យោងតាមសេចក្ដីជូនដំណឹងរបស់ក្រសួងការងារនៅថ្ងៃទី២៤ឧសភានេះ បានឲ្យដឹងថា ដើម្បីបង្កលក្ខណៈងាយស្រួលដល់កម្មករនិយោជិតដែលត្រូវចាក់វ៉ាក់សាំងកូវីដ-១៩ដូសទី២ ក្រសួងស្នើឲ្យម្ចាស់រោងចក្រ សហគ្រាស ត្រូវអនុញ្ញាតឲ្យកម្មករនិយោជិតឈប់សម្រាកចំនួន១ថ្ងៃ ដោយមានប្រាក់ឈ្នួល ដើម្បីទៅចាក់វ៉ាក់សាំងកូវីដ-១៩ដូសទី២នៅតាមទីតាំងដែលធ្លាប់បានចាក់ដូសទី១ និងតាមថ្ងៃកំណត់ក្នុងបណ្ណចាក់វ៉ាក់សាំង។ ជាមួយគ្នានោះ ក្រសួងបានរំលឹកថា ការរារាំងបុគ្គលណាម្នាក់មិនឲ្យទៅចាក់វ៉ាក់សាំងកូវីដ-១៩ គឺល្មើសនឹងច្បាប់ស្ដីពីវិធានការទប់ស្កាត់ការឆ្លងរាលដាលជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត, ច្បាប់ស្ដីពីការងារ និងលិខិតបទដ្ឋានគតិយុត្តពាក់ពន្ធ័នឹងកាតព្វកិច្ចក្នុងការទទួលបានការចាក់វ៉ាក់សាំងការពារជំងឺកូវីដ-១៩។ ក្រសួងក៏បានស្នើឲ្យម្ចាស់ ឬនាយករោងចក្រ សហគ្រាស ត្រូវជួយជំរុញ និងអនុញ្ញាតឲ្យកម្មករនិយោជិតទៅចាក់វ៉ាក់សាំងដូសទី២ តាមទីតាំងដែលធ្លាប់ចាក់ដូសទី១ និងតាមថ្ងៃកំណត់ដែលមានសរសេរក្នុងបណ្ណចាក់វ៉ាក់សាំង។ ជាមួយគ្នានោះ ក្រសួងការងារបានព្រមានចំពោះម្ចាស់ ឬនាយករោងចក្រសហគ្រាសណាដែលមិនអនុវត្ត ត្រូវទទួលពិន័យជាប្រាក់ និងផ្ដន្ទាទោសដាក់ពន្ធនាគារតាមច្បាប់ជាធរមាន។ ក្រសួងការងារក៏បានអំពាវនាវផងដែរ ដល់កម្មករ និយោជិតដែលបានទៅចាក់វ៉ាក់សាំងកូវីដ-១៩រួច ត្រូវរក្សាបណ្ណចាក់វ៉ាក់សាំងនោះឲ្យបានល្អ ដើម្បីប្រើប្រាស់ជាប្រយោជន៍នៅពេលខាងមុខ។

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២៤ ឧសភា ឆ្នាំ២០២១ បានជូនដំណឹងថា មានអ្នកជំងឺកូវីដ-១៩ គឺអ្នកលក់គុយទាវ រួមទាំងក្រុមគ្រួសាររបស់គាត់សរុប ១០ នាក់ ធ្វើតេស្ដវិជ្ជមានកូវីដ-១៩ ជាបន្តបន្ទាប់ចាប់តាំងពីថ្ងៃទី១៨ដល់ថ្ងៃទី២១ឧសភាឆ្នាំ២០២១ ។ កន្លែងលក់គុយទាវនោះ ស្ថិតនៅមាត់ច្រកផ្លូវឌឿងហែម ដែលមានទីតាំងស្ថិតនៅ ផ្លូវលេខ ១៣៩ ខាងជើងផ្សារអូរឫស្សី ភូមិ២ សង្កាត់អូរឫស្សី៣ ខណ្ឌ ៧មករា រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។ ប្រសិនបើ មានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ-១៩ ដែលមានទីតាំងនៅ វិទ្យាល័យបាក់ទូក (ខណ្ឌ ៧មករា), វិហារយេស៊ូច្រមុះជ្រូកស្ទឹងមានជ័យ (ខណ្ឌ មានជ័យ), ផ្លូវទ្រុងមាន់…

