នៅថ្ងៃទី២៦ ខែឧសភា ឆ្នាំ២០២១នេះក្រោមវត្តមានរដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩លោកសាស្ត្រាចារ្យ ម៉ម ប៊ុនហេង និងពីភាគគីរៀតណាមគឺ ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជា លោកវូ គ័ងមិញ ដែលបានអញ្ជើញជាអធិបតីភាពក្នុងពិធីប្រគល់- ទទួលអំណោយឧបករណ៍បរិក្ខារវេជ្ជសាស្ត្រ នៅទីស្តីការក្រសួងសុខាភិបាល។ លោករដ្ឋមន្រ្តីក្រសួងសុខាភិបាល បានគូសបញ្ជាក់ថា ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចំណងមិត្ត ភាពជាប្រពៃណីកម្ពុជា-វៀតណាម ត្រូវបានពង្រឹងនិងពង្រីកឥតឈប់ឈរ ជាពិសេសក្នុងកាលៈទេសៈដ៏លំបាក នៃការរីករាលដាលនៃជំងឺកូវីដ-១៩ ភាគីមិត្តវៀតណាមបានផ្តល់ជំនួយឥតសំណងជូនក្រសួងសុខាភិបាល រួមមាន ១) សម្ភារៈបរិក្ខារវេជ្ជសាស្ត្រមួយចំនួនគឺម៉ាស់វេជ្ជសាស្ត្របីស្រទាប់ អាវពាក់ការពារ (Disposable Scrub Suits) ម៉ាស់វេជ្ជសាស្ត្រស្រទាប់ប្រឆាំងបាក់តេរីនិងតំណក់តូចៗ ឧបករណ៍ធ្វើតេស្តរកមេរោគរួមទាំងកញ្ចប់តេស្ត, ២) ថវិកាចំនួន ២០០.០០០ (ម្ភៃម៉ឺន) ដុល្លារអាមេរិក។ ថ្ងៃនេះជំនួយមនុស្សធម៌ដ៏ថ្លៃថ្លាថ្មីមួយទៀតរបស់ រដ្ឋាភិបាល និងប្រជាជននៃសាធារណរដ្ឋសង្គមនិយមវៀតណាម ជូនរាជរដ្ឋាភិបាល និងប្រជាជននៃព្រះរាជាណាចក្រកម្ពុជា រួមមាន៖ ១) ម៉ាស់ចំនួន២លាន២) ម៉ាស់ N95…

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២៦ឧសភាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ បានចូលទៅប្រើប្រាស់សេវាធនាគារ កាថេ យូណាធីតចំកាត់ សាខាផ្សារហេងលី ដែលមានទីតាំងស្ថិតនៅផ្លូវ២៧១ កែងផ្លូវ២០០២ សង្កាត់អូរបែកក្អម ខណ្ឌសែនសុខ ចន្លោះពីម៉ោង២និង៤០នាទី ដល់ម៉ោង៣និង៤០នាទីរសៀលថ្ងៃទី១៧ឧសភាឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។

រដ្ឋបាលខេត្តដំបង នៅទី២៥ឧសភា ឆ្នាំ២០២១ បានចេញសេចក្ដីប្រកាសព័ត៌មាន បញ្ជាក់អំពីការរកឃើញមនុស្សចំនួន១៣នាក់បន្ថែមទៀតវិជ្ជមានជំងឺកូវីដ-១៩។ ក្នុងចំណោមអ្នកឆ្លងថ្មីនោះ មាន១០នាក់ជាអ្នកដំណើរមកពីប្រទេសថៃ និង២នាក់ជាអ្នកធ្វើដំណើរមកពីរាជធានីភ្នំពេញ និងម្នាក់មកពីខេត្តព្រះសីហនុ។ ក្រោយការរកឃើញវិជ្ជមាន ពួកគេត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកនានាក្នុងខេត្តបាត់ដំបង។ ខេត្តបាត់ដំបងនៅថ្ងៃទី២៥ឧសភាក៏មានអ្នកជាសះស្បើយពីជំងឺកូវីដ-១៩ម្នាក់ផងដែរ។ ខេត្តបាត់ដំបង គិតមកដល់ថ្ងៃទី២៥ឧសភាឆ្នាំ២០២១ មានអ្នកឆ្លងជំងឺកូវីដ-១៩ សរុបចំនួន១៦៨នាក់ ក្នុងនោះបានព្យាបាលជាសះស្បើយ ចំនួន៦០នាក់ មានអ្នកស្លាប់ម្នាក់ និងកំពុងសម្រាកព្យាបាលនៅខេត្តបាត់ដំបងចំនួន១០៥នាក់ និង២នាក់ត្រូវបានបញ្ជូនទៅព្យាបាលនៅខេត្តបន្ទាយមានជ័យ៕

រដ្ឋបាលខេត្តសៀមរាប បានជូនដំណឹងថា ក្នុងព្រឹត្តិការណ៍ ការឆ្លងរាលដាលជំងឺកូវីដ-១៩ ចូលក្នុងសហគមន៍ ២០កុម្ភៈ រដ្ឋបាលខេត្តបានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៣នាក់ នៅថ្ងៃទី២៥ ខែឧសភា ឆ្នាំ២០២១។ អ្នកទាំង៣នាក់បានធ្វើដំណើរទៅពីរាជធានីភ្នំពេញ។ រដ្ឋបាលខេត្តបានបន្តថា តាមរយៈទិន្នន័យកត់ត្រានៅប៉ុស្តិ៍ត្រួតពិនិត្យសុខភាពបឋម និងចុះឈ្មោះ ឬស្កែន QR Code នៅព្រំប្រទល់ខេត្តសៀមរាប នៅគោលដៅស្រុកជីក្រែង បានបង្ហាញថា អ្នករួមដំណើរជាមួយ អ្នកវិជ្ជមានទាំង៣នាកា់នោះ មានចំនួន៣២នាក់។ រដ្ឋបាលខេត្តសៀមរាប បានអំពាវនាវដល់ប្រជាពលរដ្ឋ ដែលបានពាក់ព័ន្ធដោយផ្ទាល់ ឬដោយប្រយោលជាមួយអ្នកវិជ្ជមាន ឬធ្លាប់បានទៅទិញកាហ្វេ យីហោ ឧម៉ា លក់កាហ្វេ នៅប៉ែកខាងមុខឈាងខាងលិច នៃផ្សារសាមគ្គី ឬអ្នកមានរួមដំណើរក្នុងរថយន្តជាមួយ ត្រូវសរាន់ធ្វើចត្តា-ឡីស័កតាមផ្ទះក្នុងក្រុមគ្រួសាររៀងៗខ្លួន ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត។ ប្រសិនបើមានការប្រែប្រួលសុខភាព សូមផ្តល់ព័ត៌មានមកកាន់លេខទូរស័ព្ទ ០១២ ៩៥៥ ៤៧៤ / ០៧៧ ៧៨៩ ០០៧ ដើម្បីក្រុមការងារចាត់វិធានការក្នុងការយកសំណាកធ្វើតេស្តស្រាវជ្រាវ។ គិតមកដល់ថ្ងៃទី២៥ឧសភាឆ្នាំ២០២១ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៩៨នាក់ ក្នុងនោះបានព្យាបាលជាសះស្បើយចំនួន៥២នាក់ មានអ្នកស្លាប់២នាក់…

ឯកឧត្តម ថង សាវុន អភិបាលនៃគណៈអភិបាលខេត្តរតនគិរី បានទទួលសម្ភារពីលោក ហេង លីហុង អគ្គនាយក លី ហុង គ្រុប សម្រាប់ប្រើប្រាស់ក្នុងតម្រូវការចាំបាច់នានាក្នុងយុទ្ធនាការទប់ស្កាត់ជំងឺកូវីដ-១៩។ អំណោយខាងលើរួមមានអង្ករ ២តោន ទឹកត្រី ទឹកស៊ីអ៊ីវ ១០០យួរ មី៥០កេះ និងថវិកាចំនួន ១.០០០ដុល្លារអាមេរិក។ ឯកឧត្តមអភិបាលខេត្ត បានថ្លែងនូវអំណរគុណចំពោះសប្បុរសជន ដែលបានចូលរួមចំណែកជាមួយអាជ្ញាធរខេត្ត បរិច្ចាគនូវធនធានថវិកាផ្ទាល់ខ្លួន ដើម្បីគាំទ្រលើកទឹកចិត្តចំពោះបេសកកម្មការងាររបស់អាជ្ញាធរមានសមត្ថកិច្ចគ្រប់លំដាប់ថ្នាក់ដែលកំពុងបំពេញបេសកកម្មយ៉ាងមមាញឹកក្នុងការទប់ស្កាត់ជំងឺកូវីដ-១៩ ធានាបាននូវសុខមាលភាពរបស់ពលរដ្ឋទូទៅ និងជំរុញឲ្យស្ថានភាពសេដ្ឋកិច្ច សង្គមមានភាពប្រសើរឡើងវិញ។ ដោយ គតិ យុត្ត