យោងតាមរដ្ឋបាលខេត្តស្វាយរៀងនៅថ្ងៃទី២៤ ឧសភា ឆ្នាំ២០២១ មានអ្នកជំងឺកូវីដ-១៩ ឈ្មោះ កែវ សុខុន ភេទប្រុស អាយុ ៣៨ឆ្នាំ ភូមិកណ្ដាល ឃុំខ្សែត្រ ស្រុកកំពង់រោទិ៍ ធ្លាប់បានចូលទទួលទានអាហារនៅទីតាំងអាហារដ្ឋានហាយវ៉េ ៥៥៥ ស្ថិតនៅភូមិបាក់រនាស់ សង្កាត់សង្ឃ័រ ក្រុងស្វាយរៀង គិតចាប់ពីថ្ងៃទី២០ឧសភា ឆ្នាំ២០២១មក។ រដ្ឋបាលខេត្តស្វាយរៀងបានអំពាវនាវដល់ប្រជាពលរដ្ឋដែលបានទៅទទួលទានអាហារនៅទីនោះ ឬធ្លាប់មានទំនាក់ទំនងជាមួយអ្នកជំងឺកូវីដ-១៩រូបនោះ ប្រសិនបើមានរោគសញ្ញាដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ ត្រូវប្រញាប់ ទៅធ្វើតេស្តរកមេរោគកូវីដ-១៩ ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាកដែរមានទីតាំងនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ ខេត្ត044 712 522 ឬ 097 503 4567 ដើម្បីមានវិធានការណ៍បន្ត ។ សម្រាប់អ្នកដែលគ្មានរោគសញ្ញា រដ្ឋបាលខេត្តស្វាយរៀងបានអំពាវនាវឲ្យដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

យោងតាមរដ្ឋបាលខេត្តស្វាយរៀងនៅថ្ងៃទី២៤ឧសភាឆ្នាំ២០២១ អ្នកបើកបររថយន្តឈ្នួលនោះមានឈ្មោះ ឯក ភក្ដី រត់តាក់ស៊ី រថយន្តម៉ាក SangYong ពណ៌លឿង ស្លាកលេខ ស្វាយរៀង 2B-0159 ហៅឡានកូនតារូ នៅភូមិជៀសឬស្សី ឃុំកំពង់ចំឡង ស្រុកស្វាយជ្រំ ខេត្តស្វាយរៀង។ រដ្ឋបាលខេត្តស្វាយរៀងបានអំពាវនាវដល់ប្រជាពលរដ្ឋដែលធ្វើជិះរថយន្តឈ្នួលនោះ ឬអ្នកជំងឺកូវីដ-១៩រូបនោះ ប្រសិនបើមានរោគសញ្ញាដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ ត្រូវប្រញាប់ ទៅធ្វើតេស្តរកមេរោគកូវីដ-១៩ ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាកដែរមានទីតាំងនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ ខេត្ត044 712 522 ឬ 097 503 4567 ដើម្បីមានវិធានការណ៍បន្ត ។ សម្រាប់អ្នកដែលគ្មានរោគសញ្ញា រដ្ឋបាលខេត្តស្វាយរៀងបានអំពាវនាវឲ្យដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

