដាលជម្ងឺកូវីដ-១៩នេះ រដ្ឋបាលរាជធានីភ្នំពេញ អនុវត្តការងារបានល្អប្រសើរណាស់ ដែលធ្វើឱ្យមានប្រជាប្រិយភាពដល់គណៈបក្សប្រជាជនកម្ពុជាថែមទៀត។ ជាក់ស្តែងនៅក្នុងអំឡុងពេលនៃការបិទខ្ទប់រាជធានីកន្លងមកនេះ អាជ្ញាធររបស់យើងអនុវត្តការងារបានល្អមែនទែន ដែលសកម្មភាពនេះ ពិតជាបានបង្ហាញពីសមត្ថភាពពិតប្រាកដរបស់រដ្ឋបាលរាជធានីភ្នំពេញលើការគ្រប់គ្រង។ បន្ថែមពីនេះអាជ្ញាធររាជធានី សហការជាមួយកងទ័ពបានផ្តល់ស្បៀងអាហារជូនពលរដ្ឋបានគ្រប់គ្រាន់និងទាន់ពេលវេលាថែមទៀត ដោយមិនទុកឱ្យប្រជាពលរដ្ឋណាម្នាក់ ស្លាប់ដោយការអត់បាយនោះទេ។ អភិបាលនៃគណៈអភិបាលរាជធានីភ្នំពេញលោកឃួង…

យោងតាមក្រសួងសុខាភិបាលនៅថ្ងៃទី២៧ឧសភាឆ្នាំ២០២១ បានឲ្យដឹងថា នៅថ្ងៃ២៦ឧសភា គេបានរកឃើញអ្នកវិជ្ជមានកូវីដ-១៩ចំនួន៦៤៩នាក់ ដែលក្នុងនោះអ្នកដំណើរមកពីបរទេសចំនួន១៦នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ២៦ឧសភា មានអ្នកជាសះស្បើយពីជំងឺកូវីដ-១៩ ចំនួន៦២៦នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី២៥ឧសភាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន ២ម៉ឺន៧ពាន់៦៣៨នាក់ ក្នុងនោះបានព្យាបាលជាសះស្បើយចំនួន២ម៉ឺន៣៩៨នាក់ ។ ជាមួយគ្នានោះ ក្រសួងសុខាភិបាលបាននៅថ្ងៃនេះ មានអ្នកស្លាប់ចំនួនថ្មីចំនួន៤នាក់ ដែលនាំឲ្យ កម្ពុជាមានអ្នកស្លាប់ដោយសារជំងឺកូវីដ-១៩ចំនួន១៩៤នាក់ហើយ។

បាត់ដំបង៖ នារសៀលថ្ងៃពុធ ១៥ កើត ខែជេស្ឋ ឆ្នាំឆ្លូវត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៦ ខែឧសភា ឆ្នាំ២០២១ ៖ រដ្ឋបាលស្រុករតនមណ្ឌល សហការជាមួយមន្ទីរសុខាភិបាលខេត្ត និងមន្ទីរធម្មការ និងសាសនាខេត្តបាត់ដំបង បានរៀបចំចាត់ចែងនៅឈាបនដ្ឋានចំណុចវត្តភ្នំស្លឹក ដើម្បីបូជាសពឈ្មោះ ស៊ិន សាវឿន ភេទស្រី អាយុ ៧០ឆ្នាំ សញ្ជាតិ ខ្មែរ មានអាស័យដ្ឋាននៅភូមិសំរោងស្នោរ ឃុំសំរោងក្នុង ស្រុកឯកភ្នំ ខេត្តបាត់ដំបង បានទទួលមរណភាពនៅថ្ងៃទី២៦ ខែឧសភា ឆ្នាំ២០២១ នៅមន្ទីរពេទ្យ​បង្អែកខេត្តបាត់ដំបង ដោយសារជំងឺកូវីដ-១៩ បានដឹកមកបូជានៅឈាបនដ្ឋានសម្រាប់បូជាអ្នកមរណភាពដោយជំងឺកូវីដ -១៩ នៅចំណុចវត្តភ្នំស្លឹក ភូមិបឹងអំពិល ឃុំស្តៅ ស្រុករតនមណ្ឌល ខេត្តបាត់ដំបង វេលាម៉ោង ១៤ : ៥០នាទីរសៀលនាថ្ងៃខែឆ្នាំដដែល។​ ចំពោះខេត្តបាត់ដំបង គិតមកដល់ត្រឹមថ្ងៃទី២៦ ខែឧសភា ឆ្នាំ២០២១ មានអ្នកមរណភាពដោយសារមេរោគជំងឺកូវីដ-១៩ ចំនួន ០២នាក់ហើយ អាស្រ័យ​ហេតុនេះ សូមបងប្អូនចូលរួមអនុវត្តន៍វិធានការ ៣ការពារ…