យោងតាមសេចក្ដីជូនដំណឹងរបស់រដ្ឋបាលខេត្តកំពង់ចាមនៅថ្ងៃទី២៤ ឧសភានេះ បានឲ្យដឹងថា ក្នុងថ្ងៃ ២៣ ឧសភា ខេត្តកំពង់ចាមរកឃើញវិជ្ជមានកូវីដ-១៩ចំនួន៥៥នាក់។ រដ្ឋបាលខេត្តកំពង់ចាមបានបន្តថា ការរកឃើញនោះ បន្ទាប់ពីរដ្ឋបាលខេត្តបានចាត់មន្ទីរសុខាភិបាលខេត្តយកសំណាកធ្វើតេស្ដរហ័សកូវីដ-១៩ លើអ្នកសង្ស័យចំនួន១ពាន់៤៦៣នាក់ ដោយទទួលបានលទ្ធផលវិជ្ជមានកូវីដ-១៩ចំនួន៥៥នាក់។ ក្នុងនោះចំណោមអ្នកឆ្លងទាំអនោះមាននៅស្រុកព្រៃឈរចំនួន៣នាក់, ស្រុកកងមាសចំនួន២នាក់, ស្រុកបាធាយចំនួន១៨នាក់, ស្រុកកំពង់សៀម៣នាក់ និងស្រុកជើងព្រៃចំនួន២៩នាក់។ អ្នកជំងឺទាំង៥៥នាក់ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម និងវិទ្យាល័យព្រះសីហនុ។ ជាមួយគ្នានោះ រដ្ឋបាលខេត្តកំពុងបន្តស្រាវជ្រាវរកអ្នកដែលប៉ះពាល់ដោយផ្ទាល់ និងប្រយោលបន្ថែមទៀត។ រដ្ឋបាលខេត្តកំពង់ចាមបានអំពាវនាវឲ្យអ្នកដែលពាក់ពន្ធ័នឹងអ្នកជំងឺកូវីដ-១៩ទាំង៩៣នាក់នោះ ត្រូវទៅពិនិត្យសុខភាព និងយកសំណាកនៅមន្ទីរពេទ្យបង្អែកដែលស្ថិតនៅជិតផ្ទះ ឬត្រូវរាយការណ៍ជូនអាជ្ញាធរមូលដ្ឋានជាបន្ទាន់។ គិតត្រឹមថ្ងៃ២៤ឧសភានេះ ខេត្តកំពុងចាម មានអ្នកជំងឺកូវីដ-១៩សរុប៤៥០នាក់កំពុងសម្រាកព្យាបាល។

ភ្នំពេញ៖ នៅព្រឹកថ្ងៃទី២៤ ឧសភា គឺជាថ្ងៃដែលអាជ្ញាធររាជធានីភ្នំពេញ ដាក់ឱ្យដំណើរការផ្សាររដ្ឋទាំង២៥លក់ដូរឡើងវិញ ក្រោយពីបានបិទខ្ទប់មិនឱ្យដំណើរការតាំងពីអំឡុងខែ មេសាកន្លងមក ដើម្បីទប់ស្កាត់ការរីករាលដាលនៃជម្ងឺកូវីដ-១៩ ។ទន្ទឹមនៃការបើកអោយដំណើរការឡើងវិញនៅថ្ងៃទី២៤ឧសភា ដោយយោងទៅលើសេចក្តីជូនដំណឹងកាលពីថ្ងៃទី២១ ឧសភារបស់រដ្ឋបាលរាជធានីភ្នំពេញ ឃើញថា នៅតាមបណ្តាលផ្សាររដ្ឋនានានៅក្នុងរាជធានីបានដំណើរការលក់ដូរមមាញឹកឡើងវិញហើយ ជាមួយនិងការអនុវត្តនូវវិធានរបស់ក្រសួងសុខាភិបាលនិងការណែនាំរបស់រដ្ឋបាលរាជធានីភ្នំពេញ។ ដើម្បីជំរុញគណ:កម្មការផ្សារអនុវត្តវិធានសុខាភិបាលក្នុងថ្ងៃបេីកផ្សារលក់ឡេីងវិញនេះដំណើរការទៅបានរលូន ជៀសបាននូវការឆ្លងកូវីដ-១៩ ថ្ងៃនេះដែរលោកស្រីកែវ សុខពិសី អភិបាលរងរាជធានីភ្នំពេញ តំណាងលោកឃួង ស្រេង អភិបាលរាជធានីបានចុះត្រួតពិនិត្យស្ថានភាពក្នុងផ្សាទួលទំពូង នៅខណ្ឌចំការមន និងបានជំរុញឱ្យគណ:កម្មការគ្រប់គ្រងផ្សារទួលទំពូង អនុវត្តតាមការណែនាំរបស់រដ្ឋបាលរាជធានីភ្នំពេញ ជាពិសេសពាក់ព័ន្ធវិធានការរបស់ក្រសួងសុខាភិបាល៣ការពារនិង៣កុំ ។ លោកស្រី បានណែនាំឱ្យមានការផ្សព្វផ្សាយតាមរយ:សារសម្លេងអប់រំនិងវាស់កំដៅនៅតាមច្រកចេញចូលផ្សារនិងត្រូវរក្សាគម្លាតពីគ្នាជាចាំបាច់ ដេីម្បីទប់ស្កាត់ការឆ្លងរីករាលដាលជំងឺកូវីដ-១៩។ បេីតាមប្រធានគណះកម្មការគ្រប់គ្រងផ្សារទួលទំពូងលោក ចំរេីន សុខលីម បានឱ្យដឹងថា៖ ផ្សារទួលទំពូងចាប់ផ្តេីមបេីកលក់នៅព្រឹកនេះ បានគោរពតាមវិធានសុខាភិបាលនិងការណែនាំរបស់រដ្ឋបាលរាជធានីភ្នំពេញ។ ច្រកចូលផ្សារចំនួន៥ត្រូវបានបេីកទ្វារសំរាប់អាជីវករបានលក់ដូរនិងទំនិញឧបភោគបរិភោគ ដោយនៅតាមច្រកចេញចូលលោក បានចាត់ចែងអោយមានកម្លាំងសន្តិសុខជួយសម្រួល ដោយការបាញ់កម្តៅ លាងអាល់កុលនិងធ្វេីការស្កេនQRកូដផងដែរ មុននឹងអនុញ្ញាតិឱ្យអាជីវករចូលទិញលក់នៅក្នុងផ្សារ ។ លោកប្រធានផ្សារទួលទំពូងបានបន្ថែថា ៖ ក្រៅពីអនុវត្តវិធានសុខាភិបាលនៅតាមច្រកក៏មានដាក់មេក្រូបំពងសំលេងពីសារអប់រំនិងមានការដេីរផ្សព្វផ្សាយតាមមេក្រូដល់អ្នកលក់និងអ្នកទិញផងដែរ ដោយត្រូវដាច់ខាតអនុវត្តវិធាន៣កាពារ៣កុំ សំដៅទប់ស្កាត់ការឆ្លងរីករាលដាលជំងឺកូវីដ-១៩។ លោកចំរេីន សុខលីមប្រធានផ្សារគណះកម្មការផ្សារទួលទំពូងបានឱ្យដឹងថា ៖ក្នុងផ្សារទួលទំពូងមានតូបចំនួន១៣៧៤តូប ហេីយសំរាប់ថ្ងៃបេីកលក់ជាថ្មីមានអាជីរករមកលក់ដូរប្រមាណ៥០ភាគរយ លោកបានបញ្ជាក់ផងដែរថា ៖ក្រុមអាជីវកដែលលក់ដូរនៅក្នុង្សារទួលទំពូងក៏បានចាក់វ៉ាក់សាំងបានប្រមាណ១១០០នាក់ហើយដែរ។ ដោយឡែកសម្រាប់ផ្សារ…