ឯកឧត្តមបណ្ឌិត សុខ ប្រសិទ្ធិ ប្រធានក្រុមការងារ រាជរដ្ឋាភិបាល ចុះជួយមូលដ្ឋាន ឃុំ រមេញ ស្រុកកោះអណ្តែត ខេត្តតាកែវបានសំណូមពរដល់អាជ្ញាធរបង្កើនការយកចិត្តទុកដាក់ប្រុងប្រយត្ន័ខ្ពស់បន្តការងារជួយជម្រុញការផ្សព្វផ្សាយតាមខិតបណ្ឌប្រដាប់បំពងសំលេងតាមភូមិឃុំនិងជួយក្រើនរំលឹកដល់ប្រជាពលរដ្ឋក្នុងឃុំឱ្យបានជ្រាបពីការរីករាលដាលជំងឺកូវីដ១៩នៅកម្ពុជានិងវិធានការនានារបស់ក្រសួងសុខាភិបាលនិង៣កុំ៣ការពាររបស់ប្រមុខរាជរដ្ឋាភិបាល ខណៈរកឃើញករណីវិជ្ជមានថ្មីនៅតាមបណ្ដាខេត្តមួយចំនួនមានការកើនឡើងគួរឱ្យចាប់អារម្មណ៍។ ឯកឧត្តម ប្រធានក្រុមការងាររាជរដ្ឋាភិបាល បានមានប្រសាសន៍ក្នុងខណៈអញ្ជើញចុះសាកសួរសុខទុក្ខនិងសំណេះសំណាលជាមួយអាជ្ញាធរនិងប្រជាពលរដ្ឋព្រមទាំងបាននាំយកអំណោយនិងថវិការជួយឧបត្ថម្ភបន្ថែមជូនដល់អ្នកវិជ្ជមានកូវីដ១៩ចំនួន៥នាក់ដែលកំពុងសម្រាកព្យាបាលនៅក្នុងមន្ទីរពេទ្យបង្អែកស្រុកកោះអណ្ដែតខេត្តតាកែវដោយម្នាក់ៗទទួលបានអង្ករ១ប៉ាវមី២កេសទឹកសុទ្ធ២កេសត្រីខ២យួរនិងថវិការ២០ម៉ឺនរៀលព្រមទាំងបានឧបត្ថម្ភដល់សាលាស្រុក ក្រុមប្រឹក្សាឃុំនិងកម្លាំងសមត្ថកិច្ច៣លានរៀលសរុបថវិការ៥លានរៀល។ ព្រឹកថ្ងៃទី២៣ឧសភានៅឃុំរមេញស្រុកកោះអណ្ដែតខេត្តតាកែវ។ ឯកឧត្ដមបណ្ឌិតសុខ ប្រសិទ្ធិ បានលើកឡើងថាក្នុងដំណាក់កាលនៃការរាលដាលជំងឺកូវីដ១៩ជាសកល ប្រមុខរាជរដ្ឋាភិបាលកម្ពុជាបានខិតខំស្វែងរកជំនួយនិងបញ្ជាទិញថ្នាំវ៉ាក់សាំងពីប្រទេសនានាដែលផលិតវ៉ាក់សាំងដើម្បីយកមកចាក់ជូនប្រជាពលរដ្ឋឱ្យបាន១០លាននាក់ដោយឥតគិតថ្លៃទប់ស្កាត់ការរាលដាលជំងឺកូវីដ១៩នៅកម្ពុជា។រហូតមកដល់ពេលនេះនៅទូទាំងប្រទេសកម្ពុជាបានចាក់វ៉ាក់សាំងជូនប្រជាពលរដ្ឋបានចំនួន២,២៥៣,០៤៤នាក់ (ជាង២លាននាក់ហើយ)គិតត្រឹមថ្ងៃទី២២ខែឧសភា។ សូមបញ្ជាក់ថារាជរដ្ឋាភិបាលកម្ពុជាបានបញ្ជាទិញវ៉ាក់សាំងពីក្រុមហ៊ុនស៊ីណូវ៉ាក់ជាបន្តបន្ទាប់ ជើងទី១ មានចំនួន ១.៥លានដូស ត្រូវបានដឹកមកដល់កម្ពុជា កាលពីថ្ងៃទី២៦ ខែមីនា, ជើងទី២ មានចំនួន ៥០ម៉ឺនដូស ដឹកមកដល់កម្ពុជានៅថ្ងៃទី១៧ ខែមេសា និងជើងទី៣ មានចំនួន ៥០ម៉ឺនដូស ដឹកមកដល់កម្ពុជាថ្ងៃទី១១ ខែឧសភា និងជើងទី៤ មានចំនួន ៥០ម៉ឺនដូស ដឹកមកដល់ថ្ងៃទី១៦ ខែឧសភា វ៉ាក់សាំងស៊ីណូវ៉ាក់ ១លានដូស ដែលដឹកមកដល់កម្ពុជានៅព្រឹកថ្ងៃអាទិត្យទី២៣ឧសភានេះ គឺជាវ៉ាក់សាំងលើកទី៥។ នៅក្នុងអំឡុងពេលបិទខ្ទប់រាជធានីភ្នំពេញ និងក្រុងតាខ្មៅ កន្លងមក សម្ដេចតេជោសែន បានបញ្ជាឱ្យ សាលារាជធានីភ្នំពេញ និងកងទ័ព(មានកម្លាំងបញ្ជាការដ្ឋានអង្គរក្ស)ដឹកជញ្ជូនអំណោយជាស្បៀងអាហារសង្គ្រោះបន្ទាន់យកទៅចែកជូន ដល់ប្រជាពលរដ្ឋ…

អាជ្ញាធរខេត្តកំពង់ធំនៅថ្ងៃ២៣ឧសភាបានជូនដំណឹងថា គេបានបន្តរកឃើញអ្នកឆ្លងជំងឺកូវីដ-១៩ ចំនួន១៦នាក់ និងមានអ្នកជាសះស្បើយចំនួន៣នា អ្នកឆ្លងថ្មីទាំងនោះ មានម្នាក់នៅក្រុងស្ទឹងសែន, ស្រុកតាំងគោកចំនួន១៣នាក់, ស្រុកស្ទោងម្នាក់ និងស្រុកកំពង់ស្វាយម្នាក់។ រដ្ឋបាលខេត្តកំពង់ធំ បានអំពាវនាវដល់ ប្រជាពលរដ្ឋទាំងអស់ ដែលបានប៉ះពាល់ផ្ទាល់ និងប្រយោលជាមួយអ្នកជំងឺកូវីដ-១៩ទាំងនោះ ត្រូវប្រញាប់ធ្វើចត្តាឡីស័ក និងប្រញាប់ទំនាក់ទំនាងទៅអាជ្ញារមូលដ្ឋាន ដើម្បីទៅធ្វើតេស្តរកមេរោគកូវីដ-១៩ នៅតាមមណ្ឌលសុខភាព ឬមន្ទីរពេទ្យបង្អែកដែលនៅជិតបំផុត។ រដ្ឋបាលខេត្តកំពង់ធំ បានបញ្ជាក់ថា នៅថ្ងៃ២៣ឧសភាឆ្នាំ២០២១ អ្នកជំងឺកូវីដ-១៩ចំនួន៣នាក់បានជាសះស្បើយ និងត្រូវបានអនុញ្ញាតឲ្យត្រឡប់ទៅផ្ទះវិញ ប៉ុន្តែត្រូវធ្វើចត្តាឡីស័កដោយខ្លួនឯងរយៈពេល១៤ថ្ងៃបន្តទៀត។ គិតមកដល់ថ្ងៃទី២៣ឧសភាឆ្នាំ២០២១ ខេត្តកំពង់ធំបានរកឃើញអ្នកវិជ្ជមានកូវីដ-១៩ចំនួន១៧៤នាក់ ក្នុងនោះបានព្យាបាលជាសះស្បើយចំនយន៥៧នាក់ នៅស្រល់១១៧នាក់កំពុងសម្រាកព្យាបាល។

រដ្ឋបាលខេត្តព្រៃវែងនៅថ្ងៃទី២៣ ឧសភា ឆ្នាំ២០២១ បានបង្ហាញអត្តសញ្ញាណករណីអ្នកវិជ្ជមានកូវីដ-១៩ ចំនួន ២០នាក់បន្ថែមទៀតតាមរយៈការធ្វើតេស្តរហ័ស (Rapid Test) នៅមូលដ្ឋានក្នុងក្រុង ស្រុកចំនួន៨ របស់ខេត្ត ។ ក្នុងចំណោមអ្នកឆ្លងថ្មីទាំង២០នាក់នោះ រួមមាន នៅក្នុងស្រុកពាមរក៍ ចំនួន៨នាក់, នៅក្នុងស្រុកបាភ្នំ ចំនួន១នាក់, នៅក្នុងស្រុកព្រះស្តេច ចំនួន២នាក់, នៅក្នុងស្រុកពារាំង ចំនួន២នាក់, នៅក្នុងស្រុកស្វាយអន្ទរ ចំនួន២នាក់, នៅក្នុងស្រុកកញ្ជៀច ចំនួន១នាក់, ក្នុងស្រុកស៊ីធរកណ្តាល ចំនួន៣នាក់ និងក្រុងព្រៃវែង ចំនួន១នាក់។ អ្នកវិជ្ជមានជំងឺកូវីដ-១៩ទាំងនោះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុករបស់ខ្លួននិមួយៗ។ ក្នុងនោះដែរ រដ្ឋបាលខេត្តព្រៃវែង បានអំពាវនាវដល់អ្នកដែលបានប្រាស្រ័យទាក់ទង ប៉ះពាល់ដោយផ្ទាល់ឬប្រយោល ជាមួយបុគ្គលវិជ្ជមានកូវីដ-១៩ ខាងលើ និងដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាកនិងធ្វើចត្តាឡីស័ក (៣ការពារ ៣កុំ